မြန်မာ့အရေး ကော်မရှင်ဖွဲ့ စုံစမ်းဖို့ UPR မှာ လူ့အခွင့်အရေး အဖွဲ့တွေ တောင်းဆို
By ဦးသားညွန့်ဦး ဗုဒ္ဓဟူး, 08 ဇွန် 2011
UPR လုပ်ငန်းစဉ်လို့ ခေါ်တဲ့ ကုလသမဂ္ဂ လူ့အခွင့်အရေး ကောင်စီရဲ့ နိုင်ငံအလိုက် လူ့အခွင့်အရေး အခြေအနေ ပုံမှန်သုံးသပ်မှု ဆွေးနွေးပွဲမှာ ဒီကနေ့ မြန်မာနိုင်ငံကိစ္စကို ဆွေးနွေးပါတယ်။ ပါဝင်ဆွေးနွေးခဲ့ကြတဲ့ လူမှု လူ့အဖွဲ့အစည်းတွေကတော့ လက်ရှိ UPR လုပ်ငန်းစဉ်ဟာ မြန်မာနိုင်ငံက လူ့အခွင့်အရေး အခြေအနေဆိုးတွေကို ဟန့်တားနိုင်ဖို့ ထိရောက်မှု မရှိဘူးလို့ သုံးသပ်ပြီး မြန်မာ့အရေးအတွက် ကုလသမဂ္ဂ စုံစမ်းစစ်ဆေးရေး ကော်မရှင်တရပ် ဖွဲ့ရေးကိုသာ တညီတည်း တောင်းဆိုခဲ့ကြပါတယ်။
ဆွေးနွေးပွဲမှာ ပါဝင်ဆွေးနွေးတဲ့ အဖွဲ့ဝင်နိုင်ငံ အတော်များများကတော့ မြန်မာအစိုးရသစ်ဟာ လူ့အခွင့်အရေး တိုးတက် ကောင်းမွန်လာအောင် ကြိုးပမ်းမှု ရှိနေတယ်လို့ အပြုသဘော တုံ့ပြန်ခဲ့ကြပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။
ဒီကနေ့ ဆွေးနွေးပွဲ အတွင်းမှာတော့ မြန်မာအစိုးရ ကိုယ်စားလှယ်က UPR အကြံပြုချက်တွေအပေါ် တုံ့ပြန်ဆွေးနွေးတာတွေနဲ့ အစိုးရသစ်ရဲ့ လူ့အခွင့်အရေးနဲ့ ပတ်သက်လို့ ကတိက၀တ်တွေကို အချိန်အများစုယူပြီး ဆွေးနွေးသွားပါတယ်။ ဆွေးနွေးခဲ့ကြတဲ့ လူမှု လူထုအဖွဲ့အစည်း ၁၀ ဖွဲ့လုံးကတော့ မြန်မာအစိုးရရဲ့ လက်တွေ့ နိုင်ငံတွင်း လူ့အခွင့်အရေး ချိုးဖောက်မှုတွေကို ထောက်ပြပြီး မြန်မာအစိုးရကို အပြင်းအထန် ဝေဖန်သွားခဲ့ပါတယ်။
နိုင်ငံတကာ အနေနဲ့လည်း လက်တွေ့ဆန်တဲ့ အရေးယူမှုကို ဆောင်ရွက်ဖို့ တိုက်တွန်းခဲ့ကြပါတယ်။
“မြန်မာနိုင်ငံတွင်း လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေနဲ့ စစ်ရာဇ၀တ်တွေ ရှိမရှိ ဆိုတာကို စစ်ဆေးဖို့ နိုင်ငံတကာ စုံစမ်းရေး ကော်မရှင် တရပ်ကို အမြန်ဆုံးဖွဲ့စည်းဖို့ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ အနေနဲ့ ထပ်မံ တောင်းဆိုလိုက်ပါတယ်။”
Amnesty International အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ ကိုယ်စားလှယ်က ပြောဆိုသွားတာပါ။
HRW လူ့အခွင့်အရေး စောင့်ကြည့်မှု အဖွဲ့ကလည်း မြန်မာအစိုးရဟာ နိုင်ငံတွင်း လူ့အခွင့်အရေး ချိုးဖောက်မှုတွေ ရှိနေတယ် ဆိုတာကို ငြင်းဆန်နေတုန်းပဲလို့ ပြောပါတယ်။
“မြန်မာအစိုးရ အနေနဲ့ ဆိုးဝါးတဲ့ လူ့အခွင့်အရေး ချိုးဖောက်မှုတွေကို ငြင်းဆန်နေတုန်းပဲဆိုတာ အခု UPR သုံးသပ်ဆွေးနွေးပွဲမှာ အထင်အရှား တွေ့နိုင်ပါတယ်။ မရိုးသားမှုတွေ ရှိခဲ့တဲ့ ပြီးခဲ့တဲ့ ၂၀၁၀ နိုဝင်ဘာ ရွေးကောက်ပွဲအတွင်း လွတ်လပ်စွာ အဖွဲ့အစည်း ဖွဲ့စည်းခွင့်၊ စုရုံးခွင့်တွေ မရှိဘူး ဆိုတာကိုပါ ငြင်းဆန်နေပါတယ်။
“နိုင်ငံရေး အကျဉ်းသားတွေ မရှိဘူး၊ အဖမ်းခံရသူတွေဟာ ရာဇ၀တ် ပြစ်မှုတွေကို ချိုးဖောက် ကျူးလွန်သူတွေ ဖြစ်တယ်လို့ ပြောနေပါတယ်။ ဒါပေမဲ့ နိုင်ငံရေး အကျဉ်းသား ၂,၀၀၀ ဟာ အကျဉ်းထောင်တွေထဲမှာ ထိန်းသိမ်းခံနေရဆဲ ဖြစ်ပါတယ်။”
မြန်မာအစိုးရ ကိုယ်စားလှယ်ကတော့ မြန်မာအစိုးရသစ် အနေနဲ့ လူ့အခွင့်အရေး အခြေအနေ တိုးတက်လာအောင် လက်တွေ့ ဆောင်ရွက်နေပြီး အစိုးရသစ်ရဲ့ သက်တမ်း နုနယ်သေးတာကြောင့် စိတ်ရှည်ဖို့သဘော ပြောခဲ့ပါတယ်။
“မြန်မာအစိုးရရဲ့ သက်တမ်းဟာ အခုမှ ၆၉ ရက်သားပဲ ရှိပါသေးတယ်။ အင်မတန် နုနယ်ပါတယ်။ ဒါပေမဲ့ အခြားနိုင်ငံတွေ ပြောသလိုပါပဲ၊ လူ့အခွင့်အရေး ကာကွယ် မြှင့်တင်ရေးအတွက် စိတ်ဆန္ဒ အပြည့်ရှိပါတယ်။ ဒီလို စိတ်ဆန္ဒတွေကြောင့်ပဲ အစိုးရရဲ့ အခုလို နုနယ်တဲ့ သက်တမ်းအတွင်းမှာ ဥပဒေတွေနဲ့ လက်တွေ့ကိစ္စတွေမှာ လူ့အခွင့်အရေးနဲ့ ပတ်သက်လို့ ဆောင်ရွက်ချက်တွေ တွေ့ရပါမယ်။ ဒီအထဲမှာ လူ့အခွင့်အရေး အခြေအနေ တိုးတက်လာဖို့ ကုလသမဂ္ဂနဲ့ ပူးပေါင်း ဆောင်ရွက်တာလည်း ပါဝင်ပါတယ်။” ဆိုပြီး မြန်မာကိုယ်စားလှယ် ဦးရဲမြင့်အောင်က ပြောသွားတာပါ။
