နိုင်ငံအတွက် သတင်းထောက်လှမ်း ရယူခြင်း

နိုင်ငံအတွက် သတင်းထောက်လှမ်း ရယူခြင်း

အနောက် ဥရောပ၏ မြောက်ဘက်အစွန်။ သေးငယ်သော ကျွန်းလေးတစ်ခုပေါ်၌ တည်ရှိသော နိုင်ငံလေး တစ်ခုကကမ္ဘာကြီး တစ်ခုလုံးကို နေမဝင် အင်ပါယာ အမြန်ချဲ့ထွင် နိုင်ခဲ့ခြင်းကို ပြန်ပြောင်းစိစစ်ကြည့်လျှင်…

အရာခပ်သိမ်းကို အငမ်းမရ အလိုရှိတတ်သော လူတို့၏ လောဘ ကို ရှေးဦးစွာ အထင်းသားမြင်ရမည်။

ဒုတိယ အချက်အနေဖြင့် မိမိ၏ လောဘကို ဖြည့်တင်းဖို့ စနစ်တကျ စီမံကိန်းချ ဆောင်ရွက်ရာ၌ မိမိကမည် မျှရမည်။ မိမိက မည်သည့်အရာပြန် ပေးရမည် ဆိုသည်ကိုလည်း ချိန်ထိုး ကာ ယင်းကိစ္စကို အဓိကအချက် အဖြစ်သတ်မှတ်ထားသည်။

တတိယ အချက်မှာ အချိန်အခါနှင့် အခြေအနေ တစ်ခုကြောင့် မိမိတို့ ပိုင်ဆိုင်ထားသည့် ထိုအင်ပါယာကို လက်လွှတ်ရတော့မည့်အခြေအနေတစ်ခု၊အချိန်ကာလတစ်ခုသို့ဆိုက်ရောက်လာလျှင် အသာတကြည်ဖြင့် ပေါ့ပါးစွာ စွန့်ခွာနိုင်ရမည်။ ထိုအတွက်လည်း စဦးကတည်းက ပြင်ဆင်ထားသည်။

ထိုနိုင်ငံမျိုး၏ အပြုအမူကို နမူနာယူရန်၊ အားကျရန်၊ အတုခိုးရန် မလိုပေ။ သို့သော် ထိုနိုင်ငံသား များသည်လည်း မိမိတို့ကဲ့သို့ လူသားများ ပင်ဖြစ်သည်။ ထိုသူများ၌ လောဘရှိ သည်။ မိမိတို့၌လည်း လောဘရှိ သည်။

လောဘဆိုသည်မှာ ရှိသင့်သည့် အခါရှိ၍ သိမ်းဆည်းသင့်သည် အချိန်၌ ပြန်လည်သိမ်းဆည်းနိုင်ခြင်းကို လူတိုင်းသင်ခန်းစာ ယူသင့်သည်။

ထိုမျှကြီးကျယ်သော အင်ပါယာ တစ်ခုကို ချဲ့ထွင်နိုင်ခဲ့သည့် နိုင်ငံက သတင်းထောက်လှမ်းရေး အဖွဲ့အစည်းကို စတင်တည်ထောင်နိုင်ခဲ့ခြင်းမှာလည်း ထူးဆန်းသည့် အချက်တစ်ခု မဟုတ်တော့ပေ။

ထိုနိုင်ငံက ၁၈၂၉ ခုနှစ်တွင် စကော့တလန်ယာ့ဒ် – Scotland Yard ဆိုသည့်အမည်ဖြင့် သတင်းထောက် လှမ်းရေးအဖွဲ့တစ်ခုကို သူ့နိုင်ငံ ရဲတပ်ဖွဲ့အတွက် ဖွဲ့စည်းပေးခဲ့သည်။ စကော့ တလန်ယာ့ဒ် ဆိုသည့် အမည်ပေးရခြင်း နောက်ကြောင်းကလည်း ရိုးရှင်း လှပါသည်။ အဆိုပါ သတင်း ထောက်လှမ်းရေးအဖွဲ့ တည်ရှိရာ အဆောက်အအုံကြောင့် ထိုအမည်တွင် ခဲ့ရခြင်းသာ ဖြစ်သည်။ စကော့ တလန်နိုင်ငံမှ တော်ဝင်မျိုးနွယ်များ ဗြိတိန်နိုင်ငံသို့ အလည်အပတ် ရောက်သည့်အခါ အနားယူ တည်းခိုသည့် အဆောက်အအုံ၌ ရုံးခန်းဖွင့်လှစ် ထားခြင်းဖြစ်၍ စကော့တလန်ယာဒ် – Scotland Yard ဟု အမည်တွင်ခဲ့ခြင်း သာဖြစ်သည်။

ယခုလပိုင်းအတွင်း ကိန်းဘရစ် တက္ကသိုလ်မှ သမိုင်းပညာရှင် Christopher Andrew ပြုစုသော The Defence of the Realm-The Arthorized History of MI5 အမည်ရှိ ဗြိတိသျှတို့ ၏လျှို့ဝှက်သတင်း ထောက်လှမ်းရေး နှင့် လုံခြုံရေးအဖွဲ့ နှစ် ၁ဝဝ ပြည့် အထိမ်းအမှတ်စာအုပ်ထုတ်ဝေခဲ့သည်။

သမိုင်းပညာရှင်က စာအုပ်အဖွင့်၌ သူကိုယ်တိုင် ဝန်ခံထားသည်မှာ ဤစာအုပ်သည် ထောက်လှမ်းရေး သမိုင်းစာအုပ် မဟုတ်သော်လည်း အာဏာပိုင်တို့၏ တရားဝင် အသိအမှတ်ပြု ခံထားပြီးသည့် သမိုင်းမှတ်တမ်း ဖြစ်သည် ဆိုသည်။

ကျမ်းပြုသူ Christopher Andrew  အား လျှို့ဝှက်သတင်း ထောက်လှမ်းရေး လုပ်ငန်း မှတ်တမ်းများ၊ စာရွက်စာတမ်းများကို တရားဝင်ကြည့်ရှုခွင့်ပေးခဲ့သည်။ သီးသန့်ရွေးချယ် ထားသော MI5 အဖွဲ့ဝင်အချို့အား ၄င်းတို့၏ ကိုယ်ရေးကိုယ်တာ ကိစ္စ၊ လူပုဂ္ဂိုလ်တစ်ဦး၏ အတွင်းရေးမဟုတ်သော ကိစ္စများမှအပ ပညာရပ်ဆိုင်ရာ မေးခွန်းများကို မေးခွင့်ပေးခဲ့သည်။ အဖြေများကိုလည်း ထုတ်ပြန်သုံးစွဲခွင့် ပြုခဲ့သည်။

