Interview A 2nd Panglong Conference

VOA Burmese TV Magazine - August First Week

တူရကီ ကြည်း၊ ရေ၊ လေ ဦးစီးချုပ်များ နှုတ်ထွက်

တူရကီ ကြည်း၊ ရေ၊ လေ ဦးစီးချုပ်များ နှုတ်ထွက်

 

အစ္စလာမ်ဘာသာစွဲရှိတဲ့ တူရကီအစိုးရနဲ့ ဘာသာရေးအစွဲကင်းတဲ့ စစ်တပ်တို့ကြား တင်းမာမှုတွေ ကြီးထွား လာချိန်မှာပဲ ထိပ်တန်းစစ်တပ် အကြီးအကဲတွေ တစုတဝေးတည်း နှုတ်ထွက်သွားကြပါတယ်။ လက်နက်ကိုင် တပ်ဖွဲ့တွေရဲ့ အကြီးအကဲ ဗိုလ်ချုပ်ကြီး အိုင်ဆစ်ကိုဆာနာ (Isik Kosaner) အပြင် ကြည်း၊ ရေ၊ လေ စစ်ဦးစီးချုပ်တွေအားလုံး အစိုးရထံမှာ နှုတ်ထွက်စာတွေ တင်ခဲ့ကြတာလို့ တူရကီပြည်တွင်း သတင်းမီဒီယာတွေက သောကြာနေ့မှာ ဖော်ပြလိုက်ကြတာပါ။
လက်နက်ကိုင် တပ်ဖွဲ့တွေရဲ့အကြီးအကဲ ဗိုလ်ချုပ်ကြီး ကိုဆာနာက သူ့အနေနဲ့ လိုအပ်ချက်အရ နှုတ်ထွက်ခွင့် ပေးဖို့ တောင်းခံခဲ့တာလို့လည်း သတင်းတွေက ဖော်ပြပါတယ်။ ရှေ့တပတ်ထဲ ကျင်းပဖို့ ရှိနေတဲ့ စစ်သေနာပတိကောင်စီ အစည်းအဝေးကျရင် စစ်ဘက်က အဓိကကျတဲ့ နေရာတွေမှာ ရာထူးတွေ တိုးပေးရေး ဆွေးနွေးဖို့ ၀န်ကြီးချုပ် ရီဆပ်တေရစ်အာဒိုဂန် (Recep Tayyip Erdogan)၊ သမ္မတ အက်ဘ်ဒူလာဂူးလ် (Abdullah Gul) တို့နဲ့ တွေ့ဆုံခဲ့ပြီးနောက်ပိုင်း နှုတ်ထွက်စာတွေ တင်ခဲ့ကြတာပါ။
ဝန်ကြီးချုပ်က သူ့အစိုးရကိုဖြုတ်ချဖို့ ပူးပေါင်းကြံစည်မှုတွေနဲ့ ပတ်သက်တယ်လို့ ယုံကြည်ထားတဲ့ အရာရှိတွေကို ရာထူးတိုးပေးရေး အစီအစဉ်တွေကို တားဆီးသွားမယ့် အရိပ်အယောင်တွေ ပြနေတယ်လို့လည်း သတင်းတွေ ထွက်နေပါတယ်။ အာဏာပိုင်တွေကတော့ အစိုးရကို ဖယ်ရှားဖို့ ကြံစည်မှုအပေါ် အကြီးအကျယ် စုံစမ်းစစ်ဆေးမှုတွေ လုပ်ဆောင်နေရာမှာ လူပေါင်း ၃၀၀ ကျော်ကို ဖမ်းဆီးထားပါတယ်။ ဒီအထဲမှာ ဗိုလ်ချုပ်အဆင့်ရှိသူ ၃၀ အပါအ၀င် တာဝန် ထမ်းဆောင်ဆဲနဲ့ အငြိမ်းစား စစ်အရာရှိပေါင်း ၂၀၀ လောက်လည်း ပါဝင်ပါတယ်။

ကြွေးမြီကိစ္စ သမ္မတ အိုဘားမားနဲ့ လွှတ်တော်ခေါင်းဆောင်တွေ သဘောတူညီမှုရရှိ

RSS Feed

 တနင်္လာ, 01 သြဂုတ် 2011

ကြွေးမြီကိစ္စ သမ္မတ အိုဘားမားနဲ့ လွှတ်တော်ခေါင်းဆောင်တွေ သဘောတူညီမှုရရှိ

By ဗွီအိုအေ (မြန်မာဌာန)