အာရှနိုင်ငံအများစု အထူးသဖြင့် အိမ်နီးချင်း နိုင်ငံတွေကတော့ မြန်မာနိုင်ငံရဲ့ UPR လုပ်ငန်းစဉ်အပေါ် အပြုသဘော ပူးပေါင်းဆောင်ရွက်မှု ရှိတယ်ဆိုပြီး ချီးကျူးခဲ့ကြပါတယ်။ တရုတ်နိုင်ငံကတော့ တည်ငြိမ်တဲ့ အပြောင်းအလဲဖြစ်ဖို့ လိုလားတယ်လို့ သူ့ဆန္ဒကို ပြောခဲ့ပါတယ်။
“မြန်မာနိုင်ငံမှာ လူမှုတည်ငြိမ်ရေး ရှိနေဖို့နဲ့ ဒီမိုကရေစီ တိုးတက်မှုတွေကို တည်တည်ငြိမ်ငြိမ်နဲ့ လုပ်ဆောင်သွားနိုင်ဖို့ တရုတ်နိုင်ငံက မျှော်လင့်ထားပါတယ်။ မြန်မာနိုင်ငံ တိုးတက်ဖွံ့ဖြိုးရေး ကိစ္စမှာ မြန်မာနိုင်ငံ အခြေအနေနဲ့အညီ မြန်မာနိုင်ငံသားတွေ ကိုယ်တိုင် လွတ်လွတ်လပ်လပ် ရွေးချယ်ပြီး ဆောင်ရွက်မှု အပေါ်မှာ နိုင်ငံတကာ အနေနဲ့ လေးစား လက်ခံလိမ့်မယ်လို့ တရုတ်နိုင်ငံက မျှော်လင့်ပါတယ်။”
အခုဆွေးနွေးပွဲမှာ အချိန်အများစုကို မြန်မာအစိုးရနဲ့ အိမ်နီးချင်း အာရှနိုင်ငံတွေက ပြောဆိုသွားလို့ မြန်မာ့ဒီမိုကရေစီရေး ဝေဖန်လေ့ရှိတဲ့ အနောက်နိုင်ငံတွေက ပြောဆိုခွင့် မသာခဲ့ဘူးလို့ ဆွေးနွေးပွဲမှာ တက်ရောက်ခဲ့တဲ့ ဒေါက်တာ သောင်းထွန်းက ပြောပါတယ်။
ဒါပေမဲ့ ဂျပန်အစိုးရ ကိုယ်စားလှယ်ကတော့ လိုအပ်ချက်တွေ ရှိနေသေးတယ်ဆိုတဲ့ စိုးရိမ်ချက်တွေ အပေါ်မှာ အသိအမှတ်ပြု ပြောသွားပါတယ်။
“လူ့အခွင့်အရေး အခြေအနေတွေ တိုးတက် ကောင်းမွန်လာဖို့ လိုအပ်ချက်တွေ ရှိနေသေးတယ် ဆိုတဲ့ စိုးရိမ်ချက်တွေ ရှိနေတယ်ဆိုတာ သိပါတယ်။ မြန်မာနိုင်ငံ အနေနဲ့ ဒီမိုကရေစီရေးနဲ့ အမျိုးသား ပြန်လည် သင့်မြတ်ရေးအတွက် နောက်ထပ် အပြုသဘော ဆောင်ရွက်မှုတွေ တုံ့ပြန်လာလိမ့်မယ်လို့ အတော်လေး မျှော်လင့်ထားပါတယ်။ ယုံကြည်ချက်ကြောင့် အကျဉ်းကျနေသူတွေကို ထပ်လွှတ်ပေးဖို့၊ ဒီမိုကရေစီ အင်အားစုတွေနဲ့ တွေ့ဆုံ ညှိနှိုင်းဖို့၊ နောက် လူ့အခွင့်အရေး အခြေအနေတွေ တိုးတက် ကောင်းမွန်လာဖို့ စသဖြင့်ပါ။”
ဆွေးနွေးပွဲအတွင်း လူမှု လူ့အဖွဲ့အစည်း ကိုယ်စားလှယ်တဦး အနေနဲ့ ပါဝင်ဆွေးနွေးခဲ့သူ တဦးဖြစ်တဲ့ NCGUB အဝေးရောက် ညွန့်ပေါင်းအစိုးရ ကုလသမဂ္ဂရေးရာ တာဝန်ခံ ဒေါက်တာ သောင်းထွန်းကတော့ လူမှု လူ့အဖွဲ့အစည်းတွေဘက်က တညီတည်း တောင်းဆိုမှုဟာ မြန်မာနိုင်ငံတွင်း လူ့အခွင့်အရေး အခြေအနေတွေကို စစ်ဆေးဖို့ ကုလသမဂ္ဂ စုံစမ်းရေး ကော်မရှင်ဖွဲ့ဖို့ ဖြစ်တယ်လို့ ပြောပါတယ်။
“လူထု လူ့အဖွဲ့အစည်းတွေ အားလုံးကတော့ UPR လုပ်ငန်းစဉ်လောက်နဲ့တော့ မြန်မာနိုင်ငံရဲ့ လူ့အခွင့်အရေး အခြေအနေတွေကို ထိထိရောက်ရောက် ကြပ်မတ်နိုင်မှာ မဟုတ်ဘူး။ ဒါကြောင့် လွတ်လပ်တဲ့ လူ့အခွင့်အရေး စုံစမ်းရေးဆိုင်ရာ ကော်မရှင် တရပ်ကို ကုလသမဂ္ဂ ဖွဲ့စည်းဖို့ဆိုတာ တညီတညွတ်တည်း ပြောသွားတယ်။ Council အစည်းအဝေးခန်းမ တခုလုံးဟာ လူထု လူ့အဖွဲ့အစည်းတွေရဲ့ တောင်းဆိုချက်ကို သတိမပြုဘဲ နေလို့မရအောင်ကို လူထု လူ့အဖွဲ့အစည်း ၁၀ ဖွဲ့က တညီတညွတ်တည်း တောင်းဆိုခဲ့ပါတယ်။”
မြန်မာနိုင်ငံတွင်း တိုင်းရင်းသား ဒေသတွေမှာ ဖြစ်နေတဲ့ လူ့အခွင့်အရေး ချိုးဖောက်မှုတွေနဲ့ ဥပဒေစိုးမိုးမှု ကင်းမဲ့တဲ့ ကိစ္စတွေကိုလည်း လူမှု လူ့အဖွဲ့အစည်း ၁၀ ဖွဲ့က တင်ပြ ဆွေးနွေးသွားကြပါတယ်။ အခုလို အဖွဲ့ဝင်နိုင်ငံ အစိုးရတွေနဲ့ လူမှု အဖွဲ့အစည်းတွေရဲ့ ဆွေးနွေးချက်ကိုတော့ UPR သုံးသပ်ချက်မှာ မှတ်တမ်းတင်ထားမှာ ဖြစ်ပေမဲ့ အစိုးရအနေနဲ့ မဖြစ်မနေ လိုက်နာရမယ့် ဆုံးဖြတ်ချက်မျိုးတော့ မထုတ်ပေးနိုင်ပါဘူး။