ထို့ပြင် သုတေသီ Andrew သည် သမိုင်းပညာရှင် တစ်ယောက်ပီပီ သမိုင်းတွင် ပြဿနာ ဖြစ်နိုင်သော အရှုပ်အထွေးများ ရှင်းလင်းသွားစေရန် သမိုင်း အထောက်အထား စာရွက်စာတမ်း လေးသိန်းခန့်ကိုလည်း ဖတ်ရှု လေ့လာခဲ့သည်။ သိလိုသည်များကို ဖြေရှင်းရန်နှင့် ငြင်းချက်ထုတ်ခွင့်လည်း ပေးခဲ့သည်။ သတင်းထောက်လှမ်း ရေးလုပ်ငန်းသည် အလွန်သတိ ကြီးစွာထားရမည့် အကြောင်းအရာ ဖြစ်သည့်အပြင် ဗြိတိန်နိုင်ငံ၏ လုံခြုံရေးနှင့် ထောက်လှမ်းရေးဆိုင်ရာ ကိစ္စဖြစ်၍ ပညာရပ်ဆိုင်ရာ ချဉ်းကပ်လေ့လာမှုထက် မပိုရန်၊ မည်သို့သော ထိပ်တိုက် ရင်ဆိုင်တွေ့မှုမျိုးကိုဖြစ်စေ ရှောင်ရှားခဲ့သည်။ ထို့ပြင် ထိုလုပ်ငန်း အတွင်းသို့ဝင် ရောက်စွက်ဖက်မှုမျိုးလည်း မဖြစ်စေရန်။ ထိုလုပ်ငန်း တစ်စုံတစ်ရာ ထိခိုက်မသွား စေရန်လည်း သတိကြီးစွာ ထားခဲ့သည်။ ပညာရှင်တစ်ယောက် စောင့်စည်းရမည့်၊ လိုက်နာရမည့် ကျင့်ဝတ်မှန်သမျှ Andrew လက်ခံလိုက်နာခဲ့သည်။ တစ်စုံတစ်ရာ ဖောက်ဖျက်ခဲ့ခြင်း မရှိခဲ့ပေ။

MI 5 သမိုင်းကြောင်း
ကုန်လွန်ခဲ့သည့် ဆယ်စုနှစ် သုံးခုအတွင်း ဗြိတိသျှ သတင်းထောက် လှမ်းရေး MI 5 သည် အရာရာ၌ ပွင့် ပွင့်လင်းလင်း သဘောထားသည်။ အထူးသဖြင့် သတင်းမီဒီယာများနှင့် ပတ်သက်လာလျှင် လျှို့ဝှက်မှုများ၊ ဖုံး ကွယ်မှုများကို ရှောင်ရှားခဲ့သည်။

ယင်းသို့သော အပြုအမူသည် MI5 အဖွဲ့၏ ညီနောင်အဖွဲ့အစည်းတစ် ခုဖြစ်သော လျှို့ဝှက်သတင်းထောက် လှမ်းရေးအဖွဲ့ MI6 နှင့် လုံးဝ ဆန့်ကျင် ကွဲပြားနေပါ၏။

ဗြိတိန်အစိုးရသည် MI6 ကဲ့သို့ သောအဖွဲ့အစည်းမျိုး မိမိနိုင်ငံ၌ မရှိ ပါဟုပင် ပြောင်ပြောင်တင်းတင်း ငြင်း ဆိုတတ်သည်။ သို့သော် ကမ္ဘာက MI6 အဖွဲ့ရှိနေကြောင်း သိထားပြီးဖြစ် သည်။

Andrew ၏ အဓိက လုပ်ငန်း မှာ MI5 အဖွဲ့သည် သတင်းထောက် လှမ်းရေးလှုပ်ရှားမှုများကို မည်သို့ ဆောင်ရွက်တတ်ကြောင်း လေ့လာရန် သာဖြစ်သည်။

Andrew ကိုယ်တိုင်က MI5 အဖွဲ့ သည် တန်ပြန်ထောက်လှမ်းရေး လုပ်ငန်း၊ တန်ပြန် အကြမ်းဖက် အဖွဲ့အစည်းများနှိမ်နင်းရေးလုပ်ငန်း များနှင့် ပတ်သက်လျှင် ကမ္ဘာပေါ် တွင် အကောင်းဆုံးအဖွဲ့ဖြစ်သည်ဟု ရှင်းရှင်းလင်းလင်း တင်ပြထားသည်။

ယင်းသို့ ကောက်ချက်ချခဲ့ခြင်းနှင့် ပတ်သက်၍ ကမ္ဘာပေါ်ရှိ အခြားသော ထောက်လှမ်းရေး အဖွဲ့အစည်းများ၊ ထိုအဖွဲ့အသီးသီးမှ အကြီးအကဲ တာဝန်ရှိသူများ၊ သမိုင်းပညာရှင်များ အားလုံးလိုလိုကလည်း သံသယမရှိ လက်ခံထားကြသည်။ ဗြိတိသျှတုိ့၏ ထိုမျှခမ်းနားထည်ဝါသော အသင်း အဖွဲ့ကြီး တည်ထောင်ဖွဲ့စည်း ပေါ်ပေါက်လာပုံကမူ အလွန်ရိုးစင်းသည်။ ပမာအားဖြင့် ယင်းအဖွဲ့ကို တည်ထောင် သူမှာ ဗြိတိသျှ တော်ဝင်ရေတပ်မှ ဗိုလ်မှူးကြီး ဗာနွန်ကယ်- Captain Vernon Kell ဖြစ်ပြီး ၁၉၁ဝ ခု၊ မတ်လ၌ စတင်ဖွဲ့စည်းသည်။ Andrew ၏ နောက်ကြောင်းပြန် လေ့လာမှုအရ ပထမကမ္ဘာစစ် စတင်ဖြစ်ပွားသည့် ၁၉၁၄ ခုနှစ်တွင် လှုပ်ရှားမှု အစပြုခဲ့သည်ဟု ဆိုသည်။ ထိုအချိန်မှစ၍ MI5 ၏အသုံးစရိတ်ကို ဘတ်ဂျက်ငွေ စာရင်း၌ဖော်ပြထားသည်ကိုတွေ့ရ သည်။

MI5 ၏လုပ်ငန်းများကို စတင် ဆောင်ရွက်စဉ်က တည်ထောင်သူ Kell အပါအဝင် ဝန်ထမ်း ၁၇ ဦးသာ ရှိ၏။ ခြောက်ဦးမှာ စာရေးဝန်ထမ်း၊ တစ်ဦးမှာ ရုံးစောင့်များဖြစ်ကြပြီး ထောက်လှမ်းရေးသမား ဆယ်ဦးနှင့် သာလှုပ်ရှားခဲ့သည်။

ယင်းသို့ လူအင်အား နည်းပါးသော်လည်း စစ်အတွင်းကာလ ဗြိတိန် နိုင်ငံရှိ ဂျာမန်သူလျှိုများကို အသေအချာ စောင့်ကြည့်နိုင်ခဲ့သည်။ တင်းမာ လွန်းသော ဂျာမန်သူလျှို တာဝန်ခံများနှင့် ဆန့်ကျင်စွာ ပျော့ပျောင်းနူးညံ့ သောဆက်ဆံမှုနှင့် ဂျာမန်သူလျှိုများ ကိုပင် မိမိဘက်ပါလာအောင် စည်းရုံး သိမ်းသွင်းနိုင်ခဲ့သည်။ သို့နှင့် နှစ်ဘက်လွှ Double Cross သတင်းသမားများ မွေးထုတ်နိုင်ခဲ့၏။

ယင်းအချက်အတွက် အထောက်အထားအဖြစ် သုတေသီ Andrew က ဂျာမန်သူလျှိုတစ်ဖြစ်လဲ MI5 အေးဂျင့် Garbo (Juan Pujol) နှင့် သူ့မိတ်ဆွေ MI5 ထောက်လှမ်းရေး သမားဟောင်း သောမတ်ဟဲရစ္စ – Tomas Harris တို့ နှစ်ဦး၏ လှုပ်ရှားဆောင်ရွက်ပုံကို အတိ အကျဖော်ပြခဲ့သည်။

