မြက်ရိုင်းထဲကကြေးရုပ် (တင်မိုး)

တင်မိုး

ဇူလိုင် ၁၈၊ ၂၀၁၁

မြက်ရိုင်းထဲတွင်
ထိုင်ဆဲမလှုပ်၊ ဆန်းကြေးရုပ်။
သမိုင်းများစွာ
ဖြတ်သန်းလာတော့
ငါသည်မြက်ရိုင်း
နေရာတိုင်းကို
သမိုင်းပြရုပ်
ဆန်းကြေးရုပ်ကို
ကျွန်ုပ်တို့ မေ့ခဲ့ကြပြီ။

စီပွားရေးမူဝါတွေကို သမ္မတအိုဘားမား ခုခံကာကွယ်

စီပွားရေးမူဝါတွေကို သမ္မတအိုဘားမား ခုခံကာကွယ်

အာဖဂန်တပ်ဖွဲ့ ဘာမီယန်ဒေသ လုံခြုံရေး တာဝန်လွှဲယူ

အာဖဂန်တပ်ဖွဲ့ ဘာမီယန်ဒေသ လုံခြုံရေး တာဝန်လွှဲယူ

By ဗွီအိုအေ (မြန်မာဌာန)

အာဖဂန်နစ္စတန်နိုင်ငံ အလယ်ပိုင်းက ဘာမီယန် (Bamiyan) ပြည်နယ်မှာ နေတိုးတပ်ဖွဲ့တွေက အာဖဂန်နစ္စတန် လုံခြုံရေး တပ်ဖွဲ့တွေဆီကို လုံခြုံရေးဆိုင်ရာ ထိန်းချုပ်ရေး တာဝန်တွေ လွှဲပြောင်း ပေးခဲ့ပါပြီ။
အာဖဂန်နစ္စတန်နိုင်ငံ လုံခြုံရေး တပ်ဖွဲ့တွေက ပထမအဆင့်အဖြစ် လွှဲယူမယ့် ဒေသ ၇ ခုထဲမှာ ဘာမီယန်ဒေသဟာ ပထမဆုံး လွှဲယူခဲ့တဲ့ဒေသ ဖြစ်ပါတယ်။
လွှဲပြောင်းရေး အခမ်းအနားကို ဒီနေ့ ဘာမီယန်မှာပဲ ကျင်းပခဲ့ပါတယ်။ ဒီပြည်နယ်ဟာ ၂၀၀၁ ခုနှစ် တာလီဘန်တွေ ဆုတ်ခွာခဲ့ပြီးတဲ့ နောက်ပိုင်း တိုက်ခိုက်မှုတွေ အနည်းအကျဉ်းပဲ ရှိခဲ့တဲ့ဒေသ ဖြစ်ပါတယ်။
အာဖဂန်နစ္စတန် စစ်တပ်နဲ့ ရဲတပ်ဖွဲ့တွေဆီကို နေတိုးတပ်ဖွဲ့တွေက ၂၀၁၄ ခုနှစ်ကုန်ပိုင်း နောက်ဆုံးထားပြီး လုံခြုံရေးဆိုင်ရာ ထိန်းချုပ်မှုတွေကို တဖြည်းဖြည်းချင်း လွှဲပြောင်းပေးသွားဖို့ စီစဉ်ထားပါတယ်။
အာဖဂန်နစ္စတန် သမ္မတ ဟာမစ် ခါဇိုင်း (Hamid Karzai) ကလည်း အခုလိုမျိုး ထိန်းချုပ်မှုတွေကို လွှဲပြောင်းပေးဖို့ ဖိအားပေး တောင်းဆိုနေတာ ကြာပါပြီ။
လာမယ့် ၁၄ လအတွင်း အာဖဂန်နစ္စတန်မှာ ရှိနေတဲ့ အမေရိကန် တပ်ဖွဲ့ဝင် ၁၀၀,၀၀၀ ထဲက ၃၃,၀၀၀ ကို ပြန်ပြီး ရုပ်သိမ်းမယ်လို့ အမေရိကန် သမ္မတ ဘရက်ခ် အိုဘားမား (Barack Obama) ကလည်း ပြီးခဲ့တဲ့ လတုန်းကပဲ ကြေညာထားပါတယ်။
ဂျာမဏီ၊ ပြင်သစ်နဲ့ ဗြိတိန်နိုင်ငံတွေကလည်း သူတို့ရဲ့ တပ်ဖွဲ့ဝင်တွေကို အာဖဂန်နစ္စတန်ကနေ ပြန်ပြီး ရုပ်သိမ်းဖို့ အစီအစဉ်တွေ လုပ်ထားကြပါပြီ။

သမ္မတအိုဘားမားနဲ့ ဘုန်းတော်ကြီး ဒလိုင်းလားမား တွေ့ဆုံ

သမ္မတအိုဘားမားနဲ့ ဘုန်းတော်ကြီး ဒလိုင်းလားမား တွေ့ဆုံ

 