သမ္မတ အိုဘားမား (Barack Obama) နဲ့ ဥပဒေပြုလွှတ်တော် ခေါင်းဆောင်တွေကြား အမေရိကန် အစိုးရ ချေးယူနိုင်တဲ့ ငွေပမာဏ တိုးမြှင့်ရေးနဲ့ မကြုံစဘူး ပေးဆပ်ရန် တာဝန်ပျက်ကွက်မယ့် အခြေအနေ မဖြစ်ရအောင် အပေးအယူ လိုက်လျောမှုတွေ လုပ်နိုင်ခဲ့ကြပြီး သဘောတူညီမှု ရရှိသွားပါပြီ။
လာမယ့် ၁၀ နှစ်အတွင်း အစိုးရ အသုံးစရိတ် ၁ ထရီလီယံဒေါ်လာ (ဒေါ်လာသန်းပေါင်း ၁၀၀,၀၀၀) လျှော့ချရေးနဲ့ နောက်ထပ် အသုံးစရိတ်တွေ အကြီးအကျယ် လျှော့ချရေးအတွက် ပါတီကြီး ၂ ခုစလုံးပါ ခုံသမာဓိအဖွဲ့ ဖွဲ့စည်းပြီး ကြီးကြပ်နိုင်ဖို့အတွက် အဆိုပြုချက်တွေကို သဘောတူခဲ့ကြတာ ဖြစ်တယ်လို့ သမ္မတ အိုဘားမားက သတင်းထောက်တွေကို မနေ့က ရှင်းပြခဲ့ပါတယ်။
ဒီ ခုံသမာဓိအဖွဲ့ အနေနဲ့ အခွန်အတုပ် တိုးကောက်ရေးနဲ့ Medicare ခေါ် သက်ကြီးရွယ်အိုတွေအတွက် ကျန်းမာရေး ၀န်ဆောင်မှုပေးတဲ့ လူမှုဝန်ထမ်း အစီအစဉ်တွေ အပါအ၀င် ဘက်ပေါင်းစုံက အသုံးစရိတ် ခြိုးခြံ ချွေတာရေးကို ထည့်သွင်း စဉ်းစားကြဖို့ ဖြစ်ပါတယ်။ ဒီသဘောတူညီချက်ကို ကွန်ဂရက်စ် လွှတ်တော်က အတည်ပြုပေးဖို့ လိုနေပါသေးတယ်။
ဒီမိုကရက် အများစု ထိန်းချုပ်တဲ့ ဆီးနိတ် အထက်လွှတ်တော်က အတည်ပြုဖို့ ရှိပေမဲ့ ရီပတ်ဘလီကန်တွေ ဦးဆောင်တဲ့ အောက်လွှတ်တော်မှာတော့ ကန့်ကွက်တာတွေနဲ့ ရင်ဆိုင်ရနိုင်ပါတယ်။
အစိုးရက ချေးယူနိုင်တဲ့ ငွေပမာဏ ၁၄.၃ ထရီလီယံ ဒေါ်လာထက် ပိုတိုးရေး ဒီနေ့ မဲခွဲနိုင်ကြဖို့ ရှိပြီး ပါတီ ၂ ရပ်စလုံးက ဒီသဘောတူညီချက် အတည်ပြုနိုင်ဖို့ မဲအလုံအလောက် ရရှိလိမ့်မယ်လို့ မျှော်လင့်နေကြပါတယ်။
အခု သဘောတူညီလိုက်တဲ့ အဆိုပြုချက်ဟာ နိုင်ငံရဲ့ လိုငွေလျှော့ချရေးနဲ့ ပေးဆပ်ရန် ရှိတာကို တာဝန်ကျေအောင် ပေးနိုင်မှာဖြစ်လို့ ပျက်ကွက်မယ့် အရေးကို ရှောင်လွှဲနိုင်မှာ ဖြစ်တယ်လို့ သမ္မတ အိုဘားမားက ပြောပါတယ်။
တကယ်လို့သာ ပေးဆပ်ရန် တာဝန်တွေ ပျက်ကွက်ခဲ့မယ်ဆိုရင် အမေရိကန် စီးပွားရေး အကြီးအကျယ် နစ်နာသွားလိမ့်မယ်လို့လည်း ပြောပါတယ်။
ဒီသဘောတူညီချက်အရ ချေးယူနိုင်တဲ့ ပမာဏကို ၂၀၁၃ ခုနှစ်အထိ ထပ်တိုးစရာ မလိုတော့ဘဲ ယိုင်နဲ့နေတဲ့ စီးပွားရေးအတွက် ကျယ်ကျယ်ပြန့်ပြန့် ခိုင်မာလာစေဖို့ သေချာသွားပါပြီလို့ အိမ်ဖြူတော်က ပြောပါတယ်။
ဒါ့အပြင် ဒီသဘောတူညီမှုကြောင့် ရှေ့လာမယ့် သမ္မတနဲ့ လွှတ်တော် ရွေးကောက်ပွဲတွေ ပြီးတဲ့အထိ ဒီပြဿနာကို ထည့်ပြီး တဘက်နဲ့တဘက် အပြစ်တင်စရာ မလိုတော့ဘူးလို့လည်း အိမ်ဖြူတော်က ပြောပါတယ်။

ထိုင်းလွှတ်တော်သစ် ပထမဆုံး စည်းဝေးပွဲ ကျင်းပ

ထိုင်းလွှတ်တော်သစ် ပထမဆုံး စည်းဝေးပွဲ ကျင်းပ

By ဗွီအိုအေ (မြန်မာဌာန)

