၂၀၁၂ ၊ဇန်နဝါရီလ ၁ရက်နေ.သတင်းများ

အီးဂရက်စ် ထူထောင်သူ ဒေါက်တာနေ၀င်းမောင် ကွယ်လွန်

Myanmar Egress တည်ထောင်သူ တဦးဖြစ်သူ ဒေါက်တာနေ၀င်းမောင် (ခေါ်) စာရေးဆရာ အောင်ထွဋ်ဟာ ဇန်န၀ါရီ ၁ ရက်နေ့ မနက် ၁နာရီ ၁၀မိနစ်မှာ နှလုံးရောဂါနဲ့ ရန်ကုန်ဆေးရုံကြီးမှာ ရုတ်တရက်ကွယ်လွန်သွားပါတယ်။

By Thar Nyunt Oo

Myanmar Egress တည်ထောင်သူ တဦးဖြစ်သူ ဒေါက်တာနေ၀င်းမောင် (ခေါ်) စာရေးဆရာ အောင်ထွဋ်ဟာ ဇန်န၀ါရီ ၁ ရက်နေ့ မနက် ၁နာရီ ၁၀မိနစ်မှာ နှလုံးရောဂါနဲ့ ရန်ကုန်ဆေးရုံကြီးမှာ ရုတ်တရက်ကွယ်လွန်သွားပါတယ်။ သူဟာ Living Color မဂ္ဂဇင်း the Voice Weekly ဂျာနယ် တည်ထောင်ခဲ့သူတဦးလည်း ဖြစ်ပါတယ်။


ဒေါက်တာနေ၀င်းမောင်ဟာ မီဒီယာလောကမှာသာမက လူအရင်းအမြစ်ဖွံဖြိုးရေးအတွက် ဖွဲ့စည်းခဲ့ထားတဲ့ Myanmar Egress ရဲ့ အဓိက ဦးဆောင်သူတဦးဖြစ်ပါတယ်။ မကြာခင်တုန်းက တိုင်းရင်းသားလက်နက်ကိုင်တွေနဲ့ မြန်မာအစိုးရအကြား ကြားဝင်ညှိုနှိုင်းပေးခဲ့သူအဖြစ်နဲ့လည်း သိကြပါတယ်။ ဒေါက်တာနေ၀င်းမောင်ကွယ်လွန်တာဟာ အီးဂရက်စ်အဖွဲ့အတွက် ဆုံးရှုံးမှုတရပ်ဖြစ်တယ်လို့ အီးဂရက်စ်ကို ပူးတွဲထူထောင်သူ ဦးလှမောင်ရွှေက ဗွီအိုအေကို ပြောပါတယ်။
“ အီးဂရက်စ်အနေနဲ့ Capacity Development လုပ်နေတဲ့ လုပ်ငန်းတွေရှိတယ်၊ State Building, Nation Building လုပ်ငန်းတွေမှာ လုပ်နေတာရှိတယ်။ သူ့အခန်းကဏ္ဍက ထိုက်သင့်သလောက်ပါသလို ကျနော်တို့ မြန်မာအီးဂရက်စ်မှာ သူက အရေးပါတဲ့နေရာမှာရှိတယ်။ အခုလုပ်နေတဲ့ ငြိမ်းချမ်းရေးမှာလည်း အီးဂရက်စ်မှာလည်း အတတ်နိုင်ဆုံးပါဝင်တယ်။ ဒီမှာလည်း သူ့အခန်းကဏ္ဍက ပါဝင်တော့ ဒေါက်တာနေ၀င်းမောင်အနေနဲ့ ဆက်မလုပ်နိုင်တဲ့အတွက် ဒီလုပ်နေတဲ့လုပ်ငန်းတွေမှာ ကျနော်တို့အတွက် ဆုံးရှုံးမှုပါပဲ။”
ဗဟုဖွံဖြိုးရေးအဖွဲ့ အကြီးတန်းသုတေသီ ဦးတင်မောင်သန်းကလည်း အခုလို နိုင်ငံရေးအခြေအနေ အချိန်ကာလမှာ ဒေါက်တာနေ၀င်းမောင်ကွယ်လွန်တာဟာ တိုင်းပြည်အတွက် ဆုံးရှုံးမှုတရပ်ဖြစ်စေတယ်လို့ ယူဆပါတယ်။
“ဆုံးရှုံးမှုပေါ့ဗျာ။ မြန်မာပြည်မှာ အခုလို ပြုပြင်ပြောင်းလဲရေးလုပ်နေတဲ့အချိန်မှာ ပြုပြင်ပြောင်းလဲရေးကို စိတ်အားပြင်းပျတဲ့ လူတယောက် လက်တွေ့ကျတဲ့ လူတယောက် ဆုံးရှုံးမှုပေါ့ဗျာ။”
ဒေါက်တာနေ၀င်းမောင်ဟာ ထင်ထင်ပေါ်ပေါ်မနေပဲ နိုင်ငံပြုပြင်ပြောင်းလဲရေးလုပ်ငန်းတွေမှာ ကြိုးစား ပမ်းစာလုပ်လာခဲ့သူလို့ ဦးတင်မောင်သန်းက ပြောပါတယ်။ ဒေါက်တာနေ၀င်းမောင်ရဲ့ အောင်ထွဋ်အမည်နဲ့ နိုင်ငံရေးဆောင်းပါးရေးရာမှာ ဂယက်ရိုက်တွေရှိခဲ့ပြီး၊ သူ့အပေါ် နိုင်ငံရေးတတ်ကြွလှုပ်ရှားသူတွေက ပြင်းပြင်းထန်ထန် ဝေဖန်မှုတာတွေလည်း ရှိခဲ့ပါတယ်။ ဒါပေမယ့်လည်း သူဟာ သူယုံကြည်ရာကိုပဲ ဆက်လုပ်ခဲ့သူလို့ ဦးလှမောင်ရွှေက သုံးသပ်ပါတယ်။ သူနဲ့လုပ်ဖော်ကိုင်ဖက် နောက်တဦးဖြစ်သူ ဒေါက်တာကျော်ရင်လှိုင်ကတော့ ဒေါက်တာနေ၀င်းမောင်ကွယ်လွန်ခဲ့တယ်ဆိုပေမယ့် သူ့မှာ အောင်မြင်မှုတွေ ကျန်ခဲ့တယ်လို့ ပြောပါတယ်။
“ မြန်မာ့အီးဂရက်က အခု မြန်မာနိုင်ငံမှာ အရေးပါတဲ့ လူမှုအဖွဲ့အစည်းဖြစ်လာတယ်ဆိုတာ သူ့ရဲ့အောင်မြင်မှုတခုပဲလေ။”
ပြီးခဲ့တဲ့နှစ် ဒီဇင်ဘာလဆန်းက အမေရိကန်နိုင်ငံခြားရေးဝန်ကြီးကလင်တန်လာတုန်း မြန်မာပြည်က လူမှုအဖွဲ့အစည်းကိုယ်စားလှယ်တွေနဲ့ တွေ့ဆုံရာမှာ ဒီအထဲ ဒေါက်တာနေ၀င်းမောင်လည်း ပါဝင်ခဲ့ပါတယ်။
ဒေါက်တာနေ၀င်းမောင်ကို အဖဖြစ်သူ ဒု ဗိုလ်မှုးကြီးသန်းမောင် (အငြိမ်းစား)နဲ့ မိခင် ဒေါ်ယဉ်ယဉ်တို့ကနေ ၁၉၆၂ ခုနှစ်မှာ ဖွားမြင်ခဲ့တာပါ။ ဒါကြောင့် ကွယ်လွန်ချိန်မှာ သူဟာ အသက် ၅၀ ရှိနေပါပြီ။ ၁၉၈၈ ခုနှစ် ဆေးတက္ကသိုလ် ၁ ရန်ကုန်ကနေ MBBS ဘွဲ့ရရှိပြီး၊ ၂၀၀၄ ခုနှစ်မှာတော့ အမေရိကန်ပြည်ထောင်စု Yale တက္ကသိုလ် World Fellows Program မှာ တတ်ရောက်ခဲ့ပါတယ်။ ကွယ်လွန်ချိန်မှာ သားသမီး လေးဦးကျန်ရစ်ခဲ့ပါတယ်။