လန်ဒန်အခြေစိုက် စပိန်သံတမန် တစ်ဦးဖြစ်သူ Angel Alcazar De Velasco ၏ ဘဝဇာတ်ကြောင်း ကိုလည်း MI5 မှတ်တမ်းဖိုင်များ၌ တွေ့ရသည်။ သူသည်လည်း နှစ်ဘက်လွှ သတင်းသမားဖြစ်သည်။ ဂျာမန်တို့အတွက် သာမက ဂျပန်နိုင်ငံ အတွက်လည်း ထိုစပိန်သံတမန်က သတင်းများ ပေးပို့နိုင်ခဲ့သည်။

MI5  သည် ဂျာမန် သံတမန် Wolfgang Zu Putlitz ကိုလည်း မိမိဘက် ပါလာအောင် စည်းရုံးနိုင်ခဲ့သည်။ လန်ဒန်အခြေစိုက် ဂျာမန်သတင်း သမား Jona Ustinov သည်လည်း MI 5 ၏ သတင်းပေး အေးဂျင့်ဖြစ်လာခဲ့သည်။

သို့သော် ဗြိတိသျှတို့၏ သတင်း ထောက်လှမ်းရေး အဖွဲ့အတွင်း၌ မပြေလည်မှုက ရှိနေခဲ့သည်။ MI5 အဖွဲ့နှင့် နိုင်ငံရေး ပါတီကြီး တစ်ခုဖြစ်သော လေဘာပါတီတို့ မသင့်မြတ်ဟု Andrew ကဆိုသည်။

MI5 ၏ ခံယူချက် သဘောတရားသည် ကွန်ဆာဗေးတစ်- Conservative ပါတီ၏အမြင်ကို ကိုယ်စားပြု တတ်ကြသည်။ ရှင်းလင်းစွာ ဆိုရလျှင် လက်ယာစွန်းသမားများဖြစ်သည်။

နိုင်ငံရေး သဘောတရား မတူသည့်အတွက် MI5  နှင့် လေဘာပါတီ ဆက်ဆံရေးသည် အခြေအနေ မကောင်းခဲ့ပေ။ အထူးသဖြင့် ၁၉၆ဝ ခုနှစ်များနှင့် ၁၉၇ဝ ခုနှစ်များ၌ဖြစ်၏။

ဗြိတိန်နိုင်ငံရေး သမားများသာ မက ပြည်သူများကပင် လေဘာပါ တီခေါင်းဆောင်များကို အရောင် ပြောင်းထားသော ကွန်မြူနစ်များဟု ယူဆကြလေ့ရှိသည်။

ဒုတိယ အချက်မှာ ဗြိတိန်နိုင်ငံ၌ ထူးခြားသော ပုဂ္ဂိုလ်ငါးဦး ပေါ် ခဲ့သည်။ Kim Philby, Guy Burgess, Donald Maclean, Anthony Blunt နှင့် John Cairn Cross တို့ဖြစ်သည်။ ထိုသူများ အားလုံးသည် ဗြိတိန်နိုင်ငံ သားဖြစ်ပါလျက် ဆိုဗီယက်ထောက် လှမ်းရေး KGB အဖွဲ့ဝင် သူလျှိုများ အဖြစ် ပေါ်ပေါက်လာကြ၍ ဖြစ်သည်။

ပို၍ ထူးခြားသည်မှာ ထိုသူအားလုံးမှာ ဗြိတိန်နိုင်ငံ၏ နာမည်ကျော် ကိန်းဘရစ် Cambridge တက္ကသိုလ်ထွက် ပညာတတ်များ ဖြစ်နေသည်။ သူတို့သည် ဗြိတိန်နိုင်ငံ၏ အလွှာ အသီးသီးသို့ ထိုးဖောက်ဝင်ရောက် ကာ KGB သို့ သတင်းပေးခဲ့သူများ ဖြစ်နေသည်။

ဗြိတိန်လေဘာပါတီ ဝန်ကြီးချုပ် ဟားရိုးဝီလ်ဆင် – Harold Wilson ရာထူးရလာသည့်အခါ MI 5 အဖွဲ့နှင့် မပြေလည်မှုမှာ ပို၍ဆိုးရွားလာခဲ့၏။

ဝန်ကြီးချုပ်က သူ့အရင်းနှီးဆုံး မိတ်ဆွေတစ်ဦးနှင့် နှစ်ကိုယ်ကြား စကားပြောရင်း ”အခုတို့ စကားပြောနေတာ ကြားနေတာ မင်းနဲ့ငါအပြင် နောက် တစ်ယောက် ရှိတယ်။ အဲဒါ MI 5 ပဲ” ဟု ဆိုဖူးသည်။

သုတေသီ Andrew ၏ စာအုပ်သည် သူလျှိုလုပ်ငန်း တစ်ခု၏ စ၊ လယ်၊ ဆုံး ဖြစ်ရပ်များစွာ ပါဝင်နေ သည်ဟုဆိုနိုင်ပါ၏။

CIA ဗဟိုထောက်လှမ်းရေးအေဂျင်စီ
အမေရိကန် နိုင်ငံ၏ ဗဟိုထောက်လှမ်းရေး အေဂျင်စီ- CIA ကို ၁၉၄၇ ခုနှစ်၌ စတင်ဖွဲ့စည်းခဲ့သည်။ စဦးရည်ရွယ်ချက်မှာ သတင်းအချက် အလက်များ စုဆောင်းခြင်း၊ နိုင်ငံတော် လုံခြုံရေးတွက် လျှို့ဝှက်ကိစ္စများ ဆောင်ရွက်ခြင်း တို့အတွက်မျှသာ ဖြစ်ပါ၏။

သတင်း စုဆောင်းခြင်းဟူသည် ထောက်လှမ်းရေး လုပ်ခြင်း၏ အခြားသော အမည်တစ်ခုပင် ဖြစ်သည်။ ထို့ကြောင့် ၂ဝဝ၄ ခုနှစ်အထိ စီအိုင်အေ၏ ညွှန်ကြားရေးမှူးသည် သတင်းထောက်လှမ်းရေးနှင့် ပတ်သက်သမျှ ကိစ္စအဝဝကို တာဝန်ယူရသည်။ တာဝန်ခံရသည်။

အမေရိကန် တစ်နိုင်ငံလုံးရှိ ထောက်လှမ်းရေး အဖွဲ့အစည်းများထံမှ သတင်းအချက် အလက်များကို စုဆောင်းရသည်။ ပမာအားဖြင့် ကာကွယ်ရေး ထောက်လှမ်းရေး အေဂျင်စီ -Defence Intelligence Agency – DIA နှင့် အမျိုးသား လုံခြုံရေး အေဂျင်စီ-National Security Agcency -NSA တို့ထံမှ သတင်းများကိုပါ စီအိုင် အေကစုဆောင်းကာ ခွဲခြမ်းစိတ်ဖြာ ခြင်း၊ ကြိုတင်ခန့်မှန်းချက်၊ တွေးဆချက်များ ထုတ်ပြန်ခြင်း၊ အခြေအနေ ထူးခြားလျှင် သမ္မတနှင့် သမ္မတ၏ အကြံပေး ပုဂ္ဂိုလ်များထံ တင်ပြခြင်း စသည့် တာဝန်များကို ထမ်းဆောင်ရသည်။

အထက်ပါလုပ်ငန်းစဉ်ကို ၂ဝဝ၄ ခုနှစ်၌ရပ်ဆိုင်းခဲ့သည်။ ထောက်လှမ်း ရေးလုပ်ထုံးပြင်ဆင်ရေးနှင့် အကြမ်းဖက်မှု ကာကွယ်ရေး ဥပဒေထွက်ပေါ် လာသောကြောင့်ဖြစ်သည်။ ၁၉၄၇ ခုနှစ် အမျိုးသားလုံခြုံရေးဥပဒေတစ် နေရာ၌ အထက်ပါပြင်ဆင်ချက်ဥပဒေ ဖြင့် အစားထိုးခဲ့သည်။