ထိုင်းလွှတ်တော်သစ်ကို ဒီနေ့ တနင်္လာနေ့မှာ စတင် ဖွင့်လှစ်လိုက်ပြီး ၀န်ကြီးချုပ်အသစ် ဖြစ်လာတော့မယ့် ယင်လတ် ရှင်နာဝပ် (Yingluck Shinawatra) အနေနဲ့ နိုင်ငံတည်ငြိမ်ရေးကို ပြန်လည် ထိန်းသိမ်းပေးနိုင်လိမ့်မယ်လို့ အများက မျှော်လင့်နေကြပါတယ်။
ထိုင်းနိုင်ငံရဲ့ ၅ နှစ်ကြာ နိုင်ငံရေး ပဋိပက္ခတွေ ပြေလည်အောင် ဆောင်ကြဉ်းပေးနိုင်လိမ့်မယ်လို့ မျှော်လင့်နေကြတာပါ။
ထိုင်းလွှတ်တော်အသစ်ကို ထိုင်း အိမ်ရှေ့မင်းသား မဟာ ၀ါဂျီရာလောင်ကွန်း (Maha Vajiralongkorn) က ဒီနေ့ ညနေပိုင်းမှာ အခမ်းအနားနဲ့ ဖွင့်လှစ်ပေးခဲ့တာ ဖြစ်ပါတယ်။
အမတ်နေရာ ၅၀၀ ရှိတဲ့ ထိုင်းလွှတ်တော်ကနေ မနက်ဖြန် အင်္ဂါနေ့ကစပြီး လွှတ်တော်ဥက္ကဋ္ဌ၊ သဘာပတိကို ရွေးချယ်ကြဖို့ ရှိပါတယ်။ ၀န်ကြီးချုပ် ရွေးချယ်ပွဲကိုတော့ ဒီသီတင်းပတ်ကုန်ပိုင်းမှာ အပြီးသတ်နိုင်ဖို့ ခန့်မှန်းထားပါတယ်။
ယင်လတ် ရှင်နာဝပ်က ညွန့်ပေါင်းဖွဲ့ပြီး အမတ်နေရာ ၆၀% ရအောင် အခိုင်အမာ စုစည်းထားနိုင်တာကြောင့် ၀န်ကြီးချုပ် အရွေးခံရဖို့ သေချာသလောက် ဖြစ်နေပါပြီ။
ဇူလိုင်လ ၃ ရက်နေ့က ကျင်းပခဲ့တဲ့ ရွေးကောက်ပွဲမှာ မစ်စ် ယင်လတ် ရှင်နာဝပ်ရဲ့ ဖွေထိုင်းပါတီ (Pheu Thai) က အပြတ်အသတ် အနိုင်ရရှိခဲ့ပါတယ်။
ဖွေထိုင်းပါတီရဲ့ မူဝါဒတွေကို ကျယ်ကျယ်ပြန့်ပြန့် လူကြိုက်များတာကြောင့် ယင်လတ် ရှင်နာဝပ် အနေနဲ့ ထောက်ခံမှုတွေ ရရှိနေတဲ့ တချိန်တည်းမှာပဲ နိုင်ငံတည်ငြိမ်ရေးကို နိုင်နိုင်နင်းနင်း ဆက်ပြီး ထိန်းသွားနိုင်လိမ့်မယ်လို့ မျှော်လင့်နေကြတာ ဖြစ်ပါတယ်။

ဆီးရီးယား ဆန္ဒပြပွဲ နှိမ်နင်းမှု လူ ၈၀ ထက်မနည်း သေဆုံး

ဆီးရီးယား ဆန္ဒပြပွဲ နှိမ်နင်းမှု လူ ၈၀ ထက်မနည်း သေဆုံး

By ဗွီအိုအေ (မြန်မာဌာန)

