လန်ဒန် အဓိကရုဏ်းကြောင့် ၀န်ကြီးချုပ် နားရက်က ပြန်လာရ
လန်ဒန်မြို့တော် ရပ်ကွက် တော်တော်များများမှာ အဆောက်အဦးတွေ၊ မော်တော်ယာဉ်တွေ၊ ဘတ်စ်ကားမှတ်တိုင်တွေ မီးတောက်လောင်နေပြီး လူငယ်တွေနဲ့ ရဲတွေအကြား အဓိကရုဏ်းတွေ ဖြစ်ပွားနေတာဟာ ၃ ညဆက်တိုက် ရှိလာခဲ့ပါပြီ။ စတိုးဆိုင်တွေ၊ စားသောက်ဆိုင်တွေလည်း လုယက်ခံရပြီး ရဲတွေလည်း လက်လုပ်ဗုံးတွေနဲ့ ပစ်ပေါက်ခံခဲ့ရပါတယ်။
အခုချိန်ထိတော့ လူပေါင်း ၂၁၅ ယောက်ကို ဖမ်းဆီးထားပြီး ဖြစ်တယ်လို့ ဗြိတိန် ရဲတပ်ဖွဲ့က ပြောပါတယ်။ ရဲအရာရှိ ၅ ယောက် ထိခိုက်ဒဏ်ရာရခဲ့ပြီး ၃ ယောက်ကတော့ ဆန္ဒပြသူတွေကို လိုက်လံဖမ်းဆီးဖို့ ကြိုးစားနေတုန်းမှာပဲ ကားတွေနဲ့ တက်ကြိတ်တာကို ခံခဲ့ရတယ်လို့ ဆိုပါတယ်။
ဆန္ဒပြပွဲတွေဟာ မဖြစ်သင့် မဖြစ်ထိုက်တဲ့ ဆန္ဒပြပွဲတွေဖြစ်ပြီး အခွင့်အရေးသမားတွေက လုပ်တဲ့ ဆန္ဒပြပွဲ ဖြစ်သလို ဘယ်လိုမှ လက်ခံနိုင်စရာ မရှိဘူးလို့ ဒုတိယ၀န်ကြီးချုပ် နစ်ခ် ကလက်ဂ် (Nick Clegg) က ပြောပါတယ်။
လန်ဒန်မြို့ မြောက်ပိုင်းမှာ စီးပွားရေး ဖွံ့ဖြိုးမှု မရှိတဲ့ အခြေအနေ၊ အလုပ်လက်မဲ့ဦးရေ များပြီး လူမှုဖူလုံရေး အစီအစဉ်တွေ လျှော့ချခံနေရတာတွေအပေါ် မကျေနပ်မှုတွေ ကြီးထွားနေတာကြောင့် အခုလို ဆန္ဒပြပွဲတွေ ဖြစ်ပေါ်နေတာလို့ လန်ဒန်မြို့ခံတွေက ပြောပါတယ်။
No comments:
Post a Comment