တရုတ်မြန်မာ စစ်ရေး ပူးပေါင်းဆောင်ရွက်မှု ပိုမို တိုးချဲ့မည် – China, Burma to enhance military ties
Xinhua သတင်းဌာန
နိုဝင်ဘာ ၂၈၊ ၂၀၁၁
ပီကင်းတွင် ယနေ့ တွေ့ရသော ဗိုလ်ချုပ်ကြီး မင်းအောင်လှိုင် နှင့် တရုတ်ဒုသမ္မတ (ဓာတ်ပုံ – Xinhua/Li Tao)
မြန်မာနိုင်ငံနှင့် စစ်ရေး ဆက်နွယ်ပူးပေါင်းမှု တိုးမြှင့်ဖွယ်ရှိသည်ဟု တရုတ် ထိပ်တန်း စစ်အရာရှိတဦးက ယနေ့ ပြောလိုက်သည်။
မြန်မာ့တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်နှင့် တွေ့ဆုံအပြီးတွင် တရုတ်ပြည်သူ့ လွတ်မြောက်ရေး တပ်မတော် စစ်ဦးစီးချုပ် ချန်ဘင်ဒီးက ယင်းသို့ ပြောဆိုခြင်းဖြစ်သည်။
နှစ်နိုင်ငံ ဆက်ဆံရေးသည် အပြန်အလှန်ပူးပေါင်းဆောင်ရွက်မှုများကြောင့် တိုးတက်လာသည်ဟု
စစ်ဦးစီးချုပ် ချန်ဘင်ဒီးက ပြောသည်။
တပ်မတော် ၂ ခုသည် ထိရောက်သည့် ပူးပေါင်းဆောင်ရွက်မှုများ မကြာသေးခင် နှစ်များအတွင်း တိုးချဲ့ခဲ့ကြောင်း၊ ထိုအထဲတွင် အဆင့်မြင့် ကိုယ်စားလှယ်အဖွဲ့များ လည်ပတ်ခြင်း၊ သင်တန်းများ ပြုလုပ်ခြင်း၊ နယ်စပ်လုံခြုံရေး နှင့် စစ်ဘက်ဆိုင်ရာပစ္စည်းများဆိုင်ရာ ပူးပေါင်းဆောင်ရွက်ခြင်းများ ပါဝင်ကြောင်း ပြောသည်။
“ဖွံ့ဖြိုးဆဲနိုင်ငံတွေ ဖြစ်တာကြောင့် တရုတ် မြန်မာ ၂ နိုင်ငံစလုံးက တည်ငြိမ် ငြိမ်းချမ်းတဲ့ အနေအထား လိုအပ်ပါတယ်” ဟု သူက ဆက်ပြောသည်။
သူက ပိုမို နက်ရှိုင်းသည့် ပူးပေါင်းဆောင်ရွက်မှု၊ ယုံကြည်မှုတို့ကို နှစ်ဘက်စစ်တပ်များ တည်ဆောက်ရန်လည်း ကမ်းလှမ်း အဆိုပြုလိုက်သည်။
ဗိုလ်ချုပ်ကြီး မင်းအောင်လှိုင်ကလည်း မြန်မာနိုင်ငံအနေဖြင့် တရုတ်တနိုင်ငံတည်း ဟူသော မူဝါဒကို ဆက်လက် ကိုင်စွဲမည်ဟု ပြောလိုက်သည်။ မြန်မာ့တပ်မတော် တိုးတက်ဖွံ့ဖြိုးရေးအတွက် တရုတ်နိုင်ငံ၏ အထောက်အပံ့ပေးအပ်ခြင်းကို ကျေးဇူးတင်ကြောင်း၊ တရုတ်နိုင်ငံနှင့် ဗျူဟာမြောက်မိတ်ဆွေအဖြစ် ဆက်လက် ရပ်တည်လိုကြောင်း ပြောဆိုလိုက်သည်။
ဒဏ်ခတ်မှုတွေရုပ်ဖို့ဆိုရင် လိုလားချက်တွေလိုက်လျောပေးဖို့ ဒေါ်စုတိုက်တွန်း
