ဆရာဇော်ဂျီကဗျာမှတ်စု

ဖားပြုတ်မ

မျက်လုံးငယ်ကြောင်
ကိုယ်ရောင် ပြာမွဲနှင့်
ဗိုက်ရွဲလေသေး
ဖားဖိုကမူ
ကြည့်ယင်း လွန်ကြည်ဖြူလို့
ဇမ္ဗူမှာ သည်လိုမေ့ကို
တွေ့ဘို့ပုံဝေး . . .တဲ့။

ရှင်မဟာရဋ္ဌသာရ၏ “စာပေစကား”

“သိမြင်ကင်းကွာ
မလိမ္မာလည်း
စာပေစကား
နေ့တိုင်းကြားက
ထူးခြားလိမ္မာ
ရှိသည်သာတည်း။”

စာပေအလှ(ဆ၇ာဇော်ဂျီ)

စာပေအလှ

အမောင်မင်း၏ သားငယ်
သက်နှစ်ဆယ်သည် ဘယ်စာမျိုးကို
ကြိုက်သနည်း။
စာ အမျိုးအစားတို့ ပေါများလှသည်။
စာတွေထဲမှာ -
ပလွှားလို၍ ကိုယ်ရည်သွေးတဲ့စာ
သူ့ကိုမုန်း၍ အမျက်နှင့်တီးသည့်စာ
ပုတီးကိုပြ၍ အ၀စားချင်သောစာ
လက်တွေ့မပါ စိတ်ကူယဉ်စာ
ထိုစာဟူသမျှသည် သာမည ဖြစ်၍
လောကကောင်းကျိုး - ကံသုံးမျိုး၏
ကျိုးဖြစ်ချိန်လျာ၊ အမြင်ပါ၍
မေတ္တာဓမ္မ၊ အမြင်ပြ၍
ဘ၀အခြေခံ၊ စိတ်ကူးဥာဏ်ဖြင့်
ဖန်တီးပါမှ စာအလှ ဟုဆိုပါသည်။

မင့်အိမ်(ဆရာဇော်ဂျီ)

မင့်အိမ်

ငါ့ညီပြောင်ဝင်း၊ မောင်သစ်ဆင်း
မင်းက မင့်အိမ်၊ လွန်သေးသိမ်ဟု
မငြိမ်မသက်၊ စိက်စက် မကောင်း
စိတ်ထောင်း ကိုယ်ကြေ၊ တခွေခွေတည့်
နေထိကြွေမည့် ပန်းယဉ်အိ။
လှိုင်းအိအယောင်
ဆောင်ပြိုင် သာမော၊ သူ့အိမ်ချောသို့ . . .
စကြောသပ်ရပ်၊ စပယ်ထပ်နှင့်
ပန်းကပ် ပန်းကြွ၊ သူ့အိမ်လှသို့ . . .
ဝေးက မျှော်မှန်း၊ မင်းယော်ယမ်းသည်
ပန်းအိနေထိ ကြွေတော့မည်။
မကောင်း မင့်အိမ်၊ ကောင်း မင့်အိမ်တည့်
မင့်အိမ် ရွှဲစို၊ အမိုးယိုသော်
မငြိုသင့်ပါ၊ မင်းတက်ဖာပေါ့
အကာ အခင်း၊ ပျက်ပြိုယွင်းသော်
မငြင်းစေချင်၊ မင်းဆက်ပြင်ပေါ့
အခွင် အနဲ့၊ အရွဲ့ အစောင်း
မကောင်း မပြေ၊ ဟောင်းထွေထွေကို
အခြေနှင့်မျှ၊ ဥာဏ်ဖြင့်ဆ၍
လုံ့လသက်သွင်း သစ်စေမင်း ။ ။

သင်သေသွားသော်(ဆရာဇော်ဂျီ)

