ဗုဒ္ဓ ဟောသော မိတ္တဗလဋီကာ
နေ့ စဉ်မြင်တွေ့ ကြားနာ ပြောဆိုနေကြရသမျှ တွင်သရဏီယတရား( ၆-ပါး) အားစွဲကိုင်၍သတိ ဆောင်နိုင်ကြမည်ဆိုပါအကျိုးတရား များပြားလှပြီး လူဘ၀နေထိုင်မှူ အတွက်ထောက်အကူများ စွာရှိကြောင်း ကျင့်ကြံ သူတိုင်း သိရှိကြပေမည်။
" သရဏီယ" ပါဠိစကား၏မြန်မာအနက်မှာစက္ကန့် တိုင်း(သို့ )အချိန်တိုင်းသတိတရရှိခြင်းဟု အနက်ပြန်သည်။ "သရဏီယ" တရားတော်မှ ချစ်ခင်နှစ်လိုဖွယ် အရည်အသွေး( ၆-မျိုး)ကိုဗုဒ္ဓတရား တော်လာအတိုင်း၊ ဗုဒ္ဓကိုပမာ စံထားရေးသား သွားပါမည်။
သရဏီယ တရားစွဲမြဲသူတိုင်း ကိုချစ်ခင်နှစ်လိုသူ ပေါများကြပြီး၊ ထိုသူရောက်မလာနိုင်သော အရပ်တွင်သူသာရှိလျှင် ကောင်းလိမ့်မည်ဟု တမ်းတကြရ စမြဲဖြစ်သည်။ အဆိုပါပုဂ္ဂိုလ် နှင့်တွေကြုံဖူးသူ တိုင်းကမကြာမကြာ သတိတရရှိ နေကြပေလိမ့်မည်။ လူမှူဆက်ဆံရေးဖြင့် အဓိကရပ်တည်ထား သောလူသား၏ သဘောသဘာဝအတိုင်း မိမိကိုအမှတ်ရ နေခြင်းကို ဆန္ဒရှိလိုကြပေမည်။
စီးပွားရေး၊ လူမူရေး ၊ပညာရေး မည်သည့်နယ်ပယ် အသိုင်းအ၀န်းအတွက်မဆို လူထုအများ ၏ချစ်ခင်ကြည်ညိုလေးစားခြင်း မခံရသော သူများသည်အောင်မြင်မှူ အစစ်အမှန်ကို ချဉ်းကပ်နိုင် မည်မဟုတ်ပေ။ စစ်မှန်သောအောင်မြင်မှူ၏ ဇစ်မြစ် တည်တံ့မွေးဖွားရာသည် " သရဏီယ "တရားမှာ သာအခြေပြုကြပေသည်။
ရိုသေလေးစားမှူတွင် ချစ်ကြောက်ရိုသေ နှင့်မုန်းကြောက်ရိုသေ နှစ်မျိုး အနက် "သရဏီယ" တရား ဖြင့်ပြည့်စုံသူများ ရရှိသော ရိုသေလေးစားမှူမျိုးမှာ ချစ်ကြောက်ရိုသေဟု သတ်မှတ်ရပေမည်။
မိမိလုပ်ငန်းကိစ္စများ အတွက်အခြားသူတို့ ၏ လိုလားစွာ ပူးပေါင်းမူများစွာလိုအပ်ပါက သရဏီယ တရားသည် အကောင်းဆုံး စည်းရုံးရေးဖြစ်သည်။ ချစ်ခင်ရင်းနှီးသူများအကြား ငြင်းခုံမှုမဖြစ်စေရန်ထိန်းကွပ် ပေးနိုင်သော အကောင်းဆုံးနည်းလမ်းကောင်း လည်းဖြစ်ပေသည်။ ညီညွတ် မျှတမှူများ ကို ရှေးရှုစေသော အကောင်းဆုံးကျင့်စဉ်မည်၏။အလွန်ကောင်းမြတ်လှသော ဗုဒ္ဓသြ၀ါဒတစ်ခုအဖြစ် သရဏီယ တရား( ၆-ပါး)ကိုအစဉ်တိုင်း ပြောမည်ဆိုပါက-
(၁) ချစ်ခင်မြတ်နိုးဖွယ် ကိုယ်အမူအရာရှိခြင်း
(၂) ချစ်ခင်မြတ်နိုးဖွယ် နှူတ်အမူအရာရှိခြင်း
(၃) ချစ်ခင်မြတ်နိုးဖွယ် လိုက်လျှောတတ်ခြင်း
(၄) ချစ်ခင်မြတ်နိုးဖွယ် မျှတဝေဖန်မှူရှိခြင်း
(၅) ချစ်ခင်မြတ်နိုးဖွယ် ကိုယ်ကျင့်သိက္ခာရှိခြင်း
(၆) ချစ်ခင်မြတ်နိုးဖွယ် အသိပညာရှိခြင်းတို့ ပင်ဖြစ်ပါသည်။
(၁) သရဏီယတရားတော်လာ ချစ်ခင်မြတ်နိုးဖွယ် ကိုယ်အမူအရာရှိခြင်း။
မိမိ၏ကိုယ်အမူအရာတိုင်းမှာ ချစ်ခင်နှစ်လိုဖွယ်ရှိစေရေး လှူပ်ရှားမှူတိုင်းမှာ မေတ္တာဓါတ်ပေါင်းစပ်ပေးရန် လိုပါသည်။ မေတ္တာ၏ အနက်သဘော အတိုင်း မေတ္တာစိတ်မှာ အများစိတ်ချမ်းသာ အဆင်ပြေစေချင်စိတ်၊ လောကကောင်းကျိုး ၊ ဘာသာ၊သာသနာကောင်းကျိုး ဆောင်ချင်စိတ်များပြည့်နှက်နေပါတယ်။ မိမိကို မြင်တွေ့ သူတွေ စက္ကုအာရုံချမ်းသာ စေချင်စိတ်ကလည်း မေတ္တာဓါတ်ကြောင့်ပင်ဖြစ်ပါသည်။ပမာအားဖြင့် မိမိ၏နေအိမ်၊ရုံးခန်းပတ်ဝန်းကျင်ကို လာရောက်ကြသူတွေ စိတ်ချမ်းသာအောင်ပြင်ဆင်ခင်းကျင်းထားခြင်း၊ မျက်စိပသာဒဖြစ်အောင် ထိန်းသိမ်းစောင့်ရှောက်ခြင်းသည် မေတ္တာစိတ် လှူပ်ရှားမှူများ ကြောင့်မေတ္တာကံ မြောက်နေခြင်းဖြစ်သည်။
ကြီးသူကိုရိုသေ၊ ငယ်သူကိုလေးစားသော အပြုအမူများသည်လည်း မေတ္တာကံပါမှသာ ပြီးမြောက်ပေသည်။ မိမိအနီးဝန်းကျင်မှ မကျန်းမာခြင်း၊ချို့ တဲ့ခြင်း များရှိပါက ကြည့်ရှူစောင့်ရှောက်တတ် ခြင်းသည်လည်းမေတ္တာကံမည်၏။ ထိုသို့ သောမေတ္တာကံများကို လှူပ်ရှားမှူတိုင်းမပြတ်မလတ် ဆောင်ရွက်သွားခြင်းက ချစ်ခင်မြတ်နိုးဖွယ်ကိုယ်အမူအရာ ကိုအလိုလျှောက် ဖြည့်ဆည်းပြီး ဖြစ်လာပေမည်။
No comments:
Post a Comment