ဗမာပြည်ကွန်မြူနစ်ပါတီကို ၁၉၃၉ ခုနှစ် သြဂုတ်လ ၁၅ ရက်နေ့တွင် သခင်အောင်ဆန်း၊ သခင်စိုး၊ သခင်လှဖေ (ဗိုလ်လက်ျာ)၊ သခင်ဗဟိန်း၊ သခင်ဗတင် (မစ္စတာဂိုရှယ်)၊ ရဲဘော်နတ် စသည့်ပုဂ္ဂိုလ်များဖြင့် စတင်ဖွဲ့စည်းခဲ့သည်။ ယင်းနောက် ဗမာပြည်ကွန်မြူနစ်ပါတီကို သခင်စိုး၊ သခင်သိန်းဖေ (သန်းဖေမြင့်)၊ သခင်သန်းထွန်း၊ သခင်ဇင်တို့ အသီးသီးဦးဆောင်ခဲ့ပြီးနောက် နောက်ဆုံးဥက္ကဋ္ဌကြီးမှာ သခင်ဗသိန်းတင်ဖြစ် သည်။
သခင်ဗသိန်းတင်ကို ၁၉၁၃ ခုနှစ်တွင် ထားဝယ်မြို့ ပရစ်ရပ်တွင် သတ္တုတွင်းပိုင်ရှင် အဖ ဦးဘအို (တရုတ်လူမျိုး)၊ အမိ ဒေါ်စောခင် (ဗမာ လူမျိုး) တို့မှဖွားမြင်ခဲ့သည့် ဒုတိယမြောက်သားဖြစ်သည်။ မွေးချင်းမှာ အစ်ကို ကိုစိန်ကြည်၊ ညီမ မသောင်းစု၊ ညီ ကိုမျိုးအောင်တို့ ဖြစ်ကြ သည်။
သခင်ဗသိန်းတင်သည် ၁၉၃၁ ခုနှစ်တွင် ထားဝယ်မြို့ အစိုးရအထက်တန်းကျောင်းမှ အင်္ဂလိပ်-မြန်မာ (၁၀) တန်းအောင်ပြီးနောက် ရန်ကုန် တက္ကသိုလ်၌ ဆက်လက်ပညာသင်ကြားခဲ့သည်။ ၁၉၃၇ ခုနှစ်တွင် ကျောင်းသားသမဂ္ဂအဖွဲ့ဝင်ဖြစ်လာသည်။ ၁၉၃၉ ခုနှစ်တွင် တို့ဗမာအ စည်းအရုံးသို့ဝင်ရောက်ခဲ့သည်။ ၁၉၄၀ ပြည့်နှစ်တွင် ပြည်သူ့အရေးတော်ပုံပတီဝင်ဖြစ်လာခဲ့သည်။