မြန်မာအစိုးရအနေနဲ့ အမေရိကန်ပြည်ထောင်စု ကွန်ဂရက်စ်လွှတ်တော်က ချမှတ်ထားတဲ့ ဒဏ်ခတ်ပိတ်ဆို့ အရေးယူမှုတွေကို ရုပ်သိမ်း စေချင်တယ်ဆိုရင် ဒီလိုဒဏ်ခတ်မှုတွေဖြစ်စေတဲ့ အကြောင်းရင်း အချက်တွေကို မြန်မာအစိုးရဘက်က ပြုပြင်ဆောင်ရွက်ရမှာဖြစ်တယ်လို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ မကြာသေးခင်က စတင်လုပ်ဆောင်လာတဲ့ မြန်မာနိုင်ငံတွင်း ပြုပြင်ပြောင်းလဲရေးလုပ်ငန်းတွေဟာ အားတက်စရာ ဖြစ်တယ်လို့လည်း ဒေါ်အောင်ဆန်းစုကြည်က ပြောပါတယ်။
အမေရိကန် နိုင်ငံခြားရေးဝန်ကြီး ဟီလာရီကလင်တန်ရဲ့ မြန်မာနိုင်ငံခရီးစဉ် ပထမနေ့မှာပဲ အမေရိကန်ပြည်ထောင်စု ၀ါရှင်တန်ဒီစီမြို့တော်က နိုင်ငံခြားဆက်ဆံရေးကောင်စီမှာ မြန်မာ့နိုင်ငံအရေး ဆွေးနွေးခဲ့ကြတာမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က အင်တာနက်ကနေ တဆင့် အခုလို ဆွေးနွေးပြောဆိုသွားတာပါ။
“တကယ်လို့ ပိတ်ဆို့ဒဏ်ခတ် အရေးယူမှုတွေ ရုပ်သိမ်းစေချင်တယ်ဆိုရင် မြန်မာအစိုးရဘက်က ဘာတွေ လုပ်ပေးသင့်တယ်ဆိုတာကို အမေရိကန်အစိုးရဘက်က ရှင်းရှင်းလင်းလင်း ပြောထားပြီးသားပါ။ ဒါနဲ့ပတ်သက်လို့ ကျမတို့ကလည်း သဘောတူပါတယ်။ ကျမတို့ အမြဲတမ်း ပြောခဲ့တာရှိပါတယ်၊ ဒီ ဒဏ်ခတ် အရေးယူမှုတွေ ရုပ်သိမ်းစေချင်တယ်ဆိုရင် အကောင်းဆုံးကတော့ အမေရိကန်ကွန်ဂရက်စ်က ဒီအရေးယူမှုတွေ ချမှတ်ချိန်မှာ ဘာကြောင့် ဒီလို ချမှတ်ရတယ်ဆိုတဲ့ အကြောင်းရင်း အချက်တွေရှိပါတယ်။ ဒါတွေကို မြန်မာအစိုးရဘက်က ပြုပြင်ဆောင်ရွက်ရမှာပါ။ ဥပမာ.. နိုင်ငံရေးကအကျဉ်းသားတွေ လွှတ်ပေးတာ၊ ဒီမိုကရေစီအင်အားစုတွေနဲ့ တွေ့ဆုံဆွေးနွေးတာနဲ့ ပဋိပက္ခဖြစ်ပွားရာ နေရာတွေကို လူသားချင်းစာနာမှု အကူအညီတွေ ပေးခွင့်ပြုတာ စတဲ့အချက်တွေပါ။ ဒီအချက်တွေကို ဆောင်ရွက်ပေးမယ် ဆိုရင် ဒဏ်ခတ်ပိတ်ဆို့ အရေးယူမှုတွေ ပြန်လည် ရုပ်သိမ်းပေးဖို့ ဆိုတာကလည်း ဖြစ်လာမှာ သေချာပါတယ်”
အမေရိကန် နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံကို လာရောက်တာဟာ ကောင်းတဲ့အရိပ်လက္ခဏာ ဖြစ်တယ်လို့လည်း ဒေါ်အောင်ဆန်းစုကြည်က ပြောပါတယ်။ မစ္စစ်ကလင်တန်ရဲ့ ခရီးစဉ်ဟာ နှစ်ပေါင်း ၅၀ ကျော်ကာလအတွင်း အမေရိကန် နိုင်ငံခြားရေးဝန်ကြီး တစ်ဦး မြန်မာနိုင်ငံကို ပထမဆုံးအကြိမ် လာရောက်ခြင်းပဲ ဖြစ်ပါတယ်။ ခုလို မြန်မာနိုင်ငံနဲ့ ပိုပြီးတော့ထိတွေ့ဆက်ဆံလာတဲ့ အမေရိကန်ပြည်ထောင်စုရဲ့ ပြောင်းလဲလာတဲ့ မူဝါဒကို သူ ထောက်ခံတယ်လို့လည်း ဒေါ်အောင်ဆန်းစုကြည်က ပြောသွားပါတယ်။
