ထိပ်တန်းသတင်းများ

* ဒီမိုကရေစီ ဦးစားပေးရန် ဒေါ်အောင်ဆန်းစုကြည် ဂျပန်ကိုတိုက်တွန်း

 *KIA နှင့် အစိုးရတပ် ဆက်လက် တိုက်ခိုက်နေ

*ကြံ့ဖွံ့ ကြားဖြတ်ရွေးကောက်ပွဲ တရားမ၀င် မဲဆွယ်

*၂၀၁၂ခုနှစ်မှာမြန်မာ့ လူ့အခွင့်အရေး စိန်ခေါ်ချက်များရှိနေ

*'ခွေးကို အဖေခေါ်တဲ့သူ' တရားဟော ဒယ်အိုးဆရာတော် တနှစ်ပိတ်ခံရ

*နိုင်ငံခြားမှ ငွေလွှဲနိုင်ရန် ဧရာဝတီဘဏ် လုပ်ဆောင်နေဟု ဦးဇော်ဇော်ပြော 

 

 

 

ဒီမိုကရေစီ ဦးစားပေးရန် ဒေါ်အောင်ဆန်းစုကြည် ဂျပန်ကိုတိုက်တွန်း

By featured, ဧရာဝတီ on December 27, 2011 2:10 

 

ဂျပန်နိုင်ငံက ပေးနေသော အကူအညီများသည် မြန်မာ့ဒီမိုကရေစီ ဖော်ဆောင်မှုကို အထောက်အကူ ဖြစ်စေရန် အရေးကြီးသည်ဟု ဒေါ်အောင်ဆန်းစုကြည်ကရန်ကုန်တွင် ရောက်နေသော  ဂျပန်နိုင်ငံခြားရေးဝန်ကြီး  မစ္စတာ ကိုအီချိရို ဂမ်းဘ နှင့် တနင်္လာနေ့တွင် တွေ့ဆုံအပြီး ပြောလိုက်သည်။

တနင်္လာနေ့က ရန်ကုန်မြို့တွင် တွေ့ရသော ဒေါ်အောင်ဆန်းစုကြည် နှင့် ဂျပန်နိုင်ငံခြားရေးဝန်ကြီး မစ္စတာ ကိုအီချိရို ဂမ်းဘ (ဓာတ်ပုံ - ဧရာဝတီ)

ရန်ကုန်မြို့၊ တက္ကသိုလ်ရိပ်သာလမ်းရှိ နေအိမ်တွင် ဂျပန်ဝန်ကြီး နှင့် ဆွေးနွေးပြီးနောက် သတင်းထောက်များနှင့် တွေ့ဆုံကြစဉ် မြန်မာ့ဒီမိုကရေစီခေါင်းဆောင်က ထိုသို့ ပြောဆိုခြင်းဖြစ်သည်။
“ကျမတို့ကို လူသားချင်းစာနာမှုနဲ့ ပတ်သက်လို့၊ ဖွံ့ဖြိုးမှုနဲ့ပတ်သက်လို့၊ စီးပွားရေးနဲ့ ပတ်သက်လို့ ကူညီတဲ့အခါမှာ ဒီမိုကရေစီ အဆောက်အအုံ ခိုင်မာရေးကို ထည့်သွင်း စဉ်းစားသွားမယ်လို့ မျှော်လင့်တယ်” ဟု ဒေါ်အောင်ဆန်းစုကြည်က ဆိုသည်။
ဒီမိုကရေစီ ဖော်ဆောင်နေသော မြန်မာနိုင်ငံတွင် တိုင်းရင်းသားများ စည်းလုံးညီညွတ်ရန်၊ ပြည်တွင်းစစ် ချုပ်ငြိမ်းရန် လိုအပ်သည်ဟု ဒေါ်အောင်ဆန်းစုကြည်က ထောက်ပြပြီး ဂျပန်၏ ရင်းနှီးမြှုပ်နှံမှုများအကြောင်းကိုလည်း ထည့်သွင်း ပြောဆိုသွားသည်။
“စီးပွားရေး ရင်းနှီးမြုပ်နှံရေးနဲ့ ဥပဒေစိုးမိုးရေးက ဆက်နွယ်တဲ့အကြောင်း ကျမ ထောက်ပြပါတယ်။ ဒီမိုကရေစီ အဆောက်အအုံတွေ ခိုင်မာမှ စီးပွားရေး တိုးတက်မှုတွေလည်း ခိုင်မှာ ဖြစ်ပါတယ်” ဟု ဒေါ်အောင်ဆန်းစုကြည်က သတင်းထောက်များကို ပြောသည်။
မစ္စတာ ကိုအီချိရို ဂမ်းဘကလည်း မြန်မာ့ဒီမိုကရေစီအရေးပြုပြင်ပြောင်းလဲမှုများ လုပ်ဆောင်မှုများအပေါ်  ဂျပန်နိုင်ငံက တန်ဖိုးထားပြီး တတ်နိုင်သမျှ ၀ိုင်းဝန်း ကူညီလိုကြောင်း၊ သမ္မတဦးသိန်းစိန်အား  ၂၀၁၂ ခုနှစ် ဂျပန်နိုင်ငံတွင် ကျင်းပမည့် ဂျပန်-မဲခေါင် ထိပ်သီး အစည်းအဝေး တက်ရောက်ရန် ဖိတ်ကြားသွားမည်ဖြစ်ပြီး ဒေါ်အောင်ဆန်းစုကြည်အားလည်း ဂျပန်နိုင်ငံသို့ လာရောက် လည်ပတ်ရန် ဖိတ်ကြားပါကြောင်း ပြောဆိုသည်။