ဓာတ်ပုံ The White House

အမေရိကန်သမ္မတ ဘရက်အိုဘားမားနဲ့ တိဘက်ဘုန်းတော်ကြီး ဒလိုင်းလားမားတို့ အိမ်ဖြူတော်မှာ တွေ့ဆုံနေစဉ် (ဇူလိုင်လ ၁၆၊ ၂၀၁၁)၊ Official White House Photo by Pete Souza

တိဘက်လူမျိုးတွေရဲ့ အခွင့်အရေးကို ကာကွယ်ဖို့ အရေးကြီးတယ်ဆိုတာကို တိဘက် ဘာသာရေး ခေါင်းဆောင်ကြီး ဒလိုင်းလားမား (Dalai Lama) နဲ့ အိမ်ဖြူတော်မှာ စနေနေ့ကတွေ့ဆုံစဉ်မှာ အမေရိကန်သမ္မတ ဘရက်အိုဘားမား (Barack Obama) က အလေးထား ပြောကြားခဲ့ပါတယ်။ တံခါးပိတ် တွေ့ဆုံ ဆွေးနွေးပွဲအပြီး အိမ်ဖြူတော်က ထုတ်ပြန်တဲ့ ကြေညာချက်ထဲမှာ သဘောထားကွဲလွဲမှုတွေကို ညှိနှိုင်းဖို့ ဘုန်းတော်ကြီး ဒလိုင်းလားမားရဲ့ ကိုယ်စားလှယ်တွေနဲ့ တရုတ်အစိုးရကြားမှာ တိုက်ရိုက်ဆွေးနွေးဖို့ လိုအပ်တယ်လို့ သမ္မတ အိုဘားမားက ပြောခဲ့ကြောင်း ဖော်ပြထားပါတယ်။
တိဘက်ကို တရုတ်ရဲ့ ဒေသတစိတ်တပိုင်းအဖြစ် သတ်မှတ်ထားတဲ့ အမေရိကန်ရဲ့ မူဝါဒကိုလည်း ထပ်မံ ပြောကြားခဲ့တယ်လို့ ကြေညာချက်က ဆိုပါတယ်။ သမ္မတ အိုဘားမားနဲ့ ဘုန်းတော်ကြီး ဒလိုင်းလားမား တို့ တွေ့ဆုံအပြီးမှာပဲ ဒီတွေ့ဆုံမှုဟာ တရုတ်နိုင်ငံရဲ့ ပြည်တွင်းရေးကို ဝင်ရောက်စွက်ဖက်တာဖြစ်တယ်၊ တရုတ်လူမျိုးတွေရဲ့ ခံစားချက်ကို ထိခိုက်အောင်လုပ်တယ်၊ တရုတ်-အမေရိကန် ဆက်ဆံရေး ထိခိုက်အောင် လုပ်တယ်လို့ တရုတ်ကပြောပြီး အမေရိကန်ကို ပြင်းပြင်းထန်ထန် ဝေဖန်ခဲ့ပါတယ်။
အမေရိကန်အနေနဲ့ တရုတ်ရဲ့ ရပ်တည်ချက်ကို အလေးထား စဉ်းစားသင့်ပြီး သူ့အဆို တရုတ်ဆန့်ကျင် ခွဲထွက်ရေးအဖွဲ့တွေကို အားပေးနေတာ ရပ်တန်းကရပ်ဖို့ တရုတ်နိုင်ငံခြားရေးဌာန ပြောခွင့်ရသူက တောင်းဆိုခဲ့ပါတယ်။ တိဘက်ကို တရုတ်နိုင်ငံထဲကနေ ခွဲထွက်အောင် ဘုန်းတော်ကြီး ဒလိုင်းလားမား က ဦးဆောင် ကြိုးပမ်းနေတာလို့ တရုတ်က စွပ်စွဲနေပြီး ဒီစွပ်စွဲချက်ဟာ မမှန်ဘူးလို့ ဘုန်းတော်ကြီး ဒလိုင်းလားမား က ငြင်းဆိုနေပါတယ်။

တောင်တရုတ်ပင်လယ်အရေး အမြန်ဆုံး သဘောတူညီမှု ရရှိဖို့ အာဆီယံ တိုက်တွန်း

တောင်တရုတ်ပင်လယ်အရေး အမြန်ဆုံး သဘောတူညီမှု ရရှိဖို့ အာဆီယံ တိုက်တွန်း

အကြမ်းဖက်မှု တိုက်ဖျက်ရေး အမေရိကန်နဲ့ အိန္ဒိယ ပူးပေါင်းဆောင်ရွက်မည်

အကြမ်းဖက်မှု တိုက်ဖျက်ရေး အမေရိကန်နဲ့ အိန္ဒိယ ပူးပေါင်းဆောင်ရွက်မည်

By ဗွီအိုအေ (မြန်မာဌာန)