ဆီးရီးယားနိုင်ငံက အချက်အချာမြို့ တမြို့ဖြစ်တဲ့ ဟားမား (Hama) မှာ သံချပ်ကာကားတွေ အကူအညီနဲ့ ရောက်လာတဲ့ စစ်သားတွေက အရပ်သားတွေကို ပစ်ခတ်ခဲ့တဲ့အတွက် လူ ၈၀ ထက်မနည်း သေဆုံးခဲ့ရကြောင်း တက်ကြွ လှုပ်ရှားသူတွေက ပြောပါတယ်။
စက်သေနတ်သံတွေ၊ သံချပ်ကာကားတွေက အမြောက်နဲ့ ပစ်ခတ်သံတွေဟာ တနင်္ဂနွေနေ့မှာ တမြို့လုံး ပဲ့တင်ထပ်နေခဲ့တယ်လို့လည်း ပြောပါတယ်။
ဆေးရုံတွေမှာ ဒဏ်ရာရသူတွေနဲ့ ပြည့်နှက်နေပြီး သွေးလှူရှင်တွေ အရေးတကြီး လိုအပ်နေတယ်လို့ ဆေးဘက်ဆိုင်ရာ တာဝန်ရှိသူတွေက ပြောပါတယ်။
စစ်တပ် ၀င်မလာနိုင်အောင် အရပ်သားတွေက လမ်းပေါ်မှာ ချထားတဲ့ အတားအဆီးတွေကို ချိုးဖျက်ပြီး စစ်သားတွေက ထင်သလို ပစ်ခတ်မှုတွေနဲ့ တနင်္ဂနွေနေ့ အရုဏ်တက်ချိန်မှာ တိုက်ခိုက်မှုတွေ စတင် လုပ်ဆောင်ခဲ့တာလို့လည်း သတင်းတွေက ဖော်ပြနေကြတာပါ။
ဆီးရီးယားသမိုင်းမှာ အုပ်ချုပ်သူအပေါ် ဆန့်ကျင်ရာမှာ နာမည်ကြီးတဲ့ ဟားမားမြို့ လူထုက သမ္မတ ဘာရှား အယ်လ် အာဆတ် (Bashar al Assad) အပေါ် ဆန့်ကျင်တဲ့ ဆန္ဒပြပွဲတွေ အကြီးအကျယ် လုပ်ခဲ့ကြတာပါ။
၁၉၈၂ ခုနှစ် လက်ရှိသမ္မတ အာဆတ်ရဲ့ ဖခင်လက်ထက် ဟားမားမြို့မှာ တော်လှန် ပုန်ကန်သူတွေကို စစ်တပ်က နှိမ်နင်းခဲ့တဲ့အတွက် ထောင်နဲ့ချီ သေဆုံးခဲ့ဖူးပါတယ်။
ဟားမားမြို့မှာ စစ်တပ်က တနင်္ဂနွေနေ့က နှိမ်နင်းနေချိန်မှာပဲ နိုင်ငံတောင်ပိုင်းက အယ်လ် ဟီရပ်ခ် (al Hirak) မြို့မှာလည်း လုံခြုံရေးတပ်တွေရဲ့ လက်ချက်ကြောင့် လူ ၃ ယောက် သေဆုံးပြီး တော်တော်များများ ဒဏ်ရာရသွားကြတယ်လို့ မြို့ခံတွေက ပြောပါတယ်။
တနင်္ဂနွေနေ့ အစောပိုင်း ဝင်ရောက်စီးနင်းမှုအတွင်း လူပေါင်း ၁၀၀ ကျော်ကို ဖမ်းဆီးသွားတယ်လို့လည်း အယ်လ် ဟီရပ်ခ် မြို့ခံတွေက ပြောပါတယ်။

လွတ်လပ်ရေးရပြီး တောင်ပေါ်သားများ ရရှိသော ဒီမိုကရေစီ

လွတ်လပ်ရေးရပြီး တောင်ပေါ်သားများ ရရှိသော ဒီမိုကရေစီ

by Thant Ko Ko Maung on Monday, August 1, 2011 at 2:20pm

(ကွယ်လွန်သူ ကချင်ပြည်နယ် ဝန်ကြီးဟောင်း ဦးဇန်ထာဆင် ၏ ဒီမိုကရေစီ ပြောင်းပြန် စာအုပ်မှ
ကူးယူ ဖော်ပြခြင်းဖြစ်ပါတယ်။  ၁၉၅၁-၅၂ အထွေထွေ ရွေးကောက်ပွဲကြီး အပြီး ပေါ်ပေါက်လာသည့်
မြန်မာပြည် လွှတ်တော် နိုင်ငံရေး အခင်းအကျင်းအပေါ် တိုင်းရင်းသား ခေါင်းဆောင် တစ်ဦး၏
ခံစားချက် တစ်စိတ်တစ်ဒေသကို လေ့လာနိုင်စေလိုသောကြောင့် ပြန်လည် မျှဝေခြင်း ဖြစ်ပါသည်။)

လွတ်လပ်ရေးရပြီး တောင်ပေါ်သားများ ရရှိသော ဒီမိုကရေစီ

၁၉၅၁-၅၂ တွင် ပြုလုပ်သော အထွေထွေ ရွေးကောက်ပွဲကြီးတွင် ကချင်ပြည်နယ်၌ ယှဉ်ပြိုင်
အရွေးခံသော အဖွဲ့အစည်းပေါင်း ၄ ဖွဲ့ရှိရာ ကချင်အမျိုးသား ကွန်ဂရက်အဖွဲ့သည် အားလုံးသော
အဖွဲ့များထက် အများဆုံး ရရှိကြ၏။ ထို့ကြောင့် အမျိုးသား ကွန်ဂရက် အဖွဲ့ဝင်များနှင့် အမတ်များ၏
ယုံကြည်ချက်မှာ ပြည်နယ်၏ အုပ်ချုပ်မှု အာဏာကို မိမိတို့က ရရှိလိမ့်မည်ဟု ယုံကြည်ခဲ့ကြ၏။

ယုံကြည်ခဲ့သည့် အလျောက် ဖဆပလ အဖွဲ့မှ အရွေးခံသော ဖဆပလ အမတ်ငါးယောက်အား
တွေ့ဆုံ၍ မိမိတို့နှင့် ပူးပေါင်း၍ အစိုးရဖွဲ့ရန် စေ့စပ်တော့၏။ ပြည်နယ်တွင် ဖဆပလ အဖွဲ့ဝင်
များသည်လည်း ကေအင်စီ အဖွဲ့နှင့်သာ ပူးပေါင်းလိုကြောင်း၊ ကေအင်စီ အဖွဲ့၏ ဝါဒလမ်းစဉ်သည်
ဖဆပလ အဖွဲ့ချုပ်ကြီးက ချမှတ်သော လမ်းစဉ်နှင့် ဝါဒအတိုင်း ဖြစ်ကြောင်း၊ ထို့ကြောင့်
ကချင်ပြည်နယ် အစိုးရ ဖွဲ့ရေးတွင် ကေအင်စီနှင့် ပေါင်းမည်ဖြစ်ကြောင်း ပြောပြကြ၏။