ဂျပန်နိုင်ငံနိုင်ငံသည် မြန်မာနိုင်ငံအတွင်း ဆင်းရဲမှု ပပျောက်ရေး၊ ကျန်းမာရေး၊ ပညာရေး၊ စိုက်ပျိုးရေးကဏ္ဍများတွင် အလေးအနက် အကူအညီ ပေးသွားမည်ဖြစ်ကြောင်း၊ စီးပွားရေး ပူးပေါင်း ဆောင်ရွက်မှု အတွက် နှစ်နိုင်ငံအကြား ရင်းနှီးမြုပ်နှံမှု စာချုပ် ချုပ်ဆိုနိုင်ရေး ညှိုနှိုင်းရန် သဘောတူပြီးဖြစ်ကြောင်း၊ အထွေထွေ ဖွံ့ဖြိုးရေးအတွက် ရန်ကုန် သီလ၀ါဆိပ်ကမ်း လေ့လာ သုံးသပ်မှုများ လုပ်ဆောင်သွားမည်ဖြစ်ကြောင်း ၀န်ကြီးက ရှင်းပြသည်။
“ယဉ်ကျေးမှုကဏ္ဍနဲ့ ပတ်သက်ပြီး ပြောရရင် ဗုဒ္ဓဘာသာ ပုဂံ ဘုရားပုထိုးစေတီတွေ ကောင်းကောင်း ပြုပြင် စောင့်ရှောက် ထိန်းသိမ်းဖို့ ကျွမ်းကျင်ပညာရှင်တွေ မကြာခင် ဖေဖော်ဝါရီလမှာ စေလွှတ်ဖို့ ရှိပါတယ်” ဟု ၀န်ကြီးက ပြောသည်။
မြန်မာ ပြည်သူ လူထု၏ မျက်နှာတွင် ပျော်ရွှင်မှုများ တွေ့မြင်ရပြီး အနာဂတ် ရည်မှန်းချက်များ ရှိနေသည်ဟု ခံစားမိကြောင်း နိုင်ငံခြားရေး ၀န်ကြီးက သုံးသပ်ပြောသည်။
ဂျပန်နိုင်ငံခြားရေးဝန်ကြီးသည် ကိုးနှစ်အတွင်း မြန်မာနိုင်ငံသို့ လာရောက်သော  ဂျပန်အစိုးရ ကိုယ်စားလှယ်များတွင် ရာထူး အဆင့်အမြင့်ဆုံး ခေါင်းဆောင် ဖြစ်သည်။
သူ၏ မြန်မာပြည်ခရီးစဉ်အတွင်း သမ္မတဦးသိန်းစိန်၊ နိုင်ငံခြားရေးဝန်ကြီး ဦးဝဏ္ဏမောင်လွင်တို့နှင့် နေပြည်တော်တွင် သီးခြားစီ တွေ့ဆုံ ဆွေးနွေးခဲ့ပြီး ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ ဌာနချုပ်ရုံးသို့လည်း သွားရောက်ခဲ့သည်။
မကြာသေးမီက  မြန်မာနိုင်ငံခြားရေး ၀န်ကြီး ဦးဝဏ္ဏမောင်လွင် တိုကျိုသို့ သွားရောက်စဉ် ဂျပန်ဘက်က အချိန်ကြာမြင့်စွာ ရပ်ဆိုင်းထားသည့် ဖွံ့ဖြိုးရေး ဆိုင်ရာ အကူအညီ (ODA) များ  ပြန်ပေးမည်ဟု ပြောဆိုခဲ့သည်။  အကျဉ်းသားများ လွှတ်ပေးခြင်း အပါအ၀င် မြန်မာနိုင်ငံ၏ ဒီမိုကရေစီသို့ ရှေးရှုသည့် ခြေလှမ်းများကြောင့် ODA ပြန်ပေးမည့် အစီအစဉ် ပေါ်ပေါက်လာခြင်း ဖြစ်ကြောင်း သိရသည်။
ဒုတိယကမ္ဘာစစ်အတွင်း မြန်မာနိုင်ငံကို ၃ နှစ်ကြာ သိမ်းပိုက် အုပ်ချုပ်ခဲ့သော ဂျပန်သည် ယခုအခါ မြန်မာနိုင်ငံ၏ အဓိက အလှူရှင် နိုင်ငံ တနိုင်ငံ ဖြစ်နေပြီး   လူ့အခွင့်အရေး အခြေအနေများကြောင့်  အကူအညီများ တကြိမ်မက ရပ်ဆိုင်းခဲ့ဖူးသည်။
၂၀၀၃ ခုနှစ် ဒီပဲယင်း ဒေသ သတ်ဖြတ်မှု၊ ၂၀၀၇ ခုနှစ် ရန်ကုန်မြို့ရှိ သံဃာများ ဆန္ဒပြစဉ်  ဂျပန်သတင်းထောက် တဦး ပစ်သတ်ခံရမှု စသည့် ဖြစ်ရပ်များ နောက်ပိုင်းတွင် ရပ်ဆိုင်းခဲ့ခြင်း ဖြစ်သည်။
ဂျပန်သည် မြန်မာနိုင်ငံ၏ ပညာရေး နှင့် အပူပိုင်းဒေသ ကျေးရွာ ၈၀ ကျော် ရေရရှိရေး တို့အတွက် ဂျပန် ယန်း သန်း ၉၀၀ ခန့် ပေးအပ်ကူညီရန်  သဘောတူခဲ့သည်ဟု ရန်ကုန်မြို့ ဂျပန်သံရုံး၏ နိုဝင်ဘာလထုတ် သတင်းလွှာတွင် ဖော်ပြထားသည်။
ဂျပန်တွင် မြန်မာ့ဒီမိုကရေစီအရေး လှုပ်ရှားသူ အများအပြားကို ခိုလှုံခွင့် ပေးထားသည်။ ထို့ပြင် ဂျပန်နိုင်ငံသည် အာရှတိုက်အတွင်း မြန်မာ စစ်ပြေး ဒုက္ခသည်များကို ပထမဦးဆုံး ခေါ်ယူလက်ခံသည့် နိုင်ငံဖြစ်ပြီး တနှစ်လျှင် ဒုက္ခသည် ၃၀ နှုန်းဖြင့် ၃ နှစ်တိတိ ခေါ်ယူရန် ဆုံးဖြတ်ထားသည်။ ပြီးခဲ့သည့်နှစ်က ထိုင်းမြန်မာနယ်စပ်မှ ဒုက္ခသည် ၃၀ နီးပါး ဂျပန်နိုင်ငံသို့ သွားရောက် အခြေချခဲ့သည်။