အကြမ်းဖက် အစွန်းရောက်သမားတွေရဲ့ ကွန်ရက်တွေကို တိုက်ခိုက်ရေးမှာ အမေရိကန်နဲ့ အိန္ဒိယတို့ဟာ တညီတညွတ်တည်း ရှိနေပါတယ်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ဒီနေ့ ပြောလိုက်ပါတယ်။
အမိမြေ လုံခြုံရေး ကိစ္စတွေနဲ့ ပတ်သက်ပြီးတော့လည်း နှစ်နိုင်ငံ ပူးတွဲ ဆောင်ရွက်မှုတွေကို တိုးမြှင့် ဆောင်ရွက်သွားမယ်လို့လည်း အိန္ဒိယနိုင်ငံကို ၂ ရက်ကြာ ခရီးစဉ်နဲ့ ရောက်နေတဲ့ ၀န်ကြီး ကလင်တန်က မြို့တော် နယူးဒေလီမှာ ပြောခဲ့တာပါ။
သူ့ရဲ့ခရီးစဉ်အတွင်း အမေရိကန်နဲ့ အိန္ဒိယ နှစ်နိုင်ငံအကြား နိုင်ငံရေးနဲ့ စီးပွားရေး ဆက်ဆံမှုတွေ ပိုပြီးတော့ ခိုင်မာလာအောင် ရည်ရွယ်ပြီးတော့ ၀န်ကြီး ကလင်တန်ဟာ အိန္ဒိယ ထိပ်တန်း အရာရှိကြီးတွေနဲ့ တွေ့ဆုံမှုတွေ လုပ်နေပါတယ်။
ဝန်ကြီး ကလင်တန်ဟာ အိန္ဒိယနိုင်ငံ အမျိုးသားလုံခြုံရေး အကြံပေး ရှီဘက်ဆန်ကာ မီနွန်နဲ့ ဒီနေ့ တွေ့ဆုံခဲ့ပြီး ပါကစ္စတန်နိုင်ငံတွင်း ခိုအောင်းနေကြတဲ့ အကြမ်းဖက်သမားတွေကို အမြစ်ပြတ် ချေမှုန်းရေးကိစ္စမှာ ပါကစ္စတန်ဘက်က ပိုပြီးတော့ လုပ်ဆောင်လာဖို့ တိုက်တွန်းခဲ့ကြပါတယ်။
အိန္ဒိယနဲ့ ပါကစ္စတန်ကြား ပြောဆိုမှုတွေကို ပြန်စဖို့ အမေရိကန်ဘက်ကလည်း တိုက်တွန်းလာခဲ့တယ်၊ ယုံကြည်မှု တည်ဆောက်နိုင်ဖို့အတွက် နှစ်နိုင်ငံ တွေ့ဆုံ ဆွေးနွေးမှုတွေ လုပ်တာဟာ အကောင်းဆုံးပဲ ဆိုပြီးတော့လည်း ၀န်ကြီး ကလင်တန်က ပြောပါတယ်။
အိန္ဒိယနိုင်ငံ မွမ်ဘိုင်းမြို့မှာ ပြီးခဲ့တဲ့ အပတ်တုန်းက ဗုံးခွဲ တိုက်ခိုက်မှုတွေ ရှိခဲ့တာကို ကြည့်မယ်ဆိုရင် အစွန်းရောက်သမားတွေကို ရင်ဆိုင်ဖို့ အရေးဟာ တကယ်ပဲ အရေးကြီးတယ်ဆိုတာ ပိုပြီးတော့ ထင်ရှားလာနေတယ်လို့ ၀န်ကြီး ကလင်တန်က ဆိုပါတယ်။
အဲဒီ မွမ်ဘိုင်းမြို့ ဗုံးဖောက်ခွဲမှုတွေကြောင့် လူ ၁၉ ဦး သေဆုံးပြီး ၁၃၀ ကျော် ဒဏ်ရာတွေ ရခဲ့ပါတယ်။
ဝန်ကြီး ကလင်တန်ဟာ အိန္ဒိယ ၀န်ကြီးချုပ် မန်မိုဟန် ဆင်းဂ် (Manmohan Singh) အပါအ၀င် တခြား ထိပ်တန်း ခေါင်းဆောင်တွေနဲ့လည်း တွေ့ဆုံဖို့ ရှိနေပါတယ်။

ကမ္ဘောဒီးယားနဲ့ ထိုင်းတပ်တွေ ချက်ချင်းရုပ်သိမ်းပေးဖို့ နိုင်ငံတကာခုံရုံး အမိန့်ထုတ်

ကမ္ဘောဒီးယားနဲ့ ထိုင်းတပ်တွေ ချက်ချင်းရုပ်သိမ်းပေးဖို့ နိုင်ငံတကာခုံရုံး အမိန့်ထုတ်

By ဗွီအိုအေ (မြန်မာဌာန)