နှစ်ပေါင်းများစွာ စစ်အုပ်ချုပ်ရေးစနစ်ကနေ အခု မြန်မာနိုင်ငံဟာ ပြောင်းလဲဖို့ အဆင်သင့်ဖြစ်နေပြီလို့ ဒေါ်အောင်ဆန်းစုကြည်က ပြောပါတယ်။ အပြောင်းအလဲလုပ်မှဖြစ်မယ် ဆိုတာကို အစိုးရအရာရှိတချို့က နားလည် သဘောပေါက်ကြတယ်လို့လည်း သူက ဆိုပါတယ်။ ဒီလို အပြောင်းအလဲအတွက် ကြိုးပမ်းကြရာမှာ အပြန်အလှန် နားလည်စိတ်ထားဖို့ အရေးကြီးတဲ့အကြောင်းလည်း ဒေါ်အောင်ဆန်းစုကြည်က ပြောသွားခဲ့ပါတယ်။
“ဒီ ဒီမိုကရေစီရေး လှုပ်ရှားမှုထဲမှာပါဝင်ပြီး နိုင်ငံရေး စလုပ်တဲ့အချိန်ကတည်းက ကျမတို့ရဲ့ ကြိုးပမ်းမှုဟာ ဒီ တိုင်းပြည် ပိုပြီးတော့ ငြိမ်းချမ်းဖို့၊ ပိုပြီးတော့ ညီညီညွတ်ညွတ်နဲ့ ပျော်ပျော်ရွှင်ရွှင် ကောင်းကောင်းမွန်မွန် နေထိုင်နိုင်တဲ့ အခြေအနေတစ်ခု ဖြစ်ရမယ်ဆိုတဲ့ စိတ်ကူးနဲ့ ကျမ စပြီး ပါဝင်လှုပ်ရှားခဲ့တာပါ။ ဒေါသတွေ၊ လက်စားချေချင်တဲ့ အမုန်းတရားစိတ်တွေနဲ့ ဆောင်ရွက်လို့ကတော့ ဒီလို ငြိမ်းချမ်းတဲ့ အခြေအနေတစ်ခုကို ရနိုင်မှာမဟုတ်ပါဘူး။ ဒါကြောင့် ဒေါသစိတ်တွေ အမုန်တရားတွေ ရှေ့ထား ဆောင်ရွက်ဖို့ ကျမ တခါမှ မတွေးခဲ့ပါဘူး။ တဘက်နဲ့တဘက် အပြန်အလှန် နားလည်မှု၊ ကိုယ်နဲ့သဘောထား မတူတဲ့သူတွေနဲ့ စေ့စပ်ညှိနှိုင်းဆောင်ရွက်နိုင်တဲ့ စွမ်းဆောင်နိုင်ရည်ရှိမှု၊ လိုအပ်ရင် သဘောထားကွဲလွဲပိုင်ခွင့် ရှိတဲ့အပေါ်မှာ သဘောတူလက်ခံဖို့၊ မတူကွဲပြားတဲ့ တွေးခေါ်မှု ပုံစံအမျိုးမျိုးကနေ ညီညွတ်မှုရှိအောင် လုပ်ကြရမှာပါ။”
နိုင်ငံတကာ ဆက်ဆံရေးကောင်စီက မြန်မာ့အရေးဆွေးနွေးပွဲမှာ ဒေါ်အောင်ဆန်းစုကြည် ပြောသွားတာပါ။ မကြာခင် လပိုင်းတွေအတွင်း ကျင်းပနိုင်ဖွယ်ရှိတဲ့ ကြားဖြတ်ရွေးကောက်ပွဲမှာ သူ ပါဝင် ယှဉ်ပြိုင်သွားမယ့်အကြောင်းကိုလည်း ဒေါ်အောင်ဆန်းစုကြည်က ဒီဆွေးနွေးပွဲမှာ ပြောသွားခဲ့ပါတယ်။ အမျိုးသားဒီမိုကရေစီအဖွဲ့ချုပ် NLD ပါတီ နိုင်ငံရေးပါတီအဖြစ် ပြန်လည် မှတ်ပုံတင်ပြီး ရွေးကောက်ပွဲမှာ ပါဝင်ယှဉ်ပြိုင်ဖို့ မကြာသေးခင်ကပဲ ဆုံးဖြတ်ခဲ့တာပါ။
မြန်မာနိုင်ငံတွင်း နိုင်ငံရေးအကျဉ်းသားတွေ ဆက်လက် ထိန်းသိမ်းထားတာ၊ တိုင်းရင်းသားဒေသတွေက ထိုးစစ်ဆင်မှုတွေ အပါအ၀င် လူ့အခွင့်အရေးချိုးဖောက်မှုတွေကြောင့် အမေရိကန်အပါအ၀င် အင်အားကြီး အနောက်နိုင်ငံတွေက မြန်မာအစိုးရအပေါ် စီးပွားရေးနဲ့ သံတမန်ရေးအရ ပိတ်ဆို့ဒဏ်ခတ်မှုတွေ ချမှတ်ထားတာ ဖြစ်ပါတယ်။ ခုချိန်မှာ အမေရိကန်ပြည်ထောင်စုနဲ့ ဆက်ဆံရေး တိုးတက်လာတာနဲ့ အမျှ ဒီအရေးယူဒဏ်ခတ်မှုတွေကို အမေရိကန်ဘက်က ရုပ်သိမ်းပေးဖို့ကို မြန်မာအစိုးရဘက်က မျှော်လင့်နေတာဖြစ်ပါတယ်ရှင်။
