အမေရိကန် လွတ်လပ်ရေး ဘခင် ဘင်ဂျမင် ဖရန်ကလင်။ (အပိုင်း ၁)
အမှန်အားဖြင့်- ပါရမီရှင် ပညာရှင်တွင် အခန်းတွင်- ဘင်ဂျမင် ဖရန်ကလင်၏ အကြောင်းကို ရေးသား ရန် မူလက စိတ်ကူးခဲ့သော်လည်း- ထူးခြားသော ပညာရှင် ပါရမီရှင် ဖြစ်ရုံမျှ မက- တိုင်းပြည် တစ်တိုင်းပြည်၏ လွတ်လပ်ရေး ဘခင်၊ တည်ဆောက်မှု ဘခင် ဖြစ်နေသောကြောင့် သီးသန့် ရေးထုတ်လိုက်ရပါသည်။
- သူသည်-အမေရိကန် နိုင်ငံ၏ လွတ်လပ်ရေး ဘခင်တစ်ဦး ဖြစ်သည်။
- သူသည်- စာရေးဆရာ နှင့် ပုံနှိပ်ထုတ်ဝေသူ တစ်ဦးသာမက- သတင်းစာ သမား တစ်ဦးလည်း ဖြစ်သည်။
- သူသည်- နိုင်ငံရေး သမား နှင့် နိုင်ငံခေါင်းဆောင် ဖြစ်သည်။
- သူသည်- သံတမာန် တစ်ဦးဖြစ်သည်။ (ပထမဆုံး ပြင်သစ်ဆိုင်ရာ သံအမတ်ကြီး)
- သူသည်- ရူပဗေဒပညာရပ်တွင် လျှပ်စစ်ကို စတင်တွေ့ရှိသူ သိပ္ပံပညာရှင် ဖြစ်သည်။ (ပထမဆုံး မိုးကြိုးလွှဲ စနစ်ကို တီထွင်ခဲ့သူလည်း ဖြစ်သည်။)
- သူသည်- အမေရိကန် တို့အား နားမျက်စိ အသိဥာဏ် ဖွင့်ပေးခဲ့သူ ဖြစ်သည်။
- သူသည်- ပထမဆုံး အများ ကြည့်ရန် စာကြည့်တိုက်၊ ပထမဆုံး စာတိုက်စနစ်၊ ပထမဆုံး မီးသတ်ဌာန၊ ပထမဆုံး လမ်းမီးတိုင် စနစ် တို့ကို စတင် တည်ထောင် ခဲ့သူဖြစ်သည်။
- သူသည်- လီယိုနာဒို ဒါဗင်ချီ လိုမျိုး၊ သိပ္ပံပညာရှင် ကြီး အိုင်းစတိုင်း လိုမျိုး ထူးချွန်သူ ဖြစ်၍ သူ၏ အိုင်ကျူ (I.Q) ပမာဏ ၁၆၀ ရှိသူဖြစ်သည်ဟု သတ်မှတ်ခြင်း ခံရသူ ဖြစ်သည်။
ထို့ကြောင့် သူ့အား “ပထမဆုံး အမေရိကန်” ဟူ၍လည်းကောင်း၊ “the most accomplished American of his age and the most influential in inventing the type of society America would become" သူတို့ခေတ်ကာလတွင် အောင်မြင်မှု အများဆုံး အမေရိကန် တစ်ယောက် နှင့် အမေရိကန် နိုင်ငံ အနေဖြင့် ဖြစ်လာမည့် - တီထွင် ဖန်တီးမှု လူ့အဖွဲ့အစည်း တွင်- အရေးပါ အရာရောက်ဆုံးသူ” ဟူ၍လည်း သတ်မှတ်ခဲ့ကြသည်။
ထို့ကြောင့်လည်း သူ၏ ရုပ်တုသာမက-သူ၏ ပုံဖြင့် အမေရိကန် ဒေါ်လာ ငွေစက္ကူတွင် လည်းကောင်း၊ စာတိုက် တံဆိပ်ခေါင်းများတွင် လည်းကောင်း နောင်လာ နောက်သားများ အမှတ် ရစေရန် ဂုဏ်ပြုထားခြင်း ခံခဲ့ရသည်။
သို့သော်-အခြားသူများထက် ပို၍ ထူးခြားနေသည်သေးသည်က-
- သူသည်- အမေရိကန်တွင် ထိုအချိန်က ရေပန်းစားခဲ့သော- (တစ်နှစ်လျှင် အုပ်ရေ တစ်သောင်း ဖြင့် ၂၅-နှစ်တိုင်တိုင် ရောင်းချနိုင်ခဲ့သည် Poor Richard's Almanack ခေါ် သံဒိဋ္ဌ ဂြိုဟ်သွားပြက္ခဒိန်ကို Richard Saunders ဆိုသော ကလောင် အမည် ကိုသုံး၍- ရေးသားခဲ့သူ နက္ခတ် ဗေဒင် ပညာရှင် တစ်ဦး ဖြစ်သည်။ ဂြိုဟ်သွား ပြက္ခဒိန် တွက်ခြင်း ဂဏိတ အတတ်မှာ သင်္ချာပညာ ထူးချွန်ရန် အင်မတန် လိုသော ပညာရပ် ဖြစ်သည်။