၁၉၅၂ ခုနှစ် မတ်လတွင် လွှတ်တော် နှစ်ရပ်လုံးခေါ်၍ ပြည်နယ် အမတ်များအားလုံး ရန်ကုန်သို့
ရောက်လာကြ၏။ ကေအင်စီ အမတ်များသည် ၁၉၅၂ ခုနှစ် မတ်လ ၂ ရက်နေ့တွင် ဝန်ကြီးချုပ်
သခင်နုနှင့် တွေ့ဆုံ၍ ကချင်ပြည်နယ် အစိုးရ ဖွဲ့စည်းရေးနှင့် ပတ်သက်၍ မိမိတို့ အဖွဲ့သည်
ကချင်ပြည်နယ် လူထု အများဆုံး ထောက်ခံ၍ အမတ်အများဆုံးရသော အဖွဲ့  ဖြစ်သဖြင့်
ကချင်ပြည်နယ်၏ အုပ်ချုပ်ရေးအာဏာကို ရသင့်ကြောင်း တင်ပြကြသည်။ သခင်နုက ပြောသည်မှာ
ခင်ဗျားတို့ အဖွဲ့ကို မယုံကြည်၍တော့ မဟုတ်ပါ။ သို့သော်လည်း ကျုပ်အနေနှင့် ဆမားဒူဝါကိုပဲ
ကချင်ပြည်နယ် ဥက္ကဋ္ဌအဖြစ် ဆက်လက် ခန့်ချင်တယ်။ ခင်ဗျားတို့လည်း ပြည်မမှာ ဝန်ကြီးချုပ်၏
ပါလီမန် အတွင်းဝန် တစ်နေရာကို ယူပါ။ ကချင်ပြည်နယ်မှာ ဆမားကို အတိုက်အခံ မလုပ်ကြပါနဲ့။
ခင်ဗျားတို့ အချင်းချင်း ညီညွတ်ကြပါလို့ ပြောပါသည်။

ကေအင်စီ အမတ်များက ပြန်ပြောသည်မှာ “ဝန်ကြီးချုပ်။ ဒီမိုကရေစီ တိုင်းပြည် ဖြစ်တဲ့အတိုင်း အမတ်
များရာက အုပ်ချုပ်ရေး အာဏာကို ရရမယ် မဟုတ်လား အခုတော့ အမတ် လေးယောက်ပဲရတဲ့
ဆမားကို ပြည်နယ် ဥက္ကဋ္ဌ ပြန်တင်တော့ ဒီမိုကရေစီ ကျပါ့မလား။ ကျွန်တော်တို့ အနေနှင့်က အမတ်
အများဆုံး ရထားတာက တစ်ကြောင်း၊ ပြီးတော့ ကချင်ပြည်နယ်က အရွေးခံရတဲ့ ဖဆပလ အမတ်
ငါးယောက် ကလည်း ကျွန်တော်တို့နှင့် ပူးပေါင်းရန် ပြောထားပြီး ဖြစ်တဲ့အတွက် ကျွန်တော်တို့
အဖွဲ့က ကချင်ပြည်နယ်ရဲ့ အုပ်ချုပ်ရေး အာဏာပဲ ရရမယ်” လို့ ပြန်ပြောပါသည်။ ဒီတော့ ဝန်ကြီးချုပ်
သခင်နုဟာ “ခင်ဗျားတို့ အဖွဲ့က အမတ် အများဆုံး ရတာတော့ ဟုတ်ပါပြီ။ ကျုပ်လည်း မငြင်းဘူး။
ဒါပေမဲ့ ပြည်နယ်က ဖဆပလ အမတ်များဟာ သူတို့သဘောနှင့် လုပ်လို့ မရဘူး။ ဖဆပလ ဌာနချုပ်က
ညွှန်ကြားသည့်အတိုင်း လိုက်ရမယ်။ ဖဆပလ ဌာနချုပ်ကလည်း တစ်ခြား ပြောမှာ မဟုတ်ဘူး။ ယခု
ငါပြောတဲ့အတိုင်း ဆမားကိုပဲ ထောက်ခံဖို့ ပြောမှာပဲ” ဟု ပြန်ပြောလိုက်သည်။

ဒီနောက်မှာ ကေအင်စီ အမတ်များသည် ပြည်နယ်မှ ဖဆပလ အမတ် ငါးယောက်ဆီသွားပြီး
“ဘယ့်နဲ့လဲ။ ခင်ဗျားတို့ ဟိုပြည်နယ်မှာ တုန်းကတော့ ကျွန်တော်တို့နဲ့ ပေါင်းမယ် ဆိုတယ်
မဟုတ်လား။ ယခု ဝန်ကြီးချုပ်ကတော့ ခင်ဗျားတို့ကို ဆမားဒူဝါကိုပဲ ထောက်ခံခိုင်းမယ် ဆိုပါလား” ဟု
သွားပြောကြသည်။ ပြည်နယ်က ဖဆပလ အမတ် ငါးယောက်သည် “ကျွန်တော်တို့ အနေနှင့်
ခင်ဗျားတို့ ကေအင်စီ အဖွဲ့ကို ထောက်ခံချင်တယ်။ ခင်ဗျားတို့နှင့် ပူးပေါင်းချင်တယ်။ ဒါပေမဲ့ ဖဆပလ
ဌာနချုပ် ဥက္ကဋ္ဌလည်းဖြစ်၊ နိုင်ငံတော် ဝန်ကြီးချုပ်လည်း ဖြစ်တဲ့ သခင်နုရဲ့ အမိန့်ကိုတော့
ဘယ်လွန်ဆန် နိုင်မလဲ” ဟု ပြန်ပြောပါသည်။