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) ကိုယ်တိုင်ကလည်း UPR လုပ်ငန်းစဉ်ဟာ ပုံစံအသစ် ဖြစ်လေတော့ ဒီလုပ်ငန်းစဉ်ရဲ့ ထိရောက်မှု၊ လက်တွေ့ အကောင်အထည် ဖော်မှုပိုင်း အားနည်းမှု ရှိနေသေးတာတွေကို ဗွီအိုအေ မြန်မာပိုင်းကို မနေ့က ထောက်ပြ ပြောဆိုခဲ့ပါတယ်။
အာဏာပိုင်နဲ့ ကုမ္ပဏီကြီးများ ပူးပေါင်း လိမ်လည်မှု လယ်သမားတို့ ရင်ဖွင့်
2011-06-08 RFA
ဒေသခံ တောင်သူတွေရဲ့ သဘောတူညီချက် မရလို့ မဆောက်ဖြစ်တဲ့ ပလပ်စတစ်ပိုက် စက်ရုံ ကို တခြား နေရာမှာ ဒေသခံတွေရဲ့ သဘောတူညီချက် အရ ဆောက်လုပ်တော့မယ် ဆိုပြီး အာဏာပိုင်တွေနဲ့ ဦးပိုင် လိမီတက်တို့ မရိုးမသား ဆောင်ရွက်သွားတယ်လို့ ကမ္မမြို့နယ် ဒေသခံတွေက RFA ကို ပြောပါတယ်။
ပြီးခဲ့တဲ့ မတ်လ အတွင်းက မကွေးတိုင်း သရက် ခရိုင် ကမ္မမြို့နယ် စစ်စရံရွာ အနီးမှာ တရုတ် ကုမ္မဏီ၊ ဦးပိုင် လီမီတက်နဲ့ ထူးကုမ္ပဏီ တို့ ပူးတွဲ ဆောင်ရွက်မယ့် PVC ပလပ်စတစ်ပိုက် စက်ရုံ ဆောက်လုပ်ရေး အတွက် လယ်မြေတွေကို နစ်နာကြေးပေး သိမ်းယူခဲ့တာကို ဒေသခံ လယ်သမားတွေက သဘောမတူ၊ မကျေနပ် တာကြောင့် စက်ရုံ ဆောက်လုပ်ရေး အစီအစဉ်ကို ရပ်ဆိုင်းခဲ့ရ ပါတယ်။ အဲဒီနောက် ဒီစက်ရုံ ကို မူလ သတ်မှတ်ထားတဲ့ နေရာကနေ တစ်မိုင်လောက် အကွာက ထောင့်မရွာ အနီးမှာ ဆောက်လုပ်ဖို့ စီစဉ်ခဲ့ပါတယ်။
အဲသလို ထောင့်မရွာ အနီးမှာ စက်ရုံဆောက်ဖို့ ဒေသခံတောင်သူ ၆၈ ဦးရဲ့ သဘောတူညီချက် လက်မှတ်တွေ ရထားပြီး ဖြစ်တယ်လို့ အာဏာပိုင်တွေက သတင်းလွှင့်ခဲ့ပေမဲ့ တောင်သူ အများစုက မိမိတို့ လက်မှတ် မထိုးခဲ့ကြဘူးလို့ ပြောပါတယ်။ ဒါ့အပြင် ပြီးခဲ့တဲ့ ဇွန်လ(၃) ရက်နေ့က စက်ရုံဆောက်လုပ်ရေး အတွက် ဒေသခံတွေ နဲ့ ညိုနှိုင်း စည်းဝေးတယ် ဆိုပြီး တောင်သူတွေ မပါဘဲ အစည်းအဝေး လုပ်ခဲ့ပါတယ်။ ထောင့်မရွာက တောင်သူ ဦးဝင်းကြည်က အခုလိုပြောပါတယ်။ "အစည်းအဝေး လုပ်တဲ့အချိန်မှာ လုပ်ငန်းရှင်တွေကို ခေါ်ပြီးတော့ အဆိုသွင်းတာ ထောက်ခံတာဘဲ ဖြစ်တယ်။
ကျတော်တို့ တောင်သူတွေကို မခေါ်တဲ့အတွက် ကျတော်တို့ လုံးဝ မသိရပါဘူး။ ကျတော်တို့ တောင်သူတွေကလည်း ကျတော်တို့ လယ်ယာမြေတွေ၊ မိဘ ဘိုးဘွား ဓါးမဦးချ လုပ်ထားခဲ့တဲ့ လယ်ယာမြေတွေကို ကိုယ်ကိုယ်တိုင်ဘဲ လုပ်ကိုင်ခွင့် ရှိတာပေါ့လေ။ ပလပ်စတစ် စက်ရုံအတွက် ငွေပေးတာတွေ ဘာတွေကို ကျတော်တို့ လုံးဝ လက်မခံနိုင်ပါဘူး။
" အစည်းအဝေးမှာ တောင်သူ မဟုတ်တဲ့ စီးပွားရေး လုပ်ငန်းရှင်တွေက စက်ရုံ ဆောက်လုပ်ရေး သဘောတူကြောင်း တင်ပြသွားတာ ဖြစ်တယ်လို့ဆိုပါတယ်။ ပြီးခဲ့တဲ့ မတ်လက စစ်စရံ ကျေးရွာမှာလည်း အလားတူ ပုံစံမျိုး ဖြစ်ခဲ့ပြီး မကျေနပ်လို့ ကန့်ကွက် ပြောဆိုသူ လယ်သမား ဦးသန်းဦးကို ဦးပိုင် လိမီတက်နဲ့ ထူးကုမ္ပဏီက အလုပ်သမားတွေက ၀ိုင်းဝန်း ရိုက်နက်ခဲ့တဲ့ အပြင် နိုင်ငံတော် စီမံကိန်းကို နှောက်ယှက်မှုနဲ့လည်း တရားစွဲ အရေးယူခဲ့ပါတယ်။
နယ်ခရီးစဉ်ဟာ လုံခြုံရေး အထူး အရေးကြီးကြောင်း အမေရိကန် သံရုံး တာဝန်ခံဟောင်း ပြောကြား
2011-06-08 RFA
ဒေါ်အောင်ဆန်းစုကြည် မကြာခင် စတင်တော့မယ့် နယ်ခရီးစဉ်မှာ လုံခြုံရေးဟာ အဓိက သော့ချက်ဖြစ်တဲ့ အတွက် သူမအနေနဲ့ အထူး သတိထားဖို့ လိုအပ်တယ်လို့ မြန်မာနိုင်ငံ ဆိုင်ရာ အမေရိကန် သံရုံးယာယီ တာဝန်ခံ ဟောင်း Priscilla Clapp က မနေ့က သတိပေး ပြောကြားလိုက်ပါတယ်။
အစိုးရဟာ နိုင်ငံ မတည်မငြိမ် ဖြစ်မှာကို မလိုလားပါဘူး၊ တရား ဥပဒေ စိုးမိုးရေးနဲ့ ပတ်သက်လို့ သတိပေးချက် တချို့ ထုတ်ပြန်ထားပါတယ်။ ဒါ့ကြောင့် ဒေါ်အောင်ဆန်းစုကြည်ကို ခြိမ်းခြောက်နိုင် ပါတယ်၊ ဒါပေမယ့် အာဏာပိုင်တွေဘက်က ဘာလုပ်မယ်၊ ဒီခရီးစဉ်မှာ ဘာတွေ ဖြစ်လာမယ် ဆိုတာကိုတော့ ကျမအနေနဲ့ အတိအကျ မသိနိုင်ပါဘူး၊ ဒီတော့ ဒေါ်အောင်ဆန်းစုကြည် အနေနဲ့ သတိထား ခြင်ဆင်ဖို့ လိုပါတယ်လို့ ပြောပါတယ်။