ထိုင်းနဲ့ ကမ္ဘောဒီးယား နှစ်နိုင်ငံ နယ်စပ်ရှိ ဖရာ့ ၀ိဟာရ (Preah Vihear) ရှေးဟောင်း ဘုရားကျောင်းတ၀ိုက် နယ်မြေ အငြင်းပွားတဲ့ နေရာမှာ စစ်မဲ့ဇုန်အဖြစ် ကြေညာပြီး တပ်စွဲထားတဲ့ ထိုင်းတပ်ဖွဲ့တွေ ချက်ချင်း ရုပ်သိမ်းပေးရေးအတွက် ကုလသမဂ္ဂရဲ့ အမြင့်ဆုံး တရားရုံးက ဒီနေ့ ဆုံးဖြတ်ချက် ချမှတ်လိုက်ပါတယ်။
ကမ္ဘောဒီးယားနဲ့ ထိုင်း နှစ်နိုင်ငံ နယ်စပ်မှာ အပစ်အခတ် ရပ်စဲရေး လိုက်နာမှု ရှိမရှိ အာဆီယံ အကဲခတ်အဖွဲ့ စောင့်ကြည့်ဖို့အတွက် အဲဒီနေရာမှာ အကဲခတ်ခွင့် ပြုသင့်တယ်လို့လည်း နိုင်ငံတကာ တရားရုံးက ဆုံးဖြတ်လိုက်ပါတယ်။
အငြင်းပွားတဲ့ နယ်မြေကနေ နှစ်ဘက်တပ်တွေ ရုပ်သိမ်းရေးအတွက် ကမ္ဘောဒီးယားနိုင်ငံက တရားရုံးကို ဦးတိုက် လျှောက်ထားခဲ့တာပါ။ နိုင်ငံတကာ တရားရုံးက တပ်တွေ ဆုတ်ခွာရေးသာမက ယာယီ စစ်မဲ့ဇုန်အဖြစ် ကြေညာဖို့ကိုပါ ဆုံးဖြတ်ခဲ့တာ ဖြစ်ပါတယ်။
သက်တမ်း ၉၀၀ ရှိတဲ့ ဖရာ့ ၀ိဟာရ ဟိန္ဒူ ရှေးဟောင်း ဘုရားကျောင်းဟာ ကမ္ဘောဒီးယားနိုင်ငံရဲ့ အချုပ်အခြာအောက်က ပိုက်နက် ဖြစ်တယ်လို့ နိုင်ငံတကာ တရားရုံးကနေ ၁၉၆၂ ခုနှစ်က ဆုံးဖြတ်ခဲ့တာပါ။ ဒီဆုံးဖြတ်ချက်ကို ထိုင်းနိုင်ငံဘက်က လက်ခံခဲ့ပြီးသား ဖြစ်ပေမဲ့ ဘုရား ပရိဝုဏ်တ၀ိုက်က မြေဧရိယာ ၁.၅ စတုရန်းမိုင်ကိုတော့ ထိုင်းပိုင်နက် ဖြစ်တယ်လို့ စွဲကိုင်ထားဆဲ ဖြစ်ပါတယ်။
နယ်သာလန်နိုင်ငံ The Hague မြို့က တရားသူကြီး ၁၅ ဦး ရုံးထိုင်တဲ့ နိုင်ငံတကာ တရားရုံးမှာ မေလကုန်ပိုင်းတုန်းက နယ်မြေ အငြင်းပွားမှုနဲ့ ပတ်သက်ပြီး နှစ်ဘက် အကျိုးဆောင်တွေက လျှောက်လဲခဲ့ကြတာ ဖြစ်ပါတယ်။

မန်ဒဲလား ၉၃ နှစ်ပြည့် မွေးနေ့

မန်ဒဲလား ၉၃ နှစ်ပြည့် မွေးနေ့

By ဗွီအိုအေ (မြန်မာဌာန)

