မြန်မာ့ပထမဆုံး မြေအောက်ရထားလိုင်းကို နေပြည်တော်တွင် ရုရှားအကူအညီဖြင့် တည်ဆောက်တော့မည်
အဆိုပါ စီမံကိန်း၏ အကြီးအကဲ တစ်ဦးက ထိုသို့ တည်ဆောက်ခွင့် ရရှိသောကြောင့် ဂုဏ်ယူမိကြောင်း The Voice of Russia သို့ ပြောကြားခဲ့သည်။ လက်ရှိ ရုရှားနိုင်ငံတွင် အစိုးရက ဘတ်ဂျက် ချမပေးသည့် အတွက် စိန့်ပီတာစဘတ်၊ ကာဇန်နှင့် နိုဗိုဆီဘတ်မြို့အားလုံးသည် တည်ဆောက်ဆဲ ရထားလမ်း များကို စောင့်ဆိုင်းနေရကြောင်း၊ ထိုကုမ္ပဏီများမှ လုပ်သားများ အတွက် အလုပ်အကိုင်ကို မြန်မာ့မြေအောက်မီးရထား စီမံကိန်းက ပြေလည်စေမည်ဟု ၄င်းတို့ မျှော်လင့်နေကြကြောင်း အင်တာနက် သတင်းများ အရ ကြားသိရသည်။
နေပြည်တော် တပ်ကုန်းဘူတာရုံ
နေပြည်တော်ရှိ မြန်မာ့ပထမဆုံး မြေအောက်ရထားလမ်းသည် အရှည် ၃၁ မိုင် (၅၀ ကီလိုမီတာခန့်) ဖြင့် စတင်မည် ဖြစ်ပြီး ကမ္ဘာ့အဆင့်မီ ဒီဇိုင်းနှင့် နည်းပညာများကို အသုံးပြု တည်ဆောက်သွားမည် ဖြစ်ကြောင်း ကြားသိရသည်။
စီးပွားရေး မြို့တော် ရန်ကုန်တွင် မြေအောက်ရထား မစတင်ဘဲ အစိုးရရုံးစိုက်ရာ နေပြည်တော်တွင် တည်ဆောက်ရခြင်းသည် ၀န်ထမ်းများ သွားလာရေး အဆင်ပြေစေရန် ရည်ရွယ်ခြင်း ဖြစ်နိုင်ကြောင်း ရန်ကုန်မြို့ခံ တစ်ဦးက ပြောကြားခဲ့သည်။
ယနေ့ကမ္ဘာပေါ်တွင် မြေအောက်ရထားလမ်း နည်းပညာ၌ ဂျပန်ပြီးလျှင် ရုရှားက အကောင်းဆုံးဖြစ်ကြောင်း သိရသည်။
No comments:
Post a Comment