KIA နှင့် အစိုးရတပ် ဆက်လက် တိုက်ခိုက်နေ

By featured, သန်းထိုက်ဦး on December 28, 2011 4:02 pm 

 

အစိုးရနှင့် ကချင် လွတ်လပ်ရေး တပ်မတော် (KIA) တို့ ငြိမ်းချမ်းရေး အတွက် ပြောဆိုနေကြပြီး သမ္မတ ဦးသိန်းစိန်က အစိုးရ တပ်ဘက်ကို မတိုက်ခိုက်ရန် ညွန်ကြားထားသော်လည်း ပြီးခဲ့သည့် တနင်္ဂနွေနေ့မှ စတင်၍ တိုက်ပွဲများ နေ့စဉ် ဖြစ်ပွားလျက် ရှိသည်။

ဓာတ်ငွေ့ကာ မျက်နှာဖုံးများ တပ်ဆင်ထားသော KIA တပ်ဖွဲ့ဝင်များ (ဓာတ်ပုံ - ဧရာဝတီ)

ဒီဇင်ဘာ ၂၅ ခရစ္စမတ်နေ့ မှ စတင်၍ ယနေ့အထိ ရှမ်းပြည်နယ် မြောက်ပိုင်း ကွတ်ခိုင်မြို့KIA ထိန်းချုပ်ဒေသမှ နမ့်လတ် တပ် စခန်းကို အစိုးရတပ်၏ ခြေလျင်တပ်ရင်း အမှတ် ၆၈၊ ၅၀၇ တပ်ရင်းများ က တိုက်ခိုက်နေခြင်း ဖြစ်ကြောင်း KIA တပ်မဟာ ၄ တာဝန်ခံ ဗိုလ်မှူးကြီး ဇော်ရောက ဧရာဝတီကို ပြောသည်။
“အခုမနက် ၇ နာရီနဲ့ ၈ နာရီကြားမှာ တခေါက် သူတို့ ပြန်ပြီးတော့ ထိုးစစ်ဆင်တယ်၊ အဲဒီတော့ အခုအချိန်အထိ ကျနော်တို့ ခုခံနေတုန်းပဲ”ဟု ၎င်းက ဆိုသည်။
ယင်း ဒေသရှိ KIA နမ့်လတ် တပ်စခန်းကို သိမ်းပိုက်ရန်အတွက် စစ်သည်အင်အား ၃၀၀ ခန့်ဖြင့် တိုက်ခိုက်နေခြင်း ဖြစ် ကြောင်းလည်း ဗိုလ်မှူးကြီး ဇော်ရောက ဆက်ပြောသည်။
“သူတို့ဘက်က ထိုးစစ်ဆင်တာ၊ ဘာရည်ရွက်ချက်လည်းတော့ မသိဘူး၊ သမ္မတက ကာကွယ်ရေး ဦးစီးချုပ်ကို ညွန့်ကြားချက် ပို့တာ ထိုးစစ်မဆင်ဘူးတို့ ဘာတို့ဆိုတာ အဲဒါကတော့ အလကားပဲ၊ မဖြစ်နိုင်တဲ့ ပုံစံပဲ၊ စစ်တပ်က သမ္မတ စကားကို နားမထောင် တာပဲလားတော့ မသိဘူး၊ အချင်းချင်းထဲမှာ ဘာဖြစ်ကြသလဲ မသိဘူး၊ သိသာလွန်းတယ်”ဟု ၎င်းက ဆိုသည်။
ကချင်ပြည်နယ် အတွင်း ဖြစ်ပွားနေသည့် စစ်ပွဲများ၌ တပ်အင်အား တိုးခြင်း၊ ထိုးစစ်ဆင်ခြင်းတို့ မလုပ်ဆောင်ရန် သမ္မတ ဦးသိန်းစိန်က ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ထံ ဒီဇင်ဘာ ၁၀ ရက်နေ့က စာပို့ ညွန်ကြားထားသည်။
သမ္မတ ဦးသိန်စိန်၏ နိုင်ငံရေး အကြံပေးအဖွဲ့မှ ဦးကိုကိုလှိုင်ကမူ စစ်တပ်က သမ္မတ အမိန့်ကို မနာခံ၍ တိုက်ပွဲများဆက်ဖြစ် နေခြင်း မဟုတ်ကြောင်း၊ နှစ်ဦးနှစ်ဘက် ယုံကြည်မှု မတည်ဆောက်နိုင်ခြင်းတို့ကြောင့် ယခုကဲ့သို့ ဖြစ်ပွားနေခြင်း ဖြစ်ကြောင်း ဧရာဝတီသို့ ပြောသည်။
တိုက်ပွဲများတွင် လတ်တလော ထိခိုက်ဒဏ်ရာ ရရှိမှု အခြေအနေကို မသိရှိရသေးသော်လည်း အစိုးရ၏ လက်နက်ကြီး ဒဏ် ကြောင့် KIA တပ်ဖွဲ့ဝင် ၂ ဦး မူးဝေသည့် ဝေဒနာ ခံစားရကြောင်း၊ အစိုးရတပ်က သုံးခဲ့သည့် လက်နက်ကြီးများတွင် ဓာတုပစ္စည်း ပါဝင်နိုင်ကြောင်း ဗိုလ်မှူးကြီး ဇော်ရောက ပြောသည်။
၎င်း၏ ပြောဆိုချက်အား သီးခြား အတည်မပြုနိုင်သော်လည်း ဧရာဝတီက မကြာသေးခင်က ရရှိခဲ့သော ဓာတ်ပုံမှတ်တမ်းများ အရ KIA တပ်ဖွဲ့ တချို့ စစ်မြေပြင်တွင် ဓာတ်ငွေ့ကာ မျက်နှာဖုံးများ တပ်ဆင်၍ တိုက်ပွဲဝင်နေကြောင်း တွေ့ရသည်။
“စာပို့လာတော့ ကျနော်တို့က ထပ်မံတွေ့ဆုံမယ့် အဖွဲ့ကို ဖွဲ့ပြီးပြီ၊ ပြင်ဆင်ပြီးပြီ၊ အကြောင်းလည်း ပြန်ပြီးပြီ၊ အဲဒီတော့ သူတို့ ထပ်ပြီး ထိုးစစ်ဆင်လာတယ်ဆိုတော့ သူတို့ကို ဘယ်လိုယုံရမှန်း မသိတော့ဘူး”ဟု ဗိုလ်မှူးကြီး ဇော်ရောက ဆိုသည်။
ဒီဇင်ဘာ ၁၈ ရက်နေ့က နိုင်ငံရေး တွေ့ဆုံဆွေးနွေးရန် ပြည်သူ့လွှတ်တော် ကိုယ်စားလှယ် ဦးအောင်သောင်း ဦးဆောင်သော ကိုယ်စားလှယ်အဖွဲ့က ကမ်းလှမ်းမှုနှင့် ပတ်သက်၍ KIA က ဆွေးနွေးလိုကြောင်းလည်း မကြာခင်ရက်ပိုင်းအတွင်း စာပြန် ထား ကြောင်း သိရသည်။
နိုဝင်ဘာလ၂၉ ရက်နေ့က တရုတ်နိုင်ငံ ရွှေလီမြို့၌ ဦးအောင်သောင်း၊ ရထားဝန်ကြီး ဦးအောင်မင်း၊ မြစ်ကြီးနားမြို့နယ် ပြည်သူ့ လွှတ်တော် ကိုယ်စားလှယ် ဦးသိန်းဇော်တို့နှင့် KIO ခေါင်းဆောင်များ နောက်ဆုံး တွေ့ဆုံခဲ့ကြသည်။
ထိုသို့ တွေ့ဆုံစဉ် KIO အဖွဲ့ခေါင်းဆောင်များက အပစ်အခတ်ရပ်စဲရေး သက်သက်ထက် နိုင်ငံရေးအရ ဦးစားပေး ဆွေးနွေးရန် တိုက်တွန်းမှုအပေါ် အစိုးရဘက်မှ ပြန်လည်တုံ့ပြန်ခြင်း ဖြစ်သည်။
အစိုးရတပ်နှင့် ကချင်လွတ်မြောက်ရေးတပ်မတော် (KIA) တို့အကြား ယခုနှစ် ဇွန်လမှစတင်၍ ဖြစ်ပွားခဲ့သော တိုက်ပွဲများ ကြောင့် KIA ထိန်းချုပ်ရာ လိုင်ဇာဒေသတ၀ိုက်၌ လတ်တလော ဒုက္ခသည် ၃၄၀၀၀ ကျော်ရှိပြီး ၀ိုင်းမော်၊ ဗန်းမော်၊ မိုးမောက်၊ မံစီ၊ မိုင်ဂျာယန် စသည်တို့တွင် ဒုက္ခသည် ၇၀၀၀ ခန့် ထပ်မံ တိုးပွားလာကြောင်း သိရသည်။
KIA သည် ၁၉၆၁ ခုနှစ်တွင် စတင် ဖွဲ့စည်းခဲ့ပြီး ၁၉၉၄ ခုနှစ်တွင် အစိုးရနှင့် ငြိမ်းချမ်းရေးစာချုပ် ချုပ်ဆို၍ နှစ်ဘက် အပစ်အ ခတ်ရပ်စဲ ခဲ့သည်။
အပစ်ရပ်ပြီးနောက်ပိုင်း ကချင်ပြည်နယ်နှင့် ရှမ်းပြည်နယ်ရှိ KIA ထိန်းချုပ် ဒေသများတွင် စစ်ရေးပဋိပက္ခတချို့ ဖြစ်ပွားခဲ့သော် လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်းထားနိုင်ခဲ့သည်။ ပြီးခဲ့သည့် ဇွန်လတွင် စတင်၍ တိုက်ပွဲများ ပြန်လည်ဖြစ်ပွားခဲ့ပြီး အပစ်အခတ် ရပ်စဲရေးလည်း ပျက်ပြားခဲ့ခြင်းဖြစ်သည်။

ကြံ့ဖွံ့ ကြားဖြတ်ရွေးကောက်ပွဲ တရားမ၀င် မဲဆွယ်

By featured, ဧရာဝတီ on December 27, 2011 3:50 pm 

 

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) က ရန်ကုန်မြို့ မရမ်းကုန်းမြို့နယ်၌ အိမ်ဂရန်များ ချထားပေးမည်ဟု ဆိုပြီး ကြားဖြတ် ရွေးကောက်ပွဲ အတွက်တရားမ၀င် မဲဆွယ်စည်းရုံးမှုများ စတင်ပြုလုပ်နေကြောင်း သတင်းရရှိသည်။

၂၀၁၀ သြဂုတ်လအတွင်းက ရန်ကုန်တိုင်း ကြံ့ဖွံ့ပါတီရုံးဖွင့်ပွဲ နှင့် တက်ရောက်လာကြသူများ (ဓာတ်ပုံ - ဧရာဝတီ)