By featured, အောင်ဇော် on November 28, 2011 3:32 pm in ဆောင်းပါး / 22 comments, Hits: 17,984
အမေရိကန်နိုင်ငံခြားရေးဝန်ကြီး ဟီလာရီ ကလင်တန် မြန်မာပြည်ကို ဒီတပတ်မှာ သွားရောက်လည်ပတ်မှာ ဖြစ်ပါတယ်။
နှစ် ၅၀ အတွင်း ပထမဆုံးအကြိမ် သွားတဲ့ ဒီခရီးစဉ်မှာ သူဟာ သမ္မတ ဦးသိန်းစိန် အပါအဝင် မြန်မာအစိုးရအဖွဲ့ဝင်တွေ နဲ့ရော၊ အတိုက်အခံတွေနဲ့ပါ တွေ့ဆုံမှ ဖြစ်ပါတယ်။ မြန်မာနိုင်ငံတွင်းက လူမှုအဖွဲ့အစည်းတွေ၊ NGO အဖွဲ့အစည်းတွေ၊ နိုင်ငံရေး အကျဉ်းသားဟောင်းတွေကိုလည်း တွေ့ဆုံမှာပါ။
ဒီခရီးစဉ်နဲ့ ပတ်သက်ပြီး ပြည်တွင်းပြည်ပ သတင်းစာဆရာတွေက ထောင့်မျိုးစုံက ဝေဖန်ရေးသားကြပါတယ်။ ကလင်တန် မြန်မာပြည်ကို သွားရမယ်၊ ကြိုဆိုရမယ် ဆိုတဲ့သဘောထားကိုတော့ မြန်မာပြည်တွင်းမှာရော ပြည်ပမှာပါ ဒီလိုင်းကို သဘောတူတယ်လို့ ဆိုရမှာပါ။
ဒါပေမယ့် ဒီခရီးစဉ်ဟာ ဘယ်လို သက်ရောက်မှုတွေ ရှိမှာလဲ၊ ဘယ်လို Strategy နဲ့ မြန်မာအစိုးရနဲ့ အတိုက်အခံတွေကို ချဉ်းကပ်မှာလဲဆိုတဲ့နေရာမှာတော့ သဘောထားတချို့ ကွဲလွဲပုံရပါတယ်။
အင်ဒိုနီးရှားနိုင်ငံ ဘာလီကျွန်းတွင် ကျင်းပသော ၁၉ ကြိမ်မြောက် အာဆီယံ ထိပ်သီးညီလာခံသို့ တက်ရောက်လာသော မစ္စ ဟီလာရီ ကလင်တန်ကို နိုဝင်ဘာ ၁၉ ရက်က တွေ့ရစဉ်(ဓာတ်ပုံ - AP)
ပထမဆုံး အနေနဲ့ ကလင်တန်ကိုယ်တိုင် ပြောခဲ့တဲ့စကား တချို့ကို လေ့လာမယ် ဆိုရင်တော့ မြန်မာပြည်ကို သွားတဲ့ ခရီးစဉ်ဟာ ပြစ်ဒဏ်ချ ပိတ်ဆို့အရေးယူမှုတွေကို ပယ်ဖျက်ဖို့ မဟုတ်ပါဘူး၊ မြန်မာပြည်မှာ လောလောဆယ် ဖြစ်ပေါ်တိုးတက် ပြောင်းလဲနေတဲ့ နိုင်ငံရေးဖြစ်စဉ်တွေကို သူကိုယ်တိုင် မျက်ဝါးထင်ထင် လေ့လာဖို့၊ ၂ ဘက်စလုံးနဲ့ တွေ့ဆုံဖို့၊ ပြီးတော့ အမေရိကန် အစိုးရရဲ့ မြန်မာပြည် အပေါ်ထားတဲ့ သဘောထားကို တေ့တေ့ဆိုင်ဆိုင်ပဲ ထိပ်ပိုင်း အစိုးရခေါင်းဆောင်ပိုင်းကို မျက်နှာချင်းဆိုင် တွေ့ပြီး ပြောဖို့ အပြင် အခု ပြည်တွင်းမှာရနေတဲ့ အရှိန်ကို သေမသွားအောင် ဆက်တွန်းအားပေးဖို့ ဆိုတာတွေပဲ ဖြစ်ပါတယ်။ ဒါပေမယ့် ဒီခရီးစဉ်မှာ မြန်မာနဲ့ အမေရိကန် အနာဂတ် စီးပွားကုန်သွယ်ရေး ကိစ္စတွေနဲ့ သံတမန်ရေးရာ ဆက်ဆံရေး တိုးမြှင့်ဖို့ ကိစ္စတွေကိုလည်း ဆွေးနွေးနိုင်ပါတယ်။