ဥပဒေသစ်အရ အမျိုးသား ထောက်လှမ်းရေး ညွှန်ကြားရေးမှူး
-Director of National Intelligence အသစ်တစ်ဦး ခန့်အပ်ပြီး နိုင်ငံအတွင်းရှိ စီအိုင်အေ အပါအဝင် အခြားထောက် လှမ်းရေးအေဂျင်စီ ၁၅ ခုတို့မှ ရရှိသည့် သတင်းအချက် အလက်များကို စုစည်းကာ လေ့လာသုံးသပ်မှု ပြုလုပ်ရသည်။ အမေရိကန်နိုင်ငံ၏ ပထမဦးဆုံး အမျိုးသား ထောက်လှမ်းရေး ညွှန်ကြားရေးမှူးမှာ ဂျွန်နီးဂရိုးပွန်တီ – John negroponte ဖြစ်သည်။

သတင်းစုဆောင်းမှုနှင့် အရည်အသွေး
ကမ္ဘာတစ်ခုလုံး၌ ဖြန့်ကြက် တာဝန်ပေးထားသော ဒေသဆိုင်ရာ တာဝန်ခံများသည် ရသမျှသတင်းများကို အမေရိကသို့ ပေးပို့ရသည်။ ဒေသအလိုက်၊ နိုင်ငံအလိုက် တာဝန်ခံများ နှင့် အမှုထမ်းများခန့်အပ်ထားသည်။

ဒေသခံ တာဝန်ခံများသည် သက်ဆိုင်ရာ နိုင်ငံ၏ ဘာသာရေး၊ ယဉ်ကျေးမှု၊ ထုံးတမ်းစဉ်လာများကို နှံ့စပ်ကျွမ်းဝင် နားလည်ထားရသည်။ ဒေသခံ ဘာသာစကားကိုလည်း တတ်မြောက်ထားရသည်။ သို့မှ ရရှိသည့် သတင်းများ မှန်ကန်မှုရှိ မရှိ စစ်ဆေး နိုင်မည်။

အချို့သော ကိစ္စ၌ သတင်းယူရင်း လူပုဂ္ဂိုလ်တစ်ဦး သို့မဟုတ် လူတစ်စု၏ အသက်ကိုပါ ကယ်ရသည့် အဖြစ်မျိုးနှင့်လည်း ကြုံတတ်သည်။ အချို့သောကိစ္စ၌ မိမိတို့လူ ဖြစ်နေသော်လည်း မျက်နှာလွှဲခဲ့ရသည့် အကြိမ်များ လည်းရှိသည်။

၁၉၅၉ နှင့် ၁၉၆ဝ ခုနှစ်အတွင်း ဆိုဗီယက်ဆိုရှယ်လစ်သမ္မတနိုင်ငံ USSR မှ ဒုတိယ ဗိုလ်ချုပ်ကြီး ပြိုတာ ဆီမီယိုနိုဗစ် ပိုပေါ့ -Pyotr Semyo-novich Popov က စီအိုင်အေအဖွဲ့သို့ USSR ၏ ဒုံးခွင်းလက်နက်များနှင့် ပတ်သက်သည့် အလွန်အရေးကြီးသော သတင်းများ ပေးပို့ခဲ့သည်။

သတင်းထောက်လှမ်းရေး လုပ်ငန်းသည် မိမိတို့က တစ်ဘက်ထဲသို့ ဝင်သကဲ့သို့ သူတို့ဘက်ကလည်း မိမိတို့ဘက်သို့ ပုံစံအမျိုးမျိုးနှင့်ဝင်မည် ဖြစ်သည်။

၁၉၉၄ ခုနှစ်တွင် စီအိုင်အေ အဖွဲ့၏ တန်ပြန်ထောက်လှမ်းရေး ဒေသတာဝန်ခံ Al-drich Ames အဖမ်းခံခဲ့ရသည်။ သူကျူးလွန်ခဲ့သည့် ပြစ်မှုမှာ ဆိုဗီယက် ယူနီယံသို့ လျှို့ဝှက်သတင်းများ မှတ်တမ်းများ ရောင်းစားခဲ့မှု ဖြစ်သည်။ သူ့ အမှုကို စစ်ဆေးပြီး ထောင်ဒဏ်တစ် သက်ချခဲ့ရသည်။

လောလောဆယ် ဖြစ်ရပ်များ
၂ဝ၁ဝ၊ ဇွန်လ ၂၈ ရက်နေ့၌ အမေရိကန် တရားရေးဌာန လက်အောက်ရှိ FBI ဌာနခွဲက သတင်း ထုတ်ပြန်ခဲ့သည်။ တန်ပြန်ထောက်လှမ်းရေး ဌာန၏ တွေ့ရှိချက်များအရ တိုင်းတစ်ပါးအတွက် သူလျှိုလုပ်ပေး နေသူဟု သံသယ ရှိသည့် လူဆယ်ဦးကို ဇွန်လ ၂၇ ရက်နေ့တွင် ဖော်ထုတ်ဖမ်းဆီး ခဲ့ခြင်းဖြစ်သည်။

ဇွန်လ ၂၈ ရက်နေ့တွင် သံသယရှိသူ ဆယ်ဦးထဲမှ ငါးဦးကို မန်ဟက်တန်ရပ်ကွက် ဒေသဆိုင်ရာ တရားရုံး၌ လည်းကောင်း၊ သုံးဦးကို ဗာဂျီးနီးယား ပြည်နယ် အလက် ဇန္ဒရီးယား တရားရုံး၌လည်းကောင်း၊ နှစ်ဦးကို ဘော့စတွန် တရားရုံး၌လည်းကောင်း ရုံးတင်စစ်ဆေးခဲ့သည်။

၁၁ ဦးမြောက်ပုဂ္ဂိုလ်ကို ဇွန် လ ၂၉ ရက်နေ့၌ ဆိုက်ပရပ်နိုင်ငံတွင် ဖမ်းဆီးရမိခဲ့ပြီး အာမခံနှင့် လွှတ်ပေးခဲ့သည်ဆိုသော သတင်းများ ထွက်ပေါ်လာသည်။

အမေရိကန်နိုင်ငံ သမိုင်းတွင် သူလျှိုဟု သံသယရှိသူ အများအပြားကို ဖော်ထုတ် အရေးယူ နိုင်ခဲ့ခြင်းမှာ ယခု အကြိမ်သည် ပထမဦးဆုံးဖြစ်သည်။ FBI ၏ တွေ့ရှိချက်အရ အချို့သော ပုဂ္ဂိုလ်များ သူလျှိုလုပ်နေသည်မှာ ဆယ်နှစ်ခန့်ပင် ကြာပြီဟုဆိုသည်။ ဖော်ထုတ်ဖမ်းမိ ခဲ့သူများ၏ လုပ်ရပ်အချို့ကို အောက်တွင် အကျဉ်းမျှဖော်ပြ လိုက်ပါသည်။

Christopher Mettosos
ကနေဒါနိုင်ငံသားဟုဆိုသည်။ နယူးယောက်မြို့ရှိ ကုလသမဂ္ဂဆိုင်ရာ ရုရှားသံတမန် အဖွဲ့နှင့် ယခု အဖမ်းချွံ R Murphy, C. Murphy, M.Zottoli နှင့် P. Mills တို့အား ဆက်သွယ်ပေးခဲ့ သည်။ ကနေဒါ နိုင်ငံသို့ မကြာခဏ ခရီးထွက်သည်။