လွတ်လပ်ခြင်း အနုပညာ ရုပ်ရှင်ပွဲတော်

By ကိုဇော်ဝင်းလှိုင်

ဓာတ်ပုံ ASSOCIATED PRESS

လွတ်လပ်ခြင်း အနုပညာရုပ်ရှင်ပွဲတော် ဖွင့်ပွဲအခမ်းအနားမှာ မိန့်ခွန်းပြောကြားနေသည့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်။ (ဒီဇင်ဘာလ ၃၁၊ ၂၀၁၁)

လူတွေရဲ့လွတ်လပ်ခွင့်ကို ပိတ်ပင်ထားရင် လူတွေမှာ မခံချင်စိတ်တွေ ထွက်ပေါ်လာပြီး ပဋိပက္ခတွေ ဖြစ်လာတတ်တာကြောင့် လွတ်လပ်မှုကို လူတိုင်းက တန်ဖိုးထားကြဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ ဒီကနေ့ ရန်ကုန်မြို့  ပြည်လမ်းမှာရှိတဲ့ တော်ဝင်စင်တာမှာ ကျင်းပတဲ့ အနုပညာရှင်တိုင်း လွတ်လပ်စွာ တွေးခေါ်ဖန်တီးတတ်စေဖို့ ရည်ရွယ်ပြုလုပ်တဲ့ လွတ်လပ်ခြင်း အနုပညာရုပ်ရှင်ပွဲတော် ဖွင့်ပွဲအခမ်းအနားမှာ အခုလို ပြောသွားတာပါ။ ဒီအကြောင်း အပြည့်အစုံကို ဆက်သွယ်စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။
လူသားတွေအနေနဲ့ လွတ်လပ်ခြင်းကို တန်ဖိုးထားကြဖို့အပြင် အနုပညာရှင်တွေ အနေနဲ့လည်း လွတ်လပ်စွာ တွေးခေါ် ဖန်တီးတတ်စေဖို့ ရည်ရွယ်ပြီး ဒီ ရုပ်ရှင်ပွဲတော်ကို ကျင်းပတာဖြစ်ပါတယ်။ ဒီကနေ့ ကျင်းပတဲ့ ရုပ်ရှင်ပွဲတော် ဖွင့်ပွဲအခမ်းအနားမှာ ဒေါ်အောင်ဆန်းစုကြည်က လွတ်လပ်မှုရဲ့ အရေးကြီးပုံနဲ့ပတ်သက်ပြီး အခုလို ပြောသွားတာပါ။
“တင်ပြလာတဲ့ ဂီတပညာရှင်တွေ အနုပညာရှင်တွေကို နားထောင်လိုက်တဲ့အခါကျတော့ လွတ်လပ်ခြင်းက ဘယ်လောက် အရေးကြီးသလဲဆိုတာ သိသာပါတယ်။ လွတ်လပ်မှုဟာ အင်မတန်မှ အရေးကြီးပါတယ်။ လူတွေရဲ့ လွတ်လပ်မှုကို သိပ်ပြီးတော့ ဖိနှိပ်ထားရင် မခံချင်စိတ်တွေ ဖြစ်လာပါတယ်။ ဒါကလည်း သီချင်းတစ်ပုဒ်မှာ ကြားလိုက်ရပါတယ်။ အဲဒီလို မခံချင်စိတ်တွေ ဖြစ်လာတဲ့အခါမှာ မဖြစ်သင့် မဖြစ်ထိုက်တဲ့ ပဋိပက္ခတွေလည်း ဖြစ်လာတတ်ပါတယ်။ ဒါကြောင့်မို့ မှန်ကန်တဲ့ လွတ်လပ်မှုဆိုတာဟာ ကိုယ့်ရဲ့ လွတ်လပ်မှုကို ကိုယ်တန်ဖိုးထားသလို သူတပါးရဲ့ လွတ်လပ်ခွင့်ကိုလည်း တန်ဖိုးထားပြီးတော့ အဲဒီ လွတ်လပ်ခွင့်တွေကို သုံးသင့်သုံးထိုက်တဲ့ ပုံစံနဲ့ သုံးနိုင်ခွင့်ကို အပြည့်အ၀ပေးဖို့ လိုပါတယ်။ အဲဒီလို အပြည့်အ၀ ပေးထားမှသာလျှင် ကျမတို့အားလုံးရဲ့ စွမ်းအင်တွေဟာ တကမ္ဘာလုံးအတွက် လူသားအားလုံးအတွက် ဖြစ်သွားနိုင်ပါတယ်။”
ဒီရုပ်ရှင်ပွဲတော်ကို တခါမှ ရုပ်ရှင်မရိုက်ဖူးသေးကြတဲ့ တက်သစ်စ လူငယ် ဒါရိုက်တာတွေအပါအ၀င် ဒါရိုက်တာ အတော်များများ ရိုက်ကူးထားတဲ့ ရုပ်ရှင်ဇာတ်ကားပေါင်း ၁၈၀ လောက် ၀င်ရောက် ယှဉ်ပြိုင်ကြတာပါ။
“အခုဆိုရင် ကျမတို့ ဒီပွဲတော်မှာ ပြိုင်ပွဲမှာဝင်ပြီးပြိုင်တဲ့ ရုပ်ရှင်ပေါင်းဟာ ၁၈၀ ရှိတယ်လို့ သိရပါတယ်။ ဆိုတော့ ကျမ အင်မတန်မှ အားတက်မိတယ်။ ကျမတို့ နိုင်ငံသူနိုင်ငံသားတွေက ဘယ်လောက်များ ကြာကြာကို လွတ်လပ်မှုအကြောင်းကို ရုပ်ရှင်ရိုက်ချင်တဲ့စိတ်တွေများ ရှိနေပါလိမ့်လို့ ကျမ စဉ်းစားမိပါတယ်။”
သူ့အနေနဲ့ ရုပ်ရှင်ကားတွေ အားလုံးကို မကြည့်နိုင်ပေမဲ့ ဒီရုပ်ရှင်ပွဲတော်ကို တင်လာတဲ့ကားတွေကို အိမ်မှာ တတ်နိုင်သလောက် ကြည့်သွားဖို့ စီစဉ်ထားတယ်လို့ ဒေါ်အောင်ဆန်းစုကြည်က ပြောပါတယ်။
ပြိုင်ပွဲမှာ မူလက Documentary လို့ခေါ်တဲ့ မှတ်တမ်းတင် ရုပ်ရှင်ကးတွေ နဲ့ Short Film လို့ခေါ်တဲ့ ဇာတ်လမ်းတို ရုပ်ရှင်ကားတွေ ဆိုပြီး ဆု ၂ ဆုသာ ပေးဖို့ ရည်ရွယ်ထားခဲ့ပေမဲ့ ပြိုင်ပွဲဝင်လာတဲ့ အရေအတွက်က များလွန်းတာကြောင့် နောက်ထပ် ဆု ၃ ဆု တိုးပြီး စုစုပေါင်း ဆု ၅ ဆု ပေးသွားဖို့ ဆုံးဖြတ်လိုက်တယ်လို့ ပြိုင်ပွဲဖြစ်မြောက်ရေး ဦးဆောင် ကျင်းပသူတစ်ဦးဖြစ်တဲ့ ကိုဇာဂနာ ခေါ် ကိုသူရက ပြောပါတယ်။
“ကျနော်ပြောရရင်တော့ ၀မ်းသာစရာ စကားပဲ ပြောရမှာပဲ။ ကျနော်တို့ ဒီပွဲမှာ မူလက Documentary Film နဲ့ Short Film ကို ဆုနှစ်ဆုပေးဖို့ ကျနော်တို့ ရည်ရွယ်ထားပါတယ်။ ဒါပေမဲ့ ပြိုင်ပွဲဝင်တဲ့ အရေအတွက်က ၁၈၈ ကားဆိုတော့ ဒါက အကယ်ဒမီထက် များပါတယ်။ အဲဒီတော့ အနှစ် ၂၀ တွင်း မြန်မာနိုင်ငံမှာ ပြုလုပ်တဲ့ ရုပ်ရှင်ကားတွေထက် များပြားစွာ အခုလို ၀င်ရောက်ယှဉ်ပြိုင်ကြတဲ့အတွက် ကျေးဇူး အထူးတင်ပါတယ်။ အဲဒီပြိုင်ပွဲဝင်တဲ့သူတွေကို ဂုဏ်ပြုချီးကျူးချင်တဲ့အတွက် နောက်ထပ် ဆု ၃ ဆု ကျနော်တို့ ထပ်မံတိုးမြှင့်လိုက်ပါတယ်။”
အသစ်တိုးချဲ့လိုက်တဲ့ ဆု ၃ ဆုကတော့ Animation ဆု၊ ပရိတ်သတ်အကြိုက်ဆုံး ရုပ်ရှင်ဇာတ်ကားဆုနဲ့ မျက်နှာသစ် ရုပ်ရှင်ဆုတို့ ဖြစ်တယ်လို့ ဆိုပါတယ်။
ပထမဆု ၃ ဆု ရရှိသူတွေကို ဂျာမနီက ဒါရိုက်တာတွေနဲ့ ရုပ်ရှင်ပညာ ကျွမ်းကျင်သူတွေက သင်တန်းပေးပြီး နောက်ထပ် မှတ်တမ်းတင်ရုပ်ရှင်ကားတွေ ရိုက်ဖို့အတွက် ငွေကြေး ထောက်ပံ့ပေးမယ့်အပြင် အဲဒီ ရုပ်ရှင်ကားတွေကို ကမ္ဘောဒီးယားမှာ ကျင်းပမယ့် ရုပ်ရှင်ပြိုင်ပွဲမှာ ၀င်ရောက် ယှဉ်ပြိုင်စေမှာဖြစ်တယ်လို့ ကိုဇာဂနာက ပြောပါတယ်။
ဒါ့အပြင် အမေရိကန်က ဒါရိုက်တာ ၃ ယောက်လည်း ဇန်န၀ါရီလ ၁၅ ရက်နေ့မှာ မြန်မာနိုင်ငံကို ရောက်လာပြီး ပြိုင်ပွဲဝင်တဲ့အထဲက ထိပ်တန်း ရုပ်ရှင်ကား ၂၀ ရဲ့  ဒါရိုက်တာတွေကို အလုပ်ရုံ သင်တန်း ပို့ချပေးမယ်လို့ ဆိုပါတယ်။
ဒီရုပ်ရှင်ပွဲတော်ကိုတော့ မနက်ဖြန် ဇန်န၀ါရီလ ၁ ရက်နေ့ကနေ့ ၄ ရက်နေ့အထိ ကျင်းပသွားမှာဖြစ်ပြီး နောက်ဆုံးနေ့ ဇန်န၀ါရီလ ၄ ရက်နေ့ လွတ်လပ်ရေးနေ့မှာ ဆုရွေးချယ် ချီးမြှင့်မှာဖြစ်တယ်လို့ သိရပါတယ်။