မြန်မာပြည် အထီးကျန်ဖြစ်မှာကို စိုးရိမ်တဲ့ ကျနော့်သဘောထားကတော့ ကလင်တန်ရဲ့ ခရီးစဉ်ကို သဘောကျပါတယ်။
အမေရိကန်ရဲ့ မြန်မာပြည်ပေါ်လစီဟာ အငြင်းပွားဖွယ်ရာတွေ နိုင်ငံတကာမှာ ရှိပေမယ့် သူ့ရဲ့ လောလောဆယ် ဖော်ဆောင် နေတဲ့ Principled engagement နဲ့ Sanction ဟာ အသင့်တော်ဆုံးလို့ ယူဆရတဲ့အတွက် ကလင်တန်ဟာ မြန်မာပြည်က ခေါင်းဆောင်တွေနဲ့ တွေ့တဲ့အခါမှာလဲ လူ့အခွင့်အရေး၊ ဒီမိုကရေစီအရေးနဲ့ တိုင်းရင်းသား ပဋိပက္ခ အရေးတွေနဲ့ ပတ်သက်လာရင် အားမနာတမ်း ပွင့်ပွင့်လင်းလင်း ပြောမှာ ဖြစ်ပါတယ်။
အမေရိကန်အစိုးရရဲ့ အထူး ကိုယ်စားလှယ် ဒဲရစ် မစ်ချယ် ကလည်း မြန်မာအစိုးရ ခေါင်းဆောင်တွေနဲ့ တွေ့ရာမှာ အမေရိကန်ရဲ့ ပေါ်လစီကို ထပ်ခါတလဲလဲ ရှင်းပြပြောဆိုခဲ့ပြီး ဖြစ်ပါတယ်။
ဒဲရစ် မစ်ချယ် ရှိနေရက်နဲ့ ကလင်တန်က ဘာကြောင့် သွားခဲ့တာလဲဆိုရင်တော့ ဒါဟာ အမေရိကန်အစိုးရရဲ့ Plan B ဖြစ်သလို၊ မြန်မာဘက်ကလည်း ဒီခရီးစဉ်ကို လိုလိုလားလား ရှိတဲ့အတွက်ကြောင့် ၂ ဘက် လမ်းဖွင့်ကြတဲ့ ကိစ္စဖြစ်ပါတယ်။
ဒါ့အပြင် လက်ရှိအနေအထားအရ မြန်မာအစိုးရကို ဆက်ပြီး တွန်းအားပေးဖို့ အကောင်းဆုံးကာလလို့ အမေရိကန်ဘက်က ယူဆလို့လည်း ဖြစ်နိုင်ပါတယ်။
Air Force One ပေါ်ကနေ သမ္မတ အိုဘားမားက ဒေါ်အောင်ဆန်းစုကြည်ကို ပြောခဲ့တုန်းကလည်း အတိုက်အခံ ခေါင်းဆောင်က ကလင်တန်ရဲ့ ခရီးစဉ်ကို မီးစိမ်းပြခဲ့ပြီးသား ဖြစ်ပါတယ်။
ဒီခရီးစဉ်ဟာ အပြောင်းအလဲကာလတခုကို သွားနေတဲ့ ဒီနေ့ မြန်မာပြည်မှာတော့ အကောင်းဘက်ကို ရှေးရှုတယ်လို့ပဲ ကျနော်မြင်ပါတယ်။
ဒီခရီစဉ်သတင်းနဲ့ ပတ်သက်ပြီး ရန်ကုန်က ကုန်သည်စီးပွားရေး လောကမှာ တချို့ပြောနေတဲ့အသံတွေ ကတော့ မြန်မာပြည်နဲ့ အမေရိကန်အကြား ဆက်ဆံရေးတွေ ပြန်ကောင်းလာတော့မယ်၊ သံတမန် ဆက်ဆံရေးကို ပုံမှန်ကနေ ပိုပြီးတိုးမြှင့်မယ်၊ သံအမတ်အဆင့် ပြန်ထားမှာကို ပြောတာပါ၊ ပြီးတော့ ပိတ်ဆို့မှုတွေကို နောက်နှစ်ထဲမှာ ရုပ်သိမ်းတော့မယ် ဆိုတဲ့အသံတွေပဲ ဖြစ်ပါတယ်။