တကယ်လို့ ဒေါ်အောင်ဆန်းစုကြည်ကို အစိုးရဘက်က တစုံတခု ကျူးလွန်တာမျိုး ရှိခဲ့ရင် ပြန်လည် ပေးဆပ်ရမှုဟာ နိုင်ငံတကာ အတိုင်းအတာ အထိ ကြီးမားပါလိမ့်မယ် လို့လည်း Ms. Clapp က ပြောပါတယ်။ Ms. Priscilla Clapp ဟာ ၁၉၉၉ ခုနှစ်ကနေ ၂၀၀၂ ခုနှစ် အထိ ရန်ကုန်မြို့ အမေရိကန်သံရုံး အကြီးအကဲ တာဝန်ယူခဲ့သူ ဖြစ်ပြီး၊ လက်ရှိမှာ နယူးယောက်မြို့အခြေစိုက် Asia Society အဖွဲ့ရဲ့ မြန်မာနိုင်ငံ ဆိုင်ရာ အမေရိကန်မူဝါဒရေးရာ လုပ်ငန်းအဖွဲ့မှာ အကြံပေးတဦးအဖြစ် ဆောင်ရွက်နေပါတယ်။
ဒေါ်အောင်ဆန်းစုကြည် စတင်တော့မယ့် နယ်ခရီးစဉ်၊ ဦးသိန်းစိန် အစိုးရနဲ့ ဒေါ်အောင်ဆန်းစုကြည် ဦးဆောင်တဲ့ အန်အယ်လ်ဒီ ပါတီတို့ကြား လက်ရှိ ဆက်ဆံရေးနဲ့ အလားအလာ စတဲ့ မြန်မာ့ နိုင်ငံရေး နောက်ဆုံး အခြေအနေတွေနဲ့ ပတ်သက်လို့ နယူးယောက်မြို့အခြေစိုက် Asia Society အဖွဲ့ရဲ့ မြန်မာနိုင်ငံ ဆိုင်ရာ အမေရိကန် မူဝါဒ ရေးရာ လုပ်ငန်း အဖွဲ့မှာ အကြံပေး အဖြစ် ဆောင်ရွက်နေသူ၊ ရန်ကုန်မြို့အမေရိကန် သံရုံး ယာယီ တာဝန်ခံဟောင်း Ms Priscilla Clapp ကို ကိုကျော်ကျော်အောင်က ဆက်သွယ် မေးမြန်းထားတာ နားဆင်နိုင်ပါတယ်။
အဓမ္မလုပ်အား ခိုင်းစေကြောင်း တိုင်ကြားမှုတိုး
2011-06-08 RFA
၂၀၀၇ ခုနှစ် အစပိုင်း ကတည်းက အိုင်အယ်လ်အို ရုံးခွဲက လက်ခံ ရရှိတဲ့ အဓမ္မလုပ်အားပေး ခိုင်းစေခံရမှု တိုင်ကြားမှုပေါင်း ၇၅၀ ခန့် လက်ခံရရှိခဲ့ပြီး အဲဒီအထဲမှာ တိုင်ကြားမှု ၆၀၀ နီးပါးက အသက်မပြည့်သူ ကလေးတွေကို စစ်သားအဖြစ် စုဆောင်းတဲ့ တိုင်ကြားမှုတွေ ဖြစ်တယ်လို့  ရန်ကုန် အခြေစိုက် အိုင်အယ်လ်အိုရုံးခွဲက မနေ့ က ပြောပါတယ်။
မြန်မာဘာသာနဲ့ ထုတ်ဝေတဲ့ အိုင်အယ်လ်အိုရဲ့ အဓမ္မ လုပ်အားပေး ခိုင်းစေမှု အကြောင်းအရာ လက်ကမ်း စာစောင်ကြောင့် တိုင်ကြားတဲ့သူတွေ ပိုများလာတာ ဖြစ်နိုင်ပြီး တကယ်တန်း အဓမ္မလုပ်အား ပေး ပိုများလာတာလို့ တော့ မဆိုနိုင်ဘူးလို့ ရန်ကုန် အခြေစိုက် အိုင်အယ်လ်အို ရုံးခွဲ အကြီးအကဲ မစ္စတာ Steve Marshal က ပြောပါတယ်။
မြန်မာနိုင်ငံသား အတော်များများဟာ သူတို့ မှာရှိသင့်တဲ့ အခွင့်အရေးတွေကို မသိ နားမလည်သေး သလို ကျင့်သုံးပိုင်ခွင့်လည်း မရှိဘူးလို့ မစ္စတာ မာရှယ်က ပြောပါတယ်။ ၂၀၀၇ ခုနှစ်စပြီး ပြောရရင် အသက်မပြည့်သေးသူ ကလေးစစ်သား ၁၇၄ ယောက်ကို အစိုးရက ပြန်လည်လွှတ်ပေးခဲ့ပြီး စစ်တပ် အရာရှိ ၂၀ နဲ့ ကျန်တဲ့ အဆင့်က စစ်တပ်အမှုထမ်း ၁၁၀ ကိုလည်း အစိုးရက အရေးယူခဲ့ကြောင်း မြန်မာအစိုးရ ကာကွယ်ရေးဝန်ကြီးဌာနက ပြောတယ်လို့ သိရပါတယ်။
ရန်ကုန် အခြေစိုက် အိုင်အယ်လ်အို ရုံးခွဲက လက်ခံရရှိတဲ့ တိုင်ကြားစာတွေထဲမှာ အိုင်အယ်လ်အို လုပ်ပိုင်ခွင့် နဲ့ မသက်ဆိုင်တဲ့ လယ်ယာမြေ အဓမ္မ အသိမ်းခံရတာတွေ အဂတိ လိုက်စားမှုတွေ နဲ့  တခြား စက်မှုလုပ်ငန်း ဆိုင်ရာ ပဋိပက္ခတွေလည်း ပါဝင်တယ်လို့ သိရပါတယ်။
သီတဂူဆရာတော်ရဲ့ ဗုဒ္ဓတက္ကသိုလ် ဖွင့်ပွဲ
BBC News ။ ။ 08-06-2011
ကမ္ဘာ့ ဗုဒ္ဓသာသနာပြု သီတဂူ ဆရာတော်ကြီးက ရန်ကုန်မှာ ရှိတဲ့ နိုင်ငံတကာ ဗုဒ္ဓသာသနာ့ တက္ကသိုလ်ဖွင့်ပွဲကို လာမဲ့ ၁၆ ရက်ကနေ ၂၀ ရက်အထိ ငါးရက်တိုင်တိုင် ကျင်းပဖို့ စီစဉ်နေပါတယ်။
အဲဒီပွဲကို အစိုးရခေါင်းဆောင်တွေနဲ့ နိုင်ငံရေးပါတီက ခေါင်းဆောင်တွေကို ပါ ဖိတ်ကြားထားတယ်လို့ သိရပါတယ်။
ပွဲ အစီအစဉ် ငါးရက်မှာ တရက်ကို အစိုးရ အရာရှိကြီးတွကို ဖိတ်ထားပြီး နောက်တရက်မှာတော့ နိုင်ငံရေး အဖွဲ့ပေါင်း ၃၁ ဖွဲ့ ကို ဖိတ်ထားတယ်လို့ ဆရာတော်ကြီး ဦးဉာဏိဿရက ဘီဘီစီကို ပြောပါတယ်။