ကြားဖြတ်ရွေးကောက်ပွဲ ဧပြီလ ၁ ရက်နေ့

By ဗွီအိုအေ (မြန်မာဌာန)

မြန်မာနိုင်ငံမှာ လွှတ်တော်ကြားဖြတ် ရွေးကောက်ပွဲတွေကို ရှေ့လာမယ့်နှစ် ဧပြီလ ၁ ရက်နေ့မှာ ကျင်းပသွားမယ်လို့ အစိုးရက ကြေညာလိုက်ပါတယ်။ ပြီးခဲ့တဲ့နှစ် နိုဝင်ဘာလက ရွေးကောက်ပွဲတွေ ကျင်းပအပြီး ပေါ်ပေါက်လာတဲ့ လွှတ်တော်တွင်းမှာ လစ်လပ်နေတဲ့ နေရာ ၄၈ နေရာအတွက် အစိုးရက ကြားဖြတ် ရွေးကောက်ပွဲတွေ ပြန်လည် ကျင်းပသွားမှာပါ။
မြန်မာအစိုးရရဲ့ ပြီးခဲ့တဲ့နှစ်ကုန်ပိုင်း ရွေးကောက်ပွဲတွေဟာ ဒီမိုကရေစီ အခြေခံတွေ ကင်းမဲ့တယ်ဆိုပြီး ပါဝင်ခြင်းမရှိခဲ့တဲ့ အဓိက နိုင်ငံရေးပါတီ အမျိုးသား ဒီမိုကရေစီအဖွဲ့ချုပ် (NLD) ပါတီကတော့ အစိုးရသစ် တက်လာပြီးနောက် အပြောင်းအလဲတွေနဲ့အတူ လွှတ်တော် နိုင်ငံရေး လုပ်ငန်းတွေမှာ ပြန်လည် ပါဝင်ဖို့ ဆုံးဖြတ်ကြောင်း ကြေညာထားတာ ဖြစ်ပါတယ်။ ဒီအတွက် နိုင်ငံရေး ပါတီအဖြစ် ဒီလထဲမှာပဲ ရွေးကောက်ပွဲ ကော်မရှင်ထံမှာ ကိုယ်စားလှယ် ၂၀ ကျော်နဲ့ မှတ်ပုံတင်လျှောက်ထားပြီး ကြားဖြတ် ရွေးကောက်ပွဲမှာလည်း ပါဝင်မယ်လို့ ပြောဆိုထားတာပါ။
မှတ်ပုံတင် ခွင့်ပြုချက်ကိုတော့ ကော်မရှင်က အခုအချိန် အထိတော့ တရားဝင် လက်ခံမထားသေးပါဘူး။ မှတ်ပုံတင်ရာမှာ အဓိကခေါင်းဆောင် တစ်ဦးအနေနဲ့ အမည်စာရင်း ထည့်သွင်းထားတဲ့ ဒေါ်အောင်ဆန်းစုကြည် ကတော့ ကြားဖြတ် ရွေးကောက်ပွဲတွေမှာ ဖွံ့ဖြိုးမှုနိမ့်ကျတဲ့ နယ်မြေကနေ ကိုယ်စားလှယ်အဖြစ် ၀င်ရောက်ယှဉ်ပြိုင်သွားဖို့ ဆန္ဒရှိကြောင်း ပြောဆိုထားပါတယ်။