တောင်အာဖရိကနိုင်ငံရဲ့ ပထမဆုံး လူမည်းသမ္မတလည်းဖြစ်၊ နိုဘဲလ် ငြိမ်းချမ်းရေးဆုရှင်လည်း ဖြစ်သူ နယ်လ်ဆင် မန်ဒဲလား (Nelson Mandela) ဟာ သူ့ရဲ့ ၉၃ နှစ်မြောက် မွေးနေ့ပွဲအတွက် တကမ္ဘာလုံးက ပေးပို့ကြတဲ့ သ၀ဏ်လွှာတွေ၊ မွေးနေ့ဆုတောင်းတွေကို ဖတ်ပြီး မိသားစုဝင်တွေ၊ မိတ်ဆွေတွေနဲ့အတူ တနင်္လာနေ့က ပျော်ရွှင်စွာ ကျင်းပခဲ့ပါတယ်။
အသားအရောင် ခွဲခြား အုပ်ချုပ်ရေးကို ဦးဆောင် တိုက်ပွဲဝင်ခဲ့သူ မစ္စတာ မန်ဒဲလားရဲ့ မွေးနေ့ပွဲကို ၁၉၁၈ ခုနှစ် ဇူလိုင်လ ၁၈ ရက်နေ့က သူ့ကို မွေးဖွားခဲ့ရာ အရှေ့ပိုင်း ကိပ် (Cape) ဒေသ ကူနူ (Qunu) မြို့ ဇာတိမြေမှာ ကျင်းပခဲ့တာဖြစ်ပြီး လက်ရှိ တောင်အာဖရိက သမ္မတ ဂျက်ကော့ဘ် ဇူးမား (Jacob Zuma) လည်း တက်ရောက်ခဲ့ပါတယ်။
မစ္စတာ မန်ဒဲလားဟာ ကျန်းမာပျော်ရွှင်စွာ ရှိနေတဲ့အကြောင်း သမ္မတ ဂျက်ကော့ဘ် ဇူးမားက သတင်းထောက်တွေကို ပြောပါတယ်။ မိသားစုဝင်တွေ ၀ိုင်းရံထားတဲ့ကြားမှာ ပြုံးရွှင်နေတဲ့ ဓာတ်ပုံကိုလည်း သတင်းမီဒီယာတွေကို ဖြန့်ဝေခဲ့ပါတယ်။
၆၇ နှစ်ကြာ သူ နိုင်ငံရေးလုပ်ခဲ့တဲ့ ကာလကို အသိအမှတ်ပြုတဲ့ အနေနဲ့ လူမှုအကျိုးပြု လုပ်ငန်းတွေကို ၆၇ မိနစ် လုပ်ဆောင်ကြဖို့ ၂၀၀၉ ခုနှစ်မှာ ကျရောက်တဲ့ နယ်လ်ဆင် မန်ဒဲလားရဲ့ မွေးနေ့မှာ ကုလသမဂ္ဂက သတ်မှတ်ပေးခဲ့ပါတယ်။ သူ့မွေးနေ့ကို ဂုဏ်ပြုတဲ့ အနေနဲ့ ကိုယ့်ဒေသ အသီးသီးမှာ လူမျိုးအကျိုးပြု လုပ်ငန်းတွေကို တကမ္ဘာလုံး အတိုင်းအတာနဲ့ လုပ်ဆောင်ကြတာပါ။
မစ္စတာ မန်ဒဲလားဟာ လူနည်းစု လူဖြူတွေ အုပ်ချုပ်မှုကို ပုန်ကန် တော်လှန်ခဲ့တာကြောင့် ထောင်ထဲမှာ နှစ်ပေါင်း ၃၀ နီးပါး အချုပ်ခံခဲ့ရတာလည်း ဖြစ်ပါတယ်။
မစ္စတာ မန်ဒဲလားဟာ ကမ္ဘာ့အသိုင်းအ၀ိုင်းအတွက် ရှေ့ဆောင်လမ်းပြတဦး ဖြစ်သလို ဒီမိုကရေစီ၊ တရားမျှတမှုနဲ့ အမျိုးသား ရင်ကြားစေ့ရေး ကိစ္စတွေကို လုပ်ဆောင်သူတွေ အတွက်လည်း လမ်းပြသဖွယ် ဆောင်ရွက်ခဲ့သူ ဖြစ်တယ်လို့ အမေရိကန်သမ္မတ ဘရက်ခ် အိုဘားမား (Barack Obama) ကလည်း ပြောပါတယ်။

ထိုင်းရွေးကောက်ပွဲ ကော်မရှင် ယင်လတ်ကို အသိအမှတ်ပြု

ထိုင်းရွေးကောက်ပွဲ ကော်မရှင် ယင်လတ်ကို အသိအမှတ်ပြု

By ဗွီအိုအေ (မြန်မာဌာန)

ထိုင်းနိုင်ငံမှာ ရွေးကောက်ပွဲ အနိုင်ရ ဖွေထိုင်းပါတီ (Pheu Thai Party) ခေါင်းဆောင် ယင်လတ် ရှင်နာဝပ် (Yingluck Shinawatra) ကို ထိုင်းရွေးကောက်ပွဲ ကော်မရှင်က အင်္ဂါနေ့ကပဲ ထောက်ခံပေးလိုက်လို့ သူဟာ ထိုင်းနိုင်ငံရဲ့ ပထမဆုံး အမျိုးသမီး ၀န်ကြီးချုပ် ဖြစ်လာဖို့ လမ်းခရီး ဖြောင့်ဖြူးသွားပါပြီ။
သူ မဲဆွယ်လှုပ်ရှားမှုတွေမှာတုန်းက သူ့အကို အပါအ၀င် ပိတ်ပင်ခံထားရတဲ့ နိုင်ငံရေးသမားတွေကို ထည့်သွင်း လှုပ်ရှားခဲ့တာကြောင့် ရွေးကောက်ပွဲ ဥပဒေတွေကို မစ်စ် ရှင်နာဝပ်က ချိုးဖောက်တယ်ဆိုပြီး တိုင်တန်းထားတာကို ပယ်ချဖို့ ရွေးကောက်ပွဲ ကော်မရှင်က တညီတညွတ်တည်း ဆုံးဖြတ်ခဲ့တယ်လို့ ဆိုပါတယ်။
ဇူလိုင်လ ၃ ရက်နေ့မှာ ကျင်းပတဲ့ ရွေးကောက်ပွဲကို မစ်စ် ယင်လတ်က မဲအများစု ရရှိပြီး နိုင်ပေမဲ့လည်း ရွေးကောက်ပွဲ ကော်မရှင်က အရင်တပတ်က ထောက်ခံပေးဖို့ ပျက်ကွက်ခဲ့လို့ နိုင်ငံ မတည်မငြိမ်ဖြစ်မှာ စိုးရိမ်နေကြရာက အခုဆုံးဖြတ်ချက်ကြောင့် ပြေလျော့သွားပြီ ဖြစ်ပါတယ်။