ဒါကြောင့် နောက်ဆုံးတွင် “ကချင်ပြည်နယ်မှ ရွေးကောက်လိုက်တဲ့ လူထု ကိုယ်စားလှယ်များ၏
ဆန္ဒအရ မဟုတ်ပါလား။ ဝန်ကြီးချုပ် လုပ်တဲ့သူရဲ့ ဆန္ဒအတိုင်းပါလား” လို့ ဝမ်းနည်းစွာနှင့် ကေအင်စီ
အမတ်များသည် ကချင်ပြည်နယ်တွင် အတိုက်အခံအဖွဲ့ ဖြစ်လာရပေသည်။ မရှေးမနှောင်းသော
အချိန်အတွင်း ကချင်ပြည်နယ် အစိုးရအဖြစ် ဆမားဒူဝါ ဆင်ဝါးနောင်သည် အစိုးရ ဖွဲ့စည်း
နိုင်တော့၏။ နိုင်ငံတော် ဝန်ကြီးချုပ် သခင်နုက ကေအင်စီ ခေါင်းဆောင်များအား သူ၏ ပါလီမန်
အတွင်းဝန်ရာထူး တစ်နေရာယူ၍ ကချင်ပြည်နယ် ကောင်စီတွင်လည်း ကောင်စီ သဘာပတိယူရန်
တိုက်တွန်းခဲ့သည်။ ဆမားဒူဝါကို ဝိုင်းဝန်း ထောက်ခံရန် နားချခဲ့သည်။

ကေအင်စီ အမတ်များ အနေနှင့်က ကချင်ပြည်နယ်သည် ဗိုလ်ချုပ်အောင်ဆန်း အမိန့်ရှိခဲ့သလို
ပညာရေး၊ စီးပွားရေး၊ ကြီးပွားရေး၊ ကျန်းမာရေး အစစ အရာရာ၌ အင်မတန် အောက်ကျ နောက်ကျ
ဖြစ်ခဲ့သဖြင့် ရရှိသမျှသော ဘဏ္ဍာတော် ငွေများဖြင့် ၄င်း လူထုအကျိုးပြု လုပ်ငန်းများကို အမြန်
ဆောင်ရွက်ချင်ကြ၏။ ဆမားဒူဝါ အနေနှင့် ၄င်း ပထမ လုပ်ရမည့် အရေးကြီးသော လုပ်ငန်းများကို
လျစ်လျူရှုခဲ့၍ သူ၏ ယာယီ အစိုးရ အချိန်တွင် မော်တော်ကား တည်ဆောက်ရန် စီမံကိန်း၊
ဂျက်လေယဉ်ပျံ တည်ဆောက်ရန် စီမံကိန်း၊ မီးသင်္ဘော မီးရထားခေါင်းတွဲ လုပ်ရန် စီမံကိန်း၊
ရွှေတူးရန် ငွေတူးရန် စီမံကိန်းများကိုသာ ပထမချခဲ့၏။

ဤကိစ္စများကြောင့် ကေအင်စီ အဖွဲ့သည် ဆမားဒူဝါအား မထောက်ခံနိုင်ကြောင်း ဝန်ကြီးချုပ်
သခင်နုအား ပြောပြခဲ့ရာ ဝန်ကြီးချုပ်က “အေးကွာ ဒါတွေက သူမှားတာပဲ။ သူရဲ့ ဒီစီမံကိန်းတွေကို
ငါရပ်ခိုင်းပါ့မယ်။ ယခုကစပြီး ခင်ဗျားတို့ လိုလားတဲ့ လူထု အကျိုးပြု လုပ်ငန်းတွေကို ပထမလုပ်ဖို့
ငါပြောပါ့မယ်” ဟု ပြော၏။ တစ်ဖန် ကေအင်စီ အမတ်များက “ကောင်းပြီ ဝန်ကြီးချုပ်၊ သူ
ဒီစီမံကိန်းတွေကို ရပ်ပြီး တကယ် ပြည်နယ်လူထုအတွက် လောလောဆယ် အရေးကြီးတဲ့
လုပ်ငန်းများကို စတင် လုပ်မယ်ဆိုရင် လုပ်တာနှင့် တစ်ပြိုင်နက် ကျွန်တော်တို့က ထောက်ခံပါမယ်”
ဟု ကတိပေးထားခဲ့၏။