၂ဝဝ၁ ခုနှစ်မှ ၂ဝဝ၅ ခုကြား R. Murphy နှင့် နယူးယောက် စားသောက်ဆိုင် တစ်ခု၌ လေးကြိမ် တွေ့ဆုံခဲ့သည်။

၂ဝဝ၁ ခုနှစ်မှစ၍ ယခုသံသယ ရှိသူများနှင့် တွေ့ဆုံခဲ့သည့် အထောက် အထားများရှိသည်။

အမေရိကန်နိုင်ငံမှ ဇွန် ၁၇ ရက် တွင် ထွက်ခွာကာ ဆိုက်ပရပ်ကျွန်း နိုင်ငံ၌ ဇွန် ၂၉ ရက်နေ့၌ အဖမ်းခံ ခဲ့ရပြီး အာမခံနှင့်လွှတ်ပေးထားသည်။

R.Murphy နှင့် C.Murphy
အမေရိကန်နိုင်ငံ၌ လက်ထပ် ကြပြီး နိုင်ငံသားအဖြစ် ခံယူထား ကြသည်။

၂ဝဝ၁ ခုနှစ်၌ သံသယရှိသူ Mettosos နှင့်တွေ့ဆုံသည်။ ရုရှား သံတမန် တတိယ အဆင့်ရှိသူနှင့်လည်း တွေ့ဆုံသည်။

အာမာဖီ၏ ဘဏ်အာမခံ သေတ္တာတွင် တွေ့ရသော မွေးစာရင်းအရ အမေရိကန်နိုင်ငံ ဖီလ်ဒဲဖီးယား ပြည်နယ်၌ မွေးဖွားခဲ့သည့် အထောက် အထားကို တွေ့ရသည်။ သို့သော် ပြည် နယ်မှတ်တမ်းများ၌ ယင်းအထောက် အထားမရှိပေ။

ရုရှားနိုင်ငံ မော်စကိုနှင့် အွန် လိုင်းဆက်သွယ်မှုများရှိနေသည်။

၂ဝ၁ဝ ခုနှစ်၊ ဖေဖော်ဝါရီလ တွင် အီတလီမှ တစ်ဆင့် မော်စကို သို့သွားခဲ့သည်။

M.Zottoli နှင့် P.Mills
ဇော့တိုလီက အမေရိကန်နိုင်ငံ သားဖြစ်ပြီး မီးလ်စ်က ကနေဒါနိုင်ငံ သူဟုဆိုကြသည်။ ၂ဝဝ၄ ခုနှစ်တွင် ယခုအဖမ်းခံရသူ အာမာဖီနှင့် ပထမ ဦးဆုံးတွေ့ဆုံခဲ့သည်။ မော်စကိုနှင့် အွန်လိုင်းဆက်သွယ်မှုရှိသည်။

J.Lazaro နှင့် V. Pelaez

ပီရူးနှင့် ဥရုဂွေး၌ မွေးဖွားခဲ့သူ များဟုဆိုသည်။

၂ဝဝဝ ပြည့်နှစ်၊ ဇန်နဝါရီလ ၌ တောင်အမေရိက နိုင်ငံတစ်ခု၌ အဖမ်းခံခဲ့ရသူများနှင့် ပထမဦးဆုံး တွေ့ဆုံခဲ့သည်။

လာဇရိုသည် ရုရှား သံတမန် တစ်ဦးနှင့် တောင်အမရိက နိုင်ငံတစ်ခု၌ တွေ့ဆုံခဲ့သည်။ ဖမ်းမိချိန်ထိ အဆက်အသွယ် ရှိသည်။

Anna Chapman
၂ဝ၁ဝ ခုနှစ်၊ ဇန်နဝါရီလ၊ မန်ဟက်တန် ရပ်ကွက်၌ စတင်တွေ့ရှိ သည်။ ကုလသမဂ္ဂ ရုရှားသံတမန် အဖွဲ့နှင့် ဗုဒ္ဓဟူးနေ့တိုင်း အထင်ကရ ဆက်သွယ်ခဲ့သည်။ သူနှင့် ဆက်သွယ်နေသည့် ရုရှားသံတမန်ကပေးသော နိုင်ငံကူးလက်မှတ်၌ FBI အေးဂျင့် တစ်ဦးဟု ဖော်ပြထားသည်။ ဇွန်လ ၂၆ ရက်နေ့၌ ယင်း Passport ရပြီး နောက်တစ်နေ့၌ အဖမ်းခံခဲ့ရသည်။ နိုင်ငံကူး လက်မှတ်မှာ အတုဖြစ်နေ သည်။

Michail Semenko
၂ဝ၁ဝ ခု၊ ဇွန်လ ဝါရှင်တန်မြို့၌ ရာဇဝတ်မှု ကျူးလွန်ကြောင်း သံသယ ရှိဖွယ်တွေ့ရသည်ဟု သတင်း များထွက်ပေါ်လာသည်။

ရုရှား ထောက်လှမ်းရေး လုပ်ငန်း SVR နှင့် အဆက်အသွယ်ရှိသည်။ အမည်ဝှက်ဖြင့် ဗဟို၏ ညွှန်ကြားချက်၊ သင်တန်းပေးမှုများကို လက်ခံရယူပြီး FBI အေးဂျင့်အဖြစ် အရေခြုံထားသူ ဖြစ်သည်။

လစာငွေ US$ ၅ဝဝဝ ရရှိသည်။ FBI အေးဂျင့်ဟု အမည်ခံ ထားသော်လည်း ရုရှားသံတမန် တစ်ဦးအနေနှင့် ဝါရှင်တန်တွင်နေထိုင်ကာ လုပ်ငန်း များဆောင်ရွက်သည်။

ရုရှားသူလျှို ကွန်ရက်၏ လှုပ်ရှားမှု
FBI ၏အဆိုအရ အထက်ဖော်ပြပါ ပုဂ္ဂိုလ်အများစုသည် ၁၉၉ဝ ခုနှစ် ကာလများ ကတည်းက အမေရိကသို့ ရောက်ရှိလာခဲ့ပြီး လျှို့ဝှက်အေးဂျင့် များဖြစ်နေခဲ့ကြသည်။ ခြွင်းချက် အနေနှင့် အန်နာချက်ပ်မန် တစ်ဦးသာ ၂ဝဝ၉ ခုနှစ်နောက်ပိုင်းမှ အမေရိက သို့ရောက်လာခဲ့သည်။

အထက်ပါ ပုဂ္ဂိုလ်များထဲမှ ကိုးဦးသည် စာရွက်စာတမ်းအတုများ ကိုင်ဆောင်ထားကြသည်။ အချို့၏ ကလေးဘဝ ဓာတ်ပုံများမှာလည်း အတုများပင် ဖြစ်နေသည်။
ချက်ပ်မန်နှင့် ဆီမင်ကိုတို့ နှစ်ဦး ကိုသာ ရုရှားနိုင်ငံသားများ အဖြစ် ဖော်ပြထားသည်။

အခြား သံသယရှိသူ အများအပြားမှာ မည်သည့်နိုင်ငံသားများဟု ဖော်ထုတ်နိုင်ခြင်း မရှိသေးပေ။ သို့သော်ရာဇဝတ်မှု အထောက်အထား များအရ ရုရှားနိုင်ငံသားများဟု FBI ကဆိုသည်။