အမေရိကန်ဟာ မြန်မာနဲ့ ဆက်ဆံရေးမှာ သူ့ရဲ့ စံတွေရှိပါတယ်။ အဲဒီဘက်မှာ နိုင်ငံရေးအကျဉ်းသား အားလုံးကို လွှတ်ပေးဖို့၊ တိုင်းရင်းသားနယ်တွေအတွင်း ဖြစ်နေတဲ့ ဖိနှိပ်မှုတွေကို ရပ်တန့်ဖို့၊ အမျိုးသားပြန်လည် စည်းလုံးညီညွတ်ရေးကို ဖော်ဆောင်ဖို့ စတဲ့ အဓိကအချက်တွေ ပါဝင်ပါတယ်။ ဒါ့အပြင် မြန်မာ အစိုးရနဲ့ မြောက်ကိုရီးယား ဆက်ဆံရေးကလည်း အဖုအထစ်ဖြစ်စရာ တွေ့ခဲ့ရပါတယ်။ အရင်စစ်အစိုးရလက်ထက် မြန်မာ့တပ်မတော်ဟာ မြောက်ကိုရီးယား ဆီက နျူကလီးယား နည်းပညာတွေ လက်ခံရယူဖို့ ကြိုးစားခဲ့တယ်ဆိုတဲ့ စွပ်စွဲချက်တွေကို အမေရိကန်က ပြောခဲ့တာကြောင့် ဖြစ်ပါတယ်။
အမေရိကန် အထက်လွှတ်တော်အမတ် ရစ်ချက် လူဂါက ဒီကိစ္စကို ပြီးခဲ့တဲ့အပတ်က ထုတ်ဖော် ပြောဆိုခဲ့ပါတယ်။ ကလင်တန်သွားမယ့် အချိန်နဲ့ကိုက်ပြီး အထက်လွှတ်တော်အမတ်က ပြောခဲ့တာပါ။ ကလင်တန်ဟာ မြောက်ကိုရီးယားနဲ့ ဆက်ဆံမှုတွေကို မြန်မာခေါင်းဆောင် တွေနဲ့ တွေ့တဲ့အခါမှာ ထပ်ပြီး မဖြစ်မနေ ပြောဆိုရမှာပါ။
ဒါပေမယ့် ဆက်ဆံရေးပြေပြစ်ဖို့ အလားအလာကောင်းတွေ ရှိပါတယ်။
ဘာဖြစ်လို့လဲဆိုတော့ ဒဲရစ် မစ်ချယ် ကရော ကလင်တန်ကပါ တရားဝင်ပြောခဲ့တဲ့ စကားတွေရှိပါတယ်။ မြန်မာဘက်က နိုင်ငံရေး ပြောင်းလဲတိုးတက်မှုတွေဟာ ရေရှည်တည်တံ့မယ်ဆိုရင် အမေရိကန်ကို မြန်မာကနေ မိတ်ဆွေအဖြစ်နဲ့ မြင်ရမယ်လို့ ပြောခဲ့ပြီး ဖြစ်ပါတယ်။ ဒီလို တံခါးကို ဖွင့်ပေးလိုက်တာဟာ အခွင့်အလမ်းကောင်းလို့ပဲ ကျနော် ယူဆမိပါတယ်။ ဒီအခွင့် အလမ်းကို လက်ဆုပ်လက်ကိုင် ယူပြီး အမေရိကန်နဲ့ မြန်မာဆက်ဆံရေးကို ပြန်လည်ကောင်းမွန်အောင် တည်ဆောက် ရမယ်လို့ ထင်ပါတယ်။
သမ္မတ အိုဘားမားကလည်း သမ္မတ ဦးသိန်းစိန် အစိုးရကို ဒီအခွင့်အရေး လက်လွတ်မခံဖို့ ပြောခဲ့ပြီးဖြစ်ပါတယ်။
ပိတ်ဆို့မှုတွေကို အပြီးရုပ်သိမ်းရေးကတော့ လွယ်လွယ်နဲ့ ဖြစ်လာမှာ မဟုတ်သေးပါဘူး။ ဒီဥပဒေတွေက အမေရိကန်သမ္မတ တဦးတည်း အမိန့်ပေးပြီး ဖျက်ပစ်လိုက်လို့ ရတဲ့ ဥပဒေမဟုတ်ပါဘူး။ ဒါဟာ အမေရိကန်နိုင်ငံရဲ့ ဥပဒေပါ။ ကွန်ဂရက်ရဲ့ အတည်ပြုချက်ကို ယူရမှာဖြစ်ပါတယ်။
၂၀၀၇ – ၂၀၀၈ မှာ ပြဌာန်းခဲ့တဲ့ JADE ACT ကိုတောင် အခုထိ ဖော်ဆောင် အရေးယူမှုတွေ မလုပ်ရသေးဘူး ဆိုရင်တော့ ပိတ်ဆိုမှုကို ရုပ်သိမ်းဖို့ မလွယ်လှပါဘူး။