သို့ရာတွင် ဝန်ကြီးချုပ် သခင်နုသည် ဆမားဒူဝါ၏ စီမံကိန်းများကို မရပ်စေနိုင်သည် သာမက
ဆမားဒူဝါ၏ ၈ မိုင် မရမ်းကုန်း စက်ရုံဖွင့်ပွဲတွင် သခင်နုသည် ဆမားဒူဝါကြီးအား ဟိမဝန္တာ ချီးမွမ်းခန်း
ဖွင့်တော့သည်။ ကေအင်စီ အမတ်များ အနေနှင့်ကား ဝန်ကြီးချုပ် သခင်နုသည် အပြောတစ်မျိုး
အလုပ်တစ်မျိုး ဟူ၍ ဤအခါက စသိခဲ့သည်။

ကချင်ပြည်နယ်ထက် ပိုမိုဆိုးသော ကိစ္စ ရှိပါသေးသည်။ ၄င်းမှာ အခြားမဟုတ်။ ချင်းများ အရေးပင်
ဖြစ်သည်။ ချင်းတောင်သည် ပြည်နယ် မဟုတ်ဘဲ ပြည်မတွင် ပါဝင်သော ဝိသေသတိုင်း
တစ်ခုဖြစ်သည်။ ထို ၁၉၅၁-၅၂ အထွေထွေ ရွေးကောက်ပွဲကြီးတွင် ချင်းတောင်၌ ယှဉ်ပြိုင်
အရွေးခံသော နိုင်ငံရေးအဖွဲ့ ၂ ခု ရှိခဲ့သည်။ ဦးဇာရဲလျံ ခေါင်းဆောင်သော ချင်းအမျိုးသား ကွန်ဂရက်
အဖွဲ့သည် အမတ် ၁၀ ယောက်ရ၍ စစ်ဗိုလ်ထွက် ကပ္ပတိန် မန်တုံ့နုံးက သူနှင့်ပေါင်း အမတ် ၂
ယောက်သာ ရရှိခဲ့သည်။

ချင်းအမျိုးသား ကွန်ဂရက် အနေနှင့် သူတို့သည် အမတ် အများဆုံးဖြစ်၍ ချင်းရေးရာ ဝန်ကြီးကို သူတို့
ရနိုင်မည်ဟု ယုံကြည်ချက် ကြီးကြီးဖြင့် ရန်ကုန် ဆင်းလာကြ၏။ ဝန်ကြီးချုပ် သခင်နုနှင့်
တွေ့သောအခါ ချင်းကွန်ဂရက် အဖွဲ့ဝင်များသည် သူတို့က အမတ် အများဆုံးရ၍ လူထုဆန္ဒ
အများဆုံး ထောက်ခံမှု ရရှိသောကြောင့် မိမိတို့ အဖွဲ့သာလျှင် ချင်းရေးရာ ဝန်ကြီးကိုရ၍
ချင်းဝိသေသတိုင်း၏ အုပ်ချုပ်ရေးကို ကိုင်ရမည်ဖြစ်ကြောင်း တင်ပြကြ၏။

ဝန်ကြီးချုပ် သခင်နုက ချင်းကွန်ဂရက်၏ အဖွဲ့ခေါင်းဆောင် ဇာရဲလျံသည် အသက် ငယ်သေးသည်။
အိမ်ထောင် မရှိသေးဘူး၊ နိုင်ငံရေး ဗဟုသုတ မရှိသေးဘူး၊ ဒါကြောင့် ဝန်ကြီးအဖြစ် လက်မခံနိုင်ပါ။
ကပ္ပတိန် မန်တုံ့နုံးကိုသာ ဝန်ကြီး ပေးမည်ဖြစ်ကြောင်း ပြန်ပြောလိုက်၏။

ချင်းကွန်ဂရက် အမတ်များကလည်း ထိုသို့လုပ်ခြင်းမှာ ဒီမိုကရေစီ မကျကြောင်း၊ အမတ်များရာ
အဖွဲ့သာလျင် ဝန်ကြီး ဖြစ်သင့်ကြောင်း၊ ဝန်ကြီးချုပ် ဆန္ဒအရ မဟုတ်ဘဲ လူထု၏ ဆန္ဒအရသာ
ဖြစ်ရမည်ဖြစ်ကြောင်း ပြောသောအခါ သခင်နုက “မင်းတို့ ဘာနားလည်သလဲ၊ တိတ်ပါ” ဟု
ငေါက်ငမ်းခဲ့၏။

ဝန်ကြီးချုပ် သခင်နု အနေနှင့် အမတ် နှစ်ယောက်သာ ရှိသော ကပ္ပတိန် မန်တုံ့နုံးကို ဝန်ကြီးခန့်လျင်
အရုပ်ဆိုးမည်ဟု မြင်လာသော အခါ ညီညွတ်ပြီးသား ဖြစ်သော ချင်းကွန်ဂရက် အဖွဲ့မှ ဦးရှိန်ထန်းကို
တိတ်တဆိတ် ခေါ်ယူ၍၊ ဝန်ကြီး နေရာနှင့်တော့ ခင်ဗျားပဲ သင့်တော်တယ်၊ ခင်ဗျားက
အသက်လည်းကြီးပြီး ဗဟုသုတလည်း ရှိတယ်ဟု၊ အကြောင်း အမျိုးမျိုးပြ၍ ခွဲထုတ်ခဲ့၏။ ထိုအခါ
ညီညွတ်ပြီးသား ချင်းအမျိုးသား ကွန်ဂရက် အဖွဲ့သည် ၂ ခြမ်း ကွဲသွားခဲ့၏။ ကွဲလာသောအခါ
ဦးရှိန်ထန်းကို ချင်းရေးရာ ဝန်ကြီး ခန့်ခဲ့၏။ ဝန်ကြီးချုပ် သခင်နု၏ အခွဲ အုပ်ချုပ်ရေး စနစ်သည်
ဤတွင် အောင်မြင်သွား၏။