- သူသည်- အလွန်တရာ အဆင့်မြင့်သော အင်း (Magic Square) ပညာကို တတ်ကျွမ်း၍ ကိုယ်ပိုင် Magic Square ကို တီထွင်ခဲ့သည်။ ဆောင်းပါး နောက်ပိုင်းတွင် သူ၏ အင်းပညာ အဆင့်မြင့်ပုံကို ဖေါ်ပြပေးပါမည်။
အောက်ပါ စာတမ်းသည်ကား ဘင်ဂျမင် ဖရန်ကလင် အနေဖြင့် အသက် ၂၆-နှစ် အရွယ်- ၁၇၃၂ -ခုနှစ်၊ ဒီဇင်ဘာလ ၂၈-ရက်မှ စတင် ထုတ်ဝေခဲ့သော Poor Richard's Almanack ပါ ရေးသားချက်များပင် ဖြစ်ပါသည်။
"နက္ခတ်ဗေဒင် ပညာသည် ပညာရှိလူသား၊ မြင့်မြတ်သော မဟာ လူသားတို့၏ အဆင့်မြင့်သော ရှေးဟောင်း သိပ္ပံပညာရပ် တစ်ခုဖြစ်၏။ ယခင် ရှေးအခါ များက ဆိုလျှင်- စစ်ထိုးရာတွင် ဖြစ်စေ၊ ငြိမ်းချမ်းရေး ပြုရာတွင် ဖြစ်စေ၊ တိုက်ခိုက်မှု တစ်ခုခု ပြုရာတွင် ဖြစ်စေ- (တိုတို ပြောရမည် ဆိုလျှင်)- ကောင်းကင်မှ ဂြိုဟ် နက္ခတ်တာရာတို့၏ အမြင်၊ အယှဉ်တို့ကို စစ်ဆေး၍ ကောင်းမြတ်သော အချိန်အခါကို တင်ပြ နိုင်သော နက္ခတ်ပညာရှင်တို့နှင့် ဦးစွာ မတိုင်ပင်ပါပဲလျှက် မည်သည့် မင်းညီမင်းသား ကမျှ - မည်သည့် အရေးပါသော ကိစ္စကိုမျှ ဆောင်ရွက်ခြင်း မရှိခဲ့ ပါချေ။ ယခု အခါတွင်တော့- ထိုမြင့်မြတ်သော ၀ိဇ္ဇာပညာ ရပ်ကြီးသည် (ကျွန်တော့်တို့ ရောက်နေသော ခေတ်အတွက် ရှက်မိပါသည်။) သူတကာ အထင်သေး အမြင်သေး ခံရသော အဆင့်အထိ သေးသိမ် နိမ့်ကျနေပါတော့၏။ ကြီးမြတ်သူတို့သည် ကျွန်တော်တို့အား လျှစ်လျှူရှုကြ၏။ အင်ပါယာ ပြည့်ရှင်တို့သည် အသင်းအဖွဲ့ကြီးများ၊ ပါလီမာန် ဥပဒေများ ကျွန်တော်တို့အား မတိုင်ပင်ပါလျှက်- ပြုလုပ်ဆောင်ရွက် ကြ၏။-------------------"
ဤသို့သော - အမေရိကန် နိုင်ငံ၏ အထူးခြားဆုံးသော ပညာရှင်၊ သိပ္ပံ၊ ၀ိဇ္ဇာပညာရှင်၊ အမေရိကန် လွတ်လပ်ရေး ကြေညာစာတမ်းကို လက်မှတ်ရေးထိုးသော နိုင်ငံခေါင်းဆောင်ကြီး ဖြစ်ခဲ့သူ ဘင်ဂျမင်သည်-
- ကုန်ခြောက်ဆိုင် အသေးလေးပိုင်ရှင်၊ ဖယောင်းတိုင်၊ ဆပ်ပြာတို့ကို ပြုလုပ်ရောင်းချသော ဘခင်ဖြစ်သူ ဂျိုးဆီရယ့် ဖရန်ကလင် (ဘခင် ဘက်မှ အဘိုးဖြစ်သူ သောမတ် ဖရန်ကလင်သည် ပန်းပဲ ဆရာ ဖြစ်သည်။) မှ မွေးဖွားလာသူ ဖြစ်ပြီး- မွေးချင်း ၁၇-ဦး ရှိခဲ့သည်။
