အရှက်တရား ရဲ့ ခန်းမဆောင်(အောင်မိုးဝင်း)

အရှက်တရား ရဲ့ ခန်းမဆောင်(အောင်မိုးဝင်း)

by Maung Maung Wann on Thursday, September 1, 2011 at 10:09am

အရှက်တရား ရဲ့ ခန်းမဆောင်
မီလ်တန်ဖရိုက်ဒ်မန်း ဆိုတဲ့ ပုဂ္ဂိုလ်က စီးပွားရေးနဲ့ဆိုင်တဲ့ နိုဘယ်ငြိမ်းချမ်းရေးဆု ကို ဆွတ်ခူးခဲ့သူတယောက်ဖြစ်ပြီး ချီလီနိုင်ငံရဲ့၁၉၇၀- ၁၉၉၀ ကာလ အံ့သြဘွယ်ရာ နှစ်ကာလများကို အဓိက ဖန်တီးခဲ့သူလို့လည်း လူသိများခဲ့တယ်။                  သူက ချီလီနိုင်ငံနဲ့ ပတ်သက်ပြီး အင်တာဗျူးတခုမှာ အခုလိုညီးတွားခဲ့ဘူးတယ်။
“ ကျနော်ဗျာ- ယူဂိုဆလားဗီးယားနိုင်ငံ နဲ့ တရုတ်ပြည်သူ့သမ္မတနိုင်ငံကို သွားပြီး စီးပွားရေးနဲ့သက်ဆိုင်တဲ့ ဘာသာရပ်တွေ ဟောပြောလေ့လာတုံးက အဲ့ဒီနိုင်ငံက ပြည်သူတွေအပါအဝင်၊ ဘယ်သူကမှ ကျနော့ကို မဝေဖန်ခဲ့ကြဘူး။                               ချီလီ နိုင်ငံ ကို သွားပြီး လစ်ဘရယ်စီးပွားရေးစံနစ်အကြောင်းတွေသွားဟောပြောတဲ့အခါကျမှ- နေရာအနံ့မှာ ကျနော့ကို ဆန္ဒပြတဲ့ လှုပ်ရှားမှုတွေကြုံတွေ့ခဲ့ရတယ်” တဲ့။
တကယ်တော့ မီလ်တန်ဖရိုက်ဒ်မန်း သိထားသင့်တဲ့အရာတခုရှိပါတယ်။ ၁၉၇၀-၈၀ ကာလမှာ ယူဂိုဆလားဗီးယားနဲ့ တရုတ်နိုင်ငံ ကို ဦးဆောင်ခဲ့တဲ့သူတွေဟာ ပြည်သူလူထုယုံကြည်ကိုးစားတဲ့သူတွေဖြစ်ပေမဲ့၊ ချီလီနိုင်ငံရဲ့အာဏာသိမ်းခေါင်းဆောင် ဗိုလ်ချုပ်ပီနိုချေး ဆိုတာ ပြည်သူလူထုတင်မြှောက်ခဲ့တဲ့ အာလန်ဒေး အစိုးရကို သတ်ဖြတ်ပြီး အာဏာချုပ်ကိုင်ခဲ့သူတယောက်ဖြစ်တယ်။ ချီလီအစိုးရအဖွဲ့အတွင်းမှာ ခြစားမှုတွေက ထိန်းမရသိမ်းမရဖြစ်နေခဲ့တယ်။ ဒါကြောင့်လည်း ပီနိုချေး အစိုးရကို စီးပွားရေး သင်တန်းသွားပို့ချတဲ့ မီလ်တန်ဖရိုက်ဒ်မန်းကို အမေရိကန် နိုင်ငံတွင်းမှာ ရှိတဲ့ ပညာတတ်တွေက ဆန့်ကျင်ရှုတ်ချခဲ့ကြတယ်။
ချီလီနိုင်ငံရဲ့စီးပွားရေးဖွံ့ဖြိုးတိုးတက်လာမှု နဲ့ ပတ်သက်ပြီး ရှုမြင်သုံးသပ်ကြတဲ့အခါ မတူညီတဲ့အမြင်နှစ်မျိုးကိုတွေ့ရမယ်။