အာဇာနည်ဗိမာန်သို့ သွားရောက်သူ များပြား

အာဇာနည်ဗိမာန်သို့ သွားရောက်သူ များပြား

လင်းသန့် Tuesday, 19 July 2011 17:22

ဒေါ်အောင်ဆန်းစုကြည် နှင့် ဒီမိုကရေစီအရေး လှုပ်ရှားသူ ၂၀၀၀ ကျော်တို့  ယနေ့ နေ့လယ် ၁၂ နာရီ ခန့်က ရန်ကုန်မြို့ အာဇာနည်ဗိမာန်သို့ သွားရောက် ဂါရ၀ပြုကြသည်။

NLD ရုံးရှေ့မှ အာဇာနည်ဗိမာန်သို့ ချီတက်သွားသူများ (ဓာတ်ပုံ - Facebook)

အာဇာနည်ဗိမာန် ၀န်းကျင်ရှိ လုံခြုံရေးတပ်ဖွဲ့ဝင်များနှင့် ပဋိပက္ခ ဖြစ်ပွားခြင်း မရှိကြောင်း အမျိုးသား ဒီမိုကရေစီ အဖွဲ့ချုပ် (NLD) အဖွဲ့ဝင်များက ပြောသည်။

“ဒေါ်အောင်ဆန်းစုကြည်နဲ့ လူ ၁၀၀ အဖွဲ့ က ကားနဲ့ သပ်သပ်သွားတယ်။ အခု ကျနော်တို့ NLD ရုံးချုပ်ရှေ့က ထွက်လာတာက လူ ၂၀၀၀ ကျော် ရှိတယ်။ ဘေးက လိုက်ပါတဲ့ လူတွေကတော့ များတယ်။ လုံခြုံရေးတွေ ဘေးက ရှိပေမယ့် အားလုံး အဆင်ပြေပြေ အေးအေးချမ်းချမ်းပဲ” ဟု NLD လူငယ် တာဝန်ခံတဦးဖြစ်သူ ကိုရာဇာက ဧရာဝတီကို ပြောသည်။

ဒေါ်အောင်ဆန်းစုကြည်သည် အာဇာနည် ဗိမာန်သို့ ယနေ့ ဒုတိယအကြိမ် သွားရောက်ခြင်း ဖြစ်သည်။

နံနက်ပိုင်း အာဇာနည်နေ့အခမ်းအနားကို ဗိုလ်ချုပ်အောင်ဆန်း၏ မိသားစုဝင်တဦးအဖြစ် တက်ရောက်ခဲ့သည်။

နေ့ခင်းပိုင်းတွင် NLD ခေါင်းဆောင်များ၊ ပြည်သူ့လွှတ်တော် ကိုယ်စားပြု ကော်မတီ (CRPP) အဖွဲ့ဝင်များ၊ လူငယ် ကွန်ယက် အဖွဲ့ဝင်များနှင့်အတူ သွားရောက်ခြင်း ဖြစ်သည်။

ရန်ကုန်မြို့ ဒေသခံ အများအပြားလည်း တနှစ်လျှင် တရက် ၀င်ခွင့်ရသည့် အာဇာနည်ဗိမာန်သို့ သွားရောက် အလေးပြုကြသည်။

လုံခြုံရေးအရ စစ်ဆေးမှုခံယူပြီးလျှင် အာဇာနည်ဗိမာန် အတွင်းသို့ တကြိမ်လျှင် လူ ၅၀ နှုန်းဖြင့် ၀င်ရောက် အလေးပြုခွင့် ရှိသည်ဟု ဆိုသည်။

နံနက် ၁၀ ခွဲခန့်က အာဇာနည်ဗိမာန်သို့ လွမ်းသူ့ပန်းခွေများဖြင့် လမ်းလျှောက် ချီတက်သွားကြသူတချို့ ဗဟန်းမြို့နယ် ငါးထပ်ကြီးဘုရားအနီးတွင်ခေတ္တ တားဆီးခံရသည့်သတင်းများ ပေါ်ထွက်လာသည်။

“အပေါ်ဖြူ၊ အောက်က ယောလုံချည် အနက် ၀တ်ထားတဲ့ လူငယ်တွေကို လမ်းလျှောက် ချီတက်တာ ပြဿနာဖြစ်မှာ စိုးလို့ လုံထိန်းရဲတွေက ကားနဲ့ အာဇာနည်ဗိမာန်ကို လိုက်ပို့တယ်။ တချို့က ဖမ်းတယ် ထင်သွားတာ။ အမှန်က မဟုတ်ပါဘူး” ဟု ကိုရာဇာက ရှင်းပြသည်။

