December 28, 2012 by
အရင်တစ်ပတ်က အတတ်ပညာ၊ အသိပညာတစ်ခု ခုကို ဆည်းပူးလိုတဲ့ လူငယ်တွေဟာ အင်္ဂလိပ်ဘာသာ စကားကတစ်ဆင့် အဲဒီ ပညာကို လေ့လာရင် ပိုပြီးလွယ်ကူ နိုင်ကြောင်း ရေးခဲ့ပါတယ်။ ဒီကနေ့ ဆယ်တန်းအောင် အဝေးသင်ကျောင်းသား လူငယ်တွေဟာ အင်္ဂလိပ်စာပေဖတ်ရှုသူ အလွန်နည်းကြတယ်။ အင်္ဂလိပ်စာပေဖတ်ရှုမှု ဘာကြောင့် နည်းသလဲဆိုတာကို စူးစမ်းကြည့် လိုက်တော့ကောင်းကောင်း မဖတ်တတ်ကြလို့ပါပဲ။ သူတို့တစ်တွေဟာ (ငါစူးစမ်းမိသလောက်) အင်္ဂလိပ်စာဖတ်ဖို့ကိုလည်း မဝံ့မရဲ ဖြစ်နေကြတယ်။ အင်္ဂလိပ်စာကို ဖတ်တတ်သလို လို အီယောင်ဝိုးဝါးနဲ့ လမ်းခုလတ်မှာ ယောင်ပေပေ ဖြစ်နေကြတာတွေများ တယ်။ ဘာကြောင့် ဒီလိုဖြစ်လာရသ လဲဆိုတာကို စဉ်းစားကြည့်မိတယ်။ ငါ့အတွေ့အကြုံအရ မှန်းဆမိတာက သူတို့ အင်္ဂလိပ်စာ သင်ယူခဲ့တာက စာမေးပွဲ ဖြေနိုင်ရုံ၊ ဆရာမေးရင် ပြန်ပြောတတ်ရုံလောက်ကို ပဲ အာရုံပြု မှတ်သားခဲ့ကြတာ ဖြစ်နေတယ်။
သူတို့ ကိုယ်တိုင်က တကယ်သိချင်၊ တတ်ချင်တာမျိုး မဟုတ်ကြဘူး။ ဒါကြောင့် အင်္ဂလိပ်စာသင်ယူမှု လမ်းခုလတ် မှာ ယောင်ပေပေ ဖြစ်နေကြတာပဲလို့ ဆုံးဖြတ်မိပါတယ်။
ဒီစာတွေကို ရေးနေတာဟာ ဆယ်တန်းအောင် (အဝေးသင်) လူငယ်တွေကို ရည်ရွယ်ပြီး ရေးနေတာ ဖြစ် တယ်။ ဒီတော့ မင်း ကိုယ်တိုင်လည်း ဆယ်တန်းအောင် အဝေးသင် ဖြစ်နေခဲ့ရင် မင်းကိုယ်မင်း အဲဒီလိုပဲ ဖြစ်နေ သလားလို့ ပြန်လည် သုံးသပ်စေချင် တယ်။ မင်းကိုယ်တိုင်က အင်္ဂလိပ်စာကို ဝံ့ဝံ့စားစား ဖတ်ဖူးသလား။ အင်္ဂလိပ်စာပေ ဝတ္ထုဆိုတာတွေကို ဘယ်နှခါ ကောက်ကိုင် ဖူးသလဲ။ ကောက်ကိုင်ပြီး နည်းနည်းပါးပါး ဖတ်ကြည့်၊ ပြီးတော့ စာ အုပ်ကို အမှတ်မထင် ပြန်ချထားလိုက်တာပဲလား။ ဆက် ဖတ်ဖို့ စိတ်လျှော့သွားလိုက်တာပဲလား စသည်အားဖြင့် မင်းကိုယ်မင်း စစ်ဆေးကြည့်သင့်ပါတယ်။ အထက်မှာ ငါပြောခဲ့ သလို ယောင် ဝါးဝါး ဖြစ်နေရင်တော့ မင်းတကယ် တတ်အောင် အင်္ဂလိပ်စာကို ရင်ဆိုင်ရလိမ့်မယ်။ အခု ငါ ရေးမှာတွေက အင်္ဂလိပ်စာကို တကယ်တတ်ချင်တဲ့ ယောင်ဝါးဝါးဖြစ်နေရှာတဲ့ လူငယ်တွေအတွက် ရေးမှာ ဖြစ်ပါတယ်။
မင်းတို့အရွယ် လူငယ်တွေအဖို့ သည်းခြေကြိုက်တာက ဝတ္ထုတို ဖြစ်ပါတယ်။ မင်းကိုယ်တိုင် အင်္ဂလိပ်ဝတ္ထု တွေကို စိတ်လိုလက်ရ ဘယ်နှပုဒ်ဖတ်ဖူးသလဲ။ ပြဋ္ဌာန်းချက်ဝတ္ထုတွေကို စာမေးပွဲအတွက် ဖတ်ရတာကိုတော့ စကားထဲ ထည့်မပြောပါနဲ့။ ကိုယ့်ဘာသာ ကိုယ် ဖတ်ချင်စိတ် ရှိလို့ ဖတ်တာမျိုးကို ဆိုလိုတာပါ။