(၁) ပထမအုပ်စုကတော့ မီလ်တန်ဖရိုက်မန်း နဲ့ အယူအဆတူတဲ့သူတွေဖြစ်တယ်။ စီးပွားရေးဖွံ့ဖြိုးတိုးတက်မှုကို ဖေါ်ဆောင်နိုင်မှုဟာ နိုင်ငံရေးပွင့်လင်းမှုဆီကိုတဖြည်းဖြည်းဦးတည်သွားမယ်။ ပီနိုချေး ရဲ့ချုပ်ကိုင်လွှမ်းမိုးမှု ကနေ ရွေးကောက်ပွဲတွေပေါ်လာတယ်။ အရပ်သားအစိုးရဆီ အာဏာလွှဲပြောင်းရယူနိုင်ခဲ့တယ် လို့ ဆိုတယ်။ ဒီအယူအဆ ကို Conflict Resolution ( ပဋိပက္ခဖြေရှင်းရေး) ရှုထောင့်ကကြည့်ပြီး သုံးသပ်လေ့လာသူတွေမှာ တွေ့ရမယ်။
(၂) ဒုတိယအုပ်စုကတော့ ချီလီနိုင်ငံရဲ့ ၁၉၈၀ ကာလတွေကို ကြည့်လိုက်မယ်ဆိုရင် မီလ်တန်ဖရိုက်ဒ်မန်း သုံးသပ်မျှော်လင့်ခဲ့သလို မဖြစ်ခဲ့ဘူး။ ပီနိုချေးလက်အောက်မှာ ချီကာဂိုတက္ကသိုလ်ဘွဲ့ရ စီးပွားရေးပညာရှင်တွေ ( Chicago Boys အဖြစ်လူသိများတယ်) ရဲ့  လစ်ဘရယ်စီးပွားရေး စီမံကိန်းတွေကို စတင်လိုက်ကတည်းက  အလုပ်လက်မဲ့နှုန်းဟာ (၂) ဆမြင့်တက်လာခဲ့သလို၊ ချီလီအစိုးရရဲ့ အတိုက်အခံတွေအပေါ် ဖိနှိပ်ချေမှုန်းတဲ့ လုပ်ရပ်တွေ၊ လူ့အခွင့်အရေးချိုးဖောက်မှုတွေက ရပ်တန့်မသွားခဲ့ဘူး။ ချီလီနိုင်ငံပြောင်းလဲမှုရဲ့ အဓိကအကြောင်းရင်းဟာ လူထုရဲ့လက်မလျော့စတမ်းရုန်းကန်တိုက်ပွဲဝင်မှုကြောင့်ဖြစ်တယ်။ ၁၉၈၀-၉၀ ကာလရဲ့ စီးပွားရေး တိုးတက်မှု၊ ဆုတ်ယုတ်မှု ဂရပ်မျဉ်းများ၊ ရွေးကောက်ပွဲဖြတ်သန်းမှု နည်းဗျူဟာ၊ အတိုက်အခံခေါင်းဆောင်တွေရဲ့ ပြတ်ပြတ်သားသားရပ်တည် ဝေဖန်မှု၊ လူထုတရပ်လုံးအပေါ် အမှန်တရားအတွက် တိုက်ပွဲဝင်စေရဲတဲ့ သတင်းစကားတွေကို လက်ဆင့်ကမ်းလှုံ့ဆော်မှုကြောင့်ဖြစ်ပေါ်ခဲ့တာဖြစ်တယ် လို့ ယုံကြည်ကြတယ်။  ဒီအယူအဆရှိသူတွေကို အကြမ်းမဖက်လှုပ်ရှားမှုနဲ့ပြည်သူ့ပါဝါကို ယုံကြည်သူများ ( Non- violent Struggle and People Power) ရဲ့ ရှုထောင့်မှ သုံးသပ်သူများအဖြစ် သိရှိကြတယ်။