ဝါရှင်တန်က သြဇာကိတ္တမ ကြီးမားတဲ့ ဝါရှင်တန်ပို့စ် သတင်းစာကြီးရဲ့ အယ်ဒီတာတွေရဲ့ အာဘော်တွေမှာလည်း မြန်မာပြည်ဟာ ဖိနှိပ်မှုတွေ ရှိနေသေးတဲ့ နိုင်ငံလို့ သတိပေးရေးသားခဲ့ပြီး ဖြစ်ပါတယ်။
၂၀၁၂ မှာ ပြုလုပ်မယ့် အမေရိကန် ရွေးကောက်ပွဲကလည်း ရှိသေးတော့ အိုဘားမား အစိုးရအနေနဲ့ မြန်မာပြည်ကို လွယ်လွယ်ကူကူနဲ့ ပိတ်ဆို့ အရေးယူထားတဲ့ ပေါ်လစီကို လျှော့ပေးမှာ မဟုတ်တာတော့ အသေအချာပါပဲ။
ဒါကြောင့် ကလင်တန်ရဲ့ ခရီးစဉ်အတွင်းမှာ သမ္မတ ဦးသိန်းစိန်အပါအဝင် အားလုံးဟာ အမေရိကန် နိုင်ငံခြားရေးဝန်ကြီးနဲ့ တွေ့မယ်၊ စကားတွေ ပြောကြမယ်၊ ဓာတ်ပုံတွေရိုက်ကြမယ်၊ ဆက်ဆံရေးကောင်းဖို့ ကြိုးစားကြမယ်၊ ကတိကဝတ် တချို့ကို ပေးကြမယ်၊ ဒါပေမယ့် တကယ်ဆက်ပြီး လုပ်ပြရမှာကတော့ သမ္မတ ဦးသိန်းစိန်အစိုးရအပေါ်မှာပဲ မူတည်ပါတယ်။
အတိုက်အခံတွေ၊ ထောင်ကလွတ်လာတဲ့ နိုင်ငံရေး အကျဉ်းသားတွေ၊ ရပ်တည်ချက်ကို ခိုင်ခိုင်မာမာ ကိုင်စွဲပြီး ၁၉၈၈ ကတည်းက လှေခွက်ချည်းကျန် အလံမလှဲဘဲ မဆုတ်မနစ်တဲ့ ဒီမိုကရေစီ ဇွဲလုံ့လနဲ့ ရင်ဆိုင်ဖြတ်သန်းလာခဲ့တဲ့ သူတွေကိုလည်း ကလင်တန်က တွေ့ဆုံမှာပါ။
သူတို့ဟာ မြန်မာပြည်ရဲ့ သူရဲကောင်းတွေပါ။ ဒီခရီးစဉ်ဟာ အရှေ့တောင်အာရှမှာ ပိတ်ဆို့မှုတွေ နှစ်ရှည်ခံစားနေရပြီး မျက်နှာ ငယ်ခဲ့ရတဲ့ မြန်မာပြည်သားတွေ အတွက်ကတော့ တန်ဖိုးရှိတဲ့ ခရီးစဉ်ပါ။
ဒီလိုပြည်တွင်းရေးတွေအပြင် မြန်မာနိုင်ငံဟာ အင်အားကြီး တရုတ်နဲ့ အိန္ဒိယကြားမှာ ရှိနေတဲ့ နိုင်ငံငယ်လေးပါ။ ၁၉၈၈ – ၈၉ လောက်က စပြီး တရုတ်အစိုးရနဲ့ တရုတ်နိုင်ငံအပေါ် မှီခိုခဲ့ရတာတွေ ရှိတဲ့အပြင် မြန်မာပြည်ရဲ့ သယံဇာတ တွင်းထွက်တွေ ဟာလည်း တရုတ်ရဲ့ လက်ထဲ အပ်ခဲ့ရတာများပါတယ်။ မြန်မာဟာ တရုတ်ရဲ့ ကိုလိုနီဖြစ်တော့မယ်ဆိုပြီး ပြောကြ၊ ရေးကြ တာတွေလည်း ရှိပါတယ်။ မြန်မာဟာ မဟာဗျူဟာအရ အရေးပါတဲ့ ဘင်္ဂလားပင်လယ်အော်ကို ဖောက်ထွက်နိုင်မယ့် လမ်းကြောင်းလို့ တရုတ်က တွက်ဆထားတာပါ။
ဒါကြောင့် တရုတ်ကို မှီခိုခဲ့ရတဲ့ မြန်မာပြည်ဟာ တခြားအင်အားကြီးနိုင်ငံတွေနဲ့ ချိန်ခွင်လျှာညှိဖို့ လိုပါတယ်။
လက်ရှိ အမေရိကန်အစိုးရရဲ့ မူဝါဒကလည်း အာရှ – ပစိဖိတ်ဒေသက တဖဝါးမှ မခွာဘဲ သူ့ရဲ့ လက်ရှိ မဟာမိတ်တွေအပြင် တခြားဒေသတွင်းက နိုင်ငံတွေနဲ့ ပူးပေါင်းပြီး အာရှ – ပစိဖိတ်ရဲ့ လုံခြုံရေးနဲ့ အကျိုးစီးပွားတွေကို ကာကွယ်စောင့်ရှောက်ဖို့ ဖြစ်တယ်လို့ အိုဘားမားတို့ဘက်က ပြောပြီးဖြစ်ပါတယ်။