ရွေးကောက်ပွဲမှာ ပါဝင်ယှဉ်ပြိုင်လိုသူတွေ အနေနဲ့ ဇန်န၀ါရီလ ၁၆ ရက်နေ့ကနေ ၃၁ ရက်နေ့အတွင်း ရွေးကောက်ပွဲ ကော်မရှင်ထံမှာ မှတ်ပုံတင်ကြရမှာ ဖြစ်ပါတယ်။

တိုင်းရင်းသားပညာရေး NLD ဂီတပွဲ စည်ကား

By မစုမြတ်မွန်

အမျိုးသားဒီမိုကရေစီအဖွဲ့ချုပ် ပညာရေးကွန်ယက်က ဦးစီးပြီး ပြည်ထောင်စု တိုင်းရင်းသားများ ပညာရေး ရန်ပုံငွေ ဂီတဖျော်ဖြေပွဲကို ကွင်းပြည့် လူတွေ လာရောက် အားပေးခဲ့ကြပါတယ်။ အစောပိုင်းတုန်းကလည်း ရန်ပုံငွေဈေးရောင်းပွဲ လုပ်ခဲ့တာမှာ တော်တော်များများ လာပြီး အားပေးကြတယ်လို့ ပွဲစီစဉ်သူတွေက ပြောကြပါတယ်။ ဂီတအသိုင်းအ၀ိုင်းထဲက နာမည်ကြီး တေးဂီတဝိုင်းတွေ အဆိုတော်တွေ ကူညီ တီးခတ်သီဆိုပေးကြတဲ့ ပွဲအကြောင်းကို ဘန်ကောက်ရုံးက မစုမြတ်မွန်က တင်ပြထားပါတယ်။
အမျိုးသားဒီမိုကရေစီအဖွဲ့ချုပ်က ဦးစီးပြီး ပထမဆုံးကျင်းပတဲ့ ဂီတဖျော်ဖြေပွဲကို ရန်ကုန်မြို့ မရမ်းကုန်းမြို့နယ် မင်းဓမ္မလမ်းမှာရှိတဲ့ Myanmar Convention Center MCC မှာ ကျင်းပနေတာမှာ လူတွေ တော်တော်လေး လာပြီးအားပေးနေကြတယ်လို့ ပွဲသွားကြည့်သူတွေက ပြောပါတယ်။ ဂီတဖျော်ဖြေပွဲကို ညနေပိုင်းမှာ ဒေါ်အောင်ဆန်းစုကြည်က ဖွင့်လှစ်ပေးခဲ့ပြီး မိန့်ခွန်းပြောခဲ့တာမှာ တိုင်းရင်းသားဒေသတွေ ဖွံ့ဖြိုးမှုရှိဖို့ ငြိမ်းချမ်းရေးနဲ့ စည်းလုံး ညီညွတ်ရေးဟာ အရေးကြီးတယ်လို့ ပြောသွားခဲ့ပါတယ်။ မြန်မာနိုင်ငံမှာ နာမည်ကြီးနေတဲ့ ဂီတတီးဝိုင်းတွေ၊ အဆိုတော်တွေ တော်တော်များများ ပါဝင်တီးခတ်သီဆိုကြတဲ့ပွဲကို သွားရေးလာရေး သိပ်မလွယ်လှတဲ့ MCC မှာကျင်းပတာဖြစ်ပေမဲ့ လာကြည့်သူတွေကတော့ ဖြစ်အောင်လာပြီး အားပေးခဲ့ကြပါတယ်။
ပွဲလာကြည့်သူတစ်ဦး။   ။ “ဒီကရတဲ့ရန်ပုံငွေတွေက ကျမတို့ ပြည်ထောင်စု တိုင်းရင်းသားတွေရဲ့ ပညာရေးနဲ့ပတ်သက်တဲ့ အဖွဲ့အစည်းတွေကို လှူန်ဒါန်းမယ်၊ ပြီးတော့ ပညာရေးကွန်ယက်ကို ချဲ့ထွင်ပြီးလုပ်မယ့်အတွက်ကြောင့် ကျမတို့ လာရောက် အားပေးရတာပါရှင့်။”
ပွဲလာကြည့်သူတစ်ဦး။  ။ “ကျနော်တို့ ပညာရေး ရန်ပုံငွေပေါ့နော်။ ကျနော်တို့ တိုင်းရင်းသား ပညာရေးရန်ပုံငွေအတွက် ကျနော်တို့ကနေပြီးတော့ တဖက်တလမ်းက ကူညီတဲ့အနေနဲ့ လာကြည့်တာပါ။”
မစုမြတ်မွန်။  ။ ဒီပွဲမှာ အဆိုတော်တွေလည်း အများကြီး တွေ့ရမယ်ဆိုတော့ အန်ကယ်က ဘယ်သူ့ကို ကြည့်ချင်ပါသလဲ။ -
ပွဲလာကြည့်သူ။  “ကျနော်တို့ ကြည့်ချင်တာကတော့ ဆောင်းဦးလှိုင်ပေါ့။ ဦးစီးဦးဆောင်လုပ်တော့ သူတို့ကို အရမ်းကြည့်ချင်လို့။”
Emperor ၊ Metal Zone စတဲ့ နာမည်ကြီးတီးဝိုင်းတွေနဲ့အတူ ကိုရဲလွင်၊ ကိုနေဝင်း၊ ဇော်ဝင်းထွဋ်၊ ဂျေညီညီ၊ ဂျေမောင်မောင်၊ တူးတူး၊ နွဲ့ယဉ်ဝင်း၊ ကော်နီ စတဲ့ ဝါရင့် အဆိုတော်တွေအပြင် ဆောင်ဦးလှိုင်၊ မျိုးကျော့မြိုင်၊ R ဇာနည်၊ ဝိုင်းစုခိုင်သိန်း၊ L ဆိုင်းဇီ စတဲ့ တခြားနာမည်ကြီးအဆိုတော်တွေ၊ လူငယ်ကြိူက် Hip Hop အဆိုတော်တွေ အများအပြား ရန်ပုံငွေပွဲမှာ သီဆိုဖျော်ဖြေကြပါတယ်။ ဂီတဖျော်ဖြေပွဲ မစခင် နေ့လည်ပိုင်းလောက်ကစပြီး ရန်ပုံငွေရှာ ဈေးရောင်းပွဲကို လုပ်ခဲ့တာမှာ အားပေးကြသူတွေ များပါတယ်လို့ ပွဲဖြစ်မြောက်ရေးမှာ တာဝန်ရှိသူတစ်ယောက်ဖြစ်တဲ့ ကိုဖြိုးမင်းသိန်းက ပြောပါတယ်။