အာဇာနည်နေ့ အခမ်းအနားများကို မန္တလေးတိုင်းအတွင်းရှိ မတ္တရာ၊ သာစည်၊ ၀မ်းတွင်း ၊ မိတ္ထီလာ စသည့် မြို့နယ်များတွင်လည်း လုပ်ဆောင်ကြပြီး သံဃာတော်များအား ဆွမ်းကပ်ကာ ကျဆုံးသွားကြသော အာဇာနည်ခေါင်းဆောင်ကြီးများကို အမျှပေးဝေကြသည်။

အာဇာနည်ဗိမာန်သို့ သွားရောက်သူတချို့က ဗိုလ်ချုပ်အောင်ဆန်းပုံပါသည့် အင်္ကျီများ ၀တ်ဆင်ထားကြသည် (ဓာတ်ပုံ - Facebook)

မန္တလေးတိုင်း NLD ရုံးတွင် ကျင်းပသည့် အခမ်းအနားတွင် ကဗျာဆရာကြီး ကိုလေး (အင်းဝ ဂုဏ်ရည်) က ဟောပြောခဲ့ကြောင်း သိရသည်။

ယနေ့ ကျရောက်သော ၆၄ နှစ်မြောက် အာဇာနည်နေ့အထိမ်းအမှတ်အဖြစ် နိုင်ငံရေးအဖွဲ့ဝင် မဟုတ်သူတို့ကလည်း အောက်မေ့ဖွယ် အစီအစဉ်များ သီးခြားစီ လုပ်ဆောင်ကြသည်။

မန္တလေးမြို့ မနော်ယမန်ဥယျာဉ်ရှိ ဗိုလ်ချုပ်ကြေးရုပ်ရှေ့တွင်ထိုင်၍ ဆုတောင်း မေတ္တာ ပို့သနေသူတဦးကို အားပေး ကြည့်ရှုသူများ၊ လုံခြုံရေးများဖြင့် စည်ကားနေကြောင်းလည်း သတင်းရရှိသည်။

အာဇာနည်နေ့သည် ၁၉၄၇ ခုနှစ်တွင် လုပ်ကြံခံရသည့် နိုင်ငံရေးခေါင်းဆောင်များအတွက် ဂုဏ်ပြု သတ်မှတ်ထားသောနေ့ ဖြစ်သည်။

ထိုနှစ် ဇူလိုင်လ ၁၉ ရက်နေ့က ရန်ကုန်မြို့၊ ဗိုလ်အောင်ကျော်လမ်းရှိ အတွင်းဝန်ရုံးကို မသမာသူများက ၀င်ရောက်ပစ်ခတ်သဖြင့် ဗိုလ်ချုပ်အောင်ဆန်း၊ ဦးဘဝင်း၊ မန်းဘခိုင်၊ မိုင်းပွန်စော်ဘွား စပ်စံထွန်း၊ ဦးရာဇတ်၊ ဒီးဒုတ် ဦးဘချို၊ သခင်မြ၊ ဦးအုန်းမောင်၊ သက်တော်စောင့်တဦးဖြစ်သူ ရဲဘော်ကိုထွေးတို့ ကျဆုံးခဲ့ရသည်

အာဇာနည်နေ့ အခမ်းအနား ဒေါ်အောင်ဆန်းစုကြည် တက်ရောက်

အာဇာနည်နေ့ အခမ်းအနား ဒေါ်အောင်ဆန်းစုကြည် တက်ရောက်

လင်းသန့် Tuesday, 19 July 2011 12:23

ယနေ့နံနက်ပိုင်းက ရန်ကုန်မြို့ အာဇာနည်ဗိမာန်တွင် ပြုလုပ်သော ၆၄ နှစ် မြောက် အာဇာနည်နေ့ အခမ်းအနားသို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် တက်ရောက်ခဲ့သည်။

ယနေ့ နံနက်ပိုင်းက အာဇာနည်ဗိမာန်သို့ ရောက်ရှိလာသော ဒေါ်အောင်ဆန်းစုကြည် (ဓာတ်ပုံ - AP)

မကြာခဏ ထိန်းသိမ်းခံရသည့် ဒေါ်အောင်ဆန်းစုကြည်က အစိုးရ ကြီးမှူးကျင်းပသော အာဇာနည်နေ့ အခမ်းအနားကို ၉ နှစ် အတွင်း ပထမဆုံးအကြိမ် တက်ရောက်ခြင်း ဖြစ်သည်။

“ဒီမနက် ၈ နာရီခွဲက အစိုးရဘက်က ကားနဲ့ လာခေါ်ပါတယ်။  ဖခင် ဗိုလ်ချုပ်အောင်ဆန်းနဲ့ အာဇာနည် ပုဂ္ဂိုလ်ကြီးများကို ဒေါ်အောင်ဆန်းစုကြည်က ဂါရ၀ပြုခဲ့တယ်” ဟု ဒေါ်အောင်ဆန်းစုကြည်၏ အနီးကပ် လုံခြုံရေးယူထားသူ တဦးဖြစ်သည့် ကိုကျော်စိုးနိုင်က ဧရာဝတီကို ပြောသည်။