- အသက် ၁၀-နှစ်သားတွင် ပညာရေး အဆုံးသတ်ခဲ့ရသည်။ ထိုအချိန်မှ စပြီး ဘခင် အလုပ်ကို ကူလုပ်ခဲ့ရပြီး- အသက် ၁၂-အရွယ်တွင် အကိုဖြစ်သူ၏ ပုံနှိပ်စက်တွင် အကူအလုပ်သမား အဖြစ်နှင့် လုပ်ခဲ့သည်။ စာပေ ပညာရပ်များကို မိမိကိုယ်တိုင် စာဖတ်ခြင်းဖြင့် လေ့လာ တတ်မြောက် လာခဲ့ရသည်။ အကိုဖြစ်သူသည် ဘင်ဂျမင် - ၁၅-နှစ် အရွယ်တွင် ကိုယ်ပိုင် The New-England Courant သတင်းစာ ပုံနှိပ်လုပ်ငန်း ကို တည်ထောင် ခဲ့သည်။ ဘင်ဂျမင်သည်- စာရေးချင်လွန်း သဖြင့် အကိုဖြစ်သူကို ခွင့်တောင်းသော်လည်း မရခဲ့ သဖြင့်- သူ့ကိုယ်သူ လူလတ်ပိုင်း မုဆိုးမ ဖြစ်သော Mrs. Silence Dogood ဟူသော ကလောင် နာမည် ဖြင့်- အကိုမသိအောင် စာမူများ ရေးသားခဲ့ရာ- တစ်မြို့လုံးက စိတ်ဝင်စားသော - အချို့သူများ ကပင် လက်ထပ်ခွင့် တောင်းခြင်း ခံရသော ကလောင် အမည် ဖြစ်ခဲ့သည်။ ထိုစဉ်က- သူသည် ၁၆-နှစ်သား အရွယ်ဖြစ်သည်။ အကိုဖြစ်သူ သိသွားသော အခါတွင်- သူ၏ အကိုလုပ်ငန်း အကူ အလုပ်သမား ဘ၀ ပါ ဇတ်သိမ်း သွားခဲ့ရသဖြင့်- ၁၇-နှစ်သား တွင် ဖီလာ ဒဲလ်ဖီးယား သို့ အိမ်ပြေး အဖြစ်ဖြင့် လာယင်း ဘ၀ကို စတင် ခဲ့ရသည်။
ဤသည်ကား- ကမ္ဘာ့သမိုင်း အမေရိကန် သမိုင်းတွင်- နှစ်ပေါင်း ၃၀၀ ကျော်သည် အထိ ထင်ရှားသည့်- အမေရိကန် ဘခင်ကြီး ဘင်ဂျမင် ဖရန်ကလင်၏ ဘ၀ အစပင် ဖြစ်တော့သည်။ အောက်တွင် ဖေါ်ပြထားသည်မှာ- Richard Saunders အမည်ဖြင့် ရေးသား၍၊ ဘင်ဂျမင် ဖရန် ကလင် အနေဖြင့် ပုံနှိပ် ထုတ်ဝေသူ အနေဖြင့် နှစ်ပေါင်း ၂၅-နှစ်တိုင်တိုင် အောင်မြင်ခဲ့သည့် Poor Richard's Almanack သံဒိဋ္ဌ ဂြိုဟ်သွား ပြက္ခဒိန် ပင်ဖြစ်ပါသည်။
နက္ခတ်ပညာ ၏ မူရင်း ရှေးပညာများတွင်- မပါခဲ့ပဲ- နောက်တိုး စာရင်းဝင် ဖြစ်လာသည့် ယူရေးနပ်စ်၊ နက်ပ်ကျွန်း၊ ပလူတို (ပလူတိုကို ၁၉၃၀ ကြမှ စတင် တွေ့ရှိပြီးနောက်- ၂၀၀၆ ခုနှစ် တွင် Astronomer များမှ Dwarf Planet အဖြစ် အဆင့်ဖြုတ်ချလိုက်သော်လည်း- အနောက်တိုင်း ဗေဒင် ပညာရှင် အများစု တို့ကမူ-ဗေဒင် ကိစ္စတွင် ဆက်လက် သုံးစွဲနေဆဲ ဖြစ်သည်။) တို့ကို ထိုစဉ်က ဘင်ဂျမင် ဖရန်ကလင် အပါအ၀င် အနောက်တိုင်း ပညာရှင်များ မသုံးခဲ့သည် သာမက- ယခုအခါ အနောက်တိုင်း ပညာရှင်တို့ အသုံးမပြုသော ရာဟု (Dragon's Head) နှင့် ကိတ် (Dragon's Tail) တို့ကို သူ၏ ပြက္ခဒိန် တွင် ပါဝင်သောကြောင့်- သာယန မူ ဖြစ်သည်က လွဲ၍- အရှေ့တိုင်း ဝေဒ ပညာ နှင့် တူသည်ဟု ပင် ဆို၍ ရပါသည်။ (ပညာရှင်များ အနေဖြင့် မူရင်း နက္ခတ်ပညာ ကို သတိပြုမိစေရန် ဖြစ်ပါသည်။)
နျူမာန် (မိုးတား)