မရမ်းကုန်းမြို့နယ် ရပ်ကွက် အားလုံးတွင် အိမ်ဂရန်များရရှိရန် ဆောင်ရွက်ပေးမည်ဟု ဆိုပြီး အိမ်အရောင်းအ၀ယ်စာချုပ်၊ အိမ်ထောင်စု စာရင်း၊ အိမ်ပိုင်ရှင်၏ နိုင်ငံသားစိစစ်ရေးကတ် အပါအ၀င် လိုအပ်သော အချက်အလက် စာရွက်စာတမ်းများကို
တောင်းခံကြောင်း ဒေသခံ ပြည်သူများက ပြောသည်။
အိမ်ဂရန် ချပေးရန်အတွက် ဒီဇင်ဘာ၂၁ ရက်နေ့မှ၂၂ ရက်နေ့အထိ ရပ်ကွက် ကြံ့ဖွံ့ပါတီရုံးတွင် လာလျှောက်ကြရန်လည်း ရာအိမ်မှူး၊ ဆယ်အိမ်မှူးများက လိုက်လံနှိုးဆော်ကြသည်ဟု ဆိုသည်။
“အကုန်လုံး ဂရန်တွေရအောင်လုပ်ပေးမယ်။ လိုအပ်တဲ့စာရွက်စာတမ်းတွေ အကုန်လာတင်ဖို့၊ ပြီးတော့ အခုအာဏာရနေတဲ့ဝန်ကြီး တွေက ကြံ့ခိုင်ရေးပါတီကဖြစ်လို့ ပါတီက လုပ်ပေးလိုက်မယ်ဆိုရင် အိမ်ဂရန် မဖြစ်မနေရမယ် ဆိုပြီးပြောတယ်”ဟု မရမ်းကုန်းမြို့နယ် သမိုင်းလမ်းဆုံအနီး စတိုးဆိုင်ဖွင့်လှစ်ထားသူ တဦးက ပြောသည်။
မရန်းကုန်းမြို့နယ် ကြံ့ဖွံ့ပါတီ တာဝန်ရှိသူ တဦးကလည်း ရပ်ကွက်တိုင်းတွင် အိမ်ဂရန်များရရှိရန် ပါတီက အခမဲ့အကျိုးဆောင်ပေး သွားရန်ရှိပြီး အကြိမ်ရေခွဲကာ အိမ်ဂရန်များ ချထားပေးရေး ဆောင်ရွက်သွားမည်ဖြစ်ကြောင်း ပြောဆိုသည်။
“ပထမ အသုတ်၊ ဒုတိယအသုတ် အဲဒီလိုမျိုးစီစဉ်ဖို့ရှိတယ်။ ဒီစည်းရုံးရေးလုပ်ငန်းစဉ်တွေက ပါတီ အထွေထွေ အတွင်းရေးမှူး ဦးဌေးဦးရဲ့ ပုံမှန် လမ်းညွှန်မှုနဲ့ လုပ်နေတာပါ”ဟု ရပ်ကွက်ကြံ့ဖွံ့ပါတီ စည်းရုံးရေးမှူးတဦးက ပြောသည်။
မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနမှ အရာရှိတဦးကမူ အိမ်ဂရန် ချထားပေးသည့် လုပ်ငန်းစဉ်သည် အစိုးရအဖွဲ့၏ အတည်ပြုချက်၊ စိစစ်မှုများနှင့် လုပ်ဆောင်ရကြောင်း၊ အိမ်ဂရန် ချထားပေးရန်လည်း သတ်မှတ်ချက်များစွာ ရှိကြောင်း၊ ရပ်ကွက်တိုင်း အိမ်ဂရန် ချထားပေးရန် မလွယ်ကူဘဲ ဖြစ်နိုင်ခြေ နည်းပါးကြောင်း ပြောပြသည်။
“အိမ်ဂရန်ချပေးမယ်ဆိုရင် အဲဒီမြေက ကျူးကျော်မြေလား၊ ပါမစ်မြေလား၊ အရင်ပိုင်ရှင်ရှိလား၊ နိုင်ငံတော်ပိုင်လား၊ ဒါတွေကို စိစစ် ရတယ်။ မြေပုံကြည့်၊ မြေတိုင်းရမယ်၊ ဂရန်ချပေးနိုင်တဲ့ သတ်မှတ်ချက်နဲ့ ညီမညီဆိုတာလည်း စစ်ရမယ်။ အဆင့်တွေကများတယ်၊ တမြို့နယ်လုံးက ရပ်ကွက်တိုင်းကို ဂရန်တပြိုင်နက်တည်း ချပေးဖို့ဆိုတာ အတော့်ကို ဖြစ်နိုင်ခြေနည်းပါတယ်။ ကျနော့် အထင်ဒါက ကြားဖြတ်ရွေးကောက်ပွဲ အတွက် ကြိုတင်မဲတွေ၊ ထောက်ခံမဲတွေရဖို့ လုပ်တဲ့လုပ်ရပ်လို့ပဲ ထင်ပါတယ်”ဟု ၎င်းက ဆိုသည်။
ပြည်တွင်းနိုင်ငံရေးပါတီတခုမှ တာဝန်ရှိသူတဦးကမူ ကြံ့ဖွံ့ပါတီ၏ လုပ်ရပ်သည် အစိုးရက ပြဋ္ဌာန်းထားသော နိုင်ငံရေးပါတီ ဥပဒေနှင့် မညီကြောင်း ပြောဆိုသည်။
“ဂရန်ချပေးမယ်ဆိုပြီး ပြည်သူတွေကို မဲဆွယ်တာက အစိုးရရဲ့အာဏာ၊ နိုင်ငံ့ရဲ့အာဏာကို အလွဲသုံးစားလုပ် မဲဆွယ်တာမျိုးပဲ၊ ဒါပေမယ့် တကယ်ပဲ ပြည်သူတွေအတွက် အိမ်ဂရန်တွေ ရမှာလား၊ တကယ် ရတယ်ဆိုရင် ပြည်သူတွေ အိမ်ဂရန်တွေရပြီး အိုးပိုင် အိမ်ပိုင် နဲ့ နေနိုင်တဲ့အတွက် ၀မ်းသာတယ်၊ အဲဒီလို မဟုတ်ဘဲနဲ့ ပြည်သူတွေ အိမ်ဂရန် တကယ်မရဘဲနဲ့ ကြံ့ခိုင်ရေးပါတီအတွက် ထောက်ခံမဲ၊ ကြိုတင်မဲရဖို့ ပြည်သူတွေကို လိမ်ညာတာဆိုရင် ဒါက မဲလိမ်၊ မဲခိုးမှုပဲ။ ကန့်ကွက်မယ်။ ကြံ့ခိုင်ရေးပါတီဖျက်သိမ်းဖို့ တောင်းဆိုမယ်”ဟု အဆိုပါနိုင်ငံရေး သမားက ရှင်းပြသည်။
နိုင်ငံရေးပါတီတရပ်သည် နိုင်ငံတော်ပိုင် ပစ္စည်း ဥစ္စာ၊ ငွေကြေးများကို တိုက်ရိုက်ဖြစ်စေ၊ သွယ်ဝိုက်၍ ဖြစ်စေ သုံးစွဲကြောင်း စစ်ဆေး တွေ့ရှိရလျှင် ဆက်လက်ရပ်တည်ပိုင်ခွင့်မရှိကြောင်း နိုင်ငံရေးပါတီများ မှတ်ပုံတင်ခြင်း ဥပဒေတွင် ဖော်ပြထားသည်။
ကြံ့ခိုင်ရေးပါတီသည် ၂၀၁၀ ပြည့်နှစ်ကလည်း ရန်ကုန်မြို့ရှိ ရပ်ကွက်လမ်းများတွင် လမ်းအခမဲ့ခင်းပေးမည်ဟုဆိုပြီး ကြိုတင်မဲ၊ ထောက်ခံမဲ တောင်းခံခြင်းများပြုလုပ်ခဲ့သည်။ အမှန်တကယ် လမ်းခင်းချိန်တွင် လုပ်အားခအဖြစ် ရပ်ကွက်နေပြည်သူများထံမှ တအိမ်လျှင် အနည်းဆုံး ကျပ် သုံးသောင်းမှ ရှစ်သောင်းအထိ ကောက်ခံခဲ့သည်။ ထို့နောက်၂၀၁၀ ရွေးကောက်ပွဲတွင် ကြံ့ဖွံ့ပါတီက ကြိုတင်မဲများနှင့် အမတ်နေရာအများစု အနိုင်ရရှိခဲ့သည်။
၂၀၁၀ ရွေးကောက်ပွဲတွင် မရမ်းကုန်းမြို့နယ် ပြည်သူ့လွှတ်တော် ကိုယ်စားလှယ်အဖြစ် ပြည်ထောင်စု မြန်မာနိုင်ငံကုန်သည် များနှင့် စက်မှုလက်မှုလုပ်ငန်းရှင်များ အသင်းချုပ်မှ အဖွဲ့ဝင် စီးပွားရေးသမားတဦးလည်း ဖြစ်သူ ကြံ့ဖွံ့ပါတီမှ ဒေါက်တာပွင့်ဆန်းရွေး
ချယ်ခံခဲ့ရပြီး သမ္မတ ဦးသိန်းစိန် ဦးဆောင်သော အရပ်သားအစိုးရသစ် လက်ထက်တွင် စီးပွားရေးနှင့်ကူးသန်း ရောင်းဝယ်ရေး ၀န်ကြီးဌာန ဒုတိယ၀န်ကြီး အဖြစ် တာဝန်ထမ်းဆောင်လျက်ရှိသည်။