ဒီနေရာမှာ အင်္ဂလိပ်ဘာသာစာပေနဲ့ ငါတို့ မြန်မာ ဘာသာစာပေ ကွာခြားပုံလေးတစ်ခုကို ပြောချင်တယ်။ ငါတို့ မြန်မာစာပေမှာ ဒုတိယတန်း၊ တတိယတန်း မြန် မာစာလောက် အခြေခံရပြီဆိုရင် သမိုင်းဘာသာ၊ ဘာသာ ရေးစာပေ၊ မြန်မာ့သမိုင်း၊ ဗုဒ္ဓဘာသာ စာပေတွေကို (စိတ်ဝင်စားရင်) ဖတ်နိုင်သွားကြတာပဲ။ အင်္ဂလိပ်ဘာသာ စာပေမှာတော့ အဲဒီလို မဟုတ်ဘူး။ နှစ်တန်း၊ သုံးတန်းအခြေခံရှိရုံနဲ့ စာကြီး ပေကြီးတွေကို ဖတ်နိုင်ဖို့ မလွယ်ဘူး။ ဒါကြောင့် အင်္ဂလိပ် စာပေလောကမှာ ဂန္ထဝင်စာပေကြီး တွေ ကို ကျောင်းသားလူငယ်တွေ ဖတ်နိုင်အောင် ‘လွယ်ရှင်း၊အကျဉ်း ချုံ့’ စာအုပ်ကလေးတွေ ပြုစုထား လေ့ ရှိကြတယ်။ ဒီတော့ မင်းတို့ လို လူငယ်တွေက အဲဒီလို ‘လွယ် ရှင်း၊ အကျဉ်းချုံ့’ အင်္ဂလိပ် ဂန္ထဝင် ဝတ္ထုလေးတွေကို စပြီး ဖတ်ကြည့် ကြစေချင်တယ်။ အခုဆိုရင် စာ အုပ်ဆိုင်ကြီးတွေမှာ အဲဒီလို ‘လွယ် ရှင်း၊ အကျဉ်းချုံ့’ စာအုပ်လေးတွေ တွေ့ရတတ်ပါတယ်။ အဲဒါတွေကို ဝယ်ပြီး ဖတ်ကြည့်ပါ။
ဖတ်တဲ့အခါမှာ အဘိဓာန် သုံးဖို့ မကြောက်ပါနဲ့။ မပျင်းပါနဲ့။ မင်းဟာ ဝတ္ထုကို အရသာ ခံနေရုံ မဟုတ်ဘဲ ဘာသာစကားကို လေ့ လာနေသူ ဖြစ်ကြောင်း သတိရပါ။ ဝတ္ထုဇာတ်ကြောင်းကို နားလည်ရုံ သာမက ဘာသာစကား တည် ဆောက်ပုံ၊ ဝေါဟာရသုံးစွဲပုံ စ သည်တို့ကိုပါ လေ့လာသွားရလိမ့်မယ်။ မသိတဲ့ စာလုံးတစ်ခုကို အဘိဓာန်ကောက်ကြည့်ပြီး မှတ်သားရပါလိမ့်မယ်။ အဲဒီ ‘လွယ်ရှင်းတိုချုံ့’ ဝတ္ထုကလေးကို ဖတ်နေရင်း မသိတဲ့ဝေါဟာရတစ်ခုကိုတွေ့ရင် အရေးကြီးတဲ့ စကားလုံးမှအပ အဘိဓာန် လှန်မနေ ပါနဲ့။ ဇာတ်လမ်းဇာတ်ကွက်အရ အရေးကြီးတဲ့ စကားလုံး ဖြစ်နေရင်တော့ အဘိဓာန်ကို ချက်ချင်းကောက်လှန်ပြီး ကြည့်ရမှာပေါ့။ မှန်းဆပြီး သိနိုင်တဲ့ စကားလုံးတွေကို ကျော်လွှားပြီး ဝတ္ထုပြီးအောင် ဖတ်လိုက်ပါ။ ဒါ ပေမယ့် ဝတ္ထုပြီးဆုံးသွားတဲ့အခါ မှာတော့ဖြင့် မသိတဲ့စကားလုံးတွေ ကို အဘိဓာန်မှာ ပြန်ပြီးရှာဖွေ မှတ်သားရပါလိမ့်မယ်။ အဲဒါသည် ပင်လျှင် ဘာသာစကား တစ်ခုကို လေ့လာ ဆည်းပူးခြင်းလုပ်ငန်းတွေ ပါပဲ။
ဒီခေတ်မှာ မင်းတို့တစ်တွေ ကုသိုလ်ကံ ကောင်းကြပါပေတယ်။ အင်္ဂလိပ်-မြန်မာ အဘိဓာန်တွေ အလျှိုလျှို ထွက်ပေါ်လာ တာ တွေ့ရတယ်။ အဘိဓာန် ပြုစု သူ ပညာရှင်တွေကလည်း စာသင် သားတွေကို အလွန်မေတ္တာထား ကြတယ်။ ဒါကြောင့် ဒီခေတ် လူ ငယ်တွေအဖို့ ကုသိုလ်ကံကောင်း တယ်လို့ ဆိုလိုက်ရခြင်းပါပဲ။
တစ်နည်းအားဖြင့် ပြောရရင် မင်းတို့ လူငယ်တွေအတွက် လူ ကြီးတွေက ပန္နက်ရိုက်ပေးနေတယ် ဆိုရမှာပေါ့။
အောင်သင်း
No comments:
Post a Comment