ဒါပေမဲ့ အယူအဆနှစ်ခုလုံးမှာ ဘုံသဘောတူညီမှုတခုတော့ ရှိနေတယ်။ “ စီးပွားရေးပြုပြင်ပြောင်းလဲမှု ကို လုပ်မယ်ဆိုရင် အစိုးရအဖွဲ့အတွင်းမှာ အမြစ်တွယ်နေတဲ့ ခြစားမှုကို တိုက်ဖျက်ကြရလိမ့်မယ်” တဲ့
မကြာသေးမီရက်များအတွင်းက နေပြည်တော်မှာ စီးပွားရေးဆိုင်ရာ အလုပ်ရုံတခုဆီက အကြံပေးဆွေးနွေးချက်တွေ၊ စာတန်းတွေကို ဖတ်ခွင့်ရလိုက်ကြတယ်။ အဂတိလိုက်စားမှုတွေ၊ အကျင့်ပျက်ခြစားမှုတွေကို တိုက်ဖျက်မယ် လို့ ဆိုကြတယ်။ ဒါပေမဲ့ တိုင်းပြည်ရဲ့  သဘာဝဓါတ်ငွေ့၊ ရေနံဆီက နှစ်စဉ်ရရှိနေတဲ့ ဘီလျှံထောင်ချီရှိနေတဲ့ ငွေတွေ ဘယ်နေရာဆီမှာ ခြစားလွင့်မျောနေတယ် ဆိုတဲ့ အချက်ကို ပညာရှင်တွေ မေးခွန်းထုတ်ရဲခဲ့ပါသလား။ ဘတ်ဂျက်လိုငွေပြမှုတွေကို ပြောခဲ့ပေမဲ့ ငွေစာရင်းစစ်မဲ့ ကော်မတီကိုတော့ ၂၀၁၀ ရွေးကောက်ပွဲမှာ လိမ်လည်အနိုင်ရခဲ့တဲ့ ကြံ့ဖွံ့ပါတီခေါင်းဆောင်တွေက ခါးခါးသီးသီး ငြင်းဆန်နေပြန်တယ်။
လွတ်လပ်တဲ့ အာရှအသံရဲ့ သြဂတ်စ်လ ( ၃၀) ရက်နေ့၊ အင်္ဂါနေ့ညပိုင်းအစီအစဉ်မှာ တင်ဆက်ခဲ့တဲ့ဆောင်းပါးလေးပါ။

သောတရှင်များခင်ဗျား
“အရှက်တရားရဲ့ခန်းမဆောင်” ဆိုတာ တရုတ်ပြည်က ပန်းချီအနုပညာရှင်တယောက်ဖန်တီးထားတဲ့ ပြခန်းတခုပါ။                          သူဟာ မကြာသေးမီကာလအတွင်းက ခြစားအကျင့်ပျက်မှုတွေကြောင့် ဖမ်းဆီးအရေးယူခံရတဲ့ တရုတ်အစိုးရထိပ်ပိုင်းခေါင်းဆောင်  အယောက် (၃၀၀) ရဲ့ ကိုယ်ရေးရာဇဝင်တွေနဲ့ သူတို့ပါဝင်ပတ်သက်ခဲ့တဲ့ အဂတိလိုက်စားမှုတွေကို တရုတ်ငွေစက္ကူပေါ်မှ အရောင်အတိုင်း စုတ်ချက်တွေနဲ့ ရေးဆွဲမှတ်တမ်းတင်ခဲ့ပါတယ်။ တကယ်တော့ အကျင့်ပျက်ခြစားမှုတွေဟာ တိုင်းပြည်ရဲ့  အနာဂတ်နိုင်ငံရေးကို စိုးရိမ်စရာကောင်းလောက်အောင် တိုက်စားဖျက်ဆီးနေပြီဆိုတာကို အစိုးရရော ပြည်သူရော ခံစားသိရှိ  နေကြပါတယ်။ ဒီလို ခံစားမှုတွေကို လွတ်လပ်တဲ့လူထုအဖွဲ့အစည်းတွေရဲ့ အသံအဖြစ်ပြောင်းလဲပစ်ခဲ့နိုင်တဲ့ နိုင်ငံတွေထဲမှာ အိန္ဒိယနိုင်ငံလည်း ပါနေပါတယ်။