၂၀၁၂ခုနှစ်မှာမြန်မာ့ လူ့အခွင့်အရေး စိန်ခေါ်ချက်များရှိနေ

By ကိုသားညွန့်ဦး

အခု ၂၀၁၁ ခုနှစ်အတွင်း မြန်မာနိုင်ငံတွင်းမှာ လူ့အခွင့်အရေးအခြေအနေတွေဟာ အရင်ကထက် သိသိသာသာ တိုးတက်လာတယ်ဆိုပေမယ့် စိန်ခေါ်ချက်တွေ၊ အကဲစမ်းမှုတွေတော့ ရင်ဆိုင်နေရဆဲ ဖြစ်တယ်လို့ မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေးကိုယ်စားလှယ်က ပြောပါတယ်။ အထူး သဖြင့်တော့ ပြီးခဲ့တဲ့ လူ့အခွင့်အရေးချိုးဖောက်မှုတွေအပေါ် တာဝန်ယူဖြေရှင်းလိုစိတ် အာဏာပိုင်တွေမှာရော၊ အခြား လူမှုအဖွဲ့အစည်းတွေမှာပါ မတွေ့ရတဲ့အချက်ဟာ စိုးရိမ်စရာ ဖြစ်တယ်လို့ အထူးကိုယ်စားလှယ်က ပြောသွားတာပါ။ ကိုသားညွန့်ဦးက ဆက်ပြီး တင်ပြပေးပါမယ်။
မြန်မာအစိုးရအနေနဲ့ အခုနှစ်အတွင်းမှာ နိုင်ငံတကာရဲ့ ကြိုဆိုမှုတွေနဲ့ လိုလိုလားလားဆက်ဆံမှုတွေ ရတဲ့နှစ်လို့ ပြောရမှာဖြစ်သလို ဒါဟာလည်း တဘက်က လူ့အခွင့်အရေးနဲ့ပတ်သက်လို့ အခြေအနေ အချို့ တိုးတက်လာတာကြောင့်လို့ ပြောနိုင်ပါတယ်။ မြန်မာနိုင်ငံအခြေအနေကို နိုင်ငံတကာက ဝင်ရောက် ကြည့်ရှုစစ်ဆေးခွင့်ရတဲ့အထဲမှာ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် သောမတ်အိုဟေးကင်တာနားလည်း ပါပါတယ်။ သူဟာ နောက်ဆုံးအကြိမ် အခုနှစ် သြဂုတ်လအတွင်းမှာ မြန်မာနိုင်ငံကို ရောက်ခဲ့ပါတယ်။
၂၀၁၁ ခုနှစ်အတွင်း မြန်မာအစိုးရအနေနဲ့ လမ်းကြောင်းမှန်ပေါ်ကို ဦးတည်သွားနေတယ်ဆိုတာ ကိုတော့ ရှင်းရှင်းလင်းလင်း ခိုင်ခိုင်မာမာမြင်ရတယ်လို့ မစ္စတာကင်တာနားက ဗွီအိုအေကို ပြောပါတယ်။ ဒါပေမယ့် တချိန်တည်းမှာ လူ့အခွင့်အရေးနဲ့ပတ်သက်လို့ စိန်ခေါ်ချက်တွေ အကဲစမ်းမှု တွေတော့ ရှိနေသေးတယ်လို့ သူက မြင်ပါတယ်။ အထူးသဖြင့်တော့ ပြီးခဲ့တဲ့လူ့အခွင့်အရေး ချိုးဖောက်မှုတွေကို ကိုင်တွယ်ဖြေရှင်းဖို့ အာဏာပိုင်တွေဘက်ကရော လူမှုလူ့အဖွဲ့အစည်းတွေကပါ စိတ်ဝင်စားမှုမရှိကြတာကို သူ့အနေနဲ့ အလွန်တရာ စိုးရိမ်တယ်လို့ ပြောပါတယ်။
“စိန်ခေါ်အကဲစမ်းချက်တွေကတော့ ရှိနေပါတယ်။ မြန်မာနိုင်ငံတွင်း လူ့အခွင့်အရေး ချိုးဖောက်ခံရ မှုတွေကို ပြန်လည်ဖော်ထုတ် အရေးယူဆောင်ရွက်မှုမျိုးတွေအတွက် စိတ်ဆန္ဒ လုံးဝမရှိတဲ့အပေါ်မှာ ကျနော် အင်မတန်စိုးရိမ်စရာဖြစ်ရပါတယ်။  ဒီလို ဆောင်ရွက်ရမယ်ဆိုတဲ့ စိတ်ဆန္ဒမျိုး အစိုးရမှာတင် မဟုတ်ပါဘူး။ လူမှုအဖွဲ့အစည်းတွေမှာလည်း မရှိတာကို ကျနော်တွေ့ရပါတယ်။ ဒီမိုကရေစီအသွင် ကူးပြောင်းတဲ့လုပ်ငန်းစဉ်တိုင်းမှာ ပြီးခဲ့တဲ့လူ့အခွင့်အရေးချိုးဖောက်မှုတွေကို ပြန်လည် ပြောဆို ကိုင်တွယ်ရတာမျိုး လိုအပ်ပါတယ်။
မြန်မာလူထုဟာ ဆယ်စုနှစ်တွေနဲ့ချီပြီး လူ့အခွင့်အရေးချိုးဖောက်မှုတွေကို ခံစားခဲ့ရတာပါ။ ဒီကိစ္စတွေကို ဖုံးထားလို့မရပါဘူး။ တချိန်မဟုတ် တချိန်မှာ ပေါ်လာမှာပါ။ ဒါကြောင့် ဒီချိုးဖောက်မှုတွေကို နိုင်ငံတကာ လူ့အခွင့်အရေးဥပဒေတွေအတိုင်း အရေးယူကိုင်တွယ်ဖို့ဆိုတာ ဝတ္တရားတရပ်ဖြစ်ပါတယ်”
ဒါပေမယ့်လည်း ဆယ်စုနှစ်များစွာ ပဋိပက္ခတွေဖြစ်ခဲ့တဲ့ စစ်အာဏာပိုင်တွေနဲ့ ဒီမိုကရေစီအင်အားစု အကြား ပြန်လည်သင့်မြတ်ရေးကာလ ပူပူနွေးနွေးရှိသေးတာမို့ ပြီးခဲ့တဲ့ လူ့အခွင့်အရေး ချိုးဖောက်မှု တွေကို ပြန်ဆွေးနွေးကြရင် လက်ရှိ နိုင်ငံရေးလုပ်ငန်းစဉ်တွေ ထိခိုက်လာမလား ယူဆစရာရှိပါတယ်။ အထူးကိုယ်စားလှယ် မစ္စတာကင်တာနားကတော့ ပြန်လည်သင့်မြတ်ရေးလုပ်ငန်းစဉ်မှာ ပြီးခဲ့တာတွေ အတွက် တရားမျှတမှုဖော်ထုတ်ရေးဟာ အသွင်ကူးပြောင်းရေးမှာ တာဝန်ယူရမယ့် အစိတ်အပိုင်း တရပ်လို့ မြင်ပါတယ်။