“ဈေးပွဲတော်မှာ ဆိုင် ၁၀၀ လောက်ရှိပါတယ်။ လက်ဆောင်ပစ္စည်းတွေ၊ လူသုံးကုန်ပစ္စည်းတွေ၊ အစားအသောက်တွေ၊ အမှတ်တရပစ္စည်းတွေ အတော်များများ ရောင်းပါတယ်။ လူလည်း တော်တော်လေး လာပါတယ်။”
ဆိုင်ခန်းတွေ အများကြီး ဖွင့်လှစ်ရောင်းနေတာမှာ တနေကုန်နီးပါး ရောင်းနေရတယ်လို့ ဆိုင်ခန်းတစ်ခုကို ကူရောင်းပေးနေတဲ့ မဖြူဖြူသင်းကလည်း ပြောပါတယ်။
“အခုချိန်ထိ ရောင်းနေရတုန်းပဲ။ မနက် ၉ နာရီလောက်ကတည်းကလေ။ မနက် ၉ နာရီလောက်ကစပြီးတော့ တနေကုန်ပဲ။ မိုးချုပ်တော့ လူ ပိုများလာတယ်။ အခုချိန်ထိ လူတွေ မစဲသေးဘူး။ အဆိုတော်တွေကတော့ တော်တော်လေးကို တက်ကြွကြတယ်။ အကုန်လုံးကလေ။ အန်တီ့ကို ဆုတောင်းကြတာနဲ့ နောက်ပြီးတော့ ဆိုတဲ့သီချင်းတွေလည်း တော်တော်ကောင်းတယ်။ ဒီမှာ ကြည့်တဲ့ပရိသတ်တွေကလည်း တော်တော်လေးကို အေးအေးဆေးဆေး သိမ်သိမ်မွေ့မွေ့နဲ့လေ။ ငြိမ်ငြိမ်ဆိမ်ဆိမ်လေးရှိတယ်။ အဆိုတော်တွေလည်း အများကြီးပဲ။ အယောက် ၈၀ ကျော်တယ်။ အန်တီလာတော့လည်း တော်တော်လေးကို အားပေးကြတယ်။ တော်တော်လေးကို ရုတ်ရုတ်သဲသဲတောင် ဖြစ်သွားတယ်။”
တကယ်တော့ တိုင်းရင်းသား ဒေသတွေအတွက် ပညာရေး ရန်ပုံငွေရှာပွဲကို အမျိုးသားဒီမိုကရေစီအဖွဲ့ချုပ် ပညာရေးကွန်ယက်က ဦးစီးပြီးလုပ်ဖို့ ပထမ စီစဉ်ခဲ့တာက ဒီဇင်ဘာလ ၁၅ ရက်နေ့မှာ လုပ်ဖို့ဖြစ်ပါတယ်။ ဒါပေမဲ့ ပွဲလုပ်ဖို့ ရည်ရွယ်ထားတဲ့ သုဝဏ္ဏအားကစားကွင်းမှာ ပွဲလုပ်ခွင့် မရတာကြောင့် အခု ဒီဇင်ဘာလ ၃၀ ရက်နေ့ MCC ကွင်းပြင်မှာ လုပ်ရတာဖြစ်ပါတယ်။ အခုရက်ပိုင်း ရန်ကုန်မြို့တွင်း ဗုံးကွဲမှုတွေ၊ ပေါက်ကွဲမှုတွေ ရှိနေချိန်မှာ ကျင်းပတဲ့ပွဲမို့ တချို့ကလည်း စိုးရိမ်ကြပါတယ်။ ဒါပေမဲ့ ပွဲအတွက် လုံခြုံရေးအစီအမံတွေ လုပ်ထားပါတယ်လို့ NLD ခေါင်းဆောင် ဦးတင်ဦးက ပြောပါတယ်။ သက်ဆိုင်ရာဆီမှာ ပွဲမိန့်တောင်းကတည်းက ပုဂ္ဂလိက လုံခြုံရေးအဖွဲ့ကို ငှားမယ်လို့ အာမခံရတာဖြစ်ပါတယ်။
“သူတို့သတ်မှတ်ထားတဲ့ လုံခြုံရေးတာဝန်ယူတဲ့ အဖွဲ့ရှိတယ်။ အဲဒါကတော့ သူတို့က အရင်ရဲဘက်က ပုဂ္ဂိုလ်တွေ ဖြစ်ချင်ဖြစ်မယ်။ တချို့ လုံခြုံရေးကို တာဝန်ထမ်းဆောင်ခဲ့တဲ့ ပုဂ္ဂိုလ်တွေလည်း ဖြစ်မယ်။ ကုမ္ပဏီသဘောမျိုးပေါ့နော်။ စီးပွားရေးဆန်ဆန်လုပ်တဲ့ ကုမ္ပဏီမျိုးပေါ့။ သူတို့ကို ပွဲလမ်း လုပ်တဲ့အခါတိုင်း လုံခြုံရေးသဘောအရ ငှားရမ်းရတယ်ခင်ဗျ။ အဲဒီကနေပဲ ငှားရမ်းမှုလုပ်ပြီးတော့မှ အဲဒီငှားရမ်းတဲ့အပေါ်မှာ ခံဝန်ချက်ပြုပြီးတော့မှ ပွဲလမ်းသဘင် လုပ်ရတဲ့သဘော ရှိတယ်ခင်ဗျ။ အဲဒါတစ်ခု။ နောက်တစ်ခုကလည်းပဲ သက်ဆိုင်ရာ လုံခြုံမှုနဲ့ပတ်သက်လို့ လုပ်ကိုင်ထားတာတွေလည်း တော်တော်များများကတော့ ဖိဖိစီးစီး လုပ်ထားတာတော့ ရှိတယ်။ နောက်ပြီးတော့ အပေါ်ကနေပြီးတော့ screening ပေါ့။ စောင့်ကြည့်တဲ့ ကိရိယာတန်ဆာပလာတွေကို လမ်းတလျှောက်ကစပြီးတော့ ၀င်လာတာပြုလာတာ၊ နေရာစစ်ဆေးတာ စသဖြင့်ပေါ့။ အဲဒါတွေကိုလည်း ကျနော်တို့ ငှားရမ်းတယ်ဆိုကတည်းက အဲဒီဟာတွေ အစီအစဉ်တွေထဲမှာ ပါတယ်ခင်ဗျ။”
NLD ကဦးစီးပြီး ပထမဆုံးလုပ်တဲ့ ရန်ပုံငွေရှာ ဂီတဖျော်ဖြေပွဲမှာ ပုဂ္ဂလိက အလှူရှင်တချို့ကလည်း တိုင်းရင်းသားဒေသ ပညာရေးရန်ပုံငွေအတွက် အလှူတွေ လာရောက် ပေးခဲ့ကြပါတယ်  