“ ကျနော်တို့ အိန္ဒိယနိုင်ငံဟာ ဒီမိုကရေစီနိုင်ငံကြီး လို့ လူသိများပေမဲ့ နိုင်ငံရေးအကျင့်ပျက်ခြစားမှုတွေ  ကလည်း ကြီးကြီးမားမား         ဖြစ်ပေါ်နေတယ်။ လမ်းဘေးစားသောက်ဆိုင်ဖွင့်စားရင်လည်း ဝင်ငွေရဲ့ သုံးပုံတပုံနည်းပါး ကို သက်ဆိုင်ရာရဲအရာရှိတွေထံ လဒ်ထိုးမှသာလျင် လုပ်ရကိုင်ရ အဆင်ပြေ ချောမွေ့နိုင်တယ်။ မာဖီးယားဂိုဏ်းတွေကို ဆက်ကြေးပေးရသလိုမျိုးဖြစ်နေတယ်လေ”
တကယ်တော့ အိန္ဒိယအစိုးရလက်အောက်မှာ ဆက်နွယ်ပတ်သက်နေတဲ့ ကုမ္မဏီတွေဟာ အခွန်ပေးဆောင်မှုအပေါ်ရှောင်ရှားတဲ့  နည်းတွေကို ကြံစည်ခဲ့ကြပြီး နိုင်ငံရပ်ခြားဆီကို နှစ်စဉ် ၁၉.၃ ဘီလျှံကျော် တရားမဝင် လွှဲပြောင်းစုဆောင်းကြတယ် လို့ နိုင်ငံတကာဘဏ္ဍာရေးသုံးသပ်သူတွေက ဆိုပါတယ်။ ဒါကြောင့်လည်း နိုင်ငံခြားဘဏ်တွေမှာ သိမ်းဆည်းထားတဲ့ ဘီလျှံထောင်သောင်းချီနေတဲ့ ငွေတွေကို ပြန်ယူပြီး အိန္ဒိပြည်သူတွေအတွက် အလုပ်အကိုင်ဖန်တီးစေမဲ့ စက်မှုလုပ်ငန်းတွေ တည်ထောင်ပါ။  ကုလသမဂ္ဂရဲ့ ခြစားမှုတိုက်ဖျက်ရေးညီလာခံမှာ လက်မှတ်ထိုးသင့်တယ် လို့ တိုက်တွန်းခဲ့ကြပါတယ်။ ဒါပေမဲ့ အိန္ဒိအစိုးရက နားမထောင်ခဲ့ပါဘူး။ မကြာခင်မှာပဲ အစိုးရရဲ့ ဘဏ္ဍာရေးဝန်ကြီးဋ္ဌာနဟာ ဒုတိယမျိုးဆက်တယ်လီကွန်း လုပ်ငန်းတွေ အတွက် ၃၉ ဘီလျှံကျော် သုံးစွဲခဲ့ပါတယ်။ ဘဏ္ဍာငွေတွေဟာ ခြစားလွန်းတဲ့ အစိုးရဝန်ထမ်းတွေလက်ထဲမှာ ထင်သလို စာရင်းပျောက်အင်းပျောက် စီမံခန့်ခွဲခဲ့ကြပါတယ်။
တယ်လီကွန်းဝန်ကြီး ရာဂျာလည်း ငွေကြေးအရှုပ်တော်ပုံနဲ့ ထောင်နန်းစံရပြန်ပါတယ်။
“ ၂၀၁၀ မှာ ကျင်းပတဲ့ ဓနသဟာရ အားကစားပွဲမှာလည်း အစိုးရ ကို လဒ်ထိုးပြီး ကန်ထရိုက်ရတဲ့ ကုမ္မဏီတွေ၊ အားကစားပွဲမှာ မလိုလားအပ်တဲ့ ဖြုံးတီးမှုတွေ၊ စည်းမျဉ်းစည်းကမ်းတွေအပေါ် မကျေနပ်တဲ့အတွက် ခရက်ကက် အားကစားသမားတွေက အစ ဝန်ကြီးချုပ် ဆင်း ကို စာရေးကန့်ကွက်ခဲ့ကြတယ်။ ပြဿနာက အခုလို အကျင့်ပျက်ခြစားနေတာကို နိုင်ငံရေးသမားတွေက ရေငုံနှုတ်ပိတ်နေနေကြတဲ့အခါ၊ ပြည်သူတွေဟာ နိုင်ငံရေးပါတီတွေအပေါ် ယုံကြည်အားကိုးမှုနည်းပါးလာခဲ့တယ်”