“ကမ္ဘာ့နိုင်ငံတွေရဲ့ အတွေ့အကြုံအရဆိုရင်တော့ ပြန်လည်သင့်မြတ်ရေးလုပ်ငန်းစဉ်တိုင်းမှာ အမှန်တရားနဲ့တရားမျှတမှုဖော်ထုတ်ရေးကိစ္စရပ်မျိုးကို ဆွေးနွေးဖို့ လိုအပ်ပါတယ်။ ဒါဟာ တာဝန်ယူမှု အစိတ်အပိုင်းတရပ် ဖြစ်ပါတယ်။ ပြန်လည်သင့်မြတ်ရေးတိုင်းမှာ ဒီကိစ္စ ဆွေးနွေးရပါတယ်။ ဒါဟာ အဓိက အဖွဲ့အစည်း ပုဂ္ဂိုလ်တွေအကြား ဆွေးနွေးရမယ့်ကိစ္စဖြစ်ပါတယ်”
လူ့အခွင့်အရေးနဲ့ပတ်သက်လို့ အခြားအကဲစမ်းချက်တွေကိုလည်း အထူးကိုယ်စားလှယ်က ​ထောက်ပြပါတယ်။ နိုင်ငံရေးအကျဉ်းသားတွေ ထောင်တွေထဲမှာ ကျန်နေသေးတဲ့ ကိစ္စရပ်အပြင် တိုင်းရင်းသားဒေသတွေမှာ ဖြစ်နေတဲ့ ပဋိပက္ခတွေနဲ့ မြန်မာပြည်သူပြည်သားတိုင်း စီးပွားရေးနဲ့လူမှုရေး အခြေခံရပိုင်ခွင့်ကိစ္စဖြစ်တယ်လို့ ပြောပါတယ်။
“အခြား စိုးရိမ်စရာလူ့အခွင့်အရေးကိစ္စတွေလည်း ရှိပါသေးတယ်။ နယ်စပ်က အရပ်သားတွေ အခြေအနေ- ရခိုင်နဲ့ ချင်းပြည်နယ်မှာလို ခွဲခြားဆက်ဆံမှုကိစ္စတွေ- နောက်ပြီး မြန်မာလူထုတရပ်လုံး စီးပွားရေးနဲ့ လူမှုရေးဆိုင်ရာ အခြေခံရပိုင်ခွင့်တွေ ခံစားခွင့်ရမယ့် စီးပွားရေးစနစ်မျိုးကို ဘယ်လို တည်ဆောက်မလဲ ဆိုတဲ့ကိစ္စကလည်း ရင်ဆိုင်နေရတဲ့ ပြဿနာပါ။ ဒါတွေကို ကျနော် စောင့်ကြည့် ​နေပါတယ်။ နောက်နှစ်မှာတော့ အစိုးရအနေနဲ့ ဒီကိစ္စတွေကို ကိုင်တွယ်ဆောင်ရွက် လာလိမ့်မယ်လို့ မျှော်လင့်ထားပါတယ်”
ဒီလို စိန်ခေါ်ချက်တွေရှိနေပေမယ့် အစိုးရအဖွဲ့အတွင်း အာဏာပိုင်အချို့မှာ လူ့အခွင့်အရေးနဲ့ ပတ်သက်လို့ လိုလိုလားလားရှိသူတွေကိုလည်း တွေ့ခဲ့ရတယ်လို့ သူ့အတွေ့အကြုံအရ ပြောပါတယ်။
“လူ့အခွင့်အရေးအခြေအနေတွေ တိုးတက်လာရေး ကိုင်တွယ်ဆောင်ရွက်ဖို့ လိုလိုလားလားရှိကြတဲ့ ၀န်ကြီးအချို့တွေ့ရပါတယ်။ သြဂုတ်လ နောက်ဆုံးခရီးစဉ်ကနေ ကျနော်ပြန်လာပြီးတဲ့နောက်မှာ ကျနော် အကြံပေးထားတဲ့အတိုင်း အမျိုးသားလူ့အခွင့်အရေး ကော်မရှင်ဖွဲ့စည်းမှုကို သမ္မတ ဦးသိန်းစိန်က ဆုံးဖြတ်အတည်ပြုခဲ့ပါတယ်။ ဒီ ကော်မရှင်အနေနဲ့ ဘယ်လောက်အထိ လွတ်လပ်မှုရှိလဲ၊ ယုံကြည်လို့ရသလဲဆိုတဲ့ မေးခွန်းကတော့ ရှိနေပါတယ်။ ဒါပေမယ့် အနည်းဆုံးတော့ လူ့အခွင့်အရေးကိစ္စတွေမှာ တက်တက်ကြွကြွ ပြောဆို ပါဝင်လာနိုင်တာတော့ ရှိပါတယ်။ ဆိုတော့ လူ့အခွင့်အရေးအခြေအနေ တိုးတက်လာဖို့အတွက် ပိုင်းဖြတ်ဆောင်ရွက်ချက်အချို့တော့ တွေ့ရပါတယ်”
လာမယ့်နှစ်မှာတော့ အခုနကပြောခဲ့တဲ့ စိန်ခေါ်ချက်တွေကို မြန်မာအစိုးရအနေနဲ့ ဘယ်လိုကိုင်တွယ် ဆောင်ရွက်မလဲဆိုတာကိုတော့ သူစောင့်ကြည့်နေမယ်လို့ မစ္စတာကင်တာနားကပြောပါတယ်။ သူကိုယ်တိုင်လည်း လာမယ့်နှစ် ဖေဖ၀ါရီလဆန်းပိုင်းမှာ မြန်မာနိုင်ငံကို သွားရောက်ဖို့ရှိနေပြီး၊ အဲဒီက အပြန် မတ်လမှာတော့ လူ့အခွင့်အရေးကောင်စီမှာ မြန်မာ့လူ့အခွင့်အရေးအခြေအနေ နှစ်လည် အစီရင်ခံစာ တင်သွင်းဖို့ရှိပါတယ်။

'ခွေးကို အဖေခေါ်တဲ့သူ' တရားဟော ဒယ်အိုးဆရာတော် တနှစ်ပိတ်ခံရ

မျိုးသန့် | အင်္ဂါနေ့၊ ဒီဇင်ဘာလ ၂၇ ရက် ၂၀၁၁ ခုနှစ် ၂၀ နာရီ ၁၇ မိနစ်

ချင်းမိုင် (မဇ္ဈိမ) ။       ။ ဗုဒ္ဓဘာသာ ရဟန်းသံဃာတော်များကို တရားဟောပြောခွင့် ပိတ်ပင်ခြင်းသည် ဗုဒ္ဓဘာသာ တရားတော်များအရ အလွန် အပြစ်ကြီးမားကြောင်း ‘ခွေးကို အဖေခေါ်တဲ့သူ’ တရားတော်တွင် ထည့်သွင်း ဟောပြောခဲ့သည့် ရန်ကုန်တိုင်း မှော်ဘီ မင်္ဂလာကျောင်းတိုက်မှ ဓမ္မကထိက ဆရာတော် ဦးသုမင်္ဂလအား နိုင်ငံတော် သံဃာ့မဟာနာယက အဖွဲ့မှ တရားဟောပြောခွင့် တနှစ်ပိတ်ပင်လိုက်သည်။