ဒါကြောင့် အမေရိကန်နဲ့ မြန်မာ နှစ်နိုင်ငံဟာ ရေရှည်မှာတော့ အကျိုးတူပူးပေါင်းစရာတွေ အများကြီး ရှိတယ်လို့ပဲ ပြောချင်ပါတယ်။ နှစ်ဘက် စလုံး အကျိုးရှိနိုင်ပါတယ်။
တချိန်ချိန်မှာ မြန်မာပြည်ဟာ နိုင်ငံတကာကို ပြန်ဝင်ပြီး အမေရိကန်လို အင်အားကြီး ဒီမိုကရေစီနိုင်ငံ တနိုင်ငံနဲ့ ဆက်ဆံရေး ကောင်းမွန်ရမယ်၊ မဟာမိတ် ပြန်လုပ်ရမယ်လို့ ကျနော်ယုံကြည်လို့ပဲ ဖြစ်ပါတယ်။
ဟီလာရီ ကလင်တန် ခရီးစဉ်ကြောင့် ပြောင်းလဲမှု အရှိန်ပိုရလာမည် ဒေါ်အောင်ဆန်းစုကြည် မျှော်လင့်
2011-11-30
အမေရိကန်နိုင်ငံခြားရေး ၀န်ကြီး မစ္စစ် ဟီလာရီ ကလင်တန်ရဲ့ခရီးစဉ် အတွင်း မြန်မာ အစိုးရ ခေါင်းဆောင်တွေနဲ့ အရေးကြီးတဲ့ အကြောင်းတွေ ဆွေးနွေးကြပြီး နားလည်မှု ရရှိကာ ပြုပြင် ပြောင်းလဲမှုတွေ အရှိန်အဟုန် ပိုရလာလိမ့်မယ်လို့ မျှော်လင့်ကြောင်း ဒေါ်အောင်ဆန်းစုကြည်က ပြောကြားလိုက်ပါတယ်။
RFA
အမေရိကန်ပြည်ထောင်စု ၀ါရှင်တန် ဒီစီမြို့တော်တွင် ၂၀၁၁ ခုနှစ် နိုဝင်ဘာလ ၃၀ ရက်နေ့က ပြုလုပ်သည့် Council of Foreign Relations နိုင်ငံခြားရေး မူဝါဒအဖွဲ့ ပညာရှင်များနှင့် ဗီဒီယိုက တဆင့် ဒေါ်အောင်ဆန်းစုကြည် ဆွေးနွေးခဲ့ပြီး မေးမြန်းချက်များကို ပြန်လည် ဖြေကြားရှင်းလင်းခဲ့ပါသည်။
အမေရိကန်ပြည်ထောင်စု ၀ါရှင်တန် ဒီစီမှာ ပြုလုပ်တဲ့ Council of Foreign Relations နိုင်ငံခြားရေး မူဝါဒ ပညာရှင်များ စည်းဝေးပွဲ အတွင်း ဗီဒီယိုက တစ်ဆင့် ဒေါ်အောင်ဆန်းစုကြည်က မိမိအနေနဲ့ တွေ့ဆုံ ဆွေးနွေးမှုကို ယုံကြည် လက်ခံသူ ဖြစ်တဲ့ အတွက် အမေရိကန် အစိုးရနဲ့ မြန်မာ အစိုးရတို့ အခုလို ဆွေးနွေးကြတာကို ၀မ်းမြောက် ၀မ်းသာ လက်ခံကြောင်း မနေ့က ပြောသွားပါတယ်။ အစိုးရ အရာရှိတွေ၊ အသိပညာရှင်တွေ၊ စာနယ်ဇင်းသမားတွေ အပါအဝင် စုစုပေါင်း ပရိသတ် ၂၀၀ ကျော်ခန့် တက်ရောက်ကြတဲ့ အဲဒီ စည်းဝေးပွဲမှာ တက်ရောက်လာသူများက မြန်မာနိုင်ငံ အခြေအနေ အရပ်ရပ်နဲ့ ပတ်သက်လို့ မေးမြန်းကြတာတွေကိုလည်း ဒေါ်အောင်ဆန်းစုကြည်က ပြန်လည် ဖြေကြားသွားပါတယ်။
ပီကင်းတွင် ယနေ့ တွေ့ရသော ဗိုလ်ချုပ်ကြီး မင်းအောင်လှိုင် နှင့် တရုတ်ဒုသမ္မတ (ဓာတ်ပုံ – Xinhua/Li Tao)