FBI ၏ တွေ့ရှိချက်၌ အာမာ ဖီနှင့် စီမာဖီ ဇနီးမောင်နှံ၊ လာဇရိုနှင့် ပီမီးလ်စ်ဇနီးမောင်နှံအတွဲနှစ်တွဲမှာ လုပ်ငန်းသဘောအရ ထဲထဲဝင်ဝင် စူးစူးနစ်နစ် ရောက်ရှိနေသည့် အထောက်အထားများ တွေ့ရသည်ဟု ဆိုသည်။ ထိုစုံတွဲများနှင့် မကြာမီကမှ အမေရိကသို့ ရောက်ရှိလာသော ချက်ပ်မန်နှင့် ဆီမင်တို့ အဆက်အသွယ်မရှိ။ တစ်ဦးကို တစ်ဦးပင် မသိကြဟု ဆို၏။

ယင်းသို့သော အထောက်အထား များအရ သူတို့အားလုံးသည် ကွန်ရက်တစ်ခုတည်းက မဟုတ်ဘဲ အခြား သူလျှိုကွန်ရက် တစ်ခုမှလည်း ဖြစ်နိုင်သည်ဟုဆိုသည်။

ယင်းသူလျှိုများနှင့် ပတ်သက်၍ FBI က အထောက်အထားများ နှင့်တကွ ဖော်ထုတ်နိုင်ခဲ့ခြင်းမှာ ၁၉၉၇ ခုနှစ်မှ ၂ဝဝဝ ပြည့်နှစ်အထိ ကုလသမဂ္ဂ၌ တာဝန်ထမ်းဆောင် ခဲ့ဖူးသူ ရုရှားနိုင်ငံသား ဆာဂျီထရာ ယာကော့ Sergei Tretyakov ၏ သတင်းပေးမှု ကြောင့်ဖြစ်သည်။ ဆာဂျီသည် ၂ဝဝဝ ပြည့်နှစ်တွင် အမေရိကန် နိုင်ငံ၌ ခိုလုံခဲ့သည်။

သူလျှိုလုပ်ငန်း ပြန်လည်သုံးသပ်မှု
(တက္ကဆက် အခြေစိုက် ပထဝီ နိုင်ငံရေးဆိုင်ရာ ထောက်လှမ်းရေး လုပ်ငန်းတစ်ခုဖြစ်သော STRATFOR ၏ သုံးသပ်ချက်ဖြစ်သည်။ ရေးသားသူမှာ George Friedman ဖြစ်၏)

ရုရှားသူလျှိုများကို အုပ်စုလိုက် ဖမ်းမိပြီးနောက် ရုရှားတွင် သူလျှိုမှုဖြင့် ဖမ်းဆီးခံနေရသူ အမေရိကန်သား လေးဦးနှင့် အလဲအလှယ် ပြုလုပ်ခဲ့ သည်။

ထိုဖြစ်ရပ်ကို သုံးသပ်ပြီး သတင်းမီဒီယာများက မိမိတို့ ရှုထောင့်အလိုက် သုံးသပ်ခဲ့ကြသည်။

ထိုအခါ အုပ်စု သုံးခု နောက်အကြောင်းသုံးခုကို ကွဲပြားစွာ တွေ့ရသည်ဆို၏။

ပထမအုပ်စုက စစ်အေးကာလ ပြန်လည်ရောက်ရှိလာပြီဟု ယူဆကြသည်။

ဒုတိယ အုပ်စုက စစ်အေးကာ လပြီးဆုံးသွားသော်လည်း ထောက်လှမ်းရေး ကွန်ရက်များ ဆက်လက် လှုပ်ရှားနေမှုအပေါ် သံသယ ဝင်နေကြ သည်။

တတိယ အုပ်စုမှာ ရုရှားတို့၏ သူလျှိုကွန်ရက်သည် ရည်ရွယ်ချက် များစွာနှင့် ဖွဲ့စည်းထားပုံရသည်။ ပေါ်ပေါ်ထင်ထင် လှုပ်ရှားသည်။ ရှေးကျသော ပုံစံတွေ့ဆုံမှုများ အဘယ့်ကြောင့် ပြုလုပ်ရသနည်းဟု သံသယ ဝင်နေကြသည်။

အထက်ပါမေးခွန်းများ အတွက် STRATFOR အဖွဲ့က အဖြေထုတ် ပေးခဲ့သည်။

သူတို့ပေးသည့်အဖြေမှာ ယခုအခါ ရှေးယခင်ကလို နိုင်ငံတစ်ခုဟူ၍ သီးသီးသန့်သန့်ခွဲခြားမရတော့။ နိုင်ငံများ၊ ဒေသများ၊ တိုက်ကြီးများသည် တစ်ခုနှင့်တစ်ခုအပြန်အလှန်ဆက်နွယ် သွားကြပြီဖြစ်သည်။ ထိုသို့သောအခြေ အနေဖြစ်လာသည့်အတွက် ကောင်း သည့်ရလဒ်များရှိသလို မကောင်း သည့်ရလဒ်များလည်းရှိသည်။

သို့အတွက် မိမိတို့နှင့် ဆက်ဆံ နေရသည့်နိုင်ငံများအချင်းချင်း တစ်ဦးကို တစ်ဦးကသိရှိရန် ပို၍ အရေး ကြီးလာသည်။ ယင်းသို့ သိရှိရခြင်း သည် မိမိတုိ့နိုင်ငံ သက်ရှင်ရပ်တည် ရေးအတွက်ဖြစ်သည်။ နိုင်ငံတိုင်း ထို ရပ်တည်ရေးအတွက် ဆောင်ရွက်ကြ ရသည်။

ထိုအခါ အခြေခံအချက် သုံးချက်ပေါ်ထွက်လာသည်ဟု ယင်းအဖွဲ့က ထောက်ပြသည်။ ယင်းအချက် သုံးချက်သည် ကူးလူးဆက်ဆံမှု ရှိနေသော နိုင်ငံများ အတွက်ပို၍ အရေးကြီးသည်။

ပထမအချက် ။ ။ အခြားသော နိုင်ငံများသည် မည်ကဲ့သို့သော စွမ်းရည်အရည်အသွေးနှင့် ဆောင်ရွက် လုပ်ကိုင်နေကြသနည်း ဆိုသည့် အချက်ကို သိထားပါမှ တော်ကာကျမည် ဖြစ် သည်။

အထက်ပါ အချက်၌ စစ်ရေး၊ စီးပွားရေး၊ နိုင်ငံရေးများ အားလုံးပါဝင်သည်။ ထိုအချက်များကို သိထားမှသာ ယင်းနိုင်ငံများသည် အကျဉ်း အကျပ်တွေ့လာသည့်အခါ အဖြစ်နိုင် ဆုံးနည်းကိုရှာ၍ ဖြေရှင်းနိုင်မည်သည်။ သူတို့၏ ထူးဆန်းထွေလာ ပြုမှုများသည် သူတို့၏လှုပ်ရှားမှု စွမ်းရည်များပင် ဖြစ်သည်။

ဒုတိယအချက်။ ။ အခြားသော နိုင်ငံများ၏ ရည်ရွယ်ချက်နှင့် အကောင်အထည်ဖော် လုပ်ဆောင်နေမှု ကိုလည်း သိထားရန်လိုအပ်သည်။ ယင်း အချက်သည် နိုင်ငံတစ်ခု၏ ရေတို ကာလ ခရီးတစ်ခုအတွက် အရေးပါသည်။ အထူးသဖြင့် ယင်း နိုင်ငံ၏ ရည်ရွယ်ချက်နှင့် စွမ်းဆောင် နိုင်မှုသည် လိုက်လျောညီထွေ ရှိနေ ၍ ဖြစ်၏။