ဘုရားဟော ဝတ္ထုတပုဒ်ဖြစ်သည့် ‘သုဘ ဝတ္ထု’ တွင် သုဘ၏ ဖခင်ဖြစ်သူ တောဒေယျပုဏ္ဏားမှာ အလှူအတန်းတွင် အလွန်နှမျော တွန့်တိုတတ်ခြင်းကြောင့် ကွယ်လွန်သည့်အခါ သားဖြစ်သူ သုဘ၏ အိမ်တွင် ခွေးပြန်ဖြစ်သည်ကို ခိုင်းနှိုင်းကာ တရားပွဲများ ပိတ်ပင်သည့် ပုဂ္ဂိုလ်များသည်လည်း ထိုသို့ဖြစ်နိုင်ကြောင်း ‘ခွေးကို အဖေခေါ်တဲ့သူ’ တရားတွင် ထည့်သွင်း ဟောကြားခဲ့ခြင်းကြောင့် တရားပွဲပိတ်ပင်ခံရခြင်းဟု ဒယ်အိုးဆရာတော်ဟု လူသိများသည့် ဆရာတော် ဦးသုမင်္ဂလက မဇ္ဈိမကို အမိန့်ရှိသည်။

"သာမန်အလှူအတန်းပိတ်တာတောင်မှ ခွေးဖြစ်တယ်။ အခု တရားပွဲတွေ ပိတ်တဲ့အလုပ်က အလွန်အပြစ်ကြီးတဲ့ အလုပ်။ မလုပ်သင့်တဲ့အလုပ် တရားပွဲတွေကို ပိတ်ပင်နေတာ တားမြစ်နေတာ အဲဒီတော့ အဲဒါက
ခွေးထက်ဆိုးတဲ့ အပြစ်ဖြစ်လိမ့်မယ်။ အဲဒါစိုးရိမ်လို့ သနားလို့ပြောတာ၊ မမှားရအောင်ပြောတာဆိုပြီး ထည့်ပြောလိုက်တယ်။ တရားပွဲကို ဘယ်သူပိတ်တယ်၊ ဘယ်ဝါ ပိတ်တယ်လို့ ဘယ်အစိုးရ ဘယ်
အဖွဲ့အစည်းကိုမှ ထည့်ပြောမထားဘူး။ မပြောထားပေမယ့် အဲဒီလို သူတို့ဟာသူတို့ ကောက်ချက် ဆွဲသွားတာတော့ ငါလည်း မတတ်နိုင်
ဘူးကွာ။" ဟု ဆရာတော်က မိန့်သည်။

ဤတရားကို ဆရာတော်က ၃ဝ၊ ၁ဝ၊ ၂ဝ၁၁ ရက်နေ့တွင် ရန်ကုန်တိုင်း၊ တိုက်ကြီးမြို့နယ် ရှမ်းစု ရပ်ကွက်၊ အောင်ချမ်းသာ ဘုန်းတော်ကြီး
ကျောင်းဝင်းအတွင်း ကျင်းပသော ဓမ္မသဘင်၌ ဟောပြောခဲ့ခြင်း ဖြစ်သည်။

ဆရာတော်၏ ဟောပြောချက်အား ပြည်ထဲရေးဝန်ကြီးဌာနမှ သမ္မတရုံးသို့တင်ပြခဲ့ရာမှ ဒီဇင်္ဘာ ၉ ရက်နေ့က ကျင်းပ
သော မဟန အစည်းအဝေးမှ ဆုံးဖြတ်ချက်ချ၍ တရားဟောခွင့် ပိတ်ပင်လိုက်ခြင်း ဖြစ်သည်။

မဟန မှ ဒယ်အိုးဆရာတော်သို့ ပေးပို့သည့် တရားဟောခွင့် ပိတ်ပင်သည့် လျှောက်ထား ပန်ကြားလွှာတွင် ၂ဝ၁၁ ဒီဇင်္ဘာ ၉ ရက်နေ့မှ ၂ဝ၁၂ ခုနှစ် ဒီဇင်ဘာလ ၈ ရက်နေ့အထိ မြန်မာတနိုင်ငံလုံး တနှစ်တိတိ တရားဟောခွင့် မပြုဟုဖေါ်ပြပါရှိသည်။

အဆိုပါစာတွင် "ထေရဝါဒ ပိဋိကတ်တော်နှင့် မညီညွတ်သော စာသားများကို ထည့်သွင်းဟောကြားသောကြောင့် လည်းကောင်း၊ အာဏာပိုင်အဖွဲ့အစည်း အဆင့်ဆင့်တို့ကို ထိပါးပုတ်ခတ်သောကြောင့်လည်းကောင်း" တရားဟောခွင့် ပိတ်ပင်ခြင်းဟုလည်း ဖေါ်ပြပါရှိသည်။

သို့သော် ဒယ်အိုးဆရာတော်ကမူ သူ့တရားနှင့် ပတ်သက်၍ "သုဘ ဝတ္ထုကို ခေါင်းစဉ်ပြောင်းထားတာပဲရှိတယ်။ ဘုရားဟောအတိုင်း တလုံးမှ မလွဲဘူး။" ဟု မဇ္ဈိမကို ဆက်လက် မိန့်ကြားသည်။

ဒယ်အိုးဆရာတော်သည် မြန်မာနိုင်ငံအတွင်းရှိ ပရဟိတ လုပ်ငန်းများ လုပ်ဆောင်နေသည့် အသင်းအဖွဲ့များကို ဖိတ်ခေါ်ကာ “ စုံနံ့သာမြိုင် ပရဟိတ အသင်းအဖွဲ့များ နှီးနှောဖလှယ်ပွဲ” ကို စက်တင်ဘာလ နှစ်ရက်နေ့နှင့် သုံးရက်
နေ့များက ကျင်းပခဲ့သေးရာ မဟန သို့ ကြိုတင်လျှောက်ထား ခွင့်ပြုချက် မယူခြင်းကြောင့် ခေါ်ယူ သတိပေးခံခဲ့ရသေးသည်။

‘အပယ်ငရဲ ရောက်မည်’ ဆိုသည်ကို ‘ဒယ်အိုး ရောက်သွားမယ်’ဟု သုံးနှုန်း ဟောပြောလေ့ရှိသဖြင့် ဆရာတော် ဦးသုမင်္ဂလအား ‘ဒယ်အိုးဆရာတော်’ တွင်နေရခြင်း ဖြစ်သည်။

ယင်းအပြင် ရွှေညဝါဆရာတော်ဟု ထင်ရှားသည့် ကြည့်မြင်တိုင် သာဓုပရိယတ္တိကျောင်းတိုက်၏ အုပ်ချုပ်စီမံ ပညာရေးတာဝန်ခံ တိုက်ကြပ်ဆရာတော် ဦးပညာသီဟကိုလည်း ယခုနှစ် ဖေဖေါ်ဝါရီလမှစ၍ ၂၀၁၂ ခုနှစ် ဖေဖေါ်ဝါရီလ အထိ မဟနမှ တရားဟောခွင့် ပိတ်ပင်ခဲ့သေးသည်။