လူ.အခွင့်အရေးကော်မရှင် ထုတ်ပြန်ချက် မမှန်ကန်ဟု ဦးဝင်းတင်ဝေဖန်

By မသင်းသီရိ

အင်းစိန်အကျဉ်းထောင်ကို သွားရောက်လေ့လာခဲ့တဲ့ မြန်မာနိုင်ငံ လူ့အခွင့်အရေးကော်မရှင်ဟာ ထောင်အာဏာပိုင်တွေ လိမ်ညာတာကို ခံခဲ့ရတာလို့ နိုင်ငံရေး နှစ်ရှည်အကျဉ်းသားဟောင်း သတင်းစာဆရာကြီး ဦးဝင်းတင်က ပြောပါတယ်။ မြန်မာနိုင်ငံ လူ့အခွင့်အရေး ကော်မရှင်ဟာ အင်းစိန်ထောင်နဲ့အတူ လှေလှော်အင်း ရဲဘက်စခန်းတွေကို သွားလေ့လာအပြီး ထုတ်ပြန်လိုက်တဲ့ စာနဲ့ပတ်သက်လို့ ဦးဝင်းတင်က အခုလို တုံ့ပြန် ပြောဆိုလိုက်တာလည်း ဖြစ်ပါတယ်။ ဒီအခြေအနေ အပြည့်စုံကိုတော့ မသင်းသီရိက တင်ပြထားပါတယ်။
ဒီဇင်ဘာလ ၃၀ ရက် နေ့စွဲနဲ့ မြန်မာနိုင်ငံ လူ့အခွင့်အရေး ကော်မရှင်က အင်းစိန်ထောင်နဲ့ လှေလှော်အင်း ရဲဘက်စခန်းတွေအကြောင်း သတင်းထုတ်ပြန်တာကို အစိုးရသတင်းစာတွေမှာရော မြန်မာ့ရုပ်မြင်သံကြား တွေမှာပါ ပြသခဲ့တာပါ။
အချက် ၈ ချက်နဲ့ ဖော်ပြထားတဲ့ ဒီထုတ်ပြန်ချက်ထဲမှာ အင်းစိန်ထောင်ထဲနဲ့ လှေလှော်အင်း ရဲဘက်စခန်းတွေက အကျဉ်းသားတွေကို အကျဉ်းထောင်လက်စွဲနဲ့အညီ အကျဉ်းသားတွေကို ပြုစုစောင့်ရှောက်သလို ကုလမဂ္ဂရဲ့ အနိမ့်ဆုံးစံနှုန်းတွေနဲ့ အခြေခံထား လုပ်ပေးနေတယ်လို့ ထောင်အာဏာပိုင်တွေက လူ့အခွင့်အရေးကော်မရှင်အဖွဲ့ကို ရှင်းပြခဲ့တယ်လို့ ဖော်ပြထားပါတယ်။ အင်းစိန်ထောင်မှာ အနှစ် ၂၀ နီးပါး အကျဉ်းကျခဲ့တဲ့ နိုင်ငံရေးအကျဉ်းသားဟောင်း သတင်းစာဆရာကြီး ဦးဝင်းတင်ကတော့  ထောင်အာဏာပိုင်တွေဟာ ထောင်ကိုလာကြတဲ့ ဘယ်အဖွဲ့အစည်းနဲ့ ဘယ်ဧည့်သည်ကိုမဆို အမှန်အတိုင်း ရှင်းလင်းပြတာ မရှိတာမို့ အခု လူ့အခွင့်အရေး အဖွဲ့ဟာလည်း ထောင်အာဏာပိုင်တွေရဲ့ လိမ်ညာမှုကို ခံလိုက်ရတာ ဖြစ်တယ်လို့ သုံးသပ်ပါတယ်။
“ထောင်အာဏာပိုင်တွေ ဆိုတာက အဲဒီလို အထက်ကလူတွေ လာတယ်။ ပြင်ပကလူတွေ လာတဲ့အခါမှာ ဘယ်တော့မှ အမှန်မပြောဘူးခင်ဗျ။ လိမ်လွှတ်မယ်၊ တမျိုး ပြောင်းပြောမယ်။ ဒါပဲဗျ။ အဲဒီတော့ ဒီလူ့အခွင့်အရေး ကော်မရှင်ဟာ ထောင်အာဏာပိုင်တွေရဲ့ နောက်ဆုံး အလိမ်ခံရတဲ့ လူတွေအနေနဲ့ပဲ ဖြစ်တယ်လို့ပဲ ကျနော် ပြောချင်ပါတယ်။”
ဒါ့အပြင် အကျဉ်းထောင်နဲ့ ရဲဘက်စခန်းတွေတွင်း ကျန်းမာရေး စောင့်ရှောက်မှု၊ အနားယူမှု၊ အစားအစာနဲ့ ဘာသာစကားလို သင်တန်းတွေအပြင် ကွန်ပျူတာသင်တန်း၊ ကျောင်းပညာရေး၊ ဘာသာရေး ကိစ္စတွေကအစ လုပ်ပေးနေတာတွေကို သူတို့ တွေ့ခဲ့ရတယ်လို့ မြန်မာနိုင်ငံ လူ့အခွင့်အရေး ကော်မရှင်က ရေးထားပါတယ်။ ဦးဝင်းတင်ကတော့ သူရဲ့ နှစ်ရှည်ထောင်တွင်း အတွေ့အကြုံတွေအရရော လက်ရှိနိုင်ငံရေး အကျဉ်းသားတွေ အတွက်ရော အနုတ်လက္ခဏာ ပြတဲ့ ကျန်းမာရေး စောင့်ရှောက်မှုတွေသာ ဖြစ်တယ်လို့ ဆိုပါတယ်။
“ပထမဦးဆုံး လိုအပ်ချက်က လူတွေရဲ့ စားရေးသောက်ရေး၊ နေရေးထိုင်ရေး၊ စိတ်ကျန်းမာရေး၊ လူကျန်းမာရေး။ အဲဒါတွေက လိုတာဗျ။ အဲဒါတွေအတွက် ဘာတစ်ခုမှ ပြည့်စုံအောင် လုပ်ပေးတာမရှိဘူး။ ကျနော် ရှိတဲ့အချိန်ရော၊ အခုချိန်ရော ဘာမှထူးမှာမဟုတ်ဘူး။ ဥပမာဗျာ ကျနော့်အတွေ့အကြုံ ပြောရရင် ကျနော် အူအတက်ပေါက်လို့ အူခေါက်ပြီးတော့ အမျိုးမျိုး ဒုက္ခတွေနဲ့ မခံစားနိုင်လောက်အောင်ကို ဒုက္ခသုက္ခ ရောက်နေတယ်။ အဲဒီလိုဖြစ်တဲ့ အနေအထားမျိုးမှာတောင်မှ ခွဲစိပ်မပေးဘူး။ အဲဒါ ဘယ်လောက်ကြာလဲ ဆိုတော့ ၅ နှစ်ကြာတယ်ဗျ။ အဲဒီလိုဟာမျိုး အလားတူပဲ ဆိုပါတော့ဗျာ ကျနော့်ကို ထောက်လှမ်းရေးက ရိုက်တာနှက်တာနဲ့ ကျနော် သွားတွေ ပြုတ်ကုန်တယ်ဗျာ။ ကျနော် သွားတွေ မရှိဘူး။ အထက်သွားတွေ တစ်ချောင်းမှမရှိဘူး။ အဲဒါကို ကျနော့်ကို သွားစိုက်မပေးဘူးဗျ။ သွားစိုက်ပေးဖို့လည်း မကြိုးစားဘူး။ ကျန်းမာရေး စောင့်ရှောက်တယ်ဆိုတာ ဘယ်တော့မှ မလုံလောက်ဘူး။ ဘယ်တော့မှ မပြည့်စုံဘူး။”
စစ်ခွေးတိုက်နဲ့ ပတ်သက်လို့ ရေးသားထားတာလည်း တွေ့ရပါတယ်။ မကြာသေးခင်ကာလတွေက အစာငတ်ခံ ဆန္ဒပြသူတွေကို စစ်ခွေးတိုက်တွေမှာ ထားတယ်လို့ တိုင်တာရှိပေမဲ့ သူတို့အဖွဲ့ ထောင်ထဲမှာတွေ့ပြီး မေးမြန်းခဲ့တော့ ဒါဟာ သတင်းမှား ဖြစ်တယ်လို့လည်း ရှင်းလင်းထားပါတယ်။ ဒီစစ်ခွေးတိုက်နဲ့ပတ်သက်လို့ ဦးဝင်းတင်က သူ့အတွေ့အကြုံကို ရှင်းပြရာမှာတော့ -
“သမံတလင်းပေါ်မှာ အိပ်ရတယ်။ ဖျာတောင်မပေးဘူး။ စစ်ခွေးတိုက်တွေမှာ ကျနော်တို့ အိမ်သာဆိုတဲ့ ဟာတွေက ကျနော်တို့မှာ သေးအိုးရော ချေးအိုးရောက အငွေ့တွေ ပြန်ထွက်ပြီးတော့ နေတဲ့ဟာ။ ကျနော် ကြုံခဲ့တယ်။ ဒီ ခွေးတိုက်ဆိုတဲ့ဟာက တမင်ကို ငြင်းပမ်းဖို့ကို ပြစ်ဒဏ်မှာ အမြင့်ဆုံးထားတဲ့တိုက်။ ဘာဖြစ်လို့လဲဆိုတော့ ကျနော် ခွေးတိုက်မှာ အကြာကြီး နေခဲ့ဖူးတဲ့သူအနေနဲ့ သက်သေခံနိုင်ပါတယ်။”
မြန်မာနိုင်ငံ လူ့အခွင့်အရေးကော်ရှင်ရဲ့ ထုတ်ပြန်စာထဲမှာ အင်းစိန်ထောင်တွင်းမှာ ရှိနေတဲ့နေရာထက် လက်ရှိ အကျဉ်းသား ဦးရေကများနေတာ တွေ့ရတယ်လို့ ရေးသားထားသလို ဘာသာရေးဆိုင်ရာ သင်တန်းတွေနဲ့ စခန်းတွေကို ပိုဖွင့်ပေးဖို့အပြင် လွတ်ငြိမ်းချမ်းသာခွင့်တွေ ပေးလာဖို့ကိုလည်း မျှော်လင့်ကြောင်း ရေးထားတာတွေ့ရပါတယ်။
“ကျနော် ထောင်ထဲမှာ အနှစ် ၂၀ နေခဲ့တဲ့သူ။ နောက်ပြီးတော့ ထောင်ထဲမှာ နေရာစခန်းပေါင်းများစွာ၊ ဆေးရုံပေါင်းများစွာကို ကျနော် နေခဲ့ဖူးတဲ့သူ တစ်ယောက်အနေနဲ့ သူတို့ပြောတာတွေ တစ်ခုမှ မယုံဘူး။ ကျနော် မယုံဘူး ဆိုခြင်းဟာ ကျနော့်ကို သက်သေခံမယ့် ကျနော့်လိုပဲ မယုံဘူးဆိုတဲ့သူတွေ အများကြီး ရှိလိမ့်မယ်လို့ ကျနော် ပြောချင်ပါတယ်။ ကျနော် ခုမှပြောတာ မဟုတ်ပါဘူး။ ကော်မရှင်ဟာ အမြဲတမ်း အစိုးရနဲ့ အပြန်အလှန်လုပ်ပြီးတော့ လုပ်နေတဲ့သူတွေလို့ပဲ ကျနော် သဘောထားတယ်။ အစိုးရနဲ့ သံတူကြောင်းကွဲတွေ ပြောနေတာပဲ။”
နှစ်ရှည်နိုင်ငံရေး အကျဉ်းသားဟောင်းတစ်ဦးလည်းဖြစ်၊ ထောင်တွင်း အတွေ့အကြုံတွေကို “နင်လားဟဲ့ လူ့ငရဲ” ဆိုတဲ့ စာအုပ်တစ်အုပ်ကိုလည်း ရေးသားခဲ့တဲ့ သတင်းစာဆရာကြီး ဦးဝင်းတင် ပြောသွားတာ ဖြစ်ပါတယ်။
မြန်မာနိုင်ငံ လူ့အခွင်အရေးကော်မရှင် ဥက္ကဋ္ဌနဲ့အဖွဲ့ဝင် ၇ ဦးတို့ဟာ ဒီဇင်ဘာလ ၂၇ ရက်နေ့က အင်းစိန်ထောင်နဲ့ ၂၈ ရက်နေ့မှာ လှေလှော်အင်း ရဲဘက်စခန်းတွေကို သွားပြီး လူ့အခွင့်အရေး အခြေအနေတွေကို လေ့လာခဲ့တာနဲ့အတူ အစောပိုင်းမှာလည်းး မြစ်ကြီးနားထောင်တွေကို သူတို့အဖွဲ့ လေ့လာတာတွေ လုပ်ခဲ့ပြီးတဲ့နောက် အခုလို အကျဉ်းထောင်နဲ့ ပတ်သက်ပြီး သတင်းထုတ်ပြန်ခဲ့တာ ဖြစ်ပါတယ်။