တတိယအချက်။ ။ အခြားသော နိုင်ငံပိုင် အစိုးရများသည် သူတို့ မမျှော်လင့်မထင်မှတ်ထားသော ဖြစ်ရပ်များနှင့် ကြုံလာရသည့်အခါမျိုး၌ မည်သို့ဖြစ်ကြသနည်း။ မည်သို့ဖြေ ရှင်းကြသနည်းဆိုသည်ကိုလည်း သိရှိ ထားရန်လိုသည်။

မဟာအင်အားကြီးနိုင်ငံ တစ်ခုသည် မည်သို့ လုပ်ဆောင်မှုများ ပြုလုပ်နေသည်ကို သိထားနားလည် ထားရန်မှာ အလွန်အရေးကြီးသော ကိစ္စတစ်ခုဟု ဆိုရမည်ဖြစ်သည်။

အမေရိကန်နိုင်ငံသည် ကမ္ဘာပေါ်၌ အင်အားအကြီးဆုံးနိုင်ငံဖြစ်၏။

ယင်းအချက် တစ်ခုတည်းနှင့်ပင် ကမ္ဘာပေါ်ရှိ နိုင်ငံအားလုံးက မည်သို့သော အချက်များသည် အဓိက ကျသည်။ ယင်းကိစ္စမျိုးကို မည်သို့ ဖြေရှင်းသနည်း ဆိုသည်ကို သိထား လိုကြသည်။

အမရိကန်နိုင်ငံ လုပ်ဆောင်မှုကို သိရှိသွားသည်နှင့် မိမိတို့၏ လုပ်ငန်း ဆောင်တာများ၌ မည်သည့်အချက် ကို အဓိကအဖြစ်ထားရမည်။ မည်သည့်မူဝါဒကို ပြောင်းလဲပစ်ရမည်။ စသည်ဖြင့်သိထားဖို့လိုသည်။ သို့မှသာ အခက်အခဲများ ပြဿနာများ၊ ပဋိပက္ခများမှ ရှောင်ရှားနိုင်မည်။

ဤအချက်များသည် ကြောင်းကျိုးလည်း ညီညွတ်သည်။ နိုင်ငံတစ် ခုအတွက် အဓိက အခြေခံ အချက် များလည်းဖြစ်သည်ဟု အဆိုပါအဖွဲ့ ကတင်ပြထားသည်။
ဘဝပျောက်ရသူ သူလျှိုတစ်ဦး

ပီရူး၊ စပိန်၊ ဥရုဂွေးနှင့် အမေရိ ကန်နိုင်ငံမှ သတင်းသမားများစု ပေါင်းရေးသားထားသော သတင်း ဆောင်းပါးတစ်ပုဒ် ထွက်လာခဲ့သည်။ ရုရှားသူလျှိုတစ်ဦး ဘဝပျောက်ရ သည့်အဖြစ်မှာ ရင်နင့်စရာဖြစ်၏၊

စစ်အေးကာလ တစ်လျှောက် ၃၄ နှစ်ကြာ ကမ္ဘာ့တိုက်ကြီးနှစ်ခု၌ တစ်ခုတည်းသော နာမည်အတုဖြင့် အရေခြုံကာ သူလျှိုတစ်ဦးအဖြစ် တာဝန်ထမ်းဆောင်ခဲ့သူ မီခေးဗာဆင် ကော့ဗ် – Mikhail Vasenkov ဖြစ် သည်။ အမည်အရင်းမှာ Juan Lazaro ဖြစ်သည်။ ပီရူးနိုင်ငံသား ဖြစ်သည်။ အစစ်အမှန်မှာ ကာရာ တေး ခါးပတ်နက် ရထားသည်။ သတင်းဓာတ်ပုံဆရာဖြစ်သည်။ရုပ် သံမှသတင်းထောက် အမျိုးသမီးတစ် ဦးနှင့်အိမ်ထောင်ကျသည်။ သူတို့နှစ် ဦး နယူးယောက်သို့ ပြောင်းရွှေ့လာ သည်။

အမေရိကန် အသိုင်းအဝိုင်းတွင်မူ Juan Lazaro PhD သည် နိုင်ငံရေး သိပ္ပံဘာသာရပ် တွဲဖက်ပါမောက္ခ ဖြစ်နေသည်။ ရပ်ကွက်အတွင်း၌ စန္ဒရား ပညာရှင် ဂျွန်လာဇရို၏ ချစ်လှစွာသော ဖခင်အဖြစ် လူသိများသည်။

လွန်ခဲ့သည့် ဇွန်လအထိ မည်သူကမျှ သူ့ကို သံသယမရှိကြ။ FBI က ဖမ်းမိချိန်တွင် သူသည် မီခေးဗာဆင် ကော့ဖြစ်သည်။ သူသည်ရုရှား သူလျှို ဖြစ်သည်ဆိုကာ သတင်းထုတ်ပြန် ခဲ့သည်။

ရုရှားဝန်ကြီးချုပ် ဗလာဒီမြာ ပူတင်က အမေရိကန်မှ နှင်ထုတ်ခံ ရသည့် အမျိုးသားအေးဂျင့် ဆယ်ဦး နှင့် အမျိုးသမီးတစ်ဦးတို့ကို မျိုးချစ် များအဖြစ် ကြိုဆိုသည်။ အမိနိုင်ငံ ၌ သူတို့၏ အနာဂတ်သည် အဆင် ပြေစေရမည်ဟု ဆိုခဲ့သည်။

မီခေးကမူ ယင်းဖြစ်ရပ်အတွက် ကျေးဇူးမတင်မိ။ သူလျှိုဘဝဖြင့် သူ့ကိုယ်သူ တစ်ပတ်ရိုက် ခံထားသကဲ့သို့အဖြစ်မျိုးကို မခံလို။ ဂျွန်လာဇရို ဘဝကို ပြန်ရလိုသည်။
ဤနေရာ၌ ပြဿနာ တစ်ခု ပေါ်လာခဲ့ရတော့သည်။ မီခေးပြန်လည် ရယူလိုပါသည်ဟု ဆိုနေသော ဂျွန်လာဇရိုဆိုသူ ဥရုဂွေး နိုင်ငံသားသည် လွန်ခဲ့သည့် ၆၃ နှစ်၊ သုံးနှစ်သား အရွယ်ကတည်းက သေဆုံးခဲ့ ပြီးဖြစ်ကြောင်း ဖော်ထုတ်တွေ့ရှိခဲ့သည်။ သူလျှိုတို့၏ လုပ်ထုံးလုပ်နည်းအတိုင်း သေဆုံးသူတစ်ဦး၏ ဖွားသေစာရင်းကို ယူကာ အတုပြုလုပ်ထားခြင်းဖြစ်နိုင်သည်။

သူတို့ ဇနီးမောင်နှံနှစ်ဦးက သူတို့သည် ပီရူးနိုင်ငံသို့သာ ပြန်သွားလိုသည်။ ပီရုးနိုင်ငံကူး လက်မှတ်ကိုင်ဆောင်ကာ သူတို့သည် လာဇရိုမိသားစု အဖြစ်သာ ခံယူလိုကြသည်။