သို့ရာတွင် ဝန်ကြီး ဦးရှိန်ထန်းဘက်မှ အမတ် ဦးရေနည်း၍ ဦးဇာရဲလျံဘက်မှ အမတ်ဦးရေ များသဖြင့်
ကောင်စီတွင် အလုပ်လုပ်လို့ မဖြစ်သောအခါ၊ အချိန် မကြာမီအတွင်း ဦးရှိန်ထန်းကို ပြည်မ အခြားဌာန
တစ်ခုပေး၍ ချင်းကွန်ဂရက် အဖွဲ့၏ ခေါင်းဆောင် ဇာရဲလျံ ကိုပင် ချင်းရေးရာ ဝန်ကြီး ခန့်ပေးရ၏။

ချင်းနှင့် ကချင်ကိုသာ ဤသို့လုပ်သည် မဟုတ်ပါ။ ကရင်ကိုလည်း ထိုထက် ပိုဆိုးရွားအောင် လုပ်ခဲ့၏။
ကရင်ပြည်နယ်သည် ၁၉၅၄ ခုနှစ် ဇွန်လ ၁ ရက် နေ့မှာ ပြည်နယ် ဖြစ်ပေါ်လာ၏။ ကရင်ပြည်နယ်
ဖြစ်ပေါ် လာသည်နှင့် ကရင်ပြည်နယ်တွင် ကရင်ပြည်နယ် ဝန်ကြီးခေါ် ကရင်ပြည်နယ် ဥက္ကဋ္ဌ
ခန့်ရပေမည်။ ကရင်ပြည်နယ် ဥက္ကဋ္ဌ ခန့်ရာ၌ ကရင်ပြည်နယ်မှ ရွေးကောက် တင်မြှောက်သော
ကိုယ်စားလှယ် များထဲက ပုဂ္ဂိုလ် တစ်ယောက်ယောက်ကို ရွေးချယ် ခန့်ထား ရပေမည်။ အခြေခံ
ဥပဒေကလည်း ထိုသို့ ခွင့်ပြုထား၍ ထိုသို့ ဖြစ်မှသာလျှင် သဘာဝ ကျပေမည်။

သို့ရာတွင် ထိုသို့ မဟုတ်ဘဲ ကရင်ပြည်နယ် ဥက္ကဋ္ဌ နေရာတွင် မြစ်ဝကျွန်းပေါ် ဒေသမှ အရွေးခံသော
ဦးအောင်ပ ကို ကရင်ပြည်နယ် ဝန်ကြီးနှင့် ကရင်ပြည်နယ် ဥက္ကဋ္ဌ ခန့်ခဲ့သည်။ ဤသို့ လုပ်ခဲ့ရာတွင်
ကရင်ပြည်နယ် လူထုသည် လည်းကောင်း၊ ပြည်နယ် ကိုယ်စားလှယ် များသည် လည်းကောင်း
မကျေနပ်၍ ကန့်ကွက်ခဲ့သည်။ သို့သော် အချည်းနှီးသာ ဖြစ်ခဲ့သည်။

နောက်ဆုံး၌ ကောင်စီတွင် အလုပ်လုပ်၍ မဖြစ်တော့မှ ဦးအောင်ပကို ခေါ်ယူပြီး ပြည်မတွင်
ကျန်းမာရေး ဝန်ကြီး ဌာနပေး၍ ကရင်ပြည်နယ်မှ ရွေးကောက် တင်မြှောက်ခဲ့သော ဒေါက်တာ
စောလှထွန်းကို ကရင်ပြည်နယ် ဥက္ကဋ္ဌ ခန့်ခဲ့သည်။

ဝန်ကြီးချုပ် သခင်နုသည် ပြည်နယ် ကိုယ်စားလှယ်များ၊ လူမျိုးစု ကိုယ်စားလှယ်များနှင့်
တွေ့တဲ့အခါတိုင်း၊ မင်းတို့ အားလုံးကို ငါချစ်ပါတယ်၊ သနားပါတယ်၊ မင်းတို့ အပေါ်မှာ သွေးခွဲစနစ်
(Divide And Rule) ကို သုံးပြီး အုပ်ချုပ်နေတာ မဟုတ်ပါဘူး ဟု မကြာခဏ ပြောလေ့ ရှိသော်လည်း
တကယ့် လက်တွေ့ ကျသောအခါ ညီညွတ်ပြီးသား ပြည်နယ်သားများ၊ ညီညွတ်ပြီးသား
လူနည်းစုများကို ကွဲပြားအောင် ဖန်တီး ပေးခဲ့သည်။ ဒီမိုကရေစီ အစစ်ကို မပေးဘဲ ဝါမိုကရေစီ ကိုသာ
ပေးခဲ့၏။


Inauguration of the AFPFL Government ( 1952-55 )