ပညာရေးရန်ပုံငွေပွဲ သိန်း ၃၅ဝ ကျော် ရရှိ

2011-12-31

ရန်ကုန်မြို့ MCC မြန်မာကွန်ဗင်းရှင်း စင်တာမှာ မနေ့က ကျင်းပတဲ့ ပြည်ထောင်စုတိုင်းရင်းသားများ ပညာရေးရန်ပုံငွေ ဂီတဖျော်ဖြေပွဲက ရတဲ့ ဝင်ငွေပမာဏကို စာရင်းမပိတ်ရသေးပေမယ့် အခုအချိန်အထိ မြန်မာ ကျပ်ငွေ ၂၁၅ သိန်းကျော်နဲ့ အမေရိကန်ဒေါ်လာ ၁၅၅ဝ၊ ဂျပန်ယန်းငွေ ၁ သောင်း ရရှိထားပြီလို့ သိရပါတယ်။

AFP

၂ဝ၁၁ ခုနှစ် ဒီဇင်ဘာလ ၃ဝ ရက်နေ့က ရန်ကုန်မြို့ မြန်မာကွန်ဗင်းရှင်းစင်တာတွင် ပြုလုပ်သည့် ပြည်ထောင်စု တိုင်းရင်းသားများ ပညာရေးရန်ပုံငွေ ဂီတဖျော်ဖြေပွဲတွင် အမျိုးသားဒီမိုကရေစီ အဖွဲ့ချုပ် ခေါင်းဆောင်များဖြစ်သည့် ဦးဝင်းတင်၊ ဒေါ်အောင်ဆန်းစုကြည်နှင့် ဦးတင်ဦး တို့ကို တွေ့ရစဉ်။

ရန်ပုံငွေပွဲ အမှတ်တရ အနေနဲ့ ဒေါ်အောင်ဆန်းစုကြည်နဲ့ အနုပညာရှင်တွေ ပါဝင် လက်မှတ်ရေးထိုးထားတဲ့ ဒေါ်အောင်ဆန်းစုကြည် ပုံပါ အနီရောင်တီရှပ်ကို ကြမ်းခင်းဈေး ကျပ် သိန်း ၃ဝ နဲ့ လေလံပစ်ပါတယ်။