နိုင်ငံရေးအဖွဲ့ဆိုတဲ့ အထဲမှာလည်း အတိုက်အခံတွေ အစိုးရတွေ မရှိပဲ အားလုံးကို ငြိမ်းချမ်း ညီညွတ်စေချင်တဲ့ သဘောနဲ့ တူညီသော လမ်းကြောင်းပေါ်မှာ အားလုံး လက်တွဲ လမ်းလျှောက်ကြပါစို့ဆိုတဲ့ မူနဲ့ လုပ်ဆောင်နေတယ်လို့လဲ ဆရာတော်ကြီးက ပြောပါတယ်။
လူတွေအားလုံး မေတ္တာ နဲ့ ကရုဏာဆိုတဲ့ ဘုံရပ်တည်ချက်နဲ့ အတူသွားနိုင်ဖို့ ရည်ရွယ်တယ်လို့လဲ ဆိုပါတယ်။
အဲဒီနေ့ကျရင် နိုင်ငံရေး အဖွဲ့တွေ အားလုံးကို ဆရာတော်ကြီးက တရား ဟောဦးမယ်လို့လဲ သိရပါတယ်။ ဘယ်လို တရားမျိုး ဆိုတာကိုတော့ အဲဒီနေ့ကိုသာ စောင့်ကြည့်ပါလို့ မိန့်ကြားသွားပါတယ်။
လေယာဉ်တင်တရုတ်စစ်သင်္ဘော မြင်ကွင်းထွက်လာ
BBC News ။ ။ 08-06-2011
တရုတ်အစိုးရက သူတို့မှာ လေယာဉ်တင် သင်္ဘော စီမံကိန်း ရှိတယ် ဆိုတာကို ပထမဆုံးအကြိမ်ထုတ်ဖေါ်ဝန်ခံလိုက်တာကြောင့် နိုင်ငံတနိုင်ငံရဲ့အဆင့်အတန်းကို ညွှန်းဆိုပြတဲ့ လက္ခဏာ သင်္ကတ တရပ် ပိုင်ဆိုင်တဲ့ နိုင်ငံ ဖြစ်လာပါတယ်။
China Carrierတရုတ်နိုင်ငံရဲ့ လေယာဉ်တင် စစ်သင်္ဘောကမ္ဘာပေါ်မှာ လေယာဉ်တင် သဘောင်္တွ ထားရှိ မောင်းနှင်နိုင်တဲ့ နိုင်ငံဆိုလို့ လက်ချိုး ရေတွက်လို့ ရပါတယ်။ လွန်ခဲ့တဲ့ ဆယ်နှစ်ကျော်လောက်က ယူကရိန်း နိုင်ငံကနေ ဝယ်ထားတဲ့ ဆိုဗီယက် လုပ် လေယာဉ်တင် သင်္ဘော တစ်စင်းကို ပြန်ပြင်နေတယ်လို့ ကြားနေရတာ နှစ်နဲ့ချီ ကြာနေပြီး အခုမှ ဒီသတင်း ပြန်ထွက်လာတာ ဖြစ်ပါတယ်။
တရုတ် လေယာဉ်တင် သင်္ဘောကို ဒီနှစ်ကုန်လောက်မှာ ရေပြင်မှာ အစမ်း မောင်းနှင်နိုင်တော့မယ်လို့ ယူဆရပေမယ့် ဒီလေယာဉ်တင် သင်္ဘောကို သင်တန်း လေ့ကျင့်မှုတွေက လွဲလို့ တခြား နေရာတွေမှာ အသုံးပြုနိုင်ဖွယ် မတွေ့ရပါဘူးလို့ ဘီဘီစီ သတင်းထောက်က သုံးသပ်ပါတယ်။အမေရိကန် ရေတပ်နဲ့ နှိုင်းယှဉ် ကြည့်မယ် ဆိုရင် အမေရိကန် ရေတပ်မှာက အပြည့်အဝ လှုပ်ရှားနိုင်တဲ့ လေယာဉ်တင် စစ်သင်္ဘော ၁၁စင်းလောက် ရှိနေပါတယ်။
နောက် အင်အားကြီး နိုင်ငံတခုဖြစ်တဲ့ အိန္ဒိယ နိုင်ငံကို ကြည့်မယ် ဆိုရင်လည်း အလားတူ ဆိုဗီယက်လုပ် သင်္ဘောကြီး တစ်စင်းကို အိန္ဒိယ ရေတပ်အတွက် ပထမဆုံး ပြည်တွင်းထုတ် လေယာဉ်တင် သဘောင်္ကြီး အဖြစ် ပြန်ပြင် ဆောက်လုပ်ဖို့ လုပ်နေပါတယ်။တရုတ်အစိုးရကတော့ သူတို့ ဒီသင်္ဘေကြီး ပိုင်ဆိုင်တာအပေါ် တခြားနိုင်ငံတွေ အနေနဲ့ ဘာမှ စိုးရိမ် ထိတ်လန့်စရာ မလိုဘူးလို့ ပြောနေပါတယ်။
ကရင်ပြည်နယ် ထိုးစစ်အတွက် မြန်မာစစ်တပ် စတင် တပ်စွဲ
ဧရာဝတီ Wednesday, 08 June 2011 19:05
ကရင်ပြည်နယ် ကော့ကရိတ်နှင့် ကြာအင်းဆိပ်ကြီး မြို့နယ်တွင် စစ်ရေးလှုပ်ရှားနေသည့် ကရင်ပူးပေါင်း တပ်ဖွဲ့များကို အပြီးပြတ် သုတ်သင်မည့် မိုးတွင်းကာလ အထူးစစ်ဆင်ရေး တရပ် ပြုလုပ်ရန် တပ်မ ၂၂ လက်အောက်ခံ ဗျူဟာတခု ၎င်းဒေသအတွင်း ၀င်ရောက်တပ်စွဲထားသည်ဟု သိရသည်။
မြ၀တီခရိုင် အုပ်ချုပ်ရေးအဖွဲ့ဝင်တဦးက “အရှေ့တောင်တိုင်းက တပ်မ ၂၂ လက်အောက်ခံ တပ်ရင်း ၃ ရင်း ကော့ကရိတ် တောင်ဘက်ခြမ်းမှာရှိတဲ့ဒေသနဲ့ ကြာအင်းဆိပ်ကြီး နယ်စပ်ဘက်ကို ဒီရက်ပိုင်းမှာပဲ တက်သွားတယ်။ တိုင်းမှူး ဗိုလ်မှူးချုပ် ထွန်းနေလင်းရဲ့အမိန့်နဲ့ မကြာခင်မှာ ဒီစစ်ဆင်ရေးကို စတော့မှာဖြစ်တယ်။ ဘားအံကိုရောက်နေတဲ့ နေပြည်တော်က ကာကွယ်ရေးဌာန စစ်ဆင်ရေးအထူးအဖွဲ့ (ကစထ) မှူး ဗိုလ်ချုပ် သက်နိုင်ဝင်းက ဒီစစ်ဆင်ရေးနဲ့ပတ်သက်ပြီး အောက်ခြေတပ်မှူးတွေနဲ့ ဆွေးနွေးခဲ့တယ်” ဟု ပြောသည်။
စစ်ဆင်ရေး ရည်ရွယ်ချက်မှာ ယခုနှစ်ဆန်းမှ စတင်ကာ တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) နှင့် ကရင်အမျိုးသား လွတ်မြောက်ရေးတပ်မတော် (KNLA) ပူးပေါင်းတပ်ဖွဲ့များက လူသတ်ဓားပြတိုက်၊ ဆက်ကြေးတောင်းမှုများ အပါအ၀င် နယ်စပ်မြို့များကို ၀င်ရောက်စီးနင်း ပစ်ခတ်မှုများ မကြာခဏ ပြုလုပ်သည့် အခြေအနေများကို ထိန်းချုပ်ပြီး နယ်မြေစိုးမိုးမှု ရရှိရေးအတွက် ပြုလုပ်ခြင်းဖြစ်သည်ဟုလည်း ၎င်းခရိုင်အုပ်ချုပ်ရေး အဖွဲ့ဝင်က ပြောသည်။