အာဇာနည်ဗိမာန်သို့ မသွားမီ ဒေါ်အောင်ဆန်းစုကြည်က နေအိမ်တွင် ရဟန်းသံဃာများကို ပင့်ဖိတ်ကာ အာဇာနည် ခေါင်းဆောင်ကြီးများကို ရည်စူး၍ ဆွမ်းကပ် လှူဒါန်းခဲ့သည်။ ထို့အပြင် အမျိုးသား ဒီမိုကရေစီ အဖွဲ့ချုပ် (NLD) ရုံးချုပ်တွင် ပြုလုပ်သည့် ဆွမ်းကပ် လှူဒါန်းသည့် အစီအစဉ်ကိုလည်း တက်ရောက်ခဲ့သည်။

ဒေါ်အောင်ဆန်းစုကြည်သည် အာဇာနည် ဗိမာန်သို့ ယနေ့ နေ့လယ်ပိုင်းတွင် ထပ်မံ သွားရောက်မည် ဖြစ်ပြီး  NLD ခေါင်းဆောင်များ၊ ပြည်သူ့လွှတ်တော် ကိုယ်စားပြု ကော်မတီ( CRPP) အဖွဲ့ဝင်များ၊ လူငယ်ကွန်ယက်အဖွဲ့ဝင်များ စုစုပေါင်း အင်အား ၁၀၀ ခန့်လည်း လိုက်ပါသွားရန် စီစဉ်ထားသည်။

“၄ ယောက် တတွဲ သွားဖို့ လုပ်နေပါတယ်။ အာဇာနည်ဗိမာန်မှာ လွမ်းသူ့ပန်းခွေလည်း အားလုံး အတူ ချပြီး အာဇာနည် ခေါင်းဆောင်ကြီးများကို ဂါရ၀ပြုမှာ ဖြစ်ပါတယ်” ဟု လူငယ်ကွန်ယက်မှ ဦးဆောင်သူ တဦးဖြစ်သူ ကိုဖြိုးမင်းသိန်းက ပြောသည်။ 

ထိုအစီအစဉ်အတွက် လုံခြုံရေးကိစ္စများကို အထူးဂရုစိုက် လုပ်ဆောင်နေကြကြောင်း သိရသည်။

ဒီမိုကရေစီအရေး လှုပ်ရှားသူအများအပြားကလည်း အာဇာနည်ဗိမာန်သို့ သွားရောက်ရန် စီစဉ်ထားသည်။

“အခု ကျမတို့ လူ ၂၀၀ ကျော်လောက်ကလည်း တာမွေကနေ ထွက်လာတာပါ။ ဘေးက လုံခြုံရေးတွေ ပါတယ်။ သူတို့ က လမ်းဘေးဝဲယာက အားပေးနေသူတွေနဲ့ မပူးပေါင်းမိစေချင်ဘူး။ လူထုက လမ်းဘေးက လက်ခုပ်သြဘာ ပေးနေကြပါတယ်” ဟု ထင်ရှားသည့် ဒီမိုကရေစီအရေး လှုပ်ရှားသူ ဒေါ်နော်အုန်းလှက ဧရာဝတီကို ပြောသည်။

ဇူလိုင်လ ၁၂ ရက်နေ့ကလည်း ဒေါ်အောင်ဆန်းစုကြည် အာဇာနည် ဗိမာန်သို့ သွားရောက် ဂါရ၀ ပြုခွင့် ရခဲ့သည်။ သားဖြစ်သူ ကိုထိန်လင်း မြန်မာနိုင်ငံမှ မထွက်ခွာမီ အတူ သွားရောက်ကြခြင်း ဖြစ်သည်။

လွန်ခဲ့သည့် အနှစ် ၂၀ ကျော်က ပြုလုပ်သော အာဇာနည်နေ့အခမ်းအနားမှာမူ အစိုးရ နှင့် ဒီမိုကရေစီအရေး လှုပ်ရှားသူတို့အကြား ပဋိပက္ခများနှင့် အဆုံးသတ်ခဲ့သည်။

၁၉၈၉ ခုနှစ်တွင် ဒေါ်အောင်ဆန်းစုကြည် အာဇာနည် ဗိမာန်သို့ သွားရောက်ရန် စီစဉ်ခဲ့သော်လည်း ထိုစဉ်က စစ်အစိုးရဘက်မှ လုံခြုံရေး တင်းကြပ်မှုများ၊ လူထုအုံကြွမှု မဖြစ်ပေါ်ရေး ဖိအားပေး ခြိမ်းခြောက်မှုများ ရှိခဲ့သဖြင့် အစီအစဉ်ကို နာရီပိုင်း အလိုတွင် ဒေါ်အောင်ဆန်းစုကြည်က ဖျက်သိမ်းခဲ့သည်။

ထို့နောက် ရက်အနည်းငယ်အကြာတွင် ဒေါ်အောင်ဆန်းစုကြည်ကို စစ်အစိုးရက ပထမဆုံး ဖမ်းဆီး ထိန်းသိမ်းပြီး ၆ နှစ်တိုင်အောင် နေအိမ် အကျယ်ချုပ်ချခဲ့သည်။