နိုင်ငံရေးသမားတွေ ရေငုံနှုတ်ပိတ်နေနေကြတဲ့ ခြစားမှုတွေကို စတင်ကိုင်လှုပ်ဖျက်ဆီးဖို့ကြိုးစား  သူတွေက လူမှုတန်းတူရေးကို အာရုံစိုက်လှုပ်ရှားနေတဲ့ ပြည်သူတချို့ပဲဖြစ်ပါတယ်။ မတ်လမှာ စတင်လိုက်တဲ့ သူတို့ရဲ့အသံတွေကို ပူးပေါင်းထောက်ခံသူတွေက အမေရိကန်ပြည်ထောင်စုမှာ နေထိုင်နေကြတဲ့ အိန္ဒိယနိုင်ငံသားတွေဖြစ်ပြီး သူတို့ဟာ ဆန်ဒီရေးဂိုးကနေ မိုင် (၃၀၀) နီးပါး  ခရီးရှည်တခုချီတက်ကြပြီး ခြစားမှုတွေကို တိုက်ဖျက်ကြဖို့လှုံဆော်ခဲ့ကြပါတယ်။ အိန္ဒိယနိုင်ငံတွင်းမှာတော့ Hazare ဦးဆောင်တဲ့ အကျင့်ပျက်ခြစားမှုတိုက်ဖျက်ရေးအဖွဲ့ဟာ ၁၉၆၈ တုံးက တင်သွင်းခဲ့တဲ့  “Jan Lokpal Bill” ကို ပြန်လည် အသက်သွင်းဖို့ကြိုးစား လိုက်ပါတယ်။ အဲ့ဒီ လော့ပေါ ဘေ ဟာ - ခြစားမှုတွေကို ကာကွယ်ယုံသာမကဘူး၊ အစိုးရအရာရှိတွေရဲ့ ခြစားမှုကို ထုတ်ဖေါ်ပြောဆိုသူတွေအပေါ် ဖမ်းဆီးမှုမပြုရဘူး၊ ပြည်သူတွေရဲ့နစ်နာချက်တွေကို ဖွင့်ပြောကာကွယ်ပေးရမယ် လို့ဆိုတယ်။ အိန္ဒိယအစိုးရအနေနဲ့ ဒီအချက်တွေကို သဘောမတူဘူးဆိုရင် သူတို့ရဲ့ အစာငတ်ခံဆန္ဒပြပွဲတွေကို ဆက်လက်မြှင့်တင်သွားမယ် လို့ ဆိုပါတယ်။
 “ ထောင်သောင်းချီတဲ့ လူထုကြီးသာမကဘူး။ မကြာခင်မှာ ဘောလီဝုဒ် က အနုပညာရှင်တွေပူးပေါင်းပါဝင်လာခဲ့တယ်။ အော်စကာဆုရခဲ့တဲ့ သီချင်းဖွဲ့ဆိုသူ  A.R Rahman ၊ အပါအဝင် နာမည်ကျော်သရုပ်ဆောင်တွေပါဝင်လာကြတယ်။ စီးပွားရေးလုပ်ငန်းရှင်တွေကလည်း တစထက်တစထောက်ခံပါဝင်လာခဲ့ကြတယ်။ ဟာဆာရီ ရဲ့ အစာငတ်ခံဆန္ဒပြသူ ၁၅ ယောက် ဆေးရုံတင်ခဲ့ရတယ်။ အခြေအနေတွေ ထိန်းမရသိမ်းမရဖြစ်လာတဲ့အခါ ဝန်ကြီးချုပ် က သူ့အနေနဲ့ အကျင့်ပျက်မှုတွေကို တိုက်ဖျက်သွားမယ်လို့ ဂတိပေးခဲ့တယ်။”