KNLA တပ်မဟာ ၆ မှ ဗိုလ်ကြီးထဲနေက “ကျနော်တို့ဆီကို မြန်မာစစ်တပ် တပ်ရင်း ၃ ရင်း တက်လာတယ်လို့တော့ ပြောနေကြပေမယ့် ကျနော်တို့နယ်မှာ ဘာစစ်ရေးလှုပ်ရှားမှုမှ မတွေ့ရသေးဘူး။ မြန်မာဘက်ကပြောသလို လူထုဆန့်ကျင်ရေး ကိစ္စတွေကိုလုပ်ဖို့ ကျနော်တို့မှာ မူဝါဒမရှိဘူး၊ လုပ်လည်းမလုပ်ဘူး။ အခွန်အကောက်ကိစ္စကိုလည်း ကျနော်တို့နယ်မှာ စနစ်တကျ သတ်မှတ်စံနှုန်းနဲ့အညီ ကောက်တာပဲရှိတယ်။ ပြီးခဲ့တဲ့ သုံးလေးရက်က ဘုရားသုံးဆူမြို့ကို ၀င်ပစ်တဲ့ကိစ္စမျိုးလည်း ကျနော်တို့ မလုပ်ဘူး။ အခုတက်လာတဲ့အစိုးရကို မကြိုက်တဲ့အဖွဲ့တွေကများတော့ ဒီကိစ္စပြောရတာ ခက်တယ်” ဟု ပြောသည်။
ယခုလ ၁ ရက်နေ့က မြ၀တီ-ကော့ကရိတ် ကားလမ်းပေါ်တွင် ခရီးသည်တင်ကားများနှင့် ကုန်သည်များထံမှ ငွေကြေးကောက်ခံခဲ့သည့် ကိစ္စနှင့်ပတ်သက်၍ DKBA တပ်မဟာ ၅ မှ ဗိုလ်မှူး စန်းအောင်က “ပြည်သူအားလုံးနဲ့ ပူးပေါင်းပြီးလုပ်တဲ့ တော်လှန်ရေးဖြစ်တဲ့အတွက် ပြည်သူတွေဆီက ကျနော်တို့ အကူအညီ တောင်းတာဖြစ်တဲ့အကြောင်း ရှင်းပြပြီးမှ ကုန်သည်နဲ့ လုပ်ငန်းရှင်တွေဆီကနေ သူတို့တတ်နိုင်တဲ့ အတိုင်းအတာအရ ကျနော်တို့ ရန်ပုံငွေကောက်ခံတာဖြစ်တယ်” ဟု ပြောသည်။
မြန်မာကုန်သည်တဦးက “DKBA က ကားတန်းကို အခွန်ကောက်တဲ့နေ့က ကျနော်တို့ကားလည်း ၁ သိန်းပေးရတယ်။ ကုန်သည်တွေအများစုက ပေးနိုင်ကြပါတယ်။ အဓိက သွားလာရေးအဆင်ပြေဖို့ပဲ အရေးကြီးတယ်။ သူတို့လိုပဲ အစိုးရဂိတ်တွေကို တလမ်းလုံးပေးနေရတာပဲ။ ဒါပေမယ့် တချို့ကုန်ကားတွေက ကုန်ပဲပါတယ်၊ ကုန်သည်မပါတော့ ပိုက်ဆံအပိုမပါဘူး။ အဲဒီကားတွေဆိုရင် DKBA က စပယ်ယာကို ဖမ်းသွားပြီး ငွေနဲ့လာရွေးခိုင်းတယ်။ ဒါမျိုးကျတော့ မလုပ်သင့်ဘူးလို့ ပြောချင်တယ်” ဟု ဆိုသည်။
ကရင်ပူးပေါင်းအဖွဲ့များ စစ်ရေးလှုပ်ရှားနေသည့် ကရင်ပြည်နယ် မြ၀တီ၊ ကော့ကရိတ်၊ ကြာအင်းဆိပ်ကြီး မြို့နယ်များအတွင်း မြန်မာစစ်တပ်များနှင့် ကရင်ပူးပေါင်းတပ်ဖွဲ့များသည် နေ့စဉ်နီးပါး တိုက်ပွဲငယ်များ ဖြစ်ပွားလျက်ရှိကြောင်း၊ တပ်တည်နေရာ အသေမထားဘဲ ခံစစ်ရှင်ပြောက်ကြားစနစ်ကို သုံးသည့်အတွက် မြန်မာအစိုးရတပ်များသာ အထိနာစေမည်ဖြစ်ကြောင်း DKBA တပ်မဟာ ၅ အဖွဲ့က ပြောသည်။
၅၅ မိုင်ရှည်သည့် မြ၀တီ-ကော့ကရိတ် ဒေါနတောင်ကျော် ကားလမ်းသည် အတက်အဆင်းနှင့် အကွေ့ပေါင်း ၂၀၀ ခန့်ရှိပြီး လမ်းကျဉ်းမြောင်းသောကြောင့် မော်တော်ယာဉ်များ အရှိန်နှင့်မောင်းနှင်၍ မရသည့်အတွက် လမ်းခရီးမှာ ၂ နာရီခွဲခန့် ကြာမြင့်တတ်ကြောင်း သိရသည်။
၎င်းလမ်းခရီးတွင် နယ်မြေအေးချမ်းမှု မရှိသော်လည်း ကုန်သည်များနှင့် ခရီးသွားများသည် လမ်းခရီးအတွင်းရှိ ပြဿနာများကို ကိုယ့်နည်းကိုယ့်ဟန်ဖြင့် ဖြေရှင်းကြကာ မြ၀တီ-ကော့ကရိတ် တောင်ကျော်ကားလမ်းကို နေ့စဉ် အသုံးပြုနေကြရသည်ဟု ကုန်သည်များက ပြောသည်။
ရေဒီယို ဖြန့်ဝေပြီး တောင်ကုတ်တွင် နိုင်ငံရေး လူပ်ရှားသူ လူငယ်များက လူပ်ရှားမူ ပြုလုပ်
News Date:6/7/2011 နိရဉ္ဖရာ သတင်းဌာန
တောင်ကုတ်မြို့တွင် နိုင်ငံရေး လူပ်ရှားသူ လူငယ်များ စုပေါင်းပြီး ဆင်းရဲသူ ဆင်းရဲသားများကို မြို့မဈေးကြီးတွင် ရေဒီယို ဖြန့်ဝေ လှူဒါန်းကာ လူပ်ရှားမူ တစ်ခု ပြုလုပ် ခဲ့သည်ဟု လူပ်ရှားရာတွင် ပါဝင်သူ လူငယ် ခေါင်းဆောင် တစ်ဦးက ပြောသည်။
" ကျွန်တော်တို့ ဇွန်လ ၇ရက်နေ့ နံနက်ပိုင်းမှာ ဒီအစီအစဉ်ကို ပြုလုပ်ခဲ့ကြတာ ဖြစ်ပါတယ်။ အဓိကအားဖြင့် ရေဒီယို ၀ယ်နားမထောင်နိုင်တဲ့သူတွေကို ဖြန့်ဝေခဲ့ကြတာ ဖြစ်ပါတယ်။ စုစုပေါင်း ရေဒီယို ၁၇ လုံးကို ဖြန့်ဝေ ဖြစ်ခဲ့ကြပါတယ်" ဟု သူက ပြောသည်။