လာဇရိုကသူသည် ရုရှားမှ လာသူမဟုတ်။ ရုရှားလူမျိုးလည်း မဟုတ်။ ရုရှား စကားလည်း မပြောတတ်။ သူနှင့် သူ့ဇနီးသည် ပီရူး နိုင်ငံသို့သာ သွားလိုသည်။ အမေရိ ကန်ရှိ သူ့ရှေ့နေ ကလာဇရို၏ အဖြစ်အပျက်ကို ပြောပြနေသော်လည်း ရှေ့နေကိုယ်တိုင်က လာဇရိုအစစ်မှာ သေဆုံးသွားခဲ့ပြီဖြစ်ကြောင်း မသိရှိသေးပေဟု သတင်းသမားများက ဖော်ပြကြသည်။

လာဇရို၏ ဘဝ ဖြစ်ရပ်ကမူ တစ်မူထူးခြားနေပါ၏။ သူ့ဘဝ အစစ်အမှန်ကို ရှာမရသည့်အထိ ဆန်း ကြယ်နေသည်။

လာဇရို ကိုင်ဆောင်ထားသော စာရွက်စာတမ်းများ၊ မှတ်တမ်းများကလည်း အပြည့်အစုံပင်။

၁၉၇၆ ခု၊ မတ်လ ၁၃ ရက်နေ့ နှုတ်ခမ်းမွေး ကောက်ကောက်နှင့် လူတစ်ယောက်သည် စပိန်နိုင်ငံ မက်ဒရစ်မြို့မှ ပီရူးနိုင်ငံ၊ လီမာမြို့သို့ လေယာဉ်နှင့် ရောက်လာသည်။ သူ့လက်ဝယ်၌ ဥရုဂွေး နိုင်ငံကူးလက်မှတ် ကိုင်ဆောင်ထားသည်။ အမည်မှာ Juan Jose Lazaro Fuentes ဖြစ်ပြီး ဂျွန်လာဇရိုဟု ခေါ်ကြသည်။

သူ့လက်ထဲ၌ ပါလာသော စာတစ်စောင်မှာ စပိန်ဆေးရွက်ကြီး ကုမ္ပဏီ တစ်ခုက ဈေးကွက် ရှာဖွေရေးအတွက် သူ့ကိုငှားရမ်းကာ ပီရူးနိုင်ငံသို့ လွှတ်လိုက်ခြင်း ဖြစ်သည်။ ယင်းအထောက်အထားမှာ ပီရူးပြည်ထဲရေး ဝန်ကြီးဌာန မှတ်တမ်းတွင် အခိုင်အမာ ရှိနေသည်။ ထိုနိုင်ငံ၌ သူကနိုင်ငံသားအဖြစ် လျှောက်ထားခဲ့သည်။

၁၉၈၁ ခုနှစ်က လာဇရိုနှင့် ပီရူး သမ္မတတို့ အတူတွဲ ရိုက်ထားသည့် ဓာတ်ပုံတစ်ခု အထင်ကရ ရှိနေသည်။ ထိုပုံ၌ လာဇရိုက သမ္မတအနီး၌ ကင်မရာ ကိုင်လျက် ရပ်နေပုံကို တွေ့ရသည်။

နောက်နှစ်နှစ်အကြာ၌ သူသည် ၁၉၄၃ ခုနှစ်တွင် မွေးဖွားသည့် မွေးစာရင်းနှင့်အတူ နိုင်ငံသားအဖြစ် လျှောက်လွှာတင်ခဲ့သည်။ စာလည်း တစ်စောင်ပါသေးသည်။ လာဇရိုသည် ဥရုဂွေး နိုင်ငံတွင် အသက် ခုနစ်နှစ် အထိ နေခဲ့ပြီး စပိန်နိုင်ငံသို့ သွားကာ ပညာသင်ရင်း အလုပ်လုပ်ခဲ့သည် ဆို၏။

သို့သော် လာဇရို၏ စပိန်စကားသံမှာ ဆလပ်ဗစ် Slavic အသံဝဲလွန်း နေသည်။ ၁၉၇၉ ခုနှစ်၌ သူသည် တရားဝင် ပီရူးနိုင်ငံသား ဖြစ်ခဲ့သည်။

၁၉၈၃ ခုနှစ်၌ မစ္စပီလေ Ms Pelaez နှင့်လက်ထပ်သည်။ နှစ်နှစ် အကြာ၌ နယူးယောက်သို့ ရွှေ့လာကြသည်။ ဇနီးဘက်က ပါလာသည့် သားကို သူ့သားအရင်းလို ချစ်သည်။ ဇနီးသည်က စပိန်ဘာသာနှင့် ထုတ် ဝေသော El Diario သတင်းစာ၌ ဆောင်းပါးရှင်ဖြစ်သည်။

လာဇရိုသည် ရုရှားနိုင်ငံသို့ ရောက်မှသာ သူ့အမည်မှာ ဗာဆင်ကော့ ဖြစ်နေမှန်း သိသည်။

သူ့ဇာတ်လမ်းအရ ဗာဆင်ကော့ ဆိုသူမှာ မည်သူလဲဆိုသော မေးခွန်းတစ်ခု ပေါ်လာနေပြန်သည်။

KGB အရာရှိဟောင်းတို့ကမူ လာဇရိုဆိုသည့် အမည်ကလည်း အစစ်အမှန်ဟုတ်ကောင်းမှ ဟုတ်မည် ဆိုသည်။

KGB ၏ မှတ်တမ်းဖိုင်များ၌လည်း ဗာဆင်ကော့အမည်နှင့် သူလျှို အေးဂျင့်တစ်ဦး တစ်ယောက်မျှ မရှိ။

ထိုအခါ အမေရိကန်၌ တာဝန် ကျပြီး KGB တာဝန်ခံအဖြစ်ဆောင် ရွက်ခဲ့သူ ဗိုလ်ချုပ်ကြီးဟောင်း Oleg Kalugin က ”ဒီလိုလူတွေမှာ နာမည် တွေ အများအပြား ရှိတတ်ကြပါ တယ်”ဟုသာ ဝါးတားတားကောက် ချက်ချပါ၏။

စပိန်နိုင်ငံ၊ မက်ဒရစ်ရှိ ဆေး ရွက်ကြီးကုမ္ပဏီကလည်း ပီရူးနိုင်ငံ သို့ သူ့ကုမ္ပဏီက စေလွှတ်သည့် ဂျွန် လာဇရို အမည်နှင့် ပုဂ္ဂိုလ်တစ်ဦး တစ်ယောက်မျှ မရှိဟုဆိုသည်။
ဂျွန်လာဇရိုဆိုသူကလည်း သေ ဆုံးသည်မှာ လွန်ခဲ့သည့် ၆၃ နှစ်က ဖြစ်သည်။

ဗာဆင်ကော့ အမည်ရှိ သူလျှို အဖြစ်နှင့်လည်း KGB မှတ်တမ်း၌မရှိ။ သို့ဖြစ်၍ လာဇရိုအစစ်သည် မည်သူ နည်းဟု သူကိုယ်သူမေးရန်သာရှိတော့၏၊

နိဂုံး
သတင်းထောက်လှမ်းခြင်းနှင့် သူလျှိုလုပ်ငန်းများ၊ သူလျှိုဆိုသူများသည် လာရာလမ်းကလည်း ဝိုးတဝါး။ လက်ရှိ လျှောက်နေသော လမ်းကလည်း မပီမပြင်။ အနာဂတ်ဆိုသည် ကိုကား မှန်းဆ၍ပင် မရနိုင်။

မိမိကိုယ်မိမိပင် မည်သူမှန်း မသိ။

သို့သော် ထောက်လှမ်းရေး ကွန်ရက်ကြီးကမူ ဆက်လက်ရှင်သန်နေ ဦးမည်သာ…။

Source: AP/ AFP/ Renters/ CNN/ Atlanticl

စိုးမင်းဦး