ဒါပေမဲ့ အိန္ဒိယ နိုင်ငံရဲ့ဘီလျှံနဲ့ချီတဲ့ ငွေတွေဟာ နိုင်ငံခြားတိုင်းပြည်ဆီကို ရောက်ရှိနေဆဲဖြစ်ပါတယ်။ ဒါကြောင့်လည်း ဂျွန်လမှာ  ရမ်ဒက်ဗ် ဆိုသူ ဂုရုက ဦးဆောင်ပြီး ဒေလီမှာစတင်ဆန္ဒပြခဲ့ကြပြန်ပါတယ်။  လူခြောက်သောင်းကျော်တက်ရောက်ခဲ့ကြပါတယ်။ အိန္ဒိယအစိုးရဟာ သူပေးထားတဲ့ ဂတိကို ချိုးဖောက်ပြီး၊ ဆန္ဒပြသူတွေ နေထိုင်ရာနေရာကို ညအချိန်မတော်မှာဝင်ရောက် ဖမ်းဆီးခဲ့ပြန်ပါတယ်။ ဒါပေမဲ့ လွတ်လပ်ရေးနေ့မိန့်ခွန်းမှာတော့ ဝန်ကြီးချုပ်ဟာ အကျင့်ပျက်ခြစားမှုတွေကို တိုက်ဖျက်သွားမယ် လို့ ဟောပြောနေဆဲဖြစ်ပါတယ်။ ဒါကြောင့်လည်း သြဂတ်စ်လမှာ ဟာဆာရီဦးဆောင်ပြီး အိန္ဒိယအစိုးရရဲ့ အလုပ်နဲ့စကားမညီတဲ့ အပြုအမူတွေကို ဆန္ဒပြခဲ့ကြပြန်ပါတယ်။ “ ဟယ်ဆာရီ ဟာ ကျနော်တို့ လူလတ်တန်းစားနဲ့ သာမန်ပြည်သူတွေအတွက်တော့ သူရဲကောင်းပဲ၊ သူ့ကို ဖမ်းဆီးလိုက်တာဟာ လူထုအုံကြွမှုကို လှုံ့ဆော်ပေးလိုက်တာနဲ့အတူတူပဲ။ အကျဉ်းထောင်ထဲမှာ သူက အစာငတ်ခံဆန္ဒပြလေ၊ အပြင်က လူထုက စာနာနားလည်စိတ်နဲ့ အင်အားတိုးလာလေလေ”
သောတရှင်များခင်ဗျား
အိန္ဒိယ နိုင်ငံရဲ့ ခြစားမှုတိုက်ဖျက်ရေးလှုပ်ရှားမှုတွေကို ကြည့်လိုက်မယ်ဆိုရင်၊ နိုင်ငံရေးသမားတွေရေငုံနှုတ်ပိတ်နေနေတဲ့ ကိစ္စကို လွတ်လပ်တဲ့လူထုအဖွဲ့အစည်းတွေက အင်အားပြ တိုက်တွန်းခဲ့ကြခြင်းဖြစ်ပါတယ်။ အစိုးရနဲ့ အတိုက်အခံအုပ်စု နှစ်ခုစလုံးဟာ ဖွင့်ဟဝန်ခံရတဲ့ အဆင့်ကနေ ဆွေးနွေးရတဲ့အဆင့်ထိရောက်ခဲ့ရပါတော့တယ်။ ကျနော်တို့ နိုင်ငံမှာလည်း သမ္မသစ် ဦးသိန်းစိန်က နိုင်ငံတော်ရဲ့ဘတ်ဂျက်လိုငွေပြမှုဟာ ဘီလျှံထောင်ချီရှိတယ် လို့ထုတ်ပြောခဲ့ပြီး ခြစားမှုတွေကို တိုက်ဖျက်မယ်လို့ပြောခဲ့ပါတယ်။ ဒါပေမဲ့ တိုင်းပြည်ရဲ့ သဘာဝဓါတ်ငွေ့၊ ရေနံဆီက ရရှိနေတဲ့ ဘီလျှံထောင်ချီနေတဲ့ ငွေတွေ ဘယ်ကိုရောက်ရှိသွားသလဲ  ဆိုတဲ့အချက်ကိုတော့ လွှတ်တော်ထဲမှာ မဆွေးနွေးကြပါဘူး။ သောတရှင်တို့လည်း ခြစားအကျင့်ပျက်နေတဲ့ နိုင်ငံရေးသမားတွေကို ဖယ်ရှားနိုင်ကြပါစေ။
ေ