ရေဒီယိုများမှာ တရုတ်လုပ် ရေဒီယိုများ ဖြစ်ကြပြီး တစ်လုံးကို ကျပ် ၇၀၀၀ ဖြင့် ၀ယ်ယူကာ ဖြန့်ဝေခဲ့ခြင်း ဖြစ်ကြောင်း သူက ဆက်ပြောသည်။
" ကိုယ့်အိတ်ထဲကငွေနဲ့ စုဆောင်း ၀ယ်ယူပြီး ဖြန့်ဝေခဲ့ကြတာ ဖြစ်ပါတယ်။ ဒါကြောင့်နိုင်သလောက် ဖြန့်ဝေခဲ့ကြတာပါ။ ရေဒီယို လက်ခံရရှိတဲ့ ဆိုက်ကားသမားတွေကတော့ အထူး ၀မ်းသာကြပါတယ်။ ကျေးဇူးလည်း တင်ကြပါတယ်။ သူတို့ အနေနဲ့ နောက်ဆို ရေဒီယို နားထောင် ကြရတော့ ဖြစ်တဲ့ အတွက် ခုလို လုပ်တာ ကောင်းတယ်လို့ ပြောပါတယ်။"
တောင်ကုတ်မြို့တွင် ဆင်းရဲသူ လက်လုပ် လက်စားများမှာ သတင်းစာ၊ ဂျာနယ်များကို ၀ယ်ဖတ်နိုင်သည့် အခြေအနေမရှိသဖြင့် ယခုကဲ့သို့ ရေဒီယိုများ လှူဒါန်းရခြင်း ဖြစ်ကြောင်းသူက ပြောသည်။
" သူတို့က သတင်းစာ ဂျာနယ်တွေလည်း ၀ယ်မဖတ်နိုင်ဘူး။ ရေဒီယို မရှိတော့ ပြည်ပ သတင်း ဌာနတွေက သတင်းတွေလည်း နားမထောင်နိုင်ဘူး။ ဒါကြောင့် သူတို့မှာ တိုင်းပြည်မှာ ဘာတွေ ဖြစ်နေတယ်ဆိုတာ သိခွင့်မရဘူး။ သူတို့အနေနဲ့ တိုင်းပြည်ရဲ့ နိုင်ငံရေး အခြေအနေတွေကို သိရှိနိုင်ရန်နဲ့ တခြား ဗဟုသုတတွေ ရနိုင်အောင် ခုလို ရေဒီယိုတွေကို ဖြန့်ဝေရတာ ဖြစ်ပါတယ်" ဟု သူက ပြောသည်။
နိုင်ငံရေး လူပ်ရှားသူ လူငယ်များ၏ ရေဒီယို ဖြန့်ဝေ လူပ်ရှားမူ အပေါ် အာဏာာပိုင်များက သိရှိခဲ့ခြင်း မရှိကြောင်းနှင့် လိုက်လံ စုံစမ်းခြင်း လည်း မရှိကြောင်းသူ ပြောသည်။ နောက်နောင်တွင်လည်း ပိုက်ဆံများစုဆောင်းကာ ရေဒီယိုများကို ဆင်းရဲသူများ အကြား ဖြန့်ဝေသွားမည် ဖြစ်ကြောင်း နိုင်ငံရေး လူပ်ရှားသူ လူငယ် ခေါင်းဆောင်က ပြောသည်။
တောင်ကုတ်တွင် နိုင်ငံရေး လူပ်ရှားသူ အများအပြားကို သက်ဆိုင်ရာမှ နည်းမျိုးစုံဖြင့် နှိပ်ကွက်နေသည့် အပြင် ခေါင်းဆောင် တစ်ချို့ကိုလည်း နှစ်ရှည်ထောင်ဒဏ် ချမှတ်သဖြင့် ယခုအခါ နိုင်ငံရေး လူပ်ရှားမူမှာ မရှိသလောက် ဖြစ်နေသဖြင့် နိုင်ငံရေး လူပ်ရှားမူများ ဆက်လက် ပေါ်ပေါက်ရန် နိုင်ငံရေး လုပ်သူ လူငယ်များက ကြိုးပန်း အားထုတ်လျှက် ရှိကြောင်း သိရသည်။
အထည်ချုပ် လုပ်သား ၁၀၀ အလုပ်ထွက်
ကျော်ခ | ဗုဒ္ဓဟူးနေ့၊ ဇွန်လ ၀၈ ရက် ၂၀၁၁ ခုနှစ် ၂၁ နာရီ ၁၈ မိနစ်
ချင်းမိုင် (မဇ္ဈိမ) ။ ။ လုပ်ခအပြည့် မရသဖြင့် ရန်ကုန်တိုင်း လှိုင်သာယာ စက်မှုဇုန် ၄ ရှိ Tailor Garment အထည်ချုပ် စက်ရုံ အလုပ်သမား ၁ဝ၁ ဦးက တပြိုင်တည်း အလုပ်ထွက်မှု လွန်ခဲ့သည့် တနင်္လာနေ့က ဖြစ်ပွားခဲ့သည်။
အလုပ်သမ တဦးလျှင် အခြခံလစာ ၃၈,၂ဝဝ ကျပ် သတ်မှတ်ပေးသော်လည်း မေလအတွက် ထုတ်ပေးသည့် လစာ၌မူ ချုပ်ထည် အရေအတွက် မပြည့်ဟုဆိုကာ တဦးလျှင် ပျမ်းမျှ ကျပ် ၁၅,ဝဝဝ ခန့် အဖြတ်ခံရပြီးနောက် အလုပ်သမားများ၏ မကျေနပ်မှု စတင်ခဲ့သည်။ ထို့နောက် လုပ်ခလျှော့ချခံရမှုကို တိုးမြှင့်ပေးရန်၊ စနေ တနင်္ဂနွေတွင် အားလပ်ချိန် ပေးရန်နှင့် အချိန်ပိုကြေးများ ထိုက်တန်စွာ ပေးရန် တောင်းဆိုမှုကို အလုပ်ရှင်ဘက်မှ မလိုက်လျောခဲ့ဟု အလုပ်သမားများဘက်က ကူညီဆောင်ရွက်ပေးသူ ရှေ့နေ ဦးဖိုးဖြူက ပြောသည်။
“ငြိမ်းချမ်းစွာ ဆန္ဒပြတောင်းဆိုမှုတွေကို စက်ရုံက ဘာတခုမှ တုံ့ပြန်မှု မပေးတဲ့အတွက် သူတို့ အလုပ်ထွက်သွားကြပြီ။ သူတို့အနေနဲ့လည်း ဒီလစာနဲ့ အလုပ်ဆက်လုပ်လို့ မဖြစ်တော့တဲ့အတွက် သွားကြတာလို့ သူတို့က ပြောတယ်” ဟု ဦးဖိုးဖြူက မဇ္ဈိမကို ပြောပြသည်။
စက်ရုံမှ သတ်မှတ်ပေးမှုအရ စက်ချုပ်လုပ်သား ၄ဝ နီးပါးကို တနေ့လျှင် မိုးကာအထည် ၄ဝဝ အပြီးချုပ်ပေးရန် ချမှတ်ထားသည်ကို အလုပ်သမားများဘက်မှ ၃၆ဝ သာ ချုပ်လုပ်နိုင်ခဲ့သဖြင့် စက်ရုံဘက်က လစာငွေ