အဆိုပါ တားမြစ်မှုအပြီး ရွှေညဝါ ဆရာတော်မှာ မန္တလေးတိုင်း အမျိုးသား ဒီမိုကရေစီ အဖွဲ့ချုပ် NLD ရုံးတွင် ကမ္ဘာ့ဒီမိုကရေစီနေ့က တရားဟောခဲ့သည့် အတွက် သီတင်းသုံးရာ သာဓုပရိယတ္တိ ကျောင်းတိုက်မှ ဖယ်ရှားရန် မဟနမှ ဒီဇင်ဘာလ ၁၂ ရက်နေ့က စာပေးပို့ ညွှန်ကြားခဲ့သည်။

ထိုဖြစ်ရပ်နှင့် ပတ်သက်၍ ဒယ်အိုးဆရာတော်က "သာသနာ သိက္ခာကျတယ်ကွာ၊ နောက်ပြီးတော့ တကယ်ဆိုရင် သံဃာတော်တွေဟာ သာသနာတော်ကို ဝိုင်းဝန်း စောင့်ရှောက်ကြရမှာကိုးကွ။ တကယ်လို့ မှားနေတယ် ဆိုရင်
တောင်မှ သံဃာ့နာယက က ခေါ်ယူပြီး ဆုံးမခြင်း၊ လမ်းညွှန်ပေးခြင်း၊ သတိပေးခြင်း၊ တည့်မတ်ပေးခြင်းသာ ပြုသင့်တယ်။  ဒို့ အကျိုးဆောင်နေတဲ့ ပုဂ္ဂိုလ်တွေကိုတောင် နှောက်ယှက်နေတယ်ဆိုရင် ဒီသာသနာအတွက်က မကောင်းဘူး။" ဟု  မဇ္ဈိမကို ဆက်လက် မိန့်ကြားသည်။

ရွှေညဝါဆရာတော်က မဟနထံသို့ "သာဓုကျောင်းတိုက်တွင် ဆက်လက် သီတင်းသုံးခွင့်ပြုရန်နှင့် သာသနာပြု လုပ်ငန်းများ လုပ်ကိုင်ခွင့်ပြုရန် ယခုလ ၁၆ ရက်နေ့တွင် အသနားခံစာ ပြန်လည်ပေးပို့ခဲ့သည်။ သို့သော် အဆိုပါ အသနားခံစာနှင့် ပတ်သက်၍ မဟန ထံမှ ပြန်ကြားချက် တစုံတရာ မရှိသေးဟုလည်း သိရသည်

နိုင်ငံခြားမှ ငွေလွှဲနိုင်ရန် ဧရာဝတီဘဏ် လုပ်ဆောင်နေဟု ဦးဇော်ဇော်ပြော

မဇ္ဈိမသတင်းဌာန | ဗုဒ္ဓဟူးနေ့၊ ဒီဇင်ဘာလ ၂၈ ရက် ၂၀၁၁ ခုနှစ် ၁၅ နာရီ ၁၉ မိနစ်

ရန်ကုန်(မဇ္ဈိမ) ။        ။ နိုင်ငံခြားမှ မြန်မာနိုင်ငံသို့ ငွေလွှဲပို့ဆောင်နိုင်ရန် အတွက် စတင်ဆောင်ရွက်နေပြီ
ဖြစ်ကြောင်း  ဧရာဝတီဘဏ် ဥက္ကဋ္ဌ ဦးဇော်ဇော်က ပြောသည်။

အင်္ဂါနေ့ ညနေက ရန်ကုန်မြို့ အင်းလျားလိတ်ဟိုတယ်တွင် ပြုလုပ်ခဲ့သည့် ဧရာဝတီဘဏ် တနှစ်ပြည့် ညစာစားပွဲ တွင် ထည့်သွင်းပြောဆိုသွားခြင်းဖြစ်သည်။

“အခု မလေးရှားက အလုပ်သမားတွေ ဗမာပြည်ကို ငွေပြန်လွှဲဖို့အတွက် ဆောင်ရွက်နေပါပြီ။ သို့သော် authorised dealer ရတဲ့ပုံစံမျိုးနဲ့သွားတာ မဟုတ်သေးပါဘူး။ Swift code တွေ ရတဲ့အခါ နိုင်ငံတကာက ဘဏ်တွေနဲ့ ဆက်စပ် ပြီးလုပ်ဆောင်လို့ရမှာဖြစ်ပါတယ်” ဟု ပြောသည်။

ဦးဇော်ဇော်နှင့် ဦးကိုကိုထွေး (တော်ဝင်ဆောက်လုပ်ရေးကုမ္ပဏီ) (ဓါတ်ပုံ မဇ္ဈိမ)

မြန်မာအမျိုးသားပိုင် ဘဏ်များအနေဖြင့် နိုင်ငံတကာ ဘဏ်လောကသို့ ထိုးဖောက် ဝင်ရောက်နိုင်ရန်မှာ အလှမ်း
ဝေးနေဆဲဖြစ်ပြီး စီးပွားရေး ပိတ်ဆို့မှုကလည်း ဘဏ်လုပ်ငန်းအတွက် အဟန့်အတားတခု ဖြစ်နေသေးကြောင်း ထည့်သွင်း ပြောဆိုသွားသည်။

“ကျနော်တို့နိုင်ငံရဲ့ စီးပွားရေးပိတ်ဆို့မှုနဲ့ ပတ်သက်ပြီးတော့ ဒီဘဏ်တွေရဲ့ ငွေကြေးစီးဆင်းမှုနဲ့ လည်ပတ်မှု ဆိုတာ လည်း အတားအဆီး အနှောက်အယှက်တခု ရှိတယ်ဆိုတာတော့ မလွဲမသွေ တင်ပြလိုပါတယ်” ဟု ပြောသည်။

ဧရာဝတီဘဏ်ကို ၂၁.၈.၂ဝ၁ဝ ရက်နေ့တွင် နေပြည်တော်၌ စတင်ဖွင့်လှစ်နိုင်ခဲ့ပြီး တနှစ်အတွင်း နိုင်ငံတွင်း ဘဏ်ခွဲ ၁၇ ခု ဖွင့်လှစ်နိုင်ပြီ ဖြစ်ကြောင်း သိရသည်။

အဆိုပါ တနှစ်ပြည့်ပွဲသို့ ရန်ကုန်တိုင်းဒေသကြီးအစိုးရအဖွဲ့မှ ပုဂ္ဂိုလ်များ၊ မြန်မာ့ထိပ်တန်း စီးပွါးရေး လုပ်ငန်းရှင်များ၊
နိုင်ငံခြားဧည့်သည်များ စုစုပေါင်း ၄၀၀ ခန့် တက်ရောက်ခဲ့ကြသည်။

တက်ရောက်လာသူ ပရိသတ်များထဲမှ မြို့တော်ဝန် ဦးလှမြင့်အပြင် ဦးအောင်ကိုဝင်း (ကမ္ဘောဇဘဏ်)၊ ဦးချစ်ခိုင် (မြန်မာ့ရှေ့ဆောင်ဘဏ်)၊ ဦးတေဇ (AGD ဘဏ်)နှင့် ဦးနေအောင် (United Myanmar ဘဏ်)တို့အား အထူးပြု
ကျေးဇူးစကား ဆိုသွားပြီး စီးပွားရေးလုပ်ဖော်ကိုင်ဖက်များအနေဖြင့် growing together, win-win situation
ဖြစ်ခဲ့ကြောင်း သုံးသပ်ပြောဆိုသွားသည်။

ဧရာဝတီဘဏ်မှာ ညီနောင်ဘဏ် ၈ ခုနှင့် မြို့နယ် ပေါင်း ၁၂ဝ ကို ချိတ်ဆက်ပြီး ငွေလွှဲလုပ်ငန်းများ လုပ်ဆောင်နေ ကာ စီးပွါးရေးလုပ်ငန်း ၃၅ဝဝဝ ခန့်နှင့် ချိတ်ဆက်ဆောင်ရွက်နေသည့် ဘဏ်တခုဖြစ်ကြောင်း ဦးလှမြင့်က ပြော သည်။