အဲဒီ တီရှပ်ကို ည ၈ နာရီက စပြီး စီးပွားရေးကုမ္ပဏီ ၆ ခု အပြိုင် လေလံဆွဲရာမှာ ဆောက်လုပ်ရေးလုပ်ငန်းသုံး စက်ပစ္စည်းတွေ တင်သွင်းတဲ့ Heavy Machinery Volvo ကုမ္ပဏီပိုင်ရှင် ဒေါ်မာလာသိန်းက ကျပ် ၁၂၅ သိန်း နဲ့ ဈေးအမြင့်ဆုံး ပေးပြီး ဝယ်ယူသွားပါတယ်။

နိုင်ငံ တိုးတက်ဖွံ့ဖြိုးရေးအတွက် ပညာရေးက အရေးကြီးတာကြောင့် အခုလို ဒေါ်အောင်ဆန်းစုကြည် ဦးဆောင်တဲ့ ပညာရေး ဖွံ့ဖြိုးတိုးတက်မှု လုပ်ငန်းတွေမှာ တဖက်တလမ်းက ပါဝင်ခွင့်ရတဲ့အတွက် ကျေနပ်မိတယ်လို့ ဒေါ်မာလာဝင်းက ပြောပါတယ်။

“MCC ခမ်းမက ကျမအိမ်ရှေ့ မျက်နှာချင်းဆိုင်မှာလေ။ အမေစုလည်း ကိုယ်တင်လာပြီး တက်တက်ကြွကြွနဲ့ ရန်ပုံငွေပွဲကို အားပေးလာတယ်။ ကျမလည်း မနေနိုင်တော့ဘူး။ အထဲကိုဝင်ပြီး သွားအားပေးတယ်။ ဒီ စတိတ်ရှိုးပွဲမှာ ခဏထိုင်ကြည့်ရင်းနဲ့ ကျမ လှူချင်တယ် ဘယ်လိုလှူရမလဲ စဉ်းစားနေရင်းနဲ့ ဒီအင်္ကျီ ၂ ထည်ကို လေလံပစ်မယ်၊ တထည်ကတော့ အမေစုဆီမှာ ထားပေးမယ်၊ တထည်ကတော့ အများဆုံး လှူတဲ့လူကို ပေးမယ်ဆိုတော့ လှူကြတာ တကယ်အားရဖို့ကောင်းတယ်။ ကျမလည်း ဝင်ပါလိုက်တာပေါ့။ ပညာရေးရန်ပုံငွေ ဆိုတော့ ကျမလည်း အရမ်းလှူချင်တယ်၊ အမေစုလည်း ဝမ်းသာကျေနပ်လိမ့်မယ်လို့ မျှော်လင့်တယ်။ နောက် အနုပညာသမားတွေကိုလည်း ချစ်ခင်လေးစားတဲ့အနေနဲ့ ဒီ အင်္ကျီလေးလည်း ရတယ်ပေါ့”

ဒေါ်အောင်ဆန်းစုကြည်က ဒေါ်မာလာဝင်းကို လာမယ့် ဇန်နဝါရီလ ၉ ရက်နေ့မှာ ညစာနဲ့ တည်ခင်းဧည့်ခံပြီး အဲဒီ တီရှပ်ကို ပေးအပ်မယ်လို့ သိရပါတယ်

ကြားဖြတ်ရွေးကောက်ပွဲ လုပ်မည့်ကိစ္စ နိုင်ငံရေးပါတီများကို အကြောင်းမကြား

2011-12-31

လွှတ်တော်မှာ လစ်လပ်နေတဲ့ ၄၈ နေရာအတွက် ကြားဖြတ်ရွေးကောက်ပွဲ ကို ဧပြီလ ၁ ရက်မှာ ကျင်းပမယ်လို့ မြန်မာအစိုးရပိုင် သတင်းဌာနတွေက မနေ့ညက တရားဝင် ကြေညာခဲ့ပါတယ်။

(Photo: AFP)

စစ်အစိုးရက နိုဝင်ဘာ ၇ ရက်နေ့တွင် ပြုလုပ်မည့် ရွေးကောက်ပွဲ အတွက် ရန်ကုန်မြို့ရှိ မဲရုံတခုတွင် နိုဝင်ဘာ ၅ ရက်နေ့က မဲပုံးများ ပြင်ဆင်နေပုံ ဖြစ်ပါသည်။ (Photo: AFP)

နိုင်ငံရေး ပါတီတွေကိုတော့ ကြားဖြတ်ရွေးကောက်ပွဲနဲ့ ပတ်သက်လို့ ရွေးကောက်ပွဲကော်မရှင်က အသိပေး အကြောင်းကြားတာ မရှိဘူးလို့ ဒီမိုကရက်တစ်ပါတီ-မြန်မာရဲ့ ဥက္ကဋ္ဌ ဦးသုဝေက ဒီကနေ့ ပြောကြားပါတယ်။

ရွေးကောက်ပွဲမှာ ပါဝင် ယှဉ်ပြိုင်မယ့်သူတွေအနေနဲ့ ဇန်န၀ါရီ ၃၁ ရက် နောက်ဆုံးထားပြီး အမည်စာရင်း တင်သွင်း လျှောက်ထားကြရမယ်လို့ သိရပါတယ်။

အခုကျင်းပမယ့် ကြားဖြတ်ရွေးကောက်ပွဲမှာ ပြည်သူ့လွှတ်တော်အတွက် နေရာ ၄ဝ၊ အမျိုးသား လွှတ်တော် အတွက် ၆ နေရာနဲ့ တိုင်းဒေသကြီး လွှတ်တော်အတွက် ၂ နေရာ လစ်လပ်နေပါတယ်။

ဒါပေမယ့် ၂ဝ၁ဝ ရွေးကောက်ပွဲမှာ ရွေးကောက်ပွဲ မကျင်းပဖြစ်ခဲ့တဲ့ မဲဆန္ဒနယ် ၁၇ ခုရှိတဲ့အတွက် လာမယ့် ရွေးကောက်ပွဲမှာ နေရာ အားလုံးအတွက် ကျင်းပမယ်ဆိုရင် ဝင်ရောက် ယှဉ်ပြိုင်နိုင်တဲ့ မဲဆန္ဒနယ်မြေ ၆၅ ခု ရှိမှာ ဖြစ်ပါတယ်။ ဒါပေမယ့် လောလောဆယ် အထိတော့ မဲဆန္ဒနယ် ဘယ်နှခုမှာ ကြားဖြတ် ရွေးကောက်ပွဲ ကျင်းပမလဲဆိုတာ ပြည်ထောင်စုရွေးကောက်ပွဲ ကော်မရှင်က တိတိကျကျ ထုတ်ပြန်ကြေညာတာ မရှိသေးပါဘူး။

ဒေါ်အောင်ဆန်းစုကြည် ခေါင်းဆောင်တဲ့ အင်န်အယ်လ်ဒီ ပါတီကတော့ ကြားဖြတ်ရွေးကောက်ပွဲအတွက် လစ်လပ်နေရာ အားလုံးမှာ ပါဝင်ယှဉ်ပြိုင်မယ်လို့ ကြေညာထားပါတယ်