လျှော့ချ ဖြတ်တောက်ခြင်း ဖြစ်သည်။
ကျွမ်းကျင်မှုရှိသော လုပ်သားများ လိုအပ်မှုကြောင့် သတ်မှတ်ချက်ထက် လျော့နည်းရခြင်း ဖြစ်သည်ဟု လုပ်သားများဘက်က ပြောသည်။
စက်ရုံကို ၂ဝ၁ဝ နှစ်လည်ပိုင်းတွင် စတင်ဖွင့်လှစ်ခဲ့ပြီး တရုတ်-မြန်မာ နှစ်နိုင်ငံက လုပ်ငန်းရှင်များ စုပေါင်းကာ ရှယ်ယာ လုပ်ကိုင်ကြသည်။ ဝန်ထမ်းပေါင်း ၃၀၀ ကျော်ရှိကာ အမျိုးသမီး အများဆုံး ဖြစ်သည်။
လစာ ၇ သောင်းအထက် ရရှိသူ အလုပ်ကြီးကြပ်သူများနှင့် အလုပ်သစ်ရှာရန် ခက်ခဲမည်ကို စိုးရွံ့သူ အလုပ်သမား ၂ဝဝ ကျော်ခန့်က ဆန္ဒပြမှုတွင် မပါဝင်သူများလည်း ရှိသည်။
အလုပ်သမားများ၏ တောင်းဆိုမှုများကို ရန်ကုန်တိုင်း အလုပ်သမား ညွှန်ကြားရေး ဦးစီးဌာနသို့ တင်ပြခဲ့သော်လည်း မည်သည့် တုံ့ပြန်မှုမှ မရခဲ့ဟု ဦးဖိုးဖြူက ပြောသည်။ တောင်းဆိုချက်များကို ရန်ကုန်အခြေစိုက် အပြည်ပြည်ဆိုင်ရာ အလုပ်သမား အဖွဲ့ချုပ်ရုံး ILO သို့ မိတ္တူပေးပို့ခဲ့သည်။
အလားတူ ဆန္ဒပြမှုမျိုး ဇွန်လ ၆ ရက်နေ့တွင် ပဲခူးမြို့ ဟင်္သာကုန်းရပ်ကွက်ရှိ Cap 1 ဦးထုပ် စက်ရုံတွင် လုပ်ငန်းခွင်အတွင်း တင်းကျပ်သည့် စည်းမျဉ်းများ လျှော့ချရန် ပဲခူးမြို့ရှိ ဦးထုပ်စက်ရုံမှ အလုပ်သမား ၆၅ ဦးက တရက် အလုပ်မဆင်းဘဲ ဆန္ဒပြပြီးနောက် လုပ်ငန်းရှင်ဘက်က လိုက်လျော၍ ပြေလည်မှု ရရှိခဲ့သည်။
ရန်ကုန် အနှိပ်ခန်းများ ပိတ်သိမ်း
မဇ္ဈိမသတင်းဌာန | ဗုဒ္ဓဟူးနေ့၊ ဇွန်လ ၀၈ ရက် ၂၀၁၁ ခုနှစ် ၂၁ နာရီ ၁၁ မိနစ်
ချင်းမိုင် (မဇ္ဈိမ) ။ ။ ရန်ကုန်ရှိ အနှိပ်ခန်းများကို ဇွန်လ ၂ ရက်နေ့မှ စ၍ ရန်ကုန်တိုင်း ဒေသကြီး အုပ်ချုပ်ရေးမှူးရုံးက ပိတ်သိမ်းစေလိုက်ကြောင်း အပတ်စဉ်ထုတ် ဆဲဗင်းဒေးဂျာနယ်က ရေးသားထားသည်။
“ နောက်ဆက်တွဲအဖြစ် ကေတီဗီ (ကာရာအိုကေ) ဆိုင်များကိုပါ စစ်ဆေး အရေးယူသွားမည်’’ ဟု ဂျာနယ်တွင် ဖော်ပြပါရှိသည်။
အနှိပ်ခန်းနှင့် ကာရာအိုကေဆိုင်များ ပိတ်သိမ်းရန် ရန်ကုန် အုပ်ချုပ်ရေးမှူးရုံးက မေလ ၂၇ ရက်နေ့ကတည်းက ညွှန်ကြားခဲ့ခြင်း ဖြစ်ပြီး ၎င်းညွှန်ကြားချက်ထဲတွင် ရန်ကုန်တမြို့လုံးရှိ စားသောက်ဆိုင်နှင့် လက်ဖက်ရည်ဆိုင်များလည်း ည ၁၁ နာရီ နောက်ဆုံးထား၍ ပိတ်သိမ်းရန်ပါ ပါရှိသည်ဟု မဇ္ဈိမက စုံစမ်းသိရှိရသည်။
ရန်ကုန်တိုင်းတွင် တရားမဝင် ဖွင့်လှစ်ထားသော အနှိပ်ခန်း အရေအတွက်မှာ ၃ဝဝဝ မှ ၃၅ဝဝ အကြား ရှိနေနိုင်ကြောင်း ရန်ကုန်တိုင်း ရဲတပ်ဖွဲ့မှူးရုံး (ရဲချုပ်ရုံး) မှ အကြီးတန်း ရဲအရာရှိတဦး မဇ္ဈိမကို လွန်ခဲ့သည့်
နှစ်ဆန်းပိုင်းတွင် ပြောခဲ့ဖူးသည်။
ဆဲဗင်းဒေးဂျာနယ်က ဒဂုံမြို့နယ်ရှိ အနှိပ်ခန်း မန်နေဂျာတဦးကို ကိုးကား ရေးသားရာတွင် “ ပြန်ဖွင့်ဖို့ ဘာမှ မပြောထားဘူး။ အရေးယူမယ့် စီမံချက်ကာလလို့ပဲ သိရတယ်” ဟု ပါရှိသည်။
ရန်ကုန်၊ မန္တလေးနှင့် နေပြည်တော် အပါအဝင် မြို့ကြီးများတွင် အနှိပ်ခန်း အများစုမှာ အနှိပ်ခန်းဟု အမည်တပ်သော်လည်း အများအားဖြင့် ပြည့်တန်ဆာ လုပ်ငန်းပါ တွဲပါလေ့ ရှိသည်။
ပြည့်တန်ဆာ လုပ်ငန်းမှာ တရားမဝင်ဖြစ်ပြီး ထောင်ဒဏ် ၁ နှစ်မှ ၅ နှစ်အထိ အပြစ်ပေးနိုင်သော ဥပဒေ ပြဋ္ဌာန်းထားသည်။
အနှိပ်ခန်း အကြီးအသေးနှင့် အပြင်အဆင် အနေအထားအပေါ် မူတည်သက်ဆိုင်ရာ ရပ်ကွက်၊ မြို့နယ်၊ ရဲ၊ စရဖ များသို့ လစဉ် ငွေကျပ် ၅ သိန်းခန့်မှ သိန်း ၃ဝ-၄ဝ အထိ ပေးဆောင်ရခြင်းမျိုး ရှိသည်။
အစိုးရက အာရုံစိုက်ကာ “စီမံချက်” ရှိနေချိန်တွင် မြန်မာ့လူ့ဘောင်အတွင်း ကျယ်ပြန့်စွာ ဖြစ်ထွန်းနေသော တရားမဝင် ထီထိုးသော လောင်းကစားဒိုင်များကလည်း ဖမ်းဆီးမှာကို စိုးရိမ်နေသည်။
“အခုတလော နှစ်လုံး၊ သုံးလုံးတွေ ကျနော်တို့ ရပ်ကွက်ထဲမှာ မရှိတော့သလောက်ပဲ” ဟု ရန်ကုန်မြို့ခံ တဦးက ပြောသည်။