သင်သေသွားသော်

သြော် . . . လူ့ပြည်လောက၊ လူ့ဘ၀ကား
အိုရ နာရ၊ သေရဦးမည်
မှန်ပေသည်တည့်။
သို့တပြီးကား၊ သင်သေသွားသော်
သင်ဖွားသောမြေ၊ သင်တို့မြေသည်
အခြေတိုးမြင့်၊ ကျန်ကောင်းသင့်၏။
သင်၏မျိုးသား၊ စာစကားလည်း
ကြီးပွားတက်မြင့်၊ ကျန်ကောင်းသင့်၏
သင်ဦးချ၍၊ အမျှဝေရာ
စေတီသာနှင့် သစ္စာအရောင်
ဥာဏ်တန်ဆောင်လည်း
ပြောင်လျက် ၀င်းလျက် ကျန်စေသတည်း။

တို့တိုင်းပြည် (ဆရာဇော်ဂျီ)

တို့တိုင်းပြည်
ဆရာဇော်ဂျီ

ထလော့ မြန်မာ အိုမြန်မာတို့
ဒို့ရွာ ဒို့မြေ ဒို့ရွာမြေဝယ်
စေတီ စပါး များလဲများ၏။
များပါလေလဲ တမွဲမွဲနှင့်
ဆင်းရဲကာသာ ကာလကြာလျှင်
ယာစကာမျိုး တညှိုးညှိုးနှင့်
အဘိုးမြန်မောင်း
ကျောင်းကြိုကျောင်းကြား
လှည့်လည်သွားလျှက်
မစားလေရ၊ ဝမ်းမဝ၍
ဆွမ်းမျှမတင်နိုင် ရှိမည်တည်း။

ထလော့ မြန်မာ အိုမြန်မာတို့
ဒို့ရွာ ဒို့မြေ ဒို့ရွာမြေဝယ်
ရေချိုသောက်ရန်
မြစ်ချောင်းကန်နှင့်
သီးနှံ့ချိုမြ
များလဲများ၏
များပါလေလဲ တမွဲမွဲနှင့်
ဆင်းရဲကာသာ
ကာလကြာလျှင်
မြင်သာမြင်ရ
မစားရ၍
တောကပြိတ္တာ
ဖြစ်မည်တည်း။

ဗေဒါလမ်း

ညိုပြာပြာ လတာပြင့်ခြေရင်း
လှိုင်းတက်ရာ ဗေဒါတက်၊ လှိုင်းသက်ရာဆင်း။
ဆင်းရလဲ မသက်သာ။
အုန်းလက်ကြွေရေပေါလော၊ မျောစုန်လို့လာ
အဆင်းနဲ့အလာ၊ ဗေဒါမ အထွေး။
အုန်းလက်ကြွေ သူ့နံဘေး၊ ဆောင့်ခဲ့ရသေး။
ဆောင့်ခဲ့လဲ မသက်သာ
နောက်တချီ ဒီတလုံးက၊ ဖုံးလိုက်ပြန်ပါ
မြည်လေပေါ့ ပေါ်မလာ၊ မဗေဒါအလှ
တလံကွာ လှိုင်းအကြွံ၊ ပေါ်လိုက်ပြန်ရ
ပေါ်ပြန်လဲ မသက်သာ
ချောင်းအဆွယ် မြောင်းငယ်ထဲက၊ ဘဲထွက်လို့လာ
ဘဲအုပ်မှာ တရာနှစ်ရာ၊ ဗေဒါက တပင်ထဲ
အယက်အကန်ခံလို့
ဗေဒါပျံအံကိုခဲ၊ ပန်းပန်လျက်ဘဲ။

ဆရာဇော်ဂျီ (၁၉၀၇-၁၉၉၀)

HYACINTH WAY

At the blue-grey mud-flat's edge
Hyacinth goes ashore with the wave
And down to sea again as the wave recedes.
No bed of roses for her
Jostled by Flotsam,
Submerged by breakers
Hie to the creek for shelter
From palm-fronds and billows
and now what? DUCKS!
Two hundred ducks!
Quacking and racking!
Poor lone Hyacinth
Must grin and bear it!

Translated by Saya K (ဆရာ ကေ)

ဆရာဇော်ဂျီရဲ့ ဗေဒါလမ်းကဗျာများကို ATTACHMENT မှ ဒေါင်းယူဖတ်ရှု့ နိုင်သည်။