နိုင်ငံရေးသိပ္ပံ ဘာသာကို မြန်မာနိုင်ငံမှာ လေ့လာသင်ကြားခွင့်မရပါဘူး။ ကိုလိုနီခေတ် ပညာရေးစနစ်မှာတုန်းကတော့ PS လို့ အင်္ဂလိပ်လို အတိုကောက်ခေါ်တဲ့ နိုင်ငံရေးသိပ္ပံဘာသာကို တက္ကသိုလ်ပညာရေးစနစ်မှာ ပြဌာန်းခဲ့တယ်လို့ ကြားသိဖူးပါတယ်။ ဒါပေမယ့် ဗိုလ်ချုပ်နေ
ဝင်း နိုင်ငံတော်အာဏာကို ရယူခဲ့ချိန်ကစပြီး ခေတ်အဆက်ဆက် အခြေခံအဆင့် ရော တက္ကသိုလ်အဆင့် ပညာရေး သင်ရိုးညွှန်းတမ်းမှာပါ နိုင်ငံရေးသိပ္ပံ ဘာသာရပ်ကို ပြဌာန်းခြင်း မရှိတော့ပါဘူး။ နိုင်ငံရေးသိပ္ပံ ဘာသာရပ်ကို သင်ယူခွင့် မရရှိတာဟာ တိုင်းပြည်အတွက် အလွန် နစ်နာတယ်လို့ ယူဆမိပါတယ်။ နိုင်ငံရေးသိပ္ပံ ဘာသာရပ်နဲ့ အတူ ဆက်နွယ်နေတဲ့ တခြားဘာသာရပ်တွေ - နိုင်ငံတကာဆက်ဆံရေး၊ ပြည်သူ့ ရေးရာ မူဝါဒ ဆိုင်ရာ ဘာသာရပ်တွေကို မြန်မာနိုင်ငံမှာ လေ့လာသင်ကြားခွင့်ရပေမယ့် နက်နက်နဲနဲ နှိုက်နှိုက်ချွတ်ချွတ် သင်ယူခွင့် မရတဲ့အတွက် တိုင်းပြည်တိုးတက်ရာ တိုးတက်ကြောင်းမှာ တစ်ထောင့်တစ်နေရာက ပါ
ဝင်စွမ်းဆောင်နိုင်မယ့်၊ ခေတ်မှီဖွံ့ ဖြိုးတိုးတက်အောင်၊ လွတ်လပ်တဲ့၊ တရားမျှတတဲ့ နိုင်ငံတစ်ခုဖြစ်အောင် စွမ်းဆောင်နိုင်မယ့် အနာဂါတ် နိုင်ငံ့ခေါင်းဆောင်တွေ ကို မွေးထုတ်မပေးနိုင်ပါဘူး။
အဲ့ဒါကြောင့် နိုင်ငံရေးကို စိတ်ဝင်စားသူ၊ နိုင်ငံရေးဘာသာ နဲ့ နိုင်ငံရေးသိပ္ပံ ဘာသာရပ်ကို စိတ်ဝင်စားသူတွေ အတွက် အကျိုးရှိရာရှိကြောင်းကို မျှော်ကိုးပြီး ဒီဘလော့ (ဂ်) စာစုလေးကို ဖန်တီးလိုက်ပါတယ်။ နိုင်ငံရေးသိပ္ပံ လို့ ခေါင်းစဉ်တပ်ထားပေမယ့် နိုင်ငံရေးသိပ္ပံဘာသာရပ် ကိုလေ့လာသူတိုင်း လေ့လာကြတဲ့ တစ်ခြားဆက်ဆပ်နေတဲ့ ဘာသာရပ်ဆိုင်ရာ အတွေးအခေါ်အယူအဆ၊ သဘောတရားများကို ပါတင်ပြသွားမှာ ဖြစ်ပါတယ်။
တတ်နိုင်သလောက် အမှားအယွင်းကင်းအောင် ကြိုးစားပြုစုထားပြီး အမှားအယွင်းများရှိခဲ့ရင် ဝေဖန်အကြံပြုနိုင်သလို
ဝင်ရောက်ဆွေးနွေးခြင်း အသိပညာဗဟုသုတများ ဖလှယ်ခြင်းများကို အမြဲတံခါးဖွင့် ကြိုဆိုနေပါတယ်။ ဒီပညာရပ်ကို စိတ်ဝင်စားတဲ့ လူကြီး၊ လူငယ်မရွေး၊ ပညာရပ် နယ်ပယ် အစုံက အတတ်ပညာရှင်၊ အသိပညာရှင်အားလုံးကို လည်းဝင်ရောက်ဆွေးနွေးကြဖို့့ ဖိတ်ခေါ်တိုက်တွန်းအပ်ပါတယ်
No comments